The Comprehensive Aramaic Lexicon

24:01 [ai]	ܘܠܡܘܫܐ ܐܡܼܪ܂ ܣܩ ܠܘܬ ܡܪܝܐ ܐܢܬ ܘܐܗܪܘܢ ܘܢܕܒ ܘܐܒܝܗܘ܂ ܘܫܒܥܝܢ ܓܒܪ̈ܝܢ ܡܢ ‍<‍ܒܢ̈ܝ#3#‍>‍ ܣܒ̈ܐ ܕܐܝܣܪܐܝܠ܂ ܘܬܼܣܓܕܘܢ ܡܢ ܪܘܚܩܐ܂
24:02 [ai]	ܘܢܩܪܘܒ ܡܘܫܐ ܒܠܚܘܕܘܗܝ ܩܕܡ ܡܪܝܐ܂ ܘܗܼܢܘܢ ܠܐ ܢܩܪܒܘܢ ܘܥܡܐ ܠܐ ܢܣܩܘܢ ܥܡܗ܂
24:03 [ai]	ܘܐܬܐ ܡܘܫܐ܂ ܘܐܫܬܥܝ ܠܥܡܐ ܟܠܗܘܢ ܦܬ̈ܓܡܘܗܝ ܕܡܪܝܐ܂ ܘܟܠܗܘܢ ܕܝܢܼ̈ܐ܂ ܘܩܥܼܐ ܟܠܗ ܥܡܐ ܒܩܠܐ ܚܕ ܘܐܡܪܘ܂ ܟܠܡܕܡ/ܟܠܗܘܢ ܦ̈ܬܓܡܐ#3#/ ܕܐܡܿܪ ܡܪܝܐ ܢܥܒܕ܂
24:04 [ai]	ܘܟܬܼܒ ܡܘܫܐ ܟܠܗܘܢ ܦܬܓܡ̈ܘܗܝ ܕܡܪܝܐ܂ ܘܩܿܕܡ ܒܨܦܪܐ܂ ܘܒܢܼܐ ܡܕܒܚܐ \ܒܫ̈ܦܘܠܝ ܛܘܪܐ /ܒܫ̈ܦܘܠܘܗܝ ܕܛܘܪܐ#3#/܂ ܘܬܪܬܥܣܪ̈ܐ ܩܝ̈ܡܬܐ ܠܬܪܥܣܪ ܫ̈ܒܛܐ ܕܐܝܣܪܝܠ܂
24:05 [ai]	ܘܫܕܪ ܠܥܠܝܡ̈ܐ ܕܒܢܝ ܐܝܣܪܝܠ܂ ܘܐܣܩܘ ܝܩ̈ܕܐ ܫ̈ܠܡܐ ܘܕܒܿܚܘ ܕܒܚ̈ܐ ܫ̈ܠܡܐ ܬܘܪ̈ܐ ܠܡܪܝܐ܂
24:06 [ai]	ܘܢܣܒܼ ܡܘܫܐ ܦܠܓܗ ܕܕܡܐ ܘܐܪܡܝ ܒܠܩܢܐ܂ ܘܦܠܓܗ ܕܕܡܐ ܐܫܼܕ ܥܠ ܡܕܒܚܐ܂
24:07 [ai]	ܘܢܣܒܼ ܣܦܪܐ ܕܩܝܡܐ܂ ܘܩܼܪܐ ܩܕܡ ܥܡܐ ܘܐܡܪܘ܂ ܟܠ ܡܕܡ ܕܐܡܿܪ ܡܪܝܐ ܢܫܡܥ ܘܢܥܒܕ܂
24:08 [ai]	ܘܢܣܼܒ ܡܘܫܐ ܕܡܐ ܘܪܙܦ/ܘܐܪܙܦ#3#/ܘܪܣ#3#/ ܥܠ ܥܡܐ ܘܐܡܼܪ܂ ܗܢܘ/ܗܢܐ#3#/ ܕܡܐ ܕܩܝܿܡܐ ܕܐܩܝܡ ܡܪܝܐ ܥܡܟܘܢ܂ ܥܠ ܟܠܗܘܢ ܦܬ̈ܓܡܐ ܗܠܝܢ܂
24:09 [ai]	ܘܣܠܼܩ ܡܘܫܐ ܘܐܗܪܘܢ܂ ܘܢܕܒ ܘܐܒܝܗܘ܂ ܘܫܒܥܝܢ ‍<‍ܓܒܪ̈ܝܢ#3#‍>‍ ܡܢ ܣܒ̈ܐ ܕܐܝܣܪܝܠ܂
24:10 [ai]	ܘܚܙܘ ܠܐܠܗܐ ܕܐܝܣܪܝܠ܂ ܘܬܚܝܬ ܪ̈ܓܠܘܗܝ܂ ܐܝܟ ܥܒܿܕܐ ܕܠܒܬܐ ܕܣܦܝܠܐ܂ ܘܐܝܟ ܟܪܘܡܐ ܕܫܡܝܐ ܒܕܟܝܘܬܐ܂
24:11 [ai]	ܘܥܠ ܣܒ̈ܐ ܕܒܢ̈ܝ ܐܝܣܪܝܠ܂ ܠܐ ܐܘܫܒ ܐܝܕܗ܂ ܘܚܙܘ ܠܐܠܗܐ ܘܐܟܠܘ ܘܐܫܬܝܘ܂
24:12 [ai]	ܘܐܡܼܪ ܡܪܝܐ ܠܡܘܫܐ܂ ܣܩ \ܠܘܬܝ ܠܛܘܪܐ /ܠܘܬ ܛܘܪܐ#3#/ ܘܗܘܝ ܬܡܢ܂ ܘܐܬܠ ܠܟ ܠܘܚ̈ܐ ܕܟܐܦܐ܂ ܘܢܡܘ̈ܣܐ ܘܦܘܩ̈ܕܢܐ ܕܟܬܿܒܬ ܠܡܠܦܘ ܐܢܘܢ܂
24:13 [ai]	ܘܩܡ ܡܘܫܐ ܘܗܘܫܥ/ܘܝܫܘܥ#3#/ ܡܫܡܫܢܗ܂ ܘܣܠܼܩ ܡܘܫܐ ܠܛܘܪܗ ܕܐܠܗܐ܂
24:14 [ai]	ܘܠܣܒ̈ܐ ܐܡܼܪ܂ ܟܬܪܘ ܠܢ ܗܪܟܐ ܥܕܡܐ ܕܢܗܦܘܟ/ܕܢܐܬܐ#3#/ ܠܘܬܟܘܢ܂ ܘܗܐ ܐܗܪܘܢ ܘܚܘܪ ܥܡܟܘܢ܂ ܡܿܢ ܕܐܝܬ ܠܗ ܡܠܬܐ ܢܬܩܿܪܒ ܩܕܡܝܗܘܢ܂
24:15 [ai]	ܘܣܠܼܩ ܡܘܫܐ ܠܛܘܪܐ ܘܟܣܝܬܗ ܥܢܢܐ ‍<‍ܠܛܘܪܐ#3#‍>‍܂
24:16 [ai]	ܘܫܼܪܐ ܫܘܒܚܗ ܕܡܪܝܐ ܥܠ ܛܘܪܐ ܕܣܝܢܝ܂ ܘܟܣܝܬܗ ܥܢܢܐ ܫܬܐ ܝܘܡ̈ܝܢ܂ ܘܩܼܪܐ ܡܪܝܐ ܠܡܘܫܐ ܒܝܘܡܐ ܫܒܝܥܝܐ ܡܢ ܓܘ ܥܢܢܐ܂
24:17 [ai]	ܘܚܼܙܐ ܫܘܒܚܗ ܕܡܪܝܐ܂ ܐܝܟ ܢܘܪܐ ܕܝܩܕܐ ܒܪܫܗ ܕܛܘܪܐ ܠܥܝܢ ܟܠܗܘܢ ܕܒܝܬ ܐܝܣܪܝܠ܂
24:18 [ai]	ܘܥܠ ܡܘܫܐ ܒܓܘ ܥܢܢܐ܂ ܘܣܠܼܩ ܠܛܘܪܐ܂ ܘܗܘܼܐ ܡܘܫܐ ܒܛܘܪܐ܂ ܐܪ̈ܒܥܝܢ ܐܝܡ̈ܡܝܢ/ܝܘܡ̈ܝܢ#3#/ ܘܐܪ̈ܒܥܝܢ ܠܝ̈ܠܘܢ܂

next chapter