← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62002: P Ex

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


40:01 [ai]ܘܐܡܼܪ ܡܪܝܐ ܠܡܘܫܐ܂
40:02 [ai]ܒܚܕ ܒܝܪܚܐ ܩܕܡܝܐ܂ ܐܩܝܡܝܗܝ ܠܡܫܟܢܙܒܢܐ܂
40:03 [ai]ܘܣܝܡ ܬܡܢ ܩܒܘܬܐ ܕܣܗܕܘܬܐ܂ ܘܦܪܘܣ ܥܠ ܩܒܘܬܐ ܦܪܣܐ܂
40:04 [ai]ܘܐܥܠ ܦܬܘܪܐ܂ ܘܣܕܘܪ/ܘܣܝܡ#3#/ ܣܕܪ̈ܐ܂ ܘܐܥܠ ܡܢܪܬܐ ܘܐܢܗܪ ܫܪ̈ܓܝܗܿ܂
40:05 [ai]ܘܣܝܡ ܡܕܒܚܐ ܕܕܗܒܐ܂ ܠܥܛܪܐ ܩܕܡ ܩܒܘܬܐ ܕܣܗܕܘܬܐ܂ ܘܐܪܡܐ ܦܪܣܐ ܥܠ ܬܪܥܐ ܕܡܫܟܢܐ܂
40:06 [ai]ܘܣܝܡ ܡܕܒܚܐ ܕܥܠܬܐ ܩܕܡ ܬܪܥܐ ܕܡܫܟܢܙܒܢܐ܂
40:07 [ai]ܘܣܝܡ ܠܩܢܐ ܒܝܬ ܡܫܟܢ ܙܒܢܐ ܠܡܕܒܚܐ/ܘܒܝܬ ܡܕܒܚܐ#3#/܂ ܘܐܪܡܐ ܒܗܿ ܡ̈ܝܐ܂
40:08 [ai]ܘܩܘܫ ܕܪܬܐ ܟܕ ܚܕܪܐ܂ ܘܐܪܡܐ ܦܪܣܐ ܥܠ ܬܪܥܐ ܕܕܪܬܐ܂
40:09 [ai]ܘܣܒ ܡܫܚܐ ܕܡܫܝܚܘܬܐ܂ ܘܡܫܘܚ ܠܡܫܟܢܐ ܘܠܟܠ ܕܐܝܬ ܒܗ܂ ܘܩܕܫܝܗܝ ܘܠܟܠܗܘܢ ܡܐ̈ܢܘܗܝ܂ ܘܢܗܘܐ ܩܕܝܫ܂
40:10 [ai]ܘܡܫܘܚ ܠܡܕܒܚܐ ܕܥܠܬܐ ܘܠܟܠ ܡܐ̈ܢܘܗܝ܂ ܘܩܕܫܝܗܝ ܠܡܕܒܚܐ ܘܢܗܘܐ ܡܕܒܚܐ ܩܕܘܫ ܩܘܕܫ̈ܝܢ܂
40:11 [ai]ܘܡܫܘܚ ܠܠܩܢܐ ܘܠܟܢܗܿ ܘܩܿܕܫ ܐܢܘܢ܂
40:12 [ai]ܘܩܿܪܒ ܠܐܗܪܘܢ ܘܠܒܢ̈ܘܗܝ ܠܬܪܥܐ ܕܡܫܟܢܙܒܢܐ܂ ܘܐܣܚܐ ܐܢܘܢ ܒܡ̈ܝܐ܂
40:13 [ai]ܘܐܠܒܫ ܠܐܗܪܘܢ ܠܒ̈ܘܫܝ ܩܘܕܫܐ܂ ܘܡܫܘܚܝܗܝ ܘܩܕܫܝܗܝ ܘܢܟܗܢ ܠܝ܂
40:14 [ai]ܘܠܒܢ̈ܘܗܝ ܩܿܪܒ ܘܐܿܠܒܫ ܐܢܘܢ ܟܘܬ̈ܝܢܝܬܐ܂
40:15 [ai]ܘܡܫܘܚ ܐܢܘܢ ܐܝܟ ܕܡܫܚܬ ܠܐܗܪܘܢ ܐܚܘܟ/ܐܒܘܗܘܢ#3#/܂ ܘܢܿܟܗܢܘܢ ܠܝ܂ ܘܬܗܘܐ ܠܗܘܢ ܡܫܝܚܘܬܗܘܢ ܠܟܗܢܘܬܐ܂ ܠܥܠܡ ܠܕܪ̈ܝܗܘܢ܂
40:16 [ai]ܘܥܒܼܕ ܡܘܫܐ ܟܠ ܕܦܩܕܗ ܡܪܝܐ ܗܟܢܐ ܥܒܼܕ܂
40:17 [ai]ܘܗܘܼܐ ܒܚܕ ܒܝܪܚܐ ܩܕܡܝܐ܂ ܒܫܢܬ ܬܪ̈ܬܝܢ ܒܚܕ ܒܫܒܐ܂ ܩܡ ܡܫܟܢܐ܂
40:18 [ai]ܘܐܩܝܡ ܡܘܫܐ ܡܫܟܢܐ܂ ܘܢܩܼܫ ܣ̈ܟܘܗܝ ܘܣܡ ܕܦܘ̈ܗܝ܂ ܘܩܒܼܥ ܡܘܟ̈ܠܘܗܝ ܘܐܩܝܡ ܥܡ̈ܘܕܘܗܝ܂
40:19 [ai]ܘܦܼܪܣ ܦܪܣܐ ܥܠ ܡܫܟܢܐ܂ ܘܐܪܡܝ ܦܪܣܐ ܕܡܫܟܢܐ/ܕܡܫ̈ܟܐ#3#/ ܥܠܘܗܝ ܡܢ ܠܥܠ܂ ܐܝܟ ܕܦܩܿܕ ܡܪܝܐ ܠܡܘܫܐ܂
40:20 [ai]ܘܢܣܼܒ ܘܣܡ ܣܗܕܘܬܐ ܒܩܒܘܬܐ܂ ܘܣܡ ܩ̈ܘܦܐ ܥܠ ܩܒܘܬܐ܂ ܘܣܡ ܚܘܣܝܐ ܥܠ ܩܒܘܬܐ ܡܢ ܠܥܠ܂
40:21 [ai]ܘܐܿܥܠ ܩܒܘܬܐ ܠܡܫܟܢܐ܂ ܘܢܣܒ ܐ̈ܦܝ ܬܪܥܐ ܕܦܪܣܐ܂ ܘܦܪܣܼ ܥܠ ܩܒܘܬܐ ܕܣܗܕܘܬܐ܂ ܐܝܟ ܕܦܩܿܕ ܡܪܝܐ ܠܡܘܫܐ܂
40:22 [ai]ܘܣܡ ܦܬܘܪܐ ܒܡܫܟܢܙܒܢܐ܂ ܥܠ ܫ̈ܦܘܠܘܗܝ ܕܡܫܟܢܐ ܡܢ ܓܪܒܝܐ ܠܒܪ ܡܢ ܦܪܣܐ܂
40:23 [ai]ܘܣܕܪ ܥܠܘܗܝ ܣܕܪ̈ܐ ܠܚܡܐ ܩܕܡ ܡܪܝܐ܂ ܐܝܟ ܕܦܩܿܕ ܡܪܝܐ ܠܡܘܫܐ܂
40:24 [ai]ܘܣܡ ܡܢܪܬܐ ܒܡܫܟܢܙܒܢܐ ܠܘܩܒܠ ܦܬܘܪܐ܂ ܥܠ ܫ̈ܦܘܠܝ ܡܫܟܢܐ܂ ܡܢ ܬܝܡܢܐ܂
40:25 [ai]ܘܐܢܗܪ ܫܪ̈ܓܝܗܿ ܩܕܡ ܡܪܝܐ܂ ܐܝܟ ܕܦܩܿܕ ܡܪܝܐ ܠܡܘܫܐ܂
40:26 [ai]ܘܣܡ ܡܕܒܚܐ ܕܕܗܒܐ ܒܡܫܟܢܙܒܢܐ ܩܕܡ ܦܪܣܐ܂
40:27 [ai]ܘܐܣܩ ܥܠܘܗܝ ܥܛܪܐ ܕܒܣܡ̈ܐ܂ ܐܝܟ ܕܦܩܿܕ ܡܪܝܐ ܠܡܘܫܐ܂
40:28 [ai]ܘܣܡ ܦܪܣܐ ܕܬܪܥܐ/ܒܬܪܥܐ#1##2#/ ܕܡܫܟܢܐ܂
40:29 [ai]ܘܡܕܒܚܐ ܕܥܿܠܬܐ ܣܡ ܒܬܪܥܐ ܕܡܫܟܢ ܙܒܢܐ܂ ܘܐܣܩ ܥܠܘܗܝ ܥܠܬܐ ܘܣܡܝܕܐ܂ ܐܝܟ ܕܦܩܿܕ ܡܪܝܐ ܠܡܘܫܐ܂
40:30 [ai]ܘܣܡ ܠܩܢܐ ܒܝܬ ܡܫܟܢܙܒܢܐ \ܠܒܝܬ ܡܕܒܚܐ /ܠܡܕܒܚܐ#3#/܂ ܘܐܪܡܝ/ܘܐܬܪܡܝ#3#/ ܬܡܿܢ ܡ̈ܝܐ ܠܡܫܓܘ܂
40:31 [ai]ܘܡܫܝܓܝܢ ܡܢܗܿ/ܗܘܘ#3#/ ܡܘܫܐ ܘܐܗܪܘܢ ܘܒ̈ܢܘܗܝ܂ ܐ̈ܝܕܝܗܘܢ ܘܪ̈ܓܠܝܗܘܢ܂
40:32 [ai]ܡܐ ܕܥܐܠܝܢ ܠܡܫܟܢܙܒܢܐ ܘܡܐ ܕܩܪܒܝܢ ܠܡܕܒܚܐ ܡܫܝܓܝܢ܂ ܐܝܟ ܕܦܩܿܕ ܡܪܝܐ ܠܡܘܫܐ܂
40:33 [ai]ܘܐܩܝܡ ܕܪܬܐ ܟܕ ܚܕܪܐ܂ ܠܡܫܟܢܐ ܘܠܡܕܒܚܐ܂ ܘܝܗܼܒ ܦܪܼܣܐ ܒܬܪܥܐ/ܕܬܪܥܐ#3#/ ܕܕܪܬܐ ܘܫܿܠܡ ܡܘܫܐ ܥܒܿܕܐ܂
40:34 [ai]ܘܟܣܝܼܬ ܥܢܢܐ ܠܡܫܟܢ ܙܒܢܐ܂ ܘܐܝܩܪܗ ܕܡܪܝܐ ܐܬܡܠܝ ܡܫܟܢܐ܂
40:35 [ai]ܘܠܐ ܐܫܟܚ ܡܘܫܐ ܠܡܥܠ ܠܡܫܟܢܙܒܢܐ܂ ܡܛܠ ܕܫܟܢܼܬ ܥܠܘܗܝ ܥܢܢܐ܂ ܘܐܝܩܪܗ ܕܡܪܝܐ ܡܠܼܐ ܡܫܟܢܐ܂
40:36 [ai]ܘܡܐ ܕܡܣܬܠܩܐ ܥܢܢܐ ܡܢ ܥܠܘܝ ܡܫܟܢܐ܂ ܫܩܠܝܢ ܒܢ̈ܝ ܐܝܣܪܝܠ ܒܟܠ ܡܫ̈ܩܠܢܝܗܘܢ܂
40:37 [ai]ܘܐܠܐ ܡܣܬܠܩܐ ܥܢܢܐ ܠܐ ܫܩܠܝܢ܂ ܥܕܡܐ ܠܝܘܡܐ ܕܡܣܬܠܩܐ܂
40:38 [ai]ܡܛܠ ܕܥܢܢܗ ܕܡܪܝܐ ܥܠ ܡܫܟܢܐ ܒܐܝܡܡܐ܂ ܘܢܘܪܐ ܗܿܘܝܐ ܒܗ ܒܠܠܝܐ ܠܥܝܢ ܟܠܗܘܢ ܕܒܝܬ ܐܝܣܪܝܠ ܒܟܠ ܡܫ̈ܩܠܢܝܗܘܢ܂