← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


37:01 [ai]ܘܥܒܼܕ ܒܨܠܝܐܝܠ ܩܒܘܬܐ ܕܩܝܣܐ ܕܐܫܟܪܥܐ܂ ܬܪ̈ܬܝܢ ܐ̈ܡܝܢ ܘܦܼܠܓ ܐܘܪܟܗܿ܂ ܘܐܡܐ ܘܦܼܠܓ ܦܼܬܝܗܿ܂ ܘܐܡܐ ܘܦܼܠܓ ܪܘܡܗܿ܂
37:02 [ai]ܘܩܪܡܗܿ ܕܗܒܐ ܕܟܝܐ܂ ܡܢ ܠܓܘ ܘܡܢ ܠܒܪ܂ ܘܥܒܼܕ ܠܗܿ ܟܠܝܠܐ ܕܕܗܒܐ ܟܕ ܚܕܪܐ܂
37:03 [ai]ܘܚܫܼܠ ܠܗܿ ܐܪ̈ܒܥ ܙܩܙܩ̈ܢ ܕܕܗܒܐ ܥܠ ܐܪ̈ܒܥ ܙܘܝ̈ܬܗܿ܂ ܬܪ̈ܬܝܢ ܙܩ̈ܙܩܢ ܥܠ ܣܛܪܗܿ ܚܕ܂ ܘܬܪ̈ܬܝܢ ܙܩܙ̈ܩܢ ܥܠ ܣܛܪܗܿ ܐܚܪܢܐ܂
37:04 [ai]ܘܥܒܼܕ ܩܘ̈ܦܐ ܕܩܝܣܐ ܕܐܫܟܪܥܐ܂ ܘܩܼܪܡ ܐܢܘܢ ܕܗܒܐ܂
37:05 [ai]ܘܐܥܠ ܩ̈ܘܦܐ ܒܙܩ̈ܙܩܬܐ܂ ܥܠ ܣܛܪ̈ܝܗܿ ܕܩܒܘܬܐ܂ ܠܡܫܩܠܗܿ ܠܩܒܘܬܐ܂
37:06 [ai]ܘܥܒܼܕ ܚܘܣܝܐ ܕܕܗܒܐ ܕܟܝܐ܂ ܬܪ̈ܬܝܢ ܐܡ̈ܝܢ ܘܦܼܠܓ ܐܘܪܟܗ܂ ܘܐܡܐ ܘܦܼܠܓ ܦܬܝܗ ‍<‍ܘܐܡܐ ܘܦܠܓ ܪܘܡܗܿ#3#‍>‍܂
37:07 [ai]ܘܥܒܼܕ ܬܪ̈ܝܢ ܟܪ̈ܘܒܐ ܕܕܗܒܐ܂ ܕܢܣܟܬܐ ܥܒܼܕ ܐܢܘܢ ܡܢ ܬܪ̈ܝܢ ܣܛܪ̈ܘܗܝ ܕܚܘܣܝܐ܂
37:08 [ai]ܟܪܘܒܐ ܚܕ ܡܢ \ܣܛܪܗ ܡܟܐ /ܚܕ ܣܛܪܐ#3#/܂ ܘܟܪܘܒܐ ܐܚܪܢܐ ܡܢ ܣܛܪܗ ܐܚܪܢܐ ܠܥܠ ܡܢ ܚܘܣܝܐ ܥܒܼܕ ܟܪ̈ܘܒܐ܂ ܡܢ ܬܪ̈ܝܢ ܣܛܪ̈ܘܗܝ܂
37:09 [ai]ܘܗܼܘܘ ܟܪ̈ܘܒܐ ܦܪܝܣܝܢ ܓܦܝ̈ܗܘܢ ܡܢ ܠܥܠ܂ ܘܡܛܠܝܢ ܒܓ̈ܦܝܗܘܢ/ܒܟܢ̈ܦܝܗܘܢ#3#/ ܥܠ ܚܘܣܝܐ܂ ܘܐ̈ܦܝܗܘܢ ܚܕ ܠܘܩܒܠ ܚܕ܂ ܥܠ ܚܘܣܝܐ ܗ̈ܘܝ ܐ̈ܦܝܗܘܢ ܕܟܪ̈ܘܒܐ܂
37:10 [ai]ܘܥܒܼܕ ܦܬܘܪܐ ܕܩܝܣܐ ܕܐܫܟܪܥܐ܂ ܬܪ̈ܬܝܢ ܐܡ̈ܝܢ ܐܘܪܟܗ܂ ܘܐܡܐ ܦܬܝܗ܂ ܘܐܡܐ ܘܦܠܓ ܪܘܡܗ܂
37:11 [ai]ܘܩܪܡܗ ܕܗܒܐ ܕܟܝܐ܂ ܘܥܒܼܕ ܠܗ ܟܠܝܠܐ ܕܕܗܒܐ ‍<‍ܕܟܝܐ#3#‍>‍ ܥܠ ܣܦܬܗ ܟܕ ܚܕܪ܂
37:12 [ai]ܘܥܒܼܕ ܠܗ ܣܦܬܐ ܦܫܟ ܟܕ ܚܕܪ܂ ܘܥܒܼܕ ܠܗ ܟܠܝܠܐ ܕܕܗܒܐ ܥܠ ܣܦܬܗ ܟܕ ܚܿܕܪ܂
37:13 [ai]ܘܚܫܼܠ ܠܗ ܐܪ̈ܒܥ ܙܩܙܩ̈ܢ ܕܕܗܒܐ܂ ܘܝܗܼܒ ܙܩ̈ܙܩܬܐ \ܥܠ ܐܪ̈ܒܥ /ܒܐܪ̈ܒܥ#3#/ ܙܘܝ̈ܬܗ܂ \ܥܠ ܐܪ̈ܒܥ /ܒܐܪ̈ܒܥ#3#/ܠܥܠ ܡܢ ܐܪ̈ܒܥ#3#/ ܪ̈ܓܠܘܗܝ܂
37:14 [ai]ܠܘܩܒܠ ܣܦܬܗ ܗ̈ܘܝ ܙܩ̈ܙܩܬܗ܂ ܕܘܟܬܐ ܠܩ̈ܘܦܐ ܠܡܫܩܠܗ ܠܦܬܘܪܐ܂
37:15 [ai]ܘܥܒܼܕ ܩ̈ܘܦܐ ܕܩܝܣܐ ܕܐܫܟܪܥܐ܂ ܘܩܼܪܡ ܐܢܘܢ ܕܗܒܐ܂ ܠܡܫܩܠ ܒܗܘܢ ܦܬܘܪܐ܂
37:16 [ai]ܘܥܒܼܕ ܡ̈ܐܢܐ ܕܥܠ ܦܬܘܪܐ܂ ܡܓܣ̈ܘܗܝ ܘܟ̈ܦܘܗܝ ܘܙܒܘܪ̈ܘܗܝ܂ ܘܡܢܩ̈ܝܬܐ ܕܡܬܢܿܩܐ ܕܕܗܒܐ ܕܟܝܐ܂
37:17 [ai]ܘܥܒܼܕ ܡܢܪܬܐ ܕܕܗܒܐ ܕܟܝܐ܂ ܕܢܣܟܬܐ ܥܒܼܕܗܿ ܠܡܢܪܬܐ܂ ܒܣܣ ܕܝܠܗܿ ܘܩ̈ܢܝܗܿ܂ ܘܐܣ̈ܩܦܝܗܿ ܘܚܙܘܪ̈ܝܗܿ ܘܫ̈ܘܫܢܝܗܿ ܡܢܗܿ ܗܘܘ܂
37:18 [ai]ܘܫܬܐ ܩ̈ܢܝܢ ܕܢܦܩܝܢ ܡܢ ܣܛܪ̈ܝܗܿ܂ ܬܠܬܐ ܩܢ̈ܝ ܡܢܪܬܐ ܡܢ ܣܛܪܗܿ ܚܕ܂ ܘܬܠܬܐ ܩܢ̈ܝ ܡܢܪܬܐ ܡܢ ܣܛܪܗܿ ܐܚܪܢܐ܂
37:19 [ai]ܬܠܬܐ ܐܣ̈ܩܦܝܢ ܩܒܝܥܝܢ ܒܩܢܝܐ ܚܕ ܘܚܙܘܪ̈ܐ ܘܫ̈ܘܫܢܐ܂ ܘܬܠܬܐ ܐܣ̈ܩܦܝܢ ܩܒܝܥܝܢ ܒܩܢܝܐ ܚܕ܂ ܘܚܙܘܪ̈ܐ ܘܫ̈ܘܫܢܐ܂ ܗܟܢܐ ܒܫܬܐ/ܠܫܬܐ#3#/ ܩ̈ܢܝܢ ܕܢܦܩܝܢ ܡܢܗܿ ܡܢ ܡܢܪܬܐ܂
37:20 [ai]ܘܒܡܢܪܬܐ ܐܪ̈ܒܥܐ ܐܣܩ̈ܦܝܢ ܩܒܝܥܝܢ܂ ܘܚܙܘܪ̈ܐ ܘܫ̈ܘܫܢܐ܂
37:21 [ai]ܚܙܘܪܐ ܬܚܝܬ ܬܪ̈ܝܢ ܩ̈ܢܝܢ ܕܡܢܗܿ܂ ܘܚܙܘܪܐ ܬܚܝܬ ܬܪ̈ܝܢ ܩ̈ܢܝܢ ܕܡܢܗܿ܂ ܘܚܙܘܪܐ ܬܚܝܬ ܬܪ̈ܝܢ ܩ̈ܢܝܢ ܕܡܢܗܿ ܗܟܢܐ ܠܫܬܐ/ܒܫܬܐ#3#/ ܩ̈ܢܝܢ ܕܢܦܩܝܢ ܡܢܗܿ ܡܢ ܡܢܪܬܐ܂
37:22 [ai]ܘܚܙܘܪ̈ܝܗܿ ܘܩ̈ܢܝܗܿ ܡܢܗܿ ܗܘܼܘ܂ ܟܠܗܿ ܕܢܣܟܬܐ ܚܕܐ ܕܕܗܒܐ ܕܟܝܐ܂
37:23 [ai]ܘܥܒܼܕ ܫܪ̈ܓܝܗܿ ܫܒܥܐ ܘܡܠܩ̈ܛܝܗܿ ܘܟ̈ܦܝܗܿ ܕܕܗܒܐ ܕܟܝܐ܂
37:24 [ai]ܡܢ ܟܟܪܐ ܕܕܗܒܐ ܕܟܝܐ ܥܒܼܕܗܿ܂ ܠܗܿ ܘܠܟܠܗܘܢ ܡܐ̈ܢܝܗܿ܂
37:25 [ai]ܘܥܒܼܕ ܡܕܒܚܐ ܕܥܛܪܐ ܕܩܝܣܐ ܕܐܫܟܪܥܐ܂ ܐܡܐ ܐܘܪܟܗ ܘܐܡܐ ܦܬܝܗ܂ ܡܪܒܥ܂ ܘܬܪ̈ܬܝܢ ܐܡ̈ܝܢ ܪܘܡܗ܂ ܡܢܗ ܗ̈ܘܝ ܩܪ̈ܢܬܗ܂
37:26 [ai]ܘܩܪܡܼܗ ܕܗܒܐ ܕܟܝܐ܂ ܠܐܓܪܗ ܘܠܐ̈ܣܘܗܝ ܟܕ ܚܕܪ ܘܠܩܪ̈ܢܬܗ܂ ܥܒܼܕܘ ܠܗ ܟܠܝܠܐ ܕܕܗܒܐ ܟܕ ܚܕܪ܂
37:27 [ai]ܘܬܪ̈ܬܝܢ ܙܩܙܩ̈ܢ ܕܕܗܒܐ܂ ܥܒܼܕ ܠܗ ܠܬܚܬ ܡܢ ܟܠܝܠܗ܂ ܥܠ ܬܪ̈ܬܝܢ ܙܘܝ̈ܬܗ܂ ܥܠ ܬܪ̈ܝܢ ܣܛܪ̈ܘܗܝ܂ ܕܘܟܬܐ ܠܩ̈ܘܦܐ ܠܡܫܩܠܗ ܒܗܘܢ܂
37:28 [ai]ܘܥܒܼܕ ܩ̈ܘܦܐ ܕܩܝܣܐ ܕܐܫܟܪܥܐ܂ ܘܩܪܡ ܐܢܘܢ ܕܗܒܐ܂
37:29 [ai]ܘܥܒܼܕ ܡܫܚܐ ܡܫܝܚܘܬ/ܕܡܫܝܚܘܬ#3#/ ܩܘܕܫܐ܂ ܘܥܛܪܐ ܕܒܣ̈ܡܐ ܕܟ̈ܝܐ܂ ܥܒܿܕܐ ܡܒܣܡܐ܂

next chapter