← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

01:01 [ai]ܘܩܪܐ ܡܪܝܐ ܠܡܘܫܐ܂ ܘܡܠܠ ܥܡܗ ܡܢ ܡܫܟܢܙܒܢܐ ܠܡܐܡܪ܂
01:02 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܐܢܫ ܐܢܫ ܡܢܟܘܢ܂ ܟܕ ܢܩܪܒ ܩܘܪܒܢܗ ܠܡܪܝܐ܂ ܡܢ ܒܥܝܪ̈ܐ ܡܢ ܬܘܪ̈ܐ ܘܡܢ ܥܢܐ ܬܩܪܒܘܢ ܩܘܪ̈ܒܢܝܟܘܢ܂
01:03 [ai]ܐܢ ܥܠܬܐ ܩܘܪܒܢܗ ܡܢ ܬܘܪ̈ܐ܂ ܕܟܪܐ ܕܠܐ ܡܘܡ܂ ܢܩܪܒܝܘܗܝ ܠܬܪܥܐ ܕܡܫܟܢ ܙܒܢܐ܂ ܘܢܩܪܒܝܘܗܝ ܠܡܬܪܥܝܘ ܠܗ ܩܕܡ ܡܪܝܐ܂
01:04 [ai]ܘܢܣܡܘܟ ܐܝܕܗ ܥܠ ܪܝܫ ܩܘܪܒܢܗ܂ ܘܢܬܪܥܐ ܠܗ ܠܡܚܣܝܘ ܥܠܘܗܝ܂
01:05 [ai]ܘܢܟܘܣ ܒܪ ܒܩܪܐ ܩܕܡ ܡܪܝܐ܂ ܘܢܩܪܒܘܢ ܟܗ̈ܢܐ ܒܢ̈ܝ ܐܗܪܘܢ ܕܡܐ܂ ܘܢܪܙܦܘܢ ܕܡܐ ܥܠ ܡܕܒܚܐ ܟܕ ܚܿܕܪ ܒܬܪܥܐ ܕܡܫܟܢܙܒܢܐ܂
01:06 [ai]ܘܢܫܛܝܘܗܝ ܠܝܩܕܐ ܘܢܦܫܚ ܗ̈ܕܡܘܗܝ܂
01:07 [ai]ܘܢܬܠܘܢ ܟܗ̈ܢܐ ܒܢ̈ܝ ܐܗܪܘܢ ܢܘܪܐ ܥܠ ܡܕܒܚܐ܂ ܘܢܟܫܘܢ ܩܝ̈ܣܐ ܥܠ ܢܘܪܐ܂
01:08 [ai]ܘܢܣܕܪܘܢ ܟܗ̈ܢܐ ܒ̈ܢܝ ܐܗܪܘܢ ܗ̈ܕܡܐ ܘܪܝܫܐ ܘܬܪܒܐ܂ ܥܠ ܩܝ̈ܣܐ ܕܒܢܘܪܐ܂ ܕܥܠ ܡܕܒܚܐ܂
01:09 [ai]ܘܓܘܝܗ ܘܟܪ̈ܥܘܗܝ ܢܫܝܓ ܒܡ̈ܝܐ ܘܢܣܩܝܘܗܝ ܟܗܢܐ ܟܠܗ ܠܡܕܒܚܐ܂ ܥܠܬܐ ܗܘ܂ ܩܘܪܒܢܐ ܠܪܝܚ ܣܘܬܐ ܠܡܪܝܐ/#3#/܂
01:10 [ai]ܘܐܢ ܡܢ ܥܢܐ ܩܘܪܒܢܗ܂ ܡܢ ܐܡܪ̈ܐ ܐܘ ܡܢ ܥܙ̈ܐ ܠܥܠܬܐ܂ ܕܟܪܐ ܕܠܐ ܡܘܡ ܢܩܪܒܝܘܗܝ܂
01:11 [ai]ܘܢܟܣܝܘܗܝ ܥܠ ܫ̈ܦܘܠܘܗܝ ܕܡܕܒܚܐ ܡܢ ܓܪܒܝܗ ܩܕܡ ܡܪܝܐ܂ ܘܢܪܙܦܘܢ ܟܗ̈ܢܐ ܒܢ̈ܝ ܐܗܪܘܢ ܕܡܗ ܥܠ ܡܕܒܚܐ ܟܕ ܚܿܕܪ܂
01:12 [ai]ܘܢܦܫܚ ܗܕܡ̈ܘܗܝ ܘܪܫܗ ܘܬܪܒܗ܂ ܘܢܣܕܘܪ ܐܢܘܢ ܟܗܢܐ ܥܠ ܩܝ̈ܣܐ ܕܒܢܘܪܐ ܕܥܠ ܡܕܒܚܐ܂
01:13 [ai]ܘܓܘܝܗ ܘܟܪ̈ܥܘܗܝ ܢܫܝܓ ܒܡ̈ܝܐ܂ ܘܢܩܪܒܝܘܗܝ ܟܗܢܐ ܟܘܠܗ ܘܢܣܩܝܘܗܝ ܠܡܕܒܚܐ܂ ܥܠܬܐ ܗܘ܂ ܩܘܪܒܢܐ ܠܪܝܚ ܢܝܚܐ/ܣܘܬܐ#3#/ ܠܡܪܝܐ܂
01:14 [ai]ܘܐܢ ܡܢ ܥܘܦܐ܂ ܥܠܬܐ ܩܘܪܒܢܗ ܠܡܪܝܐ܂ ܢܩܪܒ ܡܢ ܫܘܦܢܝ̈ܢܐ ܠܡܪܝܐ܂ ܐܘ ܡܢ ܒܢ̈ܝ ܝܘܢܐ ܩܘܪܒܢܗ܂
01:15 [ai]ܘܢܩܪܒܝܘܗܝ ܟܗܢܐ ܠܡܕܒܚܐ܂ ܘܢܡܠܘܓ ܪܫܗ ܘܢܣܩ \ܥܠ ܡܕܒܚܐ /ܠܡܕܒܚܐ#3#/܂ ܘܢܡܨܐ ܕܡܗ ܥܠ ܐܣܬܐ ܕܡܕܒܚܐ ܟܕ ܚܿܕܪ܂
01:16 [ai]ܘܢܥܒܪ ܩܘܪ‍<‍ܩ‍>‍ܒܢܗ ܒܐܘܟܠܗ܂ ܘܢܪܡܝܘܗܝ ܥܠ ܓܢܒ ܡܕܒܚܐ ܡܢ ܡܕܢܚܐ ܒܕܘܟܬܐ ܕܩܛܡܐ܂
01:17 [ai]ܘܢܫܛܦܝܘܗܝ ܒܝܬ ܓܦܘ̈ܗܝ ܘܠܐ ܢܦܪܫ܂ ܘܢܣܩܝܘܗܝ ܟܗܢܐ ܠܡܕܒܚܐ ܥܠ ܩܝ̈ܣܐ ܕܥܠ ܢܘܪܐ܂ ܥܠܬܐ ܗܘ܂ ܩܘܪܒܢܐ ܠܪܝܚ ܣܘܬܐ/ܢܝܚܐ#2#/ ܠܡܪܝܐ܂

next chapter