← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܘܗܠܝܢ ܕܝܢ̈ܐ ܕܬܣܝܡ ܩܕܡܝܗܘܢ܂
21:02 [ai]ܟܕ ܬܙܒܢ ܥܒܼܕܐ ܝܗܘܕܝܐ܂ ܫܬ ܫ̈ܢܝܢ ܢܦܠܚܟ܂ ܘܒܕܫܒܥ ܢܦܘܩ ܒܪ ܚܐܪ̈ܐ \ܡܢ ܠܘܬܟ /ܡܓܢ#3#/܂
21:03 [ai]ܘܐܢ ܒܠܚܘܕܘܗܝ ܢܥܘܠ ܒܠܚܘܕܘܗܝ ܢܦܘܩ܂ ܘܐܢ ܒܥܠ ܐܢܬܬܐ ܗܘ܂ ܬܦܘܩ ܐܢܬܬܗ ܥܡܗ܂
21:04 [ai]ܘܐܢ ܡܪܗ ܢܬܠ ܠܗ ܐܢܬܬܐ ܘܬܐܠܕ ܠܗ ܒܢ̈ܝܐ ܘܒܢ̈ܬܐ/ܐܘ ܒܢ̈ܬܐ#3#/܂ ܐܢܬܬܐ ܘܒܢ̈ܝܗܿ ܬܗܘܐ ܕܡܪܗ܂ ܘܗܼܘ ܢܦܘܩ ܒܠܚܘܕܘܗܝ܂
21:05 [ai]ܘܐܢ ܢܐܡܪ ܥܒܼܕܐ ܕܪܚܡ ܐܢܐ ܠܡܪܝ܂ ܘܠܐܢܬܬܝ ܘܠܒ̈ܢܝ܂ ܠܐ ܢܦܩܿ ܐܢܐ ܒܪ ܚܐܪ̈ܐ܂
21:06 [ai]ܢܩܪܒܝܘܗܝ ܡܪܗ ܠܘܬ ܕܝܢ̈ܐ܂ ܘܢܩܪܒܝܘܗܝ ܠܘܬ ܬܪܥܐ ܐܘ ܠܘܬ ܐܣܟܘܦܬܐ܂ ܘܢܩܘܒ ܡܪܗ ܐܕܢܗ ܒܡܩܒܐ܂ ܘܢܗܘܐ ܠܗ ܥܒܼܕ ܦܠܚ ܠܥܠܡ܂
21:07 [ai]ܘܟܕ ܢܙܒܿܢ ܓܒܪܐ ܒܪܬܗ ܠܐܡܬܐ܂ ܠܐ ܬܦܘܩ ܐܝܟ ܕܢܦܩܝܢ ܥܒܼ̈ܕܐ܂
21:08 [ai]ܐܢ ܣܢܝܐ ܗܝ ܒܥܝܢ̈ܝ ܡܪܗܿ ܕܠܐ ܢܣܒܝܗܿ܂ ܢܦܼܪܩܝܗܿ܂ ܠܥܡ ܢܘܟܪܝ ܠܐ ܫܠܝܛ ܠܗ ܠܡܙܒܢܘܬܗܿ܂ ܡܛܠ ܕܕܓܿܠ ܒܗܿ܂
21:09 [ai]ܘܐܢ ܠܒܪܗ ܢܣܒܝܗܿ܂ ܐܝܟ ܢܡܘܣܐ ܕܡܬܥܒܕ ܠܒܢ̈ܬܐ ܢܥܒܕ ܠܗܿ܂
21:10 [ai]ܘܐܢ ܐܚܪܬܐ ܢܣܼܿܒ ܠܗ܂ ܬܘܪܣܝܗܿ ܘܠܒܘܫܗܿ ܘܡܫܟܒܗܿ ܠܐ ܢܒܿܨܪ܂
21:11 [ai]ܘܐܢ ܗܠܝܢ ܬܠܬ ܠܐ ܢܥܒܕ ܠܗܿ܂ ܬܦܘܩ ܡܓܢ ܕܠܐ ܟܣܦ܂
21:12 [ai]ܕܢܡܚܼܐ ܠܓܒܪܐ ܘܢܡܘܬ ܡܬܩܛܠܘ ܢܬܩܛܠ܂
21:13 [ai]ܘܕܠܐ ܟܡܢ ܠܗ ܘܐܠܗܐ ܐܫܠܡܗ ܒܐܝܕܗ܂ ܥܒܼܕ ܠܟ ܐܬܪܐ ܕܢܥܪܘܩ ܠܬܡܢ܂
21:14 [ai]ܘܐܢ/ܘܟܕ#3#/ ܢܡܪܚ ܓܒܪܐ ܥܠ ܚܒܪܗ܂ ܘܢܩܛܠܝܘܗܝ ܒܢܟܠܐ܂ ܡܢ ܠܘܬ ܡܕܒܚܝ ܕܒܪܝܗܝ ܠܡܩܛܠܗ܂
21:15 [ai]ܕܢܡܚܐ ܠܐܒܘܗܝ ܘܠܐܡܗ ܡܬܩܛܠܘ ܢܬܩܛܠ܂
21:16 [ai]ܕܢܓܢܘܒ ܢܦܫܐ ܘܢܙܒܢܝܗܿ ܘܬܫܬܟܚ ܒܐܝܕܗ ܡܬܩܛܠܘ ܢܬܩܛܠ܂
21:17 [ai]ܕܢܨܿܚܐ ܠܐܒܘܗܝ ܘܠܐܡܗܼ ܡܬܩܼܛܠܘ ܢܬܩܼܛܠ܂
21:18 [ai]ܘܟܕ ܢܨܘܢ ܬܪ̈ܝܢ ܓܒܪ̈ܝܢ܂ ܘܢܡܼܚܐ ܓܒܪܐ ܠܚܒܪܗ ܒܟܐܦܐ ܐܘ ܒܩܛܝܪܐ/ܒܚܘܛܪܐ#3#/ ܘܠܐ ܢܡܘܬ܂ ܘܢܦܼܠ ܠܡܪܥܐ܂
21:19 [ai]ܐܢ ܢܩܘܡ ܘܢܗܠܟ ܒܫܘܩܐ ܥܠ ܚܘܛܪܗ܂ ܢܙܟܼܐ ܡܿܢ ܕܡܚܝܗܝ܂ ܒܠܚܘܕ ܒܛܠܢܗ ܘܐܓܪ ܐܣܝܐ ܢܬܠ܂
21:20 [ai]ܘܟܕ/ܘܐܢ#3#/ ܢܡܚܐ ܓܒܪܐ ܠܥܼܒܕܗ/ܠܚܒܪܗ#3#/ ܐܘ ܠܐܡܬܗ ܒܚܘܛܪܐ ܘܢܡܘܬ ܬܚܝܬ ܐܝܕܗ܂ ܡܬܕܢܘ ܢܬܕܝܢ܂
21:21 [ai]ܒܪܡ ܕܝܢ ܐܢ ܚܕ ܝܘܡ ܐܘ ܬܪ̈ܝܢ ܝܘܡ̈ܝܢ ܢܚܐ ܠܐ ܢܬܕܝܢ܂ ܡܛܠ ܕܟܣܦܗ ܗܘ܂
21:22 [ai]ܘܟܕ ܢܨܘܢ ܬܪ̈ܝܢ ܓܒܪ̈ܝܢ ܘܢܡܚܘܢ ܐܢܬܬܐ/ܠܐܢܬܬܐ#3#/ ܕܒܛܢܐ܂ ܘܢܦܩܘܢ ܥܘܠܗܿ܂ ܘܠܐ ܢܗܘܐ ܩܐܪܣܐ܂ \ܡܬܚܣܪܘ ܢܬܚܣܪ /ܡܬܚܪܘܪܘ ܢܬܚܪܪ#3#/ ܐܝܟ ܕܪܡܿܐ ܥܠܘܗܝ ܒܥܠܗܿ ܕܐܢܬܬܐ܂ ܘܢܬܠ ܐܝܟ ܕܦܣܩܝܢ ܕܝܢ̈ܐ܂
21:23 [ai]ܘܐܢ ܩܐܪܣܐ ܗܘ܂ ܢܬܠ ܢܦܫܐ ܚܠܦ ܢܦܫܐ܂
21:24 [ai]ܥܝܢܐ ܚܠܦ ܥܝܢܐ܂ ܫܢܐ ܚܠܦ ܫܢܐ܂ ܐܝܕܐ ܚܠܦ ܐܝܕܐ܂ ܪܓܠܐ ܚܠܦ ܪܓܠܐ܂
21:25 [ai]ܟܿܘܝܐ ܚܠܦ ܟܘܝܐ܂ ܨܘܠܦܬܐ ܚܠܦ ܨܘܠܦܬܐ܂ ܦܟܐ ܚܠܦ ܦܟܐ܂
21:26 [ai]ܘܟܕ ܢܡܚܼܐ ܓܒܪܐ ܠܥܝܢܐ ܕܥܒܕܗ ܐܘ ܠܥܝܢܐ ܕܐܡܬܗ ܘܢܣܪܚܝܗܿ܂ ܒܪ ܚܐܪ̈ܐ ܢܫܒܩܝܘܗܝ ܚܠܦ ܥܝܢܗ܂
21:27 [ai]ܘܐܢ ܫܢܐ ܕܥܒܕܗ ܐܘ ܫܢܐ ܕܐܡܬܗ ܢܪܡܐ܂ ܒܪ ܚܐܪ̈ܐ ܢܫܒܩܝܘܗܝ ܚܠܦ ܫܢܗ܂
21:28 [ai]ܘܟܕ ܢܕܩܘܪ ܬܘܪܐ ܠܓܒܪܐ ܐܘ ܠܐܢܬܬܐ ܘܢܡܘܬ܂ ܡܬܪܓܡܘ ܢܬܪܓܡ ܬܘܪܐ܂ ܘܠܐ ܢܬܐܟܠ ܒܣܪܗ܂ ܘܡܪܗ ܕܬܘܪܐ ܢܗܘܐ ܙܟܝ܂
21:29 [ai]ܘܐܢ ܬܘܪܐ ܥܓܘܫܐ ܗܘܐ ܡܢ ܐܬܡܠܝ/ܕܐܬܡܠܝ#3#/ ܘܡܢ ܕܩܕܡܘܗܝ܂ ܘܐܣܗܕܘ ܒܡܪܗ ܘܠܐ ܢܛܪܗ܂ ܘܢܩܛܘܠ ܠܓܒܪܐ ܐܘ ܠܐܢܬܬܐ܂ ܬܘܪܐ ܢܬܪܓܡ ܘܐܦ ܡܪܗ ܢܬܩܛܠ܂
21:30 [ai]ܘܐܢ ܡܡܘܢܐ ܢܪܡܘܢ ܥܠܘܗܝ܂ ܢܬܠ ܦܘܪܩܢܐ ܕܢܦܫܗ ܟܡܐ ܕܫܐܠܝܢ ܠܗ܂
21:31 [ai]ܘܐܢ ܠܒܪܐ ܐܘ ܠܒܪܬܐ ܢܕܩܘܪ ܬܘܪܐ܂ ܐܝܟ ܕܝܢܼܐ ܗܢܐ ܢܬܥܒܕ ܠܗ܂
21:32 [ai]ܘܐܢ ܠܥܒܼܕܐ ܐܘ ܠܐܡܬܐ ܢܕܩܘܪ ܬܘܪܐ܂ ܬܠܬܝܢ ܐܣܬܝܪ̈ܝܢ ܕܟܣܦܐ ܢܬܠ ܠܡܪܗ܂ ܘܬܘܪܐ ܢܬܪܓܡ܂
21:33 [ai]ܘܟܕ ܢܦܬܚ ܓܒܪܐ ܓܘܒܐ܂ ܐܘ ܢܚܦܘܪ ܓܒܪܐ ܒܪܐ ܘܠܐ ܢܟܣܿܐ ܐܢܘܢ܂ ܘܢܿܦܼܠ ܬܡܿܢ ܬܘܪܐ ܐܘ ܚܡܪܐ܂
21:34 [ai]ܡܪܗ ܕܓܘܒܐ ܢܦܪܘܥ ܟܣܦܐ ܠܡܪ̈ܘܗܝ܂ ܘܡܝܬܐ ܢܗܘܐ ܕܝܠܗ܂
21:35 [ai]ܘܟܕ ܢܕܩܘܪ ܬܘܪܐ ܕܓܒܪܐ ܠܬܘܪܐ \ܕܓܒܪܐ ܚܒܪܗ /ܕܚܒܪܗ#3#/ ܘܢܡܘܬܼ܂ ܢܙܒܢܘܢ ܠܬܘܪܐ ܚܝܿܐ ܘܢܦܠܓܘܢ ܟܣܦܗ܂ ܘܐܦ ܕܡܝܬܐ ܢܦܠܓܘܢ܂
21:36 [ai]ܘܐܢ ܢܬܝܕܥ ܕܬܘܪܐ ܥܓܘܫܐ ܗܘܐ ܡܢ ܐܬܡܠܝ ܘܡܢ ܡܢܬܡܠܝ܂ ܘܠܐ ܢܛܪܗ ܡܪܗ܂ ܢܬܠ ܬܘܪܐ ܚܠܦ ܬܘܪܐ܂ ܘܡܝܬܐ ܢܗܘܐ ܕܝܠܗ܂
21:37 [ai]ܘܟܕ ܢܓܢܘܒ ܓܒܪܐ ܬܘܪܐ ܐܘ ܢܩܝܐ ܘܢܟܘܣ ܐܢܘܢ ܐܘ ܢܙܒܿܢ ܐܢܘܢ܂ ܚܡܫܐ ܬܘܪ̈ܝܢ ܢܬܠ ܚܠܦ ܬܘܪܐ܂ ܘܐܪ̈ܒܥ ܢܩ̈ܘܢ ܢܬܠ ܚܠܦ ܢܩܝܐ܂

next chapter