← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


23:01 [ai]ܠܐ ܬܫܪ ܫܡܥܐ ܟܕܒܐ܂ ܠܐ ܬܘܫܛ ܐܝܕܟ ܥܡ/ܥܠ#3#/ ܚܝܿܒܐ ܠܡܗܘܐ/ܕܬܗܘܐ#3#/ ܠܗ ܣܗܕܐ ܟܕܒܐ܂
23:02 [ai]ܠܐ ܬܗܘܐ ܒܬܪ ܣ̈ܓܝܐܐ ܠܡܒܐܫܘ܂ ܘܠܐ ܬܥܢܼܐ ܥܠ ܕܝܼܢܐ/ܕܝܿܢܐ#3#/ ܠܡܨܠܐ ܒܬܪ ܣ̈ܓܝܐܐ ܕܨܠܝܢ܂
23:03 [ai]ܘܠܡܣܟܢܐ ܠܐ ܬܥܕܪ ܒܕܝܢܗ܂
23:04 [ai]ܘܟܕ ܬܦܓܥ ܒܬܘܪܐ ܕܒܥܠܕܒܒܟ ܐܘ ܒܚܡܪܗ ܟܕ ܛܥܿܝܢ܂ ܡܗܦܟܘ ܐܗܦܟ ܐܢܘܢ ܠܗ܂
23:05 [ai]ܘܟܕ ܬܚܙܐ ܚܡܪܐ ܕܒܥܠܕܒܒܟ ܕܪܒܝܥ ܬܚܝܬ ܛܥܢܗ܂ ܘܒܥܿܐ ܐܢܬ ܕܠܐ ܬܫܩܘܠ ܥܡܗ܂ ܡܫܩܠ ܫܩܘܠ ܥܡܗ܂
23:06 [ai]ܠܐ ܬܨܼܠܐ ܕܝܢܼܐ ܕܡܣܟܢܐ ܒܕܝܢܼܗ܂
23:07 [ai]ܘܡܢ ܡܠܬܐ ܟܕܒܬܐ ܗܘܼܝܬ ܡܿܪܚܩ܂ ܘܙܟܝܐ ܘܙܕܝܩܐ ܠܐ ܬܩܛܘܠ܂ ܡܛܠ ܕܠܐ ܡܙܿܟܐ ܐܢܐ ܠܚܝܿܒܐ܂
23:08 [ai]ܫܘܚܕܐ ܠܐ ܬܣܼܒ܂ ܡܛܠ ܕܫܘܚܕܐ ܡܥܘܪ ܥܝܢ̈ܝܗܘܢ ܕܚܟܝ̈ܡܐ ܒܕܝܢܼܐ܂ ܘܡܗܦܼܟ ܡ̈ܠܝܗܘܢ ܕܙ̈ܟܝܐ܂
23:09 [ai]ܘܠܥܡܘܪ̈ܐ ܠܐ ܬܥܝܩܘܢ܂ ܐܢܬܘܢ ܓܝܪ ܝܕܥܝܢ ܐܢܬܘܢ ܢܦܫܐ ܕܥܡܘܪ̈ܐ܂ ܡܛܠ ܕܥܡܘܪ̈ܐ ܗܘܝܬܘܢ ܒܐܪܥܐ ܕܡܨܪܝܢ܂
23:10 [ai]ܫܬ ܫ̈ܢܝܢ ܬܙܪܘܥ ܐܪܥܟ/ܙܪܥܟ#3#/܂ ܘܬܚܡܘܠ ܥ̈ܠܠܬܗܿ܂
23:11 [ai]ܘܒܫܒܝܥܝܬܐ ܬܟܪܒܝܗܿ ܘܬܫܒܩܝܗܿ܂ ܘܢܐܟܠܘܢ ܡܣ̈ܟܢܐ ܕܥܡܟ܂ ܘܫܪܟܗܘܢ ܬܐܟܘܠ ܚܝܘܬܐ ܕܕܒܪܐ܂ ܘܗܟܢܐ ܬܥܒܕ ܠܟܪ̈ܡܝܟ ܘܠܙܝܬ̈ܝܟ܂
23:12 [ai]ܫܬܐ ܝܘܡ̈ܝܢ ܬܥܿܒܕ ܥܒܿܕܟ܂ ܘܒܝܘܡܐ ܫܒܝܥܝܐ ܬܬܢܝܚ܂ ܡܛܠ ܕܢܬܢܝܚ ܬܘܪܟ ܘܚܡܪܟ܂ ܘܢܬܬܢܝܚ ܒܪ ܐܡܬܟ ܘܥܡܘܪܐ ܕܒܩܘܪ̈ܝܟ܂
23:13 [ai]ܘܟܠ ܡܕܡ ܕܐܡܿܪܬ ܠܟܘܢ ܬܙܕܗܪܘܢ܂ ܘܫܡ ܕܚ̈ܠܬܐ ܐܚܪ̈ܢܝܬܐ܂ ܠܐ ܬܬܕܟܪܘܢ ܘܠܐ ܢܣܩܢ ܥܠ ܠܒܟܘܢ܂
23:14 [ai]ܬܠܬ ܙܒ̈ܢܝܢ ܥܿܒܕܘ ܠܝ ܥܕܥܐܕܐ ܒܫܢܬܐ܂
23:15 [ai]ܥܕܥܐܕܐ ܕܦܛܝܪ̈ܐ ܬܛܪ܂ ܫܒܥܐ ܝܘܡ̈ܝܢ ܦܛܝܪܐ ܬܐܟܘܠ܂ ܐܝܟ ܕܦܩܕܬܟ ܒܝܪܚܐ ܕܗܒ̈ܒܐ܂ ܡܛܠ ܕܒܝܪܚܐ ܕܗܒ̈ܒܐ ܢܦܩܬܘܢ ܡܢ ܡܨܪܝܢ܂ ܘܠܐ ܬܬܚܙܘܢ ܩܕܡܝ ܣܪܝܩܐܝܬ܂
23:16 [ai]ܘܥܕܥܐܕܐ ܕܚܨܕܐ܂ ܪܝܫ ܥܒܘܪܟܘܢ ܕܬܙܪܥܘܢ ܒܚܩܠܐ/ܒܐܪܥܐ#3#/܂ ܘܥܕܥܐܕܐ ܕܚܡܿܠܐ ܒܡܦܩܗܿ ܕܫܢܬܐ܂ ܡܐ ܕܟܢܫ ܐܢܬ ܥ̈ܠܠܬܟ ܡܢ ܚܩܠܐ܂
23:17 [ai]ܬܠܬ ܙܒ̈ܢܝܢ ܒܫܢܬܐ ܢܬܚܙܐ ܟܠ ܕܘܟܪܢܟ ܩܕܡ ܡܪܝܐ ܐܠܗܟ܂
23:18 [ai]ܠܐ ܬܕܒܚ ܥܠ ܚܿܡܝܥܐ ܕܡܐ ܕܕܒܚܬܐ܂ ܘܠܐ ܢܒܘܬ ܬܪܒܐ ܕܥܕܥܐܕܐ ܥܕܡܐ ܠܨܦܪܐ܂
23:19 [ai]ܪܝܫ ܥ̈ܠܠܬܗܿ ܕܐܪܥܟ܂ ܬܝܬܐ ܠܒܝܬܗ ܕܡܪܝܐ ܐܠܗܟ܂ ܠܐ ܬܒܫܠ ܓܕܝܐ ܒܚܠܒܐ ܕܐܡܗ܂
23:20 [ai]ܗܐ ܡܫܕܪ ܐܢܐ ܡܠܐܟܐ ܩܕܡܝܟ܂ ܕܢܢܛܪܟ ܒܐܘܪܚܐ ܘܕܢܥܠܟ ܠܐܪܥܐ ܕܬܩܿܢܬ܂
23:21 [ai]ܐܙܕܗܪ ܡܢܗ ܘܫܡܥܼ ܒܩܠܗ܂ ܠܐ ܬܬܚܪܐ ܠܩܘܒܠܗ܂ ܕܠܡܐ ܠܐ ܢܫܒܘܩ ܠܚ̈ܘܒܝܟܘܢ܂ ܡܛܠ ܕܫܡܝ ܥܠܘܗܝ܂
23:22 [ai]ܘܐܢ ܡܫܡܥ ܬܫܡܥ ܒܩܠܗ܂ ܘܬܥܒܕ ܟܠܡܕܡ ܕܐܡܿܪ ‍<‍ܐܢܐ#3#‍>‍ ܠܟ܂ ܐܣܢܐ ܠܣ̈ܢܐܝܟ ܘܐܥܝܩ ܠܒ̈ܥܠܕܒܒܝܟ܂
23:23 [ai]ܡܛܠ ܕܢܐܙܠ ܡܠܐܟܝ ܩܕܡܝܟ܂ ܘܢܥܠܟ ܥܠ ܐܡܘܪ̈ܝܐ ܘܚ̈ܬܝܐ܂ ܘܦܪ̈ܙܝܐ ܘܟܢ̈ܥܢܝܐ ܘܚ̈ܘܝܐ ܘܝܒܘ̈ܣܝܐ܂ ܘܐܚܪܘܒ ܐܢܘܢ܂
23:24 [ai]ܠܐ ܬܣܓܘܕ ܠܐ̈ܠܗܝܗܘܢ ܘܠܐ ܬܦܠܘܚ ܐܢܘܢ܂ ܘܠܐ ܬܥܒܕ ܐܝܟ ܥ̈ܒܿܕܝܗܘܢ܂ ܐܠܐ ܡܣܿܚܦܘ ܣܿܚܦ ܐܢܘܢ܂ ܘܡܬܒܿܪܘ ܬܒܿܪ ܩܝ̈ܡܬܗܘܢ܂
23:25 [ai]ܘܬܦܠܚܘܢ ܠܡܪܝܐ ܐܠܗܟܘܢ܂ ܘܢܒܪܟ ܠܚܡܟܘܢ ܘܡ̈ܝܟܘܢ܂ ܘܢܥܒܪ ܡܚ̈ܘܬܐ ܡܢ ܒܬ̈ܝܟܘܢ܂
23:26 [ai]ܘܠܐ ܬܗܘܐ ܕܡܓܙܝܐ ܘܕܥܩܪܐ ܒܐܪܥܟܘܢ܂ ܘܡܢܝܢ ܝܘܡ̈ܬܟܘܢ ܐܫܿܠܡ܂
23:27 [ai]ܘܕܚܠܬܝ ܐܫܕܪ ܩܕܡܝܟ܂ ܘܐܚܪܘܒ ܠܟܠ ܥܡ̈ܡܐ ܕܬܐܙܠ ܥܠܝܗܘܢ܂ ܘܐܬܠ ܠܒ̈ܥܠܕܒܒܝܟ ܕܢܿܦܢܘܢ ܩܕܠܗܘܢ ܩܕܡܝܟ܂
23:28 [ai]ܘܐܫܕܪ ܕܒܘܪ̈ܝܬܐ ܩܕܡܝܟ܂ ܘܐܚܪܘܒ ܠܟܢ̈ܥܢܝܐ ܘܠܚ̈ܬܝܐ ܡܢ ܩܕܡܝܟ܂
23:29 [ai]ܠܐ ܐܚܪܘܒ ܐܢܘܢ ܡܢ ܩܕܡܝܟ܂ ܒܫܢܬܐ ܚܕܐ܂ ܕܠܐ ܬܗܘܐ ܐܪܥܐ ܚܪܒܐ܂ ܘܬܣܓܐ ܥܠܝܟ ܚܝܘܬ ܒܪܐ܂
23:30 [ai]ܒܩܠܝܠ ܩܠܝܠ ܐܚܪܘܒ ܐܢܘܢ ܡܢ ܩܕܡܝܟ܂ ܥܕܡܐ ܕܬܬܼܩܦ ܘܬܐܪܬ ܐܪܥܐ܂
23:31 [ai]ܘܐܥܿܒܕ ܬܚܘܡܟ ܡܢ ܝܡܐ ܕܣܘܦ܂ ܘܥܕܡܐ ܠܝܡܐ ܕܦܠܫ̈ܬܝܐ܂ ܘܡܢ ܡܕܒܪܐ ܘܥܕܡܐ ܠܢܗܪܐ܂ ܡܛܠ ܕܡܿܫܼܠܡ ܐܢܐ ܒܐ̈ܝܕܝܟܘܢ ܝܬ̈ܒܝ ܐܪܥܐ܂ ܘܬܚܪܒܘܢ ܐܢܘܢ ‍<‍ܡܢ ܩܕܡܝܟ#3#‍>‍܂
23:32 [ai]ܠܐ ܬܩܝܡ ܠܗܘܢ ܘܠܕܚ̈ܠܬܗܘܢ ܩܝܿܡܐ܂
23:33 [ai]ܘܠܐ ܢܬܒܘܢ ܒܐܪܥܟ܂ ܕܠܡܐ ܢܚܛܘܢܟ ܩܕܡܝ܂ ܘܠܐ ܬܦܠܘܚ ܠܐ̈ܠܗܝܗܘܢ܂ ܕܠܐ/ܕܠܡܐ#3#/ ܢܗܘܘܢ ܠܟ ܬܘܩܠܬܐ/ܠܬܘܩܠܬܐ#3#/܂

next chapter