← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


39:01 [ai]ܘܡܢ ܬܟܠܬܐ ܘܡܢ ܐܪܓܘܢܐ ܘܡܢ ܨܘܒܥܐ ܕܙܚܘܪܝܬܐ܂ ܥܒܼܕܘ ܠܒܘܫ̈ܝ ܬܫܡܫܬܐ ܠܡܫܡܫܘ ܒܩܘܕܫܐ܂ ܘܥܒܼܕܘ ܠܒ̈ܘܫܝ ܩܘܕܫܐ ܠܐܗܪܘܢ ܐܝܟ ܕܦܩܿܕ ܡܪܝܐ ܠܡܘܫܐ܂
39:02 [ai]ܘܥܒܼܕܘ ܦܕܬܐ ܕܕܗܒܐ ܬܟܠܬܐ ܘܐܪܓܘܢܐ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂
39:03 [ai]ܘܐܪܩܘ ܛܣ̈ܐ ܕܕܗܒܐ܂ ܘܦܣܩܘ ܚܘܛܐ ܠܡܥܒܪܘ ܒܓܘ ܬܟܠܬܐ ܘܒܓܘ ܐܪܓܘܢܐ܂ ܘܒܓܘ ܨܘܒܥܐ ܕܙܚܘܪܝܬܐ ܘܒܓܘ ܒܘܨܐ܂ ܥܒܿܕܐ ܕܐܘܡܢܐ܂
39:04 [ai]ܟܬ̈ܦܬܐ ܥܒܼܕܘ ܠܗܿ ܡܕܒܩ̈ܬܐ ܥܠ ܬܪ̈ܝܢ ܣܛܪ̈ܝܗܿ ܡܕܒܩܐ܂
39:05 [ai]ܘܗܡܝܢܐ ܕܦܕܬܐ ܡܢܗܿ ܗܘܐ ܐܝܟ ܥܒܿܕܗܿ܂ ܕܗܒܐ ܘܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܐܝܟ ܕܦܩܿܕ ܡܪܝܐ ܠܡܘܫܐ܂
39:06 [ai]ܘܥܒܼܕܘ ܟܐ̈ܦܐ ܕܒܪܘܠܐ܂ ܡܘܚܕܢ ܘܡܫܪ̈ܢ ܒܕܗܒܐ܂ ܓ̈ܠܝܦܢ ܓܠܦ̈ܐ ܕܚܬܡܐ܂ ܥܠ ܫܡ̈ܗܐ ܕܒܢ̈ܝ ܐܝܣܪܝܠ܂
39:07 [ai]ܘܣܡܘ ܐ̈ܢܝܢ ܥܠ ܟܬ̈ܦܬܗܿ ܕܦܕܬܐ܂ ܟܐ̈ܦܐ ܕܕܘܟܪܢܐ ܠܒܢ̈ܝ ܐܝܣܪܝܠ܂ ܐܝܟ ܕܦܩܿܕ ܡܪܝܐ ܠܡܘܫܐ܂
39:08 [ai]ܘܥܒܼܕܘ ܦܪܝܣܐ/ܦܪܣܐ#3#/ ܥܒܿܕܐ ܕܐܘܡܢܐ܂ ܐܝܟ ܥܒܿܕܐ ܕܦܕܬܐ܂ ܕܗܒܐ ܘܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂
39:09 [ai]ܡܪܒܥ ܗܘܐ ܘܐܥܝܦ܂ ܘܥܒܼܕܘ ܚܘܣܝܐ/ܠܦܪܝܣܐ#3#/ ܙܪܬ ܐܘܪܟܗ ܘܙܪܬ ܦܬܝܗ܂ ܟܕ ܐܥܝܦ܂
39:10 [ai]ܘܫܠܡܘ ܒܗ ܐܪ̈ܒܥܐ ܣܕܪ̈ܝܢ ܕܟܐ̈ܦܐ܂ ܣܕܪܐ ܩܕܡܝܐ ܣܘܡܩܐ ܘܙܪܓܐ ܘܒܪܩܐ ܣܕܪܐ ܚܕ܂
39:11 [ai]ܘܣܕܪܐ ܐܚܪܢܐ܂ ܨܕܝܕܐ ܘܣܦܝܠܐ ܘܢܩܥܬܐ܂
39:12 [ai]ܘܣܕܪܐ ܬܠܝܬܝܐ/ܐܚܪܢܐ#3#/܂ ܩܢܟܝܢܘܢ ܘܩܪܟܕܢܐ ܘܥܝܢ ܥܓܠܐ܂
39:13 [ai]ܘܣܕܪܐ ܐܪ̈ܒܝܥܝܐ܂ ܬܪܫܝܫ ܘܒܪܘܠܐ ܘܝܫܦܗ܂ ܡܘܚܕܢ ܘܡܫܪܢ ܒܕܗܒܐ ܒܫܠܡܘܬܗܝܢ܂
39:14 [ai]ܘܟܐ̈ܦܐ ܥܠ ܫ̈ܡܗܐ ܐ̈ܢܝܢ ܕܒܢ̈ܝ ܐܝܣܪܝܠ܂ ܬܪ̈ܬܥܣܪܐ ܥܠ ܫ̈ܡܗܝܗܘܢ ܓ̈ܠܝܦܢ ܓܠܦ̈ܐ ܕܚܬܡܐ܂ ܓܒܪ ܥܠ ܫܡܗ ܗ̈ܘܝ ܠܬܪ̈ܥܣܪ ܫ̈ܒܛܝܢ܂
39:15 [ai]ܘܥܒܼܕܘ ܥܠ ܚܘܣܝܐ ܫ̈ܫܠܬܐ ܡܬܐ̈ܡܬܐ܂ ܥܒܿܕܐ ܓܕܝܠܐ ܕܕܗܒܐ ܕܟܝܐ܂
39:16 [ai]ܘܥܒܕܘ ܬܪ̈ܬܝܢ ܡܘܚ̈ܕܬܐ ܕܕܗܒܐ܂ ܘܬܪ̈ܬܝܢ ܙܩ̈ܙܩܬܐ ܕܕܗܒܐ܂ ܘܝܗܒܘ ܬܪ̈ܬܝܢ ܙܩ̈ܙܩܬܐ ‍<‍ܕܕܗܒܐ#3#‍>‍ ܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂
39:17 [ai]ܘܝܗܼܒܘ ܬܪ̈ܬܝܢ ܓܕܝ̈ܠܬܐ ܕܕܗܒܐ܂ ܥܠ ܬܪ̈ܬܝܢ ܙܩ̈ܙܩܢ ܕܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂
39:18 [ai]ܘܬܪ̈ܬܝܢ ܓܕܝ̈ܠܢ ܕܥܠ ܬܪ̈ܝܢ ܣܛܪ̈ܝܢ܂ ܝܗܒܘ ܥܠ ܬܪ̈ܬܝܢ ܡܘܚ̈ܕܢ܂ ܘܝܗܒܘ ܐ̈ܢܝܢ ܥܠ ‍<‍ܬܪ̈ܬܝܢ#3#‍>‍ ܟܬ̈ܦܬܗܿ ܕܦܕܬܐ ܠܘܩܒܠ ܐ̈ܦܝܗܿ܂
39:19 [ai]ܘܥܒܼܕܘ ܬܪ̈ܬܝܢ ܙܩ̈ܙܩܢ ܕܕܗܒܐ܂ ܘܣܡܘ ܥܠ ܬܪ̈ܝܢ ܣܛܪ̈ܘܗܝ ܕܚܘܣܝܐ܂ ܥܠ ܣܦܬܐ ܕܥܠ ܣܛܪܐ ܕܦܕܬܐ ܡܢ ܠܓܘ܂
39:20 [ai]ܘܥܒܼܕܘ ܬܪ̈ܬܝܢ ܙܩܙ̈ܩܢ ܕܕܗܒܐ܂ ܘܝܗܒܘ ܐܢܝ̈ܢ ܥܠ ܬܪ̈ܬܝܢ ܟܬܦܬ̈ܗܿ ܕܦܕܬܐ ܡܢ ܠܓܘ/ܠܬܚܬ#3#/܂ ܡܢ ܠܘܩܒܠ ܐ̈ܦܝܗܿ ܠܘܩܒܠ ܕܒܩܗܿ܂ ܡܢ ܠܥܠ ܡܢ ܗܡܝܢܐ ܕܦܕܬܐ܂
39:21 [ai]ܘܕܒܿܩܘ/ܘܝܗܒܘ#3#/ ܚܘܣܝܐ ܡܢ ܙܩ̈ܙܩܬܗ ܠܙܩ̈ܙܩܬܗܿ ܕܦܕܬܐ܂ ܒܚܘܛܐ ܕܬܟܠܬܐܿ ܠܡܗܘܐ ܥܠ/ܥܡ#3#/ ܗܡܝܢܐ ܕܦܕܬܐ܂ ܘܠܐ ܦܪܩܿ ܗܘܐ ܚܘܣܝܐ ܡܢ ܥܠܘܝ ܦܕܬܐ܂ ܐܝܟ ܕܦܩܿܕ ܡܪܝܐ ܠܡܘܫܐ܂
39:22 [ai]ܘܥܒܼܕܘ ܦܪܙܘܡܐ ܕܦܕܬܐ ܥܒܿܕܐ ܙܩܝܪܐ ܓܡܝܪܐ ܕܬܟܠܬܐ܂
39:23 [ai]ܘܦܘܡܗ ܕܦܪܙܘܡܐ ܒܓܘܗ܂ ܐܝܟ ܦܘܡ ܣܝܪܣ܂ ܣܦܬܐ ܡܣܩܐ ܠܦܘܡܗ ܟܕ ܚܕܪ܂ ܕܠܐ ܢܨܛܪܐ܂
39:24 [ai]ܘܥܒܼܕܘ ܥܠ ܫ̈ܦܘܠܘܗܝ ܕܦܪܙܘܡܐ܂ ܪ̈ܘܡܢܐ ܕܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂
39:25 [ai]ܘܥܒܼܕܘ ܙ̈ܓܐ ܕܕܗܒܐ ܕܟܝܐ܂ ܘܩܒܥܘ ܙ̈ܓܐ ܒܓܘ ܪ̈ܘܡܢܐ܂ ܥܠ ܫ̈ܦܘܠܘܗܝ ܕܦܪܙܘܡܐ ܟܕ ܚܕܪ܂ ܒܓܘ ܪ̈ܘܡܢܐ܂
39:26 [ai]ܙ̈ܓܐ ܕܕܗܒܐ܂ ܘܪ̈ܘܡܢܐ ܥܠ ܫ̈ܦܘܠܘܗܝ ܕܦܪܙܘܡܐ ܟܕ ܚܕܪ܂ ܠܡܫܡܫܘ ܐܝܟ ܕܦܩܿܕ ܡܪܝܐ ܠܡܘܫܐ܂
39:27 [ai]ܘܥܒܼܕܘ ܟܘܬܝܢܐ ܕܒܘܨܐ܂ ܥܒܼܕܐ ܙܩܝܪܐ ܠܐܗܪܘܢ ܘܠܒ̈ܢܘܗܝ܂
39:28 [ai]ܘܡܨܢܦܬܐ ܕܒܘܨܐ܂ ܘܫܘܒܚܐ ܕܟ̈ܠܘܐ ܕܒܘܨܐ ܘܦܪܙܘܡܐ ܕܒܘܨܐ ܥܙܝܠܐ܂
39:29 [ai]ܘܗܡܝܢܐ/ܘܗܡܢܝܟܐ#3#/ ܕܒܘܨܐ ܥܙܝܠܐ܂ ܬܟܠܬܐ ܘܐܪܓܘܢܐ܂ ܘܨܘܒܥܐ ܕܙܚܘܪܝܬܐ ܘܒܘܨܐ ܥܙܝܠܐ܂ ܥܒܿܕܐ ܕܨܝܪܐ܂ ܐܝܟ/ܐܝܟܢܐ#3#/ ܕܦܩܿܕ ܡܪܝܐ ܠܡܘܫܐ܂
39:30 [ai]ܘܥܒܼܕܘ ܟܠܝܠܐ ܕܢܙܝܪܘܬܐ/ܟܠܝܠ#3#/ ܕܩܘܕܫܐ/ܩܘܕܫܐ#3#/ ܕܕܗܒܐ ܕܟܝܐ܂ ܘܟܬܒܘ ܥܠܘܗܝ ܟܬܒܐ܂ ܓܠܦ̈ܐ ܕܚܬܡܐ ܩܘܕܫܐ ܠܡܪܝܐ܂
39:31 [ai]ܘܐܪܡܝܘ ܒܗ ܚܘܛܐ ܕܬܟܠܬܐ܂ ܠܡܗܘܐ ܥܠ ܡܨܢܦܬܐ ܡܢ ܠܥܠ܂ ܐܝܟ ܕܦܩܿܕ ܡܪܝܐ ܠܡܘܫܐ܂
39:32 [ai]ܘܫܠܡ ܟܠܗ ܥܒܿܕܐ ܕܡܫܟܢܙܒܢܐ܂ ܘܥܒܼܕܘ ܒܢ̈ܝ ܐܝܣܪܝܠ ܟܠ/ܐܝܟ#3#/ ܕܦܩܿܕ ܡܪܝܐ ܠܡܘܫܐ ܗܟܢܐ ܥܒܼܕܘ܂
39:33 [ai]ܘܐܝܬܝܘܗܝ ܠܡܫܟܢܐ/ܠܡܫܟܢܙܒܢܐ#3#/ ܠܘܬ ܡܘܫܐ܂ ܡܫܟܢܐ ܘܟܠ ܡܐ̈ܢܘܗܝ܂ ܘܙܩ̈ܙܩܬܗ ܘܩܘܪ̈ܩܣܘܗܝ܂ ܘܕܦܘ̈ܗܝ ܘܣܟ̈ܘܗܝ/ܘܣܡ̈ܟܘܗܝ#3#/܂ ܘܡܘܟ̈ܠܘܗܝ ܘܥܡ̈ܘܕܘܗܝ ܘܣܡ̈ܟܘܗܝ/ܘܣܟ̈ܘܗܝ#3#/܂
39:34 [ai]ܘܦܪܣܐ ܕܡܫ̈ܟܐ ܕܕܟܪ̈ܐ ܕܐܣܦܝܢܝܩܐ܂ ܘܦܪܣܐ ܕܡܫ̈ܟܐ ܕܕܟܪ̈ܐ ܕܣܣܓܘܢܐ܂ ܘܐ̈ܦܝ ܬܪܥܐ ܕܦܪܣܐ܂
39:35 [ai]ܘܩܒܘܬܐ ܕܣܗܕܘܬܐ ܘܩ̈ܘܦܝܗܿ܂ ܘܚܘܣܝܐ܂
39:36 [ai]ܘܦܬܘܪܐ ܘܟܠ ܡܐ̈ܢܘܗܝ܂ ܘܠܚܡܐ ܕܐ̈ܦܐ܂
39:37 [ai]ܘܡܢܪܬܐ ܕܟܝܬܐ ܘܫܪ̈ܓܝܗܿ܂ ܘܫܪ̈ܓܐ ܕܣܕܪ̈ܝܗܿ ܘܟܠܗܘܢ ܡܐ̈ܢܝܗܿ܂ ܘܡܫܚܐ ܕܡܢܗܪܝܢ܂
39:38 [ai]ܘܡܕܒܚܐ ܕܕܗܒܐ/ܕܥܛܪܐ#3#/܂ ܘܡܫܚܐ ܕܡܫܝܚܘܬܐ ܘܥܛܪܐ ܕܒܣ̈ܡܐ܂ ܘܦܪܣܐ ܕܬܪܥܐ ܕܡܫܟܢܐ܂
39:39 [ai]ܘܡܕܒܚܐ ܕܢܚܫܐ܂ ܘܩܪܩܠ ܕܝܠܗ ܕܢܚܫܐ܂ ܘܩ̈ܘܦܘܗܝ ܘܟܠܗܘܢ ܡܐ̈ܢܘܗܝ܂ ܘܠܩܢܐ ‍<‍ܘܟܢܗܿ#3#‍>‍ ܘܒܣܣ ܕܝܠܗܿ܂
39:40 [ai]ܘܣܕܪ̈ܐ ܕܕܪܬܐ܂ ܘܥܡ̈ܘܕܝܗܿ/ܘܚ̈ܒܠܝܗܿ#3#/ ܘܣܡ̈ܟܝܗܿ܂ ܘܦܪܣܐ ܕܬܪܥܐ ܕܕܪܬܐ܂ ܘܚ̈ܒܠܝܗܿ ܘܣܟ̈ܝܗܿ܂ ܘܟܠܗܘܢ ܡܐ̈ܢܐ ܕܦܘܠܚܢܐ ܕܡܫܟܢ ܙܒܢܐ܂
39:41 [ai]ܘܠܒ̈ܘܫܝ ܬܫܡܫܬܐ ܠܡܫܡܫܘ ܒܩܘܕܫܐ܂ ܘܠܒܘܫ̈ܝ ܩܘܕܫܐ ܠܐܗܪܘܢ ܟܗܢܐ܂ ܘܠܒ̈ܘܫܐ ܠܒܢ̈ܘܗܝ/ܕܒܢ̈ܘܗܝ#3#/ ܠܟܗܢܘܬܐ܂
39:42 [ai]ܐܝܟ ܕܦܩܿܕ ܡܪܝܐ ܠܡܘܫܐ܂ ܗܟܢܐ ܥܒܼܕܘ ܒܢ̈ܝ ܐܝܣܪܝܠ ܟܠܗ ܦܘܠܚܢܐ܂
39:43 [ai]ܘܚܼܙܐ ܡܘܫܐ ܟܠܗ ܥܒܿܕܐ܂ ܘܗܐ ܥܒܼܕܘܗܝ/ܥܒܿܕܘܗܝ#2#/܂ ܐܝܟ ܕܦܩܿܕ ܡܪܝܐ ܠܡܘܫܐ܂ ܗܟܢܐ ܥܒܼܕܘ܂ ܘܒܪܟ ܐܢܘܢ ܡܘܫܐ܂

next chapter