← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


28:01 [ai]ܘܐܢܬ ܩܿܪܒ ܠܟ ܠܐܗܪܘܢ ܐܚܘܟ ܘܠܒܢ̈ܘܗܝ ܥܡܗ܂ ܡܢ ܓܘ ܒܢ̈ܝ ܐܝܣܪܝܠ ܠܡܟܗܢܘ ܠܝ܂ ܐܗܪܘܢ ܘܢܕܒ ܘܐܒܝܗܘ܂ ܘܐܠܝܥܙܪ ܘܐܝܬܡܪ ܒ̈ܢܝ ܐܗܪܘܢ܂
28:02 [ai]ܘܥܒܿܕ ܠܒ̈ܘܫܝ ܩܘܕܫܐ ܠܐܗܪܘܢ ܐܚܘܟ܂ ܠܐܝܩܪܐ ܘܠܬܫܒܘܚܬܐ܂
28:03 [ai]ܘܐܢܬ ܐܡܼܪ ܠܟܠܗܘܢ ܚ̈ܟܝܡܝ ܠܒܐ ܕܡܿܠܝܬ ܐܢܘܢ ܪܘܚܐ ܕܚܟܡܬܐ܂ ܘܢܥܒܿܕܘܢ ܠܒ̈ܘܫܝ ܩܘܕܫܐ ܠܐܗܪܘܢ ܠܡܩܕܫܘܬܗ܂ ܠܡܟܗܢܘ ܠܝ܂
28:04 [ai]ܘܗܠܝܢ ܠܒ̈ܘܫܐ ܕܢܥܒܕܘܢ ܠܗܘܢ܂ ܦܪܙܘܡܐ ܘܦܕܬܐ ܘܦܪܝܣܐ܂ ܘܟܘܬܝܢܐ ܕܒܘܨܐ܂ ܘܡܨܢܦܬܐ ܘܗܡܝܢܐ܂ ܘܢܥܒܕܘܢ ܠܒ̈ܘܫܝ ܩܘܕܫܐ ܠܐܗܪܘܢ ܐܚܘܟ ܘܠܒ̈ܢܘܗܝ ܠܡܟܗܢܘ ܠܝ܂
28:05 [ai]ܘܗܼܢܘܢ ܢܣܒܘܢ܂ ܕܗܒܐ ܘܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ‍<‍ܥܙܝܠܐ#3#‍>‍܂
28:06 [ai]ܘܢܥܒܕܘܢ ܦܕܬܐ ܕܕܗܒܐ ܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒܿܕܐ ܕܐܘܡܢܐ܂
28:07 [ai]ܬܪ̈ܬܝܢ ܟܬ̈ܦܢ ܡܕܒܩ̈ܢ ܢܗ̈ܘܝܢ ܠܗܿ ܥܠ ܬܪ̈ܝܢ ܣܛܪ̈ܝܗܿ܂ ܘܢܕܒܼܩ܂
28:08 [ai]ܗܡܝܢܐ ܕܦܕܬܐ ܕܥܠܝܗܿ܂ ܡܢܗܿ ܢܗܘܐ ܐܝܟ ܥܒܿܕܗܿ܂ ܕܗܒܐ ܘܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂
28:09 [ai]ܘܣܒ ܬܪ̈ܬܝܢ ܟܐ̈ܦܐ ܕܒܪܘܠܐ܂ ܘܓܠܘܦ ܥܠܝܗܝܢ ܫܡ̈ܗܐ ܕܒܢܝ ܐܝܣܪܐܝܠ܂
28:10 [ai]ܫܬܐ ܡܢ ܫܡ̈ܗܝܗܘܢ ܓܠܘܦ ܥܠ ܟܐܦܐ ܚܕܐ܂ ܘܫܬܐ ܫܡ̈ܗܐ ܕܐܫܬܚܪܘ ܓܠܘܦ ܥܠ ܟܐܦܐ ܐܚܪܬܐ܂ ܐܝܟ ܬܘ̈ܠܕܬܗܘܢ܂
28:11 [ai]ܥܒܿܕܐ ܕܐܘܡܢܐ܂ ܟܐ̈ܦܐ ܓܠܝܦܬ̈ܐ ܓܠܦ̈ܐ ܕܚܬܡܐ܂ ܓܠܘܦ ܬܪ̈ܬܝܢ/ܠܟ#2#/ ܟܐ̈ܦܐ ܥܠ ܫܡ̈ܗܐ ܕܒܢ̈ܝ ܐܝܣܪܝܠ܂ ܡܘܚ̈ܕܢ ܘܡܫܪ̈ܢ ܒܕܗܒܐ ܥܒܿܕ ܐܢܝ̈ܢ܂
28:12 [ai]ܘܣܝܡ ܬܪ̈ܬܝܢ ܟܐ̈ܦܐ ܥܠ ܟܬ̈ܦܬܗܿ ܕܦܕܬܐ܂ ܟܐ̈ܦܐ ܕܕܘܟܪܢܐ ܠܒܢܝ ܐܝܣܪܝܠ܂ ܘܢܗܘܐ ܫܩܿܠ ܐܗܪܘܢ ܫܡ̈ܗܝܗܘܢ ܩܕܡ ܡܪܝܐ܂ ܥܠ ܬܪ̈ܬܝܢ ܟܬ̈ܦܬܗ ܠܕܘܟܪܢܐ܂
28:13 [ai]ܘܥܒܿܕ ܡܘܚ̈ܕܬܐ ܕܕܗܒܐ܂
28:14 [ai]ܘܬܪ̈ܬܝܢ ܫܫ̈ܠܬܐ ܕܕܗܒܐ ܕܟܝܐ ܡܬܐ̈ܡܬܐ ܥܒܿܕ ܐ̈ܢܝܢ܂ ܥܒܿܕܐ ܓܕܝܠܐ܂ ܘܣܝܡ ܬܪ̈ܬܝܢ ܫܫ̈ܠܬܐ \ܡܬ̈ܐܡܬܐ ܥܠ ܡܘܚ̈ܕܬܐ /ܡܘܚ̈ܕܬܐ ܥܠ ܡܬ̈ܐܡܬܐ#3#/܂
28:15 [ai]ܘܥܒܿܕ ܦܪܝܣܐ ܕܕܝܢܼܐ ܥܒܿܕܐ ܕܐܘܡܢܐ܂ ܐܝܟ ܥܒܿܕܐ ܕܦܕܬܐ ܥܒܿܕܝܗܝ ܕܗܒܐ ܘܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒܕܝܗܝ܂
28:16 [ai]ܡܪܒܥܼ ܢܗܘܐ ܟܕ ܐܥܝܦ܂ ܙܪܬ ܐܘܪܟܗ ܘܙܪܬ ܦܬܝܗ܂
28:17 [ai]ܘܬܫܠܡ ܒܗ ܫܠܡܘܬܐ ܕܟܐ̈ܦܐ܂ ܐܪ̈ܒܥܐ ܣܕܪ̈ܝܢ ܕܟܐ̈ܦܐ܂ ܣܕܪܐ ܩܕܡܝܐ ܣܘܡܩܐ ܘܙܪܓܐ ܘܒܪܩܐ܂ ܣܕܪܐ ܚܕ܂
28:18 [ai]ܘܣܕܪܐ ܐܚܪܢܐ ܨܕܝܕܐ ܘܣܦܝܠܐ ܘܢܩܥܬܐ܂
28:19 [ai]ܘܣܕܪܐ ܬܠܝܬܝܐ܂ ܩܢܟܝܢܘܢ ܘܩܪܟܕܢܐ ܘܥܝܢ ܥܓܠܐ܂
28:20 [ai]ܘܣܕܪܐ ܐܪ̈ܒܝܥܝܐ܂ ܬܪܫܝܫ ܘܒܪܘܠܐ ܘܝܫܦܗ܂ ܡܘܚܕܢ ܘܡܫܪ̈ܢ ܒܕܗܒܐ ‍<‍ܥܒܕ ܐ̈ܢܝܢ#3#‍>‍ ܢܗܘ̈ܝܢ ܒܫܠܡܘܬܗܝܢ܂
28:21 [ai]ܘܟܐ̈ܦܐ ܢܗܘ̈ܝܢ/ܥܒܕ ܐܢ̈ܝܢ#3#/ ܥܠ ܫܡ̈ܗܐ ܕܒ̈ܢܝ ܐܝܣܪܝܠ܂ ܬܪ̈ܬܥܣܪܐ ܥܠ ܫܡ̈ܗܝܗܘܢ܂ ܓܠܝܦ̈ܢ ܓܠܦ̈ܐ ܕܚܬܡܐ܂ ܓܒܪ ܥܠ ܫܡܗ ܢܗܘ̈ܝܢ ܠܬܪ̈ܥܣܪ ܫܒ̈ܛܝܢ܂
28:22 [ai]ܘܥܒܿܕ ܥܠ ܦܪܝܣܐ/ܦܪܣܐ#3#/ ܫܫ̈ܠܬܐ ܡܬܐ̈ܡܬܐ܂ ܥܒܿܕܐ ܓܕܝܠܐ ܕܕܗܒܐ ܕܟܝܐ܂
28:23 [ai]ܘܥܒܿܕ ܠܚܘܣܝܐ ܬܪ̈ܝܢ ܩܘܪ̈ܩܣܐ ܕܕܗܒܐ ܕܟܝܐ܂ ܘܗܒ ܬܪ̈ܝܢ ܩܘܪ̈ܩܣܝܢ ܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂
28:24 [ai]ܘܗܒ ܬܪ̈ܬܝܢ ܓܕܝ̈ܠܬܐ ܕܕܗܒܐ ܥܠ ܬܪ̈ܝܢ ܩܘܪ̈ܩܣܝܢ ܕܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂
28:25 [ai]ܘܬܪ̈ܬܝܢ ܓܕܝ̈ܠܬܐ ܬܬܠ ܥܠ ܬܪ̈ܬܝܢ ܡܘܚ̈ܕܬܐ ܘܬܬܠ ܥܠ ܟܬ̈ܦܬܗܿ ܕܦܕܬܐ ܠܘܩܒܠ ܐ̈ܦܝܗܿ܂
28:26 [ai]ܘܥܒܿܕ ܬܪ̈ܝܢ ܩܘܪ̈ܩܣܐ ܕܕܗܒܐ܂ ܘܣܝܡ ܐܢܘܢ ܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂ ܥܠ ܣܛܪܐ ܕܥܠ ܣܦܬܗܿ ܕܦܕܬܐ ܡܢ ܠܓܘ܂
28:27 [ai]ܘܥܒܿܕ ܬܪ̈ܝܢ ܩܘܪ̈ܩܣܐ ܕܕܗܒܐ܂ ܘܣܝܡ ܐܢܘܢ ܥܠ ܬܪ̈ܬܝܢ ܟܬܦܬ̈ܗܿ ܕܦܕܬܐ܂ ܡܢ ܠܬܚܬ ܡܢ ܠܘܩܒܠ ܐ̈ܦܝܗܿ ܠܘܩܒܠ ܕܒܩܗܿ܂ ܠܥܠ ܡܢ ܗܡܝܢܐ ܕܦܕܬܐ܂
28:28 [ai]ܘܢܕܒܩܘܢܗ ܠܦܪܝܣܐ ܡܢ ܙܩܙܩ̈ܬܗ ܠܙܩܙܩ̈ܬܗܿ ܕܦܕܬܐ/ܕܦܪܝܣܐ#3#/ ܒܚܘܛܐ ܕܬܟܠܬܐ܂ ܠܡܗܘܐ ܥܠ ܗܡܝܢܐ ܕܦܕܬܐ܂ ܕܠܐ ܢܗܘܐ ܥܒܿܪ ܦܪܝܣܐ ܡܢ ܦܕܬܐ܂
28:29 [ai]ܘܢܗܘܐ ܫܿܩܠ ܐܗܪܘܢ ܫܡ̈ܗܐ ܕܒ̈ܢܝ ܐܝܣܪܝܠ ܒܦܪܝܣܐ ܕܕܝܢܼܐ ܥܠ ܚܕܝܗ܂ ܡܐ ܕܥܐܠ ܠܩܘܕܫܐ ܕܘܟܪܢܐ ܩܕܡ ܡܪܝܐ ܐܡܝܢܐܝܬ܂
28:30 [ai]ܘܣܝܡ ܥܠ ܦܪܝܣܐ ܕܕܝܢܼܐ ܢܗܝܪܐ ܘܫܠܡܐ܂ ܘܢܗܘܘܢ ܥܠ ܚܕܝܗ ܡܐ ܕܥܐܠ ܩܕܡ ܡܪܝܐ܂ ܘܢܫܩܘܠ ܐܗܪܘܢ ܕܝܢ̈ܐ ܕܒܢ̈ܝ ܐܝܣܪܝܠ ܥܠ ܚܕܝܗ ܩܕܡ ܡܪܝܐ ܐܡܝܢܐܝܬ܂
28:31 [ai]ܘܥܒܿܕ ܦܪܙܘܡܐ/ܦܪܝܣܐ#3#/ ܕܦܕܬܐ ܓܡܝܪܐ ܕܬܟܠܬܐ܂
28:32 [ai]ܘܢܗܘܐ ܦܘܡܗ ܕܪܫܗ ܒܓܘܗ܂ ܣܦܬܐ ܬܗܘܐ ܠܦܘܡܗ ܟܕ ܚܿܕܪ܂ ܥܒܿܕܐ ܙܩܝܪܐ ܐܝܟ ܦܘܡ ܣܝܪܣ ܢܗܘܐ ܠܗ ܕܠܐ ܢܨܛܪܐ܂
28:33 [ai]ܘܥܒܿܕ ܥܠ ܫ̈ܦܘܠܘܗܝ ܪ̈ܘܡܢܐ ܕܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܥܠ ܫ̈ܦܘܠܘܗܝ ܟܕ ܚܕܪ܂ ܘܙ̈ܓܐ ܕܕܗܒܐ ܒܝܢܬܗܘܢ ܟܕ ܚܕܪ܂
28:34 [ai]ܘܙܓܐ ܙܓܐ ܕܕܗܒܐ ܘܪ̈ܘܡܢܐ ܥܠ ܫ̈ܦܘܠܘܗܝ ܕܦܪܙܘܡܐ/ܕܦܪܝܣܐ#3#/ ܟܕ ܚܕܪ܂
28:35 [ai]ܘܢܗܘܐ ܥܠ ܐܗܪܘܢ ܠܬܫܡܫܬܐ܂ ܘܢܫܬܡܥ ܩܠܗ ܡܐ ܕܥܐܠ ܠܩܘܕܫܐ ܩܕܡ ܡܪܝܐ܂ ܘܡܐ ܕܢܦܩܿ ܕܠܐ ܢܡܘܬ܂
28:36 [ai]ܘܥܒܿܕ ܟܠܝܠܐ ܕܕܗܒܐ ܕܟܝܐ܂ ܘܓܠܘܦ ܥܠܘܗܝ ܓ̈ܠܦܐ ܕܚܬܡܐ ܩܘܕܫܐ/ܕܩܘܕܫܐ#3#/ ܠܡܪܝܐ܂
28:37 [ai]ܘܣܝܡܝܗܝ ܥܠ ܚܘܛܐ ܕܬܟܠܬܐ܂ ܘܢܗܘܐ ܥܠ ܡܨܢܦܬܐ ܘܠܘܩܒܠ ܐ̈ܦܝ ܡܨܢܦܬܐ ܢܗܘܐ܂
28:38 [ai]ܘܢܗܘܐ ܥܠ ܒܝܬ ܥܝܢ̈ܘܗܝ ܕܐܗܪܘܢ܂ ܘܢܗܘܐ ܫܩܿܠ ܐܗܪܘܢ ܚ̈ܛܗܐ ܕܩܘܕܫ̈ܐ ܕܡܩܕܫܝܢ/ܕܡܩܪܒܝܢ#3#/ ܒ̈ܢܝ ܐܝܣܪܝܠ ܠܟܠ ܡܘܗܒܬ ܩ̈ܘܕܫܝܗܘܢ܂ ܘܢܗܘܐ ܥܠ ܒܝܬ ܥܝܢ̈ܘܗܝ ܐܡܝܢܐܝܬ܂ ܠܨܒܝܢܐ ܠܗܘܢ ܩܕܡ ܡܪܝܐ܂
28:39 [ai]ܘܥܒܿܕ ܟܘܬܝܢܐ ܕܒܘܨܐ܂ ܘܥܒܿܕ ܡܨܢܦܬܐ ܕܒܘܨܐ܂ ܘܗܡܝܢܐ ܥܒܿܕ ܥܒܿܕܐ ܕܨܝܪܐ܂
28:40 [ai]ܘܠܒ̈ܢܝ ܐܗܪܘܢ ܥܒܿܕ ܟܘܬܝܢ̈ܝܬܐ ܘܥܒܿܕ ܠܗܘܢ ܗܡܝ̈ܢܐ܂ ܘܟ̈ܠܘܐ ܬܥܒܿܕ ܠܗܘܢ ܠܐܝܩܪܐ ܘܠܫܘܒܚܐ܂
28:41 [ai]ܘܐܠܒܫ ܐܢܘܢ ܠܐܗܪܘܢ ܐܚܘܟ ܘܠܒܢ̈ܘܗܝ ܥܡܗ ܘܡܫܘܚ ܐܢܘܢ ܘܫܡܼܠܐ ܐ̈ܝܕܝܗܘܢ܂ ܘܩܿܕܫ ܐܢܘܢ ܘܢܟܗܿܢܘܢ ܠܝ܂
28:42 [ai]ܘܥܒܿܕ ܠܗܘܢ ܦܪ̈ܙܘܡܐ ܕܒܘܨܐ܂ ܠܡܟܣܝܘ ܒܣܪܐ ܕܥܪܛܠܝܘܬܗܘܢ܂ ܡܢ ܚ̈ܨܝܗܘܢ ܘܥܕܡܐ ܠܥܛܡ̈ܬܗܘܢ ܢܗܘܘܢ܂
28:43 [ai]ܘܢܗܘܘܢ ܥܠ ܐܗܪܘܢ ܘܥܠ ܒܢ̈ܘܗܝ܂ ܡܐ ܕܥܐܠܝܢ ܠܡܫܟܢ ܙܒܢܐ܂ ܘܡܐ/ܐܘ ܡܐ#3#/ ܕܩܪܒܝܢ ܠܡܕܒܚܐ ܠܡܫܡܫܘ ܒܩܘܕܫܐ܂ ܕܠܐ ܢܩܒܠܘܢ ܚܛܗܐ ܘܢܡܘܬܘܢ܂ ܢܡܘܣܐ ܠܥܠܡ ܠܗ ܘܠܙܪܥܗ܂ ܡܢ ܒܬܪܗ܂

next chapter