← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


31:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܼܪ ܠܗ܂
31:02 [ai]ܚܙܝ ܕܩܪܝܬ ܒܫܡ ܠܒܨܠܝܐܝܠ ܒܪ ܐܘܪܝ ܒܪ ܚܘܪ ܡܢ ܫܒܛܐ ܕܝܗܘܕܐ/ܕܒܢ̈ܝ ܝܗܘܕܐ#3#/܂
31:03 [ai]ܘܡܠܝܬܗ ܪܘܚܐ ܕܐܠܗܐ܂ ܒܚܟܡܬܐ ܘܒܒܘܝܢܐ ܘܒܐܝܕܥܬܐ܂ ܘܒܟܠ ܥܒܿܕ܂
31:04 [ai]ܠܡܠܦܘ ܐܘܡܢܘܬܐ/ܒܐܘܡܢܘܬܐ#3#/ ܠܡܥܒܿܕ ܒܕܗܒܐ ܘܒܣܐܡܐ/ܘܒܟܣܦܐ#3#/ ܘܒܢܚܫܐ܂
31:05 [ai]ܘܒܐܘܡܢܘܬܐ ܕܟܐ̈ܦܐ ܠܡܫܿܠܡܘ܂ ܘܒܢܓܪܘܬܐ ܕܩܝܣ̈ܐ ܠܡܥܒܿܕ ܟܠ ܥܒܿܕ܂
31:06 [ai]ܘܐܢܐ ܗܐ ܝܗܿܒܬ ܥܡܗ܂ ܠܐܠܝܗܒ ܒܪ ܐܚܝܣܡܟ ܡܢ ܫܒܛܐ ܕܕܢ ܘܒܠܒܐ ܕܟܠ ܚ̈ܟܝܡܝ ܠܒܐ ܝܗܿܒܬ ܚܟܡܬܐ܂ ܘܢܥܒܿܕܘܢ ܟܠܡܕܡ/ܟܠ ܡܐ#3#/ ܕܦܩܕܬܟ܂
31:07 [ai]ܡܫܟܢܙܒܢܐ/ܒܡܫܟܢܙܒܢܐ#3#/ ܘܩܒܘܬܐ/ܘܒܩܒܘܬܐ#3#/ ܕܣܗܕܘܬܐ܂ ܘܚܘܣܝܐ ܕܥܠܝܗܿ ܘܟܠ ܡܐ̈ܢܝ ܡܫܟܢܐ܂
31:08 [ai]ܘܦܬܘܪܐ ܘܟܠ ܡܐ̈ܢܘܗܝ܂ ܘܡܢܪܬܐ ܕܟܝܬܐ ܘܟܠܗܘܢ ܡܐ̈ܢܝܗܿ܂ ܘܡܕܒܚܐ ܕܥܛܪܐ܂
31:09 [ai]ܘܡܕܒܚܐ ܕܥܿܠܬܐ ܘܟܠ ܡܐ̈ܢܘܗܝ܂ ܘܠܩܢܐ ܘܟܢܗܿ܂
31:10 [ai]ܘܠܒܘ̈ܫܝ ܬܫܡܫܬܐ܂ ܘܠܒܘܫ̈ܝ ܩܘܕܫܐ ܠܐܗܪܘܢ ܟܗܢܐ܂ ܘܠܒܘ̈ܫܐ ܠܒܢ̈ܘܗܝ ܠܡܟܗܿܢܘ ܠܝ܂
31:11 [ai]ܘܡܫܚܐ ܕܡܫܝܚܘܬܐ ܘܥܛܪܐ ܕܒܣ̈ܡܐ ܠܩܘܕܫܐ܂ ܟܠܡܕܡ/ܟܠ ܡܐ#3#/ ܕܦܩܕܬܟ ‍<‍ܗܟܢܐ#3#‍>‍ ܢܥܒܕܘܢ܂
31:12 [ai]ܘܐܡܼܪ ܡܪܝܐ ܠܡܘܫܐ܂
31:13 [ai]ܐܢܬ ܐܡܼܪ ܠܒ̈ܢܝ ܐܝܣܪܝܠ܂ ܫ̈ܒܐ ܗܘܝܬܘܢ ܢܛܪܝܢ܂ ܡܛܠ ܕܐܬܐ ܗܝ ܒܝܢ̈ܝ ܘܠܟܘܢ܂ ܠܕܪ̈ܝܟܘܢ܂ ܕܬܕܥܘܢ ܕܐܢܐ ܐܢܐ ܡܪܝܐ ‍<‍ܐܠܗܟܘܢ#3#‍>‍ ܕܡܩܕܫ ܐܢܐ ܠܟܘܢ܂
31:14 [ai]ܛܪܘ ܫܒܬܐ ܡܛܠ ܕܩܘܕܫܐ/ܕܩܕܝܫܐ#3#/ ܗܝ ܠܟܘܢ܂ ܟܠ ܡܿܢ ܕܢܚܠܝܗܿ ܡܬܩܛܠܘ ܢܬܩܛܠ܂ ܘܟܠ ܡܿܢ ܕܢܥܒܿܕ ܒܗܿ ܥܒܿܕܐ ܢܐܒܕ ܐܢܫܐ ܗܿܘ ܡܢ ܥܡܗ܂
31:15 [ai]ܫܬܐ ܝܘܡ̈ܝܢ ܬܥܒܿܕܘܢ ܥܒܿܕܐ܂ ܘܒܝܘܡܐ ܫܒܝܥܝܐ ܫܒܬܐ ‍<‍ܗܝ#3#‍>‍ ܢܝܚܐ ܩܘܕܫܐ ܗܝ ܠܡܪܝܐ܂ ܟܠ ܡܿܢ ܕܢܥܒܕ ܥܒܿܕܐ ܒܝܘܡܐ ܕܫܒܬܐ ܡܬܩܛܠܘ ܢܬܩܛܠ܂
31:16 [ai]ܘܢܛܪܘܢ ܒܢ̈ܝ ܐܝܣܪܝܠ ܫܒܬܐ ܠܡܪܝܐ܂ ܠܡܥܒܕ ܫܒܬܐ ܠܕܪ̈ܝܗܘܢ܂ ܩܝܡܐ ܠܥܠܡ/ܕܠܥܠܡ#3#/܂
31:17 [ai]ܒܝܢ̈ܝ ܠܕܒܝܬ ܐܝܣܪܝܠ܂ ܐܬܐ ܗܝ ܠܥܠܡ܂ ܡܛܘܠ ܕܠܫܬܐ ܝܘܡ̈ܝܢ ܥܒܼܕ ܡܪܝܐ ܫܡܝܐ ܘܐܪܥܐ܂ ܘܝܡ̈ܡܐ ܘܟܠ ܕܐܝܬ ܒܗܘܢ܂ ܘܒܝܘܡܐ ܫܒܝܥܝܐ ܫܠܝ ܘܐܬܬܢܝܚ܂
31:18 [ai]ܘܝܗܼܒ ܠܡܘܫܐ ܟܕ ܫܿܠܡ/ܓܡܪ#3#/ ܠܡܡܠܠܘ ܥܡܗ ܒܛܘܪܐ ܕܣܝܢܝ܂ ܬܪ̈ܬܝܢ ܠܘܚ̈ܐ ܕܣܗܕܘܬܐ܂ ܠܘܚ̈ܐ ܕܟܐܦܐ ܕܟܬ̈ܝܒܢ ܒܨܒܥܗ ܕܐܠܗܐ܂

next chapter