← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


26:01 [ai]ܘܠܡܫܟܢܐ ܬܥܒܕ܂ ܥܣܪ ܝܪ̈ܝܥܢ ܕܒܘܨܐ ܥܙܝܠܐ܂ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ܂ ܟܪܘܒܐ ܥܒܿܕܐ ܕܐܘܡܢܐ ܬܥܒܿܕ ܐܢ̈ܝܢ܂
26:02 [ai]ܐܘܪܟܗܿ ܕܝܪܝܥܬܐ ܚܕܐ ܥܣܪ̈ܝܢ ܘܬܡܢܐ ܐ̈ܡܝܢ܂ ܘܦܬܝܗܿ ܐܪ̈ܒܥ ܐ̈ܡܝܢ ܕܝܪܝܥܬܐ ܚܕܐ܂ ܡܫܘܚܬܐ ܚܕܐ ܠܟܠܗܝܢ ܝܪ̈ܝܥܬܐ܂
26:03 [ai]ܚܡܫ ܝܪ̈ܝܥܢ ܢܗ̈ܘܝܢ ܡܕ̈ܒܩܢ ܚܕܐ ܒܚܕܐ܂ ܘܚܡܫ ܝܪ̈ܝܥܢ ܢܗ̈ܘܝܢ ܡܕܒܩ̈ܢ ܚܕܐ ܒܚܕܐ܂
26:04 [ai]ܘܥܒܿܕ ܬܐ̈ܢܬܐ ܕܬܟܠܬܐ ܥܠ ܣܦܬܗܿ ܕܝܪܝܥܬܐ ܚܕܐ ܒܣܛܪܗ ܕܕܒܩܐ܂ ܘܗܟܢܐ ܬܥܒܿܕ ܒܣܛܪܗܿ/ܒܣܦܬܗܿ#3#/ ܕܝܪܝܥܬܐ ܡܢ ܣܛܪܐ ܕܕܒܩܐ ܐܚܪܢܐ܂
26:05 [ai]ܚܡܫܝܢ ܬܢܐ̈ܢ ܬܥܒܿܕ ܒܣܦܬܗܿ ܕܝܪܝܥܬܐ ܚܕܐ܂ ܘܚܡܫܝܢ ܬܢܐ̈ܢ ܬܥܒܿܕ ܒܣܦܬܗܿ ܐܚܪܬܐ ܕܝܪܝܥܬܐ ܒܕܒܩܐ ܐܚܪܢܐ܂ ܘܢܗ̈ܘܝܢ ܬܪ̈ܝܨܢ ܬܐ̈ܢܬܐ ܚܕܐ ܠܘܩܒܠ ܚܕܐ܂
26:06 [ai]ܘܥܒܿܕ ܚܡܫܝܢ ܩܘܪ̈ܩܣܐ ܕܕܗܒܐ܂ ܘܕܒܿܩ ܝܪ̈ܝܥܬܐ ܚܕܐ ܒܚܕܐ ܒܩܘܪ̈ܩܣܐ܂ ܘܢܗܘܐ ܡܫܟܢܐ ܚܕ܂
26:07 [ai]ܘܥܒܿܕ ܝܪ̈ܝܥܬܐ ܕܣܥܪܐ ܠܦܪܣܐ ܕܡܫܟܢܐ/ܠܡܫܟܢܐ#3#/܂ ܚܕܥܣܪܐ ܝܪ̈ܝܥܢ ܬܥܒܿܕ ܐ̈ܢܝܢ܂
26:08 [ai]ܐܘܪܟܗܿ ܕܝܪܝܥܬܐ ܚܕܐ ܡܢܗܝܢ ܬܠܬܝܢ ܐܡ̈ܝܢ܂ ܘܦܬܝܗܿ ܐܪ̈ܒܥ ܐܡܼ̈ܝܢ܂ ܕܝܪܝܥܬܐ ܚܕܐ܂ ܡܫܘܚܬܐ ܚܕܐ ܠܟܠܗܝܢ ܝܪ̈ܝܥܬܐ ܗܠܝܢ ܚܕܥܣܪܐ܂
26:09 [ai]ܘܕܒܩ ܚܡܫ ܝܪ̈ܝܥܢ ܐܟܚܕܐ܂ ܘܫܬ ܝܪ̈ܝܥܢ ܐܝܟ ܚܕܐ܂ ܘܐܥܦ ܝܪܝܥܬܐ ܫܬܝܬܝܬܐ ܠܘܩܒܠ ܐ̈ܦܝ ܡܫܟܢܐ܂
26:10 [ai]ܘܥܒܿܕ ܚܡܫܝܢ ܬܢܐܢ ܥܠ ܣܦܬܗܿ ܕܝܪܝܥܬܐ ܚܕܐ ܡܢ ܣܛܪܗ ܕܕܒܩܐ܂ ܘܚܡܫܝܢ ܬܢܐܢ ‍<‍ܬܥܒܕ#3#‍>‍ ܥܠ ܣܦܬܗܿ ܕܝܪܝܥܬܐ ‍<‍ܐܚܪܬܐ#3#‍>‍ ܒܕܒܩܐ/ܕܕܒܩܐ#3#/ ܐܚܪܢܐ܂
26:11 [ai]ܘܥܒܿܕ ܩܘܪ̈ܩܣܐ ܕܢܚܫܐ ܚܡܫܝܢ܂ ܘܐܥܠ ܩܘܪ̈ܩܣܐ ܒܬܐܢ̈ܬܐ܂ ܘܕܒܩܝܗܝ ܠܡܫܟܢܐ ܘܢܗܘܐ ܚܕ܂
26:12 [ai]ܘܡܕܡ ܕܝܬܿܪ ܡܢ ܝܪ̈ܝܥܬܐ ܕܡܫܟܢܐ܂ ܦܠܓܗܿ ܕܝܪܝܥܬܐ ܕܝܬܿܪ܂ ܬܪܡܐ/ܢܬܪܡܐ#3#/ ܠܒܣܬܪܗ ܕܡܫܟܢܐ܂
26:13 [ai]ܘܐܡܬܐ ܡܢ ܚܕ ܓܒܐ܂ ܘܐܡܬܐ ܡܢ ‍<‍ܚܕ#3#‍>‍ ܓܒܐ ܐܚܪܢܐ܂ ܕܝܬܿܪ ܒܐܘܪܟܐ ܕܝܪ̈ܝܥܬܐ ܕܡܫܟܢܐ܂ ܢܗܘܐ ܪܡܐ ܥܠ ܣܛܪ̈ܘܗܝ ܕܡܫܟܢܐ܂ ܡܢ ܗܢܐ ܓܒܐ ܘܡܢ ܗܢܐ ܠܡܟܣܝܘܬܗ܂
26:14 [ai]ܘܥܒܼܿܕ ܦܪܣܐ ܠܡܫܟܢܐ܂ ܡܫ̈ܟܐ ܕܕܟܪ̈ܐ ܕܐܣܦܝܢܝܩܐ܂ ܡܫ̈ܟܐ ܕܕܟܪ̈ܐ ܕܣܣܓܘܢܐ ܡܢ ܠܥܠ܂
26:15 [ai]ܘܥܒܿܕ ܕܦ̈ܐ ܠܡܫܟܢܐ܂ ܕܩܝܣܐ ܕܐܫܟܪܥܐ ܩܝ̈ܡܐ܂
26:16 [ai]ܥܣܪ̈ ܐܡ̈ܝܢ ܐܘܪܟܗ ܕܕܦܐ ܚܕ܂ ܘܐܡܐ ܘܦܼܠܓ ܦܬܝܗ ܕܕܦܐ ܚܕ܂
26:17 [ai]ܘܬܪ̈ܬܝܢ ܨܝܪ̈ܬܐ ܠܕܦܐ ܚܕ܂ ܬܪ̈ܝܨܢ ܚܕܐ ܠܘܩܒܠ ܚܕܐ܂ ܗܟܢܐ ܬܥܒܿܕ ܠܟܠܗܘܢ ܕܦܘ̈ܗܝ ܕܡܫܟܢܐ܂
26:18 [ai]ܘܥܒܿܕ ܕܦ̈ܐ ܠܡܫܟܢܐ܂ ܥܣܪ̈ܝܢ ܕܦܝ̈ܢ ܠܣܛܪܐ ܕܪܘܚܐ ܕܬܝܡܢܐ܂
26:19 [ai]ܘܐܪ̈ܒܥܝܢ ܣܡ̈ܟܐ ܕܣܐܡܐ/ܕܟܣܦܐ#3#/܂ ܬܥܒܿܕ ܬܚܝܬ ܥܣܪ̈ܝܢ ܕܦܝ̈ܢ܂ ܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ ܠܬܪ̈ܬܝܢ ܨܝܪ̈ܬܗ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܐܚܪܢܐ܂ ܠܬܪ̈ܬܝܢ ܨܝܪ̈ܬܗ܂
26:20 [ai]ܘܠܣܛܪܐ ܐܚܪܢܐ ܕܡܫܟܢܐ ܡܢ ܪܘܚܐ ܕܓܪܒܝܐ ܥܣܪ̈ܝܢ ܕܦܝ̈ܢ܂
26:21 [ai]ܘܐܪ̈ܒܥܝܢ ܣܡ̈ܟܝܢ ܕܣܐܡܐ ܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܐܚܪܢܐ܂
26:22 [ai]ܘܡܢ ܫ̈ܦܘܠܘܗܝ ܕܡܫܟܢܐ ܡܢ ܡܥܪܒܐ܂ ܥܒܿܕ ܫܬܐ ܕܦܝ̈ܢ܂
26:23 [ai]ܘܬܪ̈ܝܢ ܕܦܝ̈ܢ ܬܥܒܿܕ ܠܙܘܝܬܐ ܕܡܫܟܢܐ܂ ܡܢ ܫ̈ܦܘܠܝܗܘܢ܂
26:24 [ai]ܕܢܗܘܘܢ ܫ̈ܘܝܢ ܡܢ ܠܬܚܬ܂ ܘܐܟܚܕܐ ܢܗܘܘܢ ܓܦ̈ܝܢ ܥܠ ܪܫܗܿ ܥܠ ܙܩܙܩܬܐ ܚܕܐ܂ ܗܟܢܐ ܠܬܪ̈ܝܗܘܢ ܣܡ̈ܟܐ ܠܬܪ̈ܬܝܢ ܙܘܝܬ̈ܐ ܢܗܘܘܢ܂
26:25 [ai]ܘܢܗܘܘܢ ܬܡܢܝܐ ܕܦܝ̈ܢ܂ ܘܣܡܟ̈ܝܗܘܢ ܕܣܐܡܐ/ܕܟܣܦܐ#3#/ ܫܬܬܥܣܪ̈ ܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܐܚܪܢܐ܂
26:26 [ai]ܘܥܒܿܕ ܡܘ̈ܟܠܐ ܕܩܝܣܐ ܕܐܫܟܪܥܐ ܚܡܫܐ ܠܕܦ̈ܐ ܕܣܛܪܗ ܚܕ ܕܡܫܟܢܐ܂
26:27 [ai]ܘܚܡܫܐ ܡܘ̈ܟܠܝܢ ܠܕܦܘ̈ܗܝ ܕܣܛܪܐ ܐܚܪܢܐ ܕܡܫܟܢܐ܂ ܘܚܡܫܐ ܡܘ̈ܟܠܝܢ ܠܕܦܘ̈ܗܝ ܕܣܛܪܐ ܐܚܪܢܐ ‍<‍ܕܡܫܟܢܐ#3#‍>‍ ܡܢ ܫ̈ܦܘܠܘܗܝ ܕܡܫܟܢܐ ܡܢ ܡܥܪܒܐ܂
26:28 [ai]ܘܡܘܟܠܐ ܡܨܥܝܐ ܒܓܘ ܕܦ̈ܐ ܡܥܼܒܪ܂ ܡܢ ܗܢܐ ܓܒܐ ܠܗܢܐ܂
26:29 [ai]ܘܕ̈ܦܐ ܩܪܘܡ ܕܗܒܐ ܘܙܩ̈ܙܩܬܐ ܥܒܿܕ ܕܕܗܒܐ܂ ܕܘܟܬܐ ܠܡ̈ܘܟܠܐ܂ ܘܩܪܘܡ ܠܡ̈ܘܟܠܐ ܕܗܒܐ܂
26:30 [ai]ܘܐܩܝܡܝܗܝ ܠܡܫܟܢܐ ܒܙܕܩܗ܂ ܐܝܟ ܕܚܘܝܬܟ ܒܛܘܪܐ܂
26:31 [ai]ܘܥܒܿܕ ܦܪܣܐ ܕܬܟܠܬܐ܂ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ܂ ܘܒܘܨܐ ܥܙܝܠܐ܂ ܥܒܿܕܐ ܕܐܘܡܢܐ ܥܒܕܝܗܝ ܟܪܘܒܐ܂
26:32 [ai]ܘܣܝܡܝܗܝ ܥܠ ܐܪ̈ܒܥܐ ܥܡ̈ܘܕܐ ܕܐܫܟܪܥܐ܂ ܕܩܪ̈ܝܡܝܢ ܕܗܒܐ܂ ܘܩ̈ܘܒܥܝܗܘܢ ܕܕܗܒܐ/ܕܗܒܐ#3#/ ܥܠ ܐܪ̈ܒܥܐ ܣܡ̈ܟܐ ܕܣܐܡܐ/ܕܟܣܦܐ#3#/܂
26:33 [ai]ܘܗܒ ܦܪܣܐ ܬܚܝܬ ܕ̈ܦܐ܂ ܘܐܥܠ ܠܬܡܿܢ ܠܓܘ ܡܢ ܦܪܣܐ ܩܒܘܬܐ ܕܣܗܕܘܬܐ܂ ܘܬܦܪܘܣ ܠܟܘܢ ܦܪܣܐ ܒܝܬ ܩܘܕܫܐ ܘܒܝܬ ܩܕܘܫ ܩܘܕܫ̈ܐ܂
26:34 [ai]ܘܬܣܝܡ ܚܘܣܝܐ ܥܠ ܩܒܘܬܐ ܕܣܗܕܘܬܐ܂ ܒܩܕܘܫ ܩܘܕܫ̈ܐ܂
26:35 [ai]ܘܬܣܝܡ ܦܬܘܪܐ ܠܒܪ ܡܢ ܦܪܣܐ܂ ܘܡܢܪܬܐ ܠܘܩܒܠ ܦܬܘܪܐ܂ ܥܠ ܣܛܪܐ ܕܡܫܟܢܐ ܡܢ ܬܝܡܢܐ܂ ܘܦܬܘܪܐ ܬܣܝܡ ܥܠ ܣܛܪܐ ܕܓܪܒܝܐ܂
26:36 [ai]ܘܥܒܿܕ ܦܪܣܐ ܠܬܪܥܐ ܕܡܫܟܢܐ܂ ܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒܿܕܐ ܕܨܘܪܬܐ܂
26:37 [ai]ܘܥܒܿܕ ܠܦܪܣܐ ܚܡܫܐ ܥܡ̈ܘܕܐ ܕܐܫܟܪܥܐ܂ ܘܩܪܘܡ ܐܢܘܢ ܕܗܒܐ܂ ܘܩܘ̈ܒܥܝܗܘܢ ܕܕܗܒܐ/ܕܗܒܐ#3#/܂ ܘܥܒܿܕ ܠܗܘܢ ܚܡܫܐ ܣܡ̈ܟܐ ܕܢܚܫܐ܂

next chapter