← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


36:01 [ai]ܘܥܒܼܕܘ ܒܨܠܝܐܝܠ ܘܐܠܝܗܒ܂ ܘܟܠ ܓܒܪ ܚܟܝܡ ܠܒܐ ܕܝܗܼܒ ܡܪܝܐ ܚܟܡܬܐ ܘܣܘܟܠܐ ܒܗܘܢ܂ ܠܡܕܥ ܘܠܡܥܒܕ ܥܒܿܕܐ ܕܦܘܠܚܢܐ ܕܩܘܕܫܐ܂ ܐܝܟ ܡܐ ܕܦܩܿܕ ܡܪܝܐ܂
36:02 [ai]ܘܩܼܪܐ ܡܘܫܐ ܠܒܨܠܝܐܝܠ ܘܠܐܠܝܗܒ܂ ܘܠܟܠ ܓܒܪ ܚܟܝܡ ܠܒܐ ܕܝܗܼܒ ܡܪܝܐ ܚܟܡܬܐ ܒܠܒܗ܂ ܟܠ ܕܐܬܚܫܒ ܒܠܒܗ ܠܡܩܪܒ ܠܥܒܿܕܐ ܠܡܥܒܕܗ܂
36:03 [ai]ܘܢܣܒܘ ܡܢ ܩܕܡ ܡܘܫܐ܂ ܟܠܗ ܦܘܪܫܢܐ ܕܐܝܬܝܘ ܒ̈ܢܝ ܐܝܣܪܝܠ ܠܥܒܿܕܐ ܕܡܫܟܢܙܒܢܐ ܠܡܥܒܕܗ܂ ܘܗܼܢܘܢ ܡܝܬܝܢ ܗܘܘ ܠܗ ܬܘܒ ܦܘܪܫܢܐ ܡܢ ܨܦܪ ܠܨܦܪ܂
36:04 [ai]ܘܐܝܬܝܘ ܟܠܗܘܢ ܚ̈ܟܝܡܐ ‍<‍ܠܒܐ#3#‍>‍ ܕܥܿܒܕܝܢ ܥܒܿܕܐ ܕܩܘܕܫܐ ܐܢܫ ܐܢܫ ܡܢ ܥܒܿܕܐ ܕܗܼܢܘܢ ܥܒܿܕܝܢ܂
36:05 [ai]ܘܐܡܪܘ ܠܡܘܫܐ܂ ܡܣܓܐ ܥܡܐ ܠܡܝܬܝܘ܂ ܟܕܘ ܥܒܿܕܐ ܠܥܒܝܕܬܐ ܕܦܩܿܕ ܡܪܝܐ ܠܡܥܒܼܕ܂
36:06 [ai]ܘܦܩܼܕ ܡܘܫܐ܂ ܘܩܪܘ ܟܪ̈ܘܙܐ ܒܡܫܪܝܬܐ ܘܐܡܪܘ܂ ܓܒܪܐ ܐܘ ܐܢܬܬܐ܂ ܠܐ ܢܥܒܕܘܢ ܬܘܒ ܥܒܿܕܐ ܠܦܘܪܫܢܐ ܕܩܘܕܫܐ܂ ܘܐܬܟܠܝܘ ܥܡܐ \ܡܢ ܕܠܡܝܬܝܘ /ܠܡܝܬܝܘ#3#/܂
36:07 [ai]ܘܥܒܿܕܐ ܗܘܐ ܡܣܬ ܟܠܗ ܥܒܿܕܐ ܠܡܥܒܕܗ ܘܐܘܬܪܘ/ܘܝܬܪ#3#/܂
36:08 [ai]ܘܥܒܼܕܘ ܟܘܠ ܚ̈ܟܝܡܝ ܠܒܐ ܘܥܒ̈ܕܝ ܥܒܿܕܐ܂ ܡܫܟܢܐ ܕܥܣܪ̈ ܝܪ̈ܝܥܢ ܕܒܘܨܐ ܥܙܝܠܐ܂ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ ܟܪܘܒܐ ܥܒܿܕܐ ܕܐܘܡܢܐ܂ ܥܒܼܕܘ ܐ̈ܢܝܢ܂
36:09 [ai]ܐܘܪܟܗܿ ܕܝܪܝܥܬܐ ܚܕܐ ܥܣܪ̈ܝܢ ܘܬܡܢܐ ܐ̈ܡܝܢ܂ ܘܦܬܝܗܿ ܐܪ̈ܒܥ ܐ̈ܡܝܢ ܕܝܪܝܥܬܐ ܚܕܐ܂ ܡܫܘܚܬܐ ܚܕܐ ܠܟܠܗܝܢ ܝܪ̈ܝܥܬܐ܂
36:10 [ai]ܘܕܒܿܩܘ ܚܡܫ ܝܪ̈ܝܥܢ ܐܟܚܕܐ܂ ܘܚܡܫ ܝܪ̈ܝܥܢ ܕܒܩܿܘ ܚܕܐ ܒܚܕܐ܂
36:11 [ai]ܘܥܒܼܕܘ ܬܐ̈ܢܬܐ ܕܬܟܠܬܐ܂ ܥܠ ܣܦܬܗܿ ܕܝܪܝܥܬܐ ܚܕܐ ܡܢ ܣܛܪܐ/ܣܦܬܐ#3#/ ܕܕܒܩܐ܂ ܘܗܟܢܐ ܥܒܼܕܘ ܒܣܦܬܗܿ ܕܝܪܝܥܬܐ ܡܢ ܣܛܪܐ ܕܕܒܩܐ ܐܚܪܢܐ܂
36:12 [ai]ܚܡܫܝܢ ܬܢܐܢ ܥܒܼܕܘ ܠܝܪܝܥܬܐ ܚܕܐ܂ ܘܚܡܫܝܢ ܬܢܐܢ ܥܒܼܕܘ ܒܣܛܪܗܿ/ܒܣܦܬܗܿ#3#/ ܕܝܪܝܥܬܐ ܚܕܐ ܒܕܒܩܐ ܐܚܪܢܐ܂ ܡܩ̈ܒܠܢ ܬܐ̈ܢܬܐ ܚܕܐ ܠܘܩܒܠ ܚܕܐ܂
36:13 [ai]ܘܥܒܼܕܘ ܚܡܫܝܢ ܩܘܪ̈ܩܣܐ ܕܕܗܒܐ܂ ܘܕܒܩܘ ܝܪ̈ܝܥܬܐ ܚܕܐ ܒܚܕܐ ܒܩܘܪ̈ܩܣܐ܂ ܘܗܘܼܐ ܡܫܟܢܐ ܚܕ܂
36:14 [ai]ܘܥܒܼܕܘ ܝܪ̈ܝܥܬܐ ܕܣܥܪܐ ܠܡܦܪܣ ܥܠ ܡܫܟܢܐ܂ ܚܕܥܣܪܐ ܝܪ̈ܝܥܢ ܥܒܼܕܘ ܐܢܝ̈ܢ܂
36:15 [ai]ܐܘܪܟܗܿ ܕܝܪܝܥܬܐ ܗܕܐ ܬܠܬܝܢ ܐ̈ܡܝܢ܂ ܘܦܬܝܗܿ ܐܪ̈ܒܥ ܐܡ̈ܝܢ ܕܝܪܝܥܬܐ ܚܕܐ܂ ܡܫܘܚܬܐ ܚܕܐ ܠܚܕܥܣܪܐ ܝܪ̈ܝܥܢ܂
36:16 [ai]ܘܕܒܩܘ ܚܡܫ ܝܪ̈ܝܥܢ ܐܟܚܕܐ܂ ܘܫܬ ܝܪ̈ܝܥܢ ܐܝܟ ܚܕܐ܂
36:17 [ai]ܘܥܒܼܕܘ ܬܐ̈ܢܬܐ܂ ܚܡܫܝܢ ܬܢܐܢ \ܥܠ ܣܦܬܗܿ /ܡܢ ܣܛܪܗܿ#3#/ ܕܝܪܝܥܬܐ ‍<‍ܚܕܐ#3#‍>‍ ܡܢ ܣܛܪܐ ܕܕܒܩܐ܂ ܘܚܡܫܝܢ ܬܢܐ̈ܢ ܥܒܼܕܘ ܥܠ ܣܦܬܗܿ ܕܝܪܝܥܬܐ ܒܕܒܩܐ/ܕܕܒܩܐ#3#/ ܐܚܪܢܐ܂
36:18 [ai]ܘܥܒܼܕܘ ܩܘܪ̈ܩܣܐ ܕܢܚܫܐ ܚܡܫܝܢ܂ ܠܡܕܒܩܘܬܗ ܠܡܫܟܢܐ܂ ܕܢܗܘܐ ܚܕ܂
36:19 [ai]ܘܥܒܼܕܘ ܦܪܣܐ ܠܡܫܟܢܐ܂ ܡܫ̈ܟܐ ܕܕܟܪ̈ܐ ܕܐܣܦܝܢܝܩܐ܂ ܘܩܪܡܐ ܕܡܫ̈ܟܐ ܕܣܣܓܘܢܐ ܡܢ ܠܥܠ܂
36:20 [ai]ܘܥܒܼܕܘ ܕ̈ܦܐ ܠܡܫܟܢܐ/ܕܡܫܟܢܐ#3#/ ܕܩܝܣܐ ܕܐܫܟܪܥܐ ܩܝ̈ܡܐ܂
36:21 [ai]ܥܣܪ̈ ܐܡ̈ܝܢ ܐܘܪܟܗ ܕܕܦܐ ܚܕ܂ ܘܐܡܐ ܘܦܠܓܘܬ ܐܡܐ ܦܬܝܗ ܕܕܦܐ ܚܕ܂
36:22 [ai]ܬܪ̈ܬܝܢ ܨܝܪ̈ܢ ܠܕܦܐ ܚܕ܂ ܘܬܪ̈ܬܝܢ ܨܝܪ̈ܢ ܠܕܦܐ ܚܕ/ܐܚܪܢܐ#3#/܂ ܬܪ̈ܝܨܢ ܚܕܐ ܠܘܩܒܠ ܚܕܐ܂ ܗܟܢܐ ܥܒܼܕܘ ܠܟܠܗܘܢ ܕ̈ܦܐ ܕܡܫܟܢܐ܂
36:23 [ai]ܘܥܒܼܕܘ ܕ̈ܦܐ ܠܡܫܟܢܐ܂ ܥܣܪ̈ܝܢ ܕܦܝ̈ܢ ܕܪܘܚܐ ܕܬܝܡܢܐ܂
36:24 [ai]ܘܐܪ̈ܒܥܝܢ ܣܡ̈ܟܐ ܕܣܐܡܐ/ܕܟܣܦܐ#3#/ ܥܒܼܕܘ ܬܚܝܬ ܥܣܪ̈ܝܢ ܕܦܝ̈ܢ܂ ܬܪ̈ܝܢ ܠܣܛܪܐ ܣܡ̈ܟܝܢ ܬܚܝܬ ܕܦܐ ܚܕ ܠܬܪ̈ܬܝܢ ܨܝܪ̈ܬܗ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ/ܐܚܪܢܐ#3#/ ܠܬܪ̈ܬܝܢ ܨܝܪ̈ܬܗ܂
36:25 [ai]ܘܠܣܛܪܐ ܐܚܪܢܐ ܕܡܫܟܢܐ܂ ܠܣܛܪܐ ܕܪܘܚܐ ܕܓܪܒܝܐ܂ ܥܒܼܕܘ ܥܣܪ̈ܝܢ ܕܦܝ̈ܢ܂
36:26 [ai]ܘܐܪ̈ܒܥܝܢ ܣܡ̈ܟܐ ܕܣܐܡܐ/ܕܟܣܦܐ#3#/܂ ܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܐܚܪܢܐ܂
36:27 [ai]ܘܠܫ̈ܦܘܠܝ ܡܫܟܢܐ ܡܢ ܡܥܪܒܐ܂ ܥܒܼܕܘ ܫܬܐ ܕܦܝ̈ܢ܂
36:28 [ai]ܘܬܪ̈ܝܢ ܕܦܝ̈ܢ ܥܒܼܕܘ ܠܙܘܝܬܐ ܕܡܫܟܢܐ ܒܫ̈ܦܘܠܝܗܘܢ܂
36:29 [ai]ܘܗܘܘ ܡܬܐܡܝܢ ܡܢ ܠܬܚܬ܂ ܘܐܟܚܕܐ ܓܦܝ̈ܢ ܪ̈ܫܝܗܘܢ ܥܠ ܙܩܙܩܬܐ ܚܕܐ܂ ܗܟܢܐ ܥܒܼܕܘ ܠܬܪ̈ܝܗܘܢ ܠܬܪ̈ܬܝܢ ܙܘܝ̈ܢ܂
36:30 [ai]ܘܗܘܘ ܬܡܢܝܐ ܕܦܝ̈ܢ܂ ܘܣܡ̈ܟܝܗܘܢ ܕܣܐܡܐ/ܕܟܣܦܐ#3#/ ܫܬܬܥܣܪ̈܂ ܬܪ̈ܝܢ ܣܡ̈ܟܝܢ ܬܚܝܬ ܕܦܐ ܚܕ܂ ܘܬܪ̈ܝܢ ܣܡ̈ܟܝܢ ܬܚܝܬ ܕܦܐ ܐܚܪܢܐ܂
36:31 [ai]ܘܥܒܼܕܘ ܡܘܟ̈ܠܐ ܕܩܝܣܐ ܕܐܫܟܪܥܐ܂ ܚܡܫܐ ܠܕ̈ܦܝ ܣܛܪܗ ܚܕ ܕܡܫܟܢܐ܂
36:32 [ai]ܘܚܡܫܐ ܡ̈ܘܟܠܝܢ ܠܕ̈ܦܝ ܣܛܪܗ ܐܚܪܢܐ ܕܡܫܟܢܐ܂ ܘܚܡܫܐ ܡܘܟ̈ܠܝܢ ܠܕܦܘ̈ܗܝ ܕܡܫܟܢܐ ܠܫ̈ܦܘܠܝܗܘܢ ܡܢ ܡܥܪܒܐ܂
36:33 [ai]ܘܥܒܼܕܘ ܡܘܟܠܐ ܡܨܥܝܐ ܠܡܥܒܪܘ ܒܓܘ ܕ̈ܦܐ܂ ܡܢ ܗܢܐ ܣܛܪܐ/ܓܒܐ#3#/ ܠܗܢܐ܂
36:34 [ai]ܘܕ̈ܦܐ ܩܪܡܘ ܕܗܒܐ܂ ܘܙܩ̈ܙܩܬܗܘܢ ܥܒܼܕܘ ܕܕܗܒܐ܂ ܐܬܪܐ ܠܡܘ̈ܟܠܐ܂ ܘܩܪܡܘ ܐܢܘܢ ܠܡܘܟ̈ܠܐ ܕܗܒܐ܂
36:35 [ai]ܘܥܒܼܕܘ ܦܪܣܐ ܕܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒܿܕܐ ܕܐܘܡܢܐ ܥܒܼܕܗ ܟܪܘܒܐ܂
36:36 [ai]ܘܥܒܼܕܘ ܠܗ ܐܪ̈ܒܥܐ ܥܡ̈ܘܕܐ ܕܐܫܟܪܥܐ܂ ܘܩܪܡܘ ܐܢܘܢ ܕܗܒܐ܂ ܘܠܩܘܒ̈ܥܝܗܘܢ ܕܗܒܐ܂ ܘܥܒܼܕܘ ܠܗܘܢ ܐܪ̈ܒܥܐ ܣܡ̈ܟܝܢ ܕܣܐܡܐ/ܕܟܣܦܐ#3#/܂
36:37 [ai]ܘܥܒܼܕܘ ܦܪܣܐ ܠܬܪܥܐ ܕܡܫܟܢܐ܂ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒܿܕܐ ܕܨܘܪܬܐ܂
36:38 [ai]ܥܡ̈ܘܕܘܗܝ ܚܡܫܐ܂ ܘܩܘܒ̈ܥܝܗܘܢ ܚܡܫܐ܂ ܘܩܪܡܐ ܕܪ̈ܫܝܗܘܢ ܘܩܪܡܗܘܢ ܕܕܗܒܐ܂ ܘܣܡ̈ܟܝܗܘܢ ܚܡܫܐ ܕܢܚܫܐ܂

next chapter