← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


33:01 [ai]ܘܐܡܼܪ ܡܪܝܐ ܠܡܘܫܐ܂ ܣܩ ܙܠ ‍<‍ܠܟ#3#‍>‍ ܡܟܐ܂ ܐܢܬ ܘܥܡܟ ܕܐܦܩܼܬ ܡܢ ܡܨܪܝܢ/ܐܪܥܐ ܕܡܨܪܝܢ#3#/܂ ܠܐܪܥܐ ܕܝܡܿܝܬ ܠܐܒܪܗܡ ܘܠܐܝܣܚܩ ܘܠܝܥܩܘܒ܂ ܘܐܡܿܪܬ ܠܗܘܢ ܕܠܙܪܥܟܘܢ ܐܬܠܝܗܿ܂
33:02 [ai]ܘܐܫܕܪ ܩܕܡܝܟ ܡܠܐܟܐ܂ ܘܢܚܪܘܒ ܠܟܢܥ̈ܢܝܐ ܘܠܐܡܘܪ̈ܝܐ ܘܠܚ̈ܬܝܐ ܘܠܦܪ̈ܙܝܐ܂ ܘܠܚ̈ܘܝܐ ܘܠܝܒ̈ܘܣܝܐ܂
33:03 [ai]ܠܐܪܥܐ ܕܡܪܕܝܐ ܚܠܒܐ ܘܕܒܫܐ܂ ܡܛܠ ܕܠܐ ܣܿܠܩ ܐܢܐ ܒܝܢܬܟܘܢ܂ ܡܛܠ ܕܥܡܐ ܐܢܬܘܢ ܩܫܼܐ ܩܕܠܐ܂ ܕܠܡܐ ܐܘܒܕܟܘܢ ܒܐܘܪܚܐ܂
33:04 [ai]ܘܫܡܥܘ ܥܡܐ ܦܬܓܡܐ ܗܢܐ ܒܝܫܐ ܘܟܼܪܝܬ ܠܗܘܢ܂ ܘܠܐ ܫܩܠܘ ܓܒܪ ܙܝܢܗ ܥܠܘܗܝ܂
33:05 [ai]ܘܐܡܼܪ ܡܪܝܐ ܠܡܘܫܐ܂ ܐܡܼܪ ܠܒܢ̈ܝ/ܠܕܒܝܬ#3#/ ܐܝܣܪܝܠ܂ ܐܢܬܘܢ ܥܡܐ ܐܢܬܘܢ ܩܫܼܐ ܩܕܠܐ܂ ܫܥܬܐ/ܕܫܥܬܐ#3#/ ܚܕܐ ܐܣܩ ܒܝܢܬܟܘܢ ܘܐܘܒܕܟܘܢ܂ ܗܫܐ ܐܥܒܪܘ ܙܝܢܟܘܢ ܡܢܟܘܢ ܘܐܕܥ ܡܢܐ ܐܥܒܿܕ ܠܟܘܢ܂
33:06 [ai]ܘܫܩܠܘ ܒܢ̈ܝ ܐܝܣܪܝܠ ܙܝܢܗܘܢ ܡܢܗܘܢ ܡܢ ܛܘܪܐ ܕܚܘܪܝܒ܂
33:07 [ai]ܘܡܘܫܐ ܢܣܼܒ ܡܫܟܢܗ܂ ܘܢܩܫܗ ܠܗ ܠܒܪ ܡܢ ܡܫܪܝܬܐ܂ ܐܪܚܩܗ ܡܢ ܡܫܪܝܬܐ܂ ܘܩܪܝܗܝ ܡܫܟܢܙܒܢܐ܂ ܘܟܠ ܡܿܢ ܕܫܐܿܠ ܗܘܐ ܡܢ ܡܪܝܐ܂ ܢܿܦܩ ܠܡܫܟܢܙܒܢܐ ܕܠܒܪ ܡܢ ܡܫܪܝܬܐ܂
33:08 [ai]ܘܡܐ ܕܢܦܩܿ ܡܘܫܐ ܠܡܫܟܢܐ܂ ܩܝܡܝܢ ܟܠܗ ܥܡܐ ܘܡܬܛܝܒܝܢ ܐܢܫ ܒܬܪܥ ܡܫܟܢܗ܂ ܘܚܝܪܝܢ ܒܬܪܗ ܕܡܘܫܐ܂ ܥܕܡܐ ܕܥܐܿܠ ܠܡܫܟܢܐ܂
33:09 [ai]ܘܡܐ ܕܥܠ ܡܘܫܐ ܠܡܫܟܢܐ܂ ܢܚܿܬ ܥܡܘܕܐ ܕܥܢܢܐ ܘܩܐܡ ܒܬܪܥܐ ܕܡܫܟܢܐ܂ ܘܡܬܡܠܠ ܥܡ ܡܘܫܐ܂
33:10 [ai]ܘܚܿܙܐ ܟܠܗ ܥܡܐ ܥܡܘܕܐ ܕܥܢܢܐ ܕܩܐܡ ܒܬܪܥܐ ܕܡܫܟܢܐ/ܕܡܫܟܢܙܒܢܐ#3#/܂ ܘܩܝܡܝܢ ܟܘܠܗ ܥܡܐ܂ ܘܣܓܕܝܢ ܐܢܫ ܒܬܪܥ ܡܫܟܢܗ܂
33:11 [ai]ܘܡܠܠ ܡܪܝܐ ܥܡ ܡܘܫܐ ܐ̈ܦܝܢ ܠܘܩܒܠ ܐ̈ܦܝܢ܂ ܐܝܟ ܕܡܡܠܠ ܓܒܪܐ ܥܡ ܚܒܪܗ܂ ܘܗܼܦܟ ܠܡܫܪܝܬܐ܂ ܘܡܫܡܫܢܗ ܗܘܫܥ/ܝܫܘܥ#3#/ ܒܪܢܘܢ ܛܠܝܐ ܠܐ ܥܿܢܕ ܗܘܐ ܡܢ ܓܘ ܡܫܟܢܐ܂
33:12 [ai]ܘܐܡܼܪ ܡܘܫܐ ܠܡܪܝܐ܂ ܚܙܝ ܕܐܢܬ ܐܡܼܪܬ ܠܝ܂ ܐܣܩܝܗܝ/ܕܐܣܩܝܗܝ#3#/ ܠܥܡܐ ܗܢܐ܂ ܘܐܢܬ ܠܐ ܚܘܝܬܢܝ ܡܿܢ ܕܡܫܕܪ/ܡܫܕܪ#3#/ ܐܢܬ ܥܡܝ܂ ܘܐܢܬ ܐܡܼܪܬ ‍<‍ܠܝ#3#‍>‍ ܝܕܥܬܟ ܒܫܡܐ܂ ܘܐܦ ܐܫܟܼܚܬ ܪ̈ܚܡܐ ܒܥܝܢ̈ܝ܂
33:13 [ai]ܗܫܐ ܐܢ ܐܫܟܿܚܬ ܪ̈ܚܡܐ ܒܥܝܢ̈ܝܟ܂ ܚܘܢܝ ܐܘܪܚܟ ܘܐܕܥܟ/ܘܐܘܕܥܟ#3#/܂ ܡܛܠ ܕܐܫܟܚ ܪ̈ܚܡܐ ܒܥܝܢ̈ܝܟ܂ ܘܚܙܝ ܕܥܡܟ ܗܢܐ ܥܡܐ ܗܘ ܪܒܐ܂
33:14 [ai]ܘܐܡܼܪ ܡܪܝܐ ܠܡܘܫܐ܂ ܩܕܡܝ ܙܠ ܘܐܢܝܚ ܠܟ܂
33:15 [ai]ܐܡܿܪ ܠܗ܂ ܐܢ ܐܢܬ ܠܐ ܐܿܙܠ ܐܢܬ ܥܡܢ ܠܐ ܬܣܩܢ ܡܟܐ܂
33:16 [ai]ܘܒܡܢܐ ܢܬܝܕܥ ܗܪܟܐ܂ ܕܐܫܟܿܚܬ ܪ̈ܚܡܐ ܒܥܝܢ̈ܝܟ ܐܢܐ ܘܥܡܟ܂ ܐܠܐ ܡܐ ܕܐܙܠܼܬ/ܕܐܙܠ ܐܢܬ#3#/ ܥܡܢ܂ ܘܗܘܝܢ ܦܪ̈ܝܫܝܢ ܐܢܐ ܘܥܡܟ܂ ܡܢ ܟܠܗܘܢ ܥܡ̈ܡܐ ܕܐܝܬ ܥܠ \ܐ̈ܦܝ ܐܪܥܐ /ܐܦ̈ܝܗܿ ܕܐܪܥܐ#3#/܂
33:17 [ai]ܘܐܡܼܪ ܡܪܝܐ ܠܡܘܫܐ܂ ܐܝܟ ܡܠܬܐ ܗܕܐ ܕܐܡܼܪܬ ܐܥܒܕ܂ ܡܛܠ ܕܐܫܟܼܚܬ ܪ̈ܚܡܐ ܒܥܝܢ̈ܝ܂ ܘܐܕܥܟ/ܘܐܘܕܥܟ#3#/ ܒܫܡܐ܂
33:18 [ai]ܘܐܡܼܪ ܚܘܢܝ ܫܘܒܚܟ܂
33:19 [ai]ܘܐܡܼܪ܂ ܐܢܐ ܐܥܒܼܪ ܟܠܗ ܛܘܒܝ ܩܕܡܝܟ܂ ܘܐܩܪܐ ܒܫܡܐ ܡܪܝܐ ܩܕܡܝܟ܂ ܘܐܿܚܘܢ ܠܡܿܢ ܕܐܚܘܢ ܘܐܪܼܚܡ ܠܡܿܢ/ܥܠ ܡܢ#3#/ ܕܐܪܚܡ܂
33:20 [ai]ܘܐܡܼܪ ‍<‍ܡܪܝܐ ܠܡܘܫܐ#3#‍>‍܂ ܠܐ ܡܫܟܚ ܐܢܬ ܠܡܚܙܐ ܐ̈ܦܝ܂ ܡܛܠ ܕܠܐ ܚܿܙܐ ܠܝ ܒܪܢܫܐ ܘܚܿܝܐ܂
33:21 [ai]ܘܐܡܼܪ ܡܪܝܐ ܠܡܘܫܐ܂ ܗܐ ܐܬܪܐ ܩܕܡܝ܂ ܩܘܡ ܥܠ ܛܪܢܐ܂
33:22 [ai]ܘܡܐ ܕܥܒܿܪ ܐܝܩܪܝ ܐܣܝܡܟ ܒܡܥܪܬܐ ܕܛܪܢܐ܂ ܘܐܓܢ ܐܝܕܝ ܥܠܝܟ ܥܕܡܐ ܕܐܥܒܪ܂
33:23 [ai]ܘܐܥܒܼܪ ܐܝܕܝ ܘܬܚܙܐ ܒܣܬܪܝ܂ ܘܐ̈ܦܝ ܠܐ ܢܬܚܙܝܢ ‍<‍ܠܟ#3#‍>‍܂

next chapter