← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


04:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
04:02 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܢܦܫܐ ܟܕ ܬܚܛܐ ܒܛܘܥܝܝ ܡܢ ܟܠ ܦܘܩܕܢܘ̈ܗܝ ܕܡܪܝܐ ܕܠܐ ܡܬܥܒܕܝܢ܂ ܘܢܥܒܕ ܚܕ ܡܢܗܘܢ܂
04:03 [ai]ܐܢ ܟܗܢܐ ܕܡܫܝܚ ܢܚܛܐ ܠܚ̈ܘܒܘܗܝ ܕܥܡܐ܂ ܢܩܪܒ ܥܠ ܚܛܗܐ ܕܚܛܐ܂ ܬܘܪܐ ܒܪ ܒܩܪܐ ܕܠܐ ܡܘܡ ܠܡܪܝܐ ܠܚܛܗܗ܂
04:04 [ai]ܘܢܝܬܝܘܗܝ ܠܬܘܪܐ ܠܬܪܥܐ ܕܡܫܟܢܙܒܢܐ܂ ܩܕܡ ܡܪܝܐ܂ ܘܢܣܡܘܟ ܐܝܕܗ ܥܠ ܪܝܫܗ ܕܬܘܪܐ/#3#/܂ ܘܢܟܣܝܘܗܝ ܠܬܘܪܐ ܩܕܡ ܡܪܝܐ܂
04:05 [ai]ܘܢܣܒ ܟܗܢܐ ܕܡܫܝܚ ܡܢ ܕܡܐ ܕܬܘܪܐ ܘܢܝܬܝܘܗܝ ܠܬܪܥܐ ܕܡܫܟܢܙܒܢܐ܂
04:06 [ai]ܘܢܨܒܘܥ ܟܗܢܐ ܨܒܥܗ ܒܕܡܐ ܘܢܪܘܣ ܡܢ ܕܡܐ܂ ܫܒܥ ܙܒ̈ܢܝܢ ܩܕܡ ܡܪܝܐ ܠܐ̈ܦܝ ܦܪܣܐ ܕܩܘܕܫܐ܂
04:07 [ai]ܘܢܬܠ ܟܗܢܐ ܡܢ ܕܡܐ ܥܠ ܩܪ̈ܢܬܗ ܕܡܕܒܚܐ܂ ܕܥܛܪܐ ܕܒܣܡ̈ܐ܂ ܩܕܡ ܡܪܝܐ ܒܡܫܟܢ ܙܒܢܐ܂ ܘܢܐܫܘܕ ܟܠܗ ܕܡܐ ܕܬܘܪܐ܂ ܥܠ ܫ̈ܦܘܠܝ ܡܕܒܚܐ ܕܥܠܬܐ ܒܬܪܥܐ ܕܡܫܟܢܙܒܢܐ܂
04:08 [ai]ܘܬܪܒܐ ܟܠܗ ܕܬܘܪܐ ܕܚܛܗܐ܂ ܢܦܪܘܫ ܡܢܗ ܚܠܒܐ/ܬܪܒܐ#3#/ ܕܩܪܝܡ ܠܓܘܝܐ܂ ܘܟܠܗ ܬܪܒܐ ܕܥܠ ܓܘܝܐ܂
04:09 [ai]ܘܬܪ̈ܬܝܢ ܟܘ̈ܠܝܢ ܘܬܪܒܐ ܕܥܠܝܗܘܢ ܕܥܠ ܣܛܪܐ܂ ܘܚܨܪ ܟܒܕܐ ܥܡ ܟܘ̈ܠܝܬܐ ܢܥܒܕܝܗ܂
04:10 [ai]ܐܝܟ ܕܡܬܦܪܫ ܡܢ ܬܘܪܐ ܕܕܒܚܐ ܕܥܠܬܐ܂ ܘܢܣܩ ܐܢܘܢ ܟܗܢܐ ܥܠ ܡܕܒܚܐ ܕܥܠܬܐ܂
04:11 [ai]ܘܡܫܟܗ ܕܬܘܪܐ ܘܟܠܗ ܒܣܪܗ ܥܡ ܦܪܬܗ ܘܥܡ ܪܫܗ܂ ܘܥܡ ܟܪ̈ܥܘܗܝ \ܘܥܡ ܓܘܝܗ /ܘܓܘܝܗ#3#/܂
04:12 [ai]ܢܦܩܝܘܗܝ ܠܟܠܗ ܬܘܪܐ ܠܒܪ ܡܢ ܡܫܪܝܬܐ܂ ܠܕܘܟܬܐ ܕܕܟܝܐ ܠܐܬܪ ܕܪܡܝܢ ܩܛܡܐ܂ ܘܢܘܩܕܝܘܗܝ ܥܠ ܩܝ̈ܣܐ ܕܥܠ ܢܘܪܐ܂ ܐܬܪ ܕܪܡܝܢ ܩܛܡܐ ܢܐܩܕ܂
04:13 [ai]ܘܐܢ ܟܠܗܿ ܟܢܘܫܬܐ ܕܐܝܣܪܝܠ ܢܛܥܘܢ܂ ܘܬܛܫܐ ܡܠܬܐ ܡܢ ܥܝܢ̈ܝܗܿ ܕܟܢܘܫܬܐ܂ ܘܢܥܒܕܘܢ ܚܕ ܡܢ ܟܠ/#3#/ ܦܘܩ̈ܕܢܘܗܝ ܕܡܪܝܐ ܕܠܐ ܡܬܥܒܕܝܢ ܘܢܬܚܝܒܘܢ܂
04:14 [ai]ܘܢܬܝܕܥ ܚܛܗܐ ܕܚܛܘ ܒܗ܂ ܢܩܪܒܘܢ ܟܠܗܿ ܟܢܘܫܬܐ܂ ܬܘܪܐ ܚܕ ܒܪ ܒܩܪܐ ܠܚܛܗܐ܂ ܘܢܝܬܘܢܝܗܝ ܩܕܡ ܡܫܟܢܙܒܢܐ܂
04:15 [ai]ܘܢܣܡܟܘܢ ܣܒ̈ܐ ܕܟܢܘܫܬܐ ܐ̈ܝܕܝܗܘܢ ܥܠ ܪܫܗ ܕܬܘܪܐ ܩܕܡ ܡܪܝܐ܂ ܘܢܟܣܘܢܗܝ ܠܬܘܪܐ ܩܕܡ ܡܪܝܐ܂
04:16 [ai]ܘܢܝܬܐ ܟܗܢܐ ܕܡܫܝܚ ܡܢ ܕܡܗ ܕܬܘܪܐ ܠܬܪܥܐ ܕܡܫܟܢܙܒܢܐ܂
04:17 [ai]ܘܢܨܒܘܥ ܟܗܢܐ ܨܒܥܗ ܒܕܡܐ ܘܢܪܘܣ ܫܒܥ ܙܒ̈ܢܝܢ ܩܕܡ ܡܪܝܐ ܠܐ̈ܦܝ ܦܪܣܐ܂
04:18 [ai]ܘܡܢ ܕܡܐ ܢܬܠ ܥܠ ܩܪ̈ܢܬܗ ܕܡܕܒܚܐ܂ ܕܩܕܡ ܡܪܝܐ ܒܡܫܟܢܙܒܢܐ܂ ܘܟܠܗ ܕܡܐ ܢܐܫܘܕ ܥܠ ܫ̈ܦܘܠܝ ܡܕܒܚܐ ܕܥܠܬܐ ܒܬܪܥܐ ܕܡܫܟܢܙܒܢܐ܂
04:19 [ai]ܘܟܠܗ ܬܪܒܗ ܢܦܪܘܫ ܡܢܗ ܘܢܣܩ ܠܡܕܒܚܐ܂
04:20 [ai]ܘܢܥܒܕ ܠܬܘܪܐ ܐܝܟ/ܐܝܟܢܐ#3#/ ܕܥܒܕ ܠܬܘܪܐ ܕܚܛܗܐ܂ ܗܟܢܐ ܢܥܒܕ ܠܗ܂ ܘܢܚܣܐ ܥܠܝܗܘܢ ܟܗܢܐ ܘܢܫܬܒܩ ܠܗܘܢ܂
04:21 [ai]ܘܢܦܩܝܘܗܝ ܠܬܘܪܐ ܠܒܪ ܡܢ ܡܫܪܝܬܐ ܘܢܘܩܕܝܘܗܝ ܐܝܟ ܕܐܘܩܕ ܠܬܘܪܐ ܩܕܡܝܐ܂ ܚܛܗܐ ܗܘ ܕܟܢܘܫܬܐ܂
04:22 [ai]ܘܐܢ ܪܒܐ ܢܚܛܐ ܘܢܥܒܕ ܚܕ ܡܢ ܟܠܗܘܢ ܦܘܩ̈ܕܢܘܗܝ ܕܡܪܝܐ ܐܠܗܗ܂ ܐܝܠܝܢ ܕܠܐ ܡܬܥܒܕܝܢ ܒܛܘܥܝܝ ܘܢܚܘܒ܂
04:23 [ai]ܐܢ ܐܬܝܕܥ ܠܗ ܚܛܗܐ ܕܚܛܐ ܒܗ ܢܝܬܐ ܩܘܪܒܢܗ ܨܦܪܝܐ ܕܥ̈ܙܐ܂ ܕܟܪܐ ܕܠܐ ܡܘܡ܂
04:24 [ai]ܘܢܣܡܘܟ ܐܝܕܗ ܥܠ ܪܫܗ ܕܨܦܪܝܐ܂ ܘܢܟܣܝܘܗܝ ܒܕܘܟܬܐ ܕܢܟܣ ܥܠܬܐ ܩܕܡ ܡܪܝܐ܂ ܚܛܗܐ ܗܘ܂
04:25 [ai]ܘܢܣܒ ܟܗܢܐ ܡܢ ܕܡܐ ܕܚܛܗܐ ܒܨܒܥܗ܂ ܘܢܬܠ ܥܠ ܩܪܢܬܗ ܕܡܕܒܚܐ ܕܥܠܬܐ܂ ܘܕܡܗ ܢܐܫܘܕ ܥܠ ܫ̈ܦܘܠܝ ܡܕܒܚܐ ܕܥܠܬܐ܂
04:26 [ai]ܘܟܠܗ ܬܪܒܗ ܢܣܩ ܠܡܕܒܚܐ܂ ܐܝܟ ܬܪܒܐ ܕܕܒܚܐ ܕܥܠܬܐ܂ ܘܢܚܣܐ ܥܠܘܗܝ ܟܗܢܐ ܡܢ ܚܛܗܐ ܕܚܛܐ ܘܢܫܬܒܩ ܠܗ܂
04:27 [ai]ܘܐܢ ܢܦܫܐ ܚܕܐ ܬܚܛܐ ܒܛܘܥܝܝ ܡܢ ܥܡܐ ܕܐܪܥܐ܂ ܘܬܥܒܕ ܚܕ ܡܢ ‍<‍ܟܠ#3#‍>‍ ܦܘܩ̈ܕܢܘܗܝ ܕܡܪܝܐ ܕܠܐ ܡܬܥܒܕܝܢ ܘܢܚܘܒ܂
04:28 [ai]ܐܢ ܐܬܝܕܥ ܠܗ ܚܛܗܐ ܕܚܛܐ܂ ܢܝܬܐ ܩܘܪܒܢܗ ܨܦܪܝܬܐ ܕܥ̈ܙܐ܂ ܢܩܒܬܐ ܕܠܐ ܡܘܡ ܥܠ ܚܛܗܐ ܕܚܛܐ܂
04:29 [ai]ܘܢܣܡܘܟ ܐܝܕܗ ܥܠ ܪܫܗ ܕܚܛܗܐ܂ ܘܢܟܣܝܘܗܝ ܠܚܛܗܐ ܒܕܘܟܬܐ ܕܢܟܣ ܥܠܬܐ܂
04:30 [ai]ܘܢܣܒ ܟܗܢܐ ܡܢ ܕܡܐ ܕܚܛܗܐ ܒܨܒܥܗ܂ ܘܢܪܘܣ ܥܠ ܩܪ̈ܢܬܗ ܕܡܕܒܚܐ ܕܥܠܬܐ܂ ܘܟܠܗ ܕܡܐ ܢܐܫܘܕ ܥܠ ܫ̈ܦܘܠܝ ܡܕܒܚܐ ܕܥܠܬܐ܂
04:31 [ai]ܘܟܠܗ ܬܪܒܗ ܢܣܒ ܡܢܗ܂ ܐܝܟܢܐ ܕܡܬܢܣܒ ܬܪܒܐ ܡܢ ܕܒܚܐ ܕܥܠܬܐ܂ ܘܢܣܩ ܟܗܢܐ ܥܠ ܡܕܒܚܐ܂ ܠܪܝܚ ܣܘܬܐ/ܢܝܚܐ#3#/ ܩܘܪܒܢܐ/#3#/ ܠܡܪܝܐ܂ ܘܢܚܣܐ ܥܠܘܗܝ ܟܗܢܐ ܘܢܫܬܒܩ ܠܗ܂
04:32 [ai]ܘܐܢ ܡܢ ܐܡܪ̈ܐ ܢܝܬܐ ܩܘܪܒܢܗ ܠܚܛܗܐ܂ ܢܩܒܬܐ ܕܠܐ ܡܘܡ ܢܝܬܐ܂
04:33 [ai]ܘܢܣܡܘܟ ܐܝܕܗ ܥܠ ܪܫܗ ܕܚܛܗܐ܂ ܘܢܟܣܝܘܗܝ ܠܚܛܗܐ ܒܕܘܟܬܐ ܕܢܟܣ ܥܠܬܐ܂
04:34 [ai]ܘܢܣܒ ܟܗܢܐ ܡܢ ܕܡܐ ܕܚܛܗܐ ܒܨܒܥܗ܂ ܘܢܪܘܣ ܥܠ ܩܪ̈ܢܬܗ ܕܡܕܒܚܐ ܕܥܠܬܐ܂ ܘܟܠܗ ܕܡܗ ܢܐܫܘܕ ܥܠ \ܫ̈ܦܘܠܘܗܝ ܕܡܕܒܚܐ /ܫ̈ܦܘܠܝ ܡܕܒܚܐ#3#/܂
04:35 [ai]ܘܟܠܗ ܬܪܒܗ ܢܥܒܕ ܐܝܟ/ܐܝܟܢܐ#3#/ ܕܥܒܕ ܠܬܪܒܐ ܕܐܡܪܐ ܡܢ ܕܒܚܐ ܕܥܠܬܐ܂ ܘܢܣܩ ܐܢܘܢ ܟܗܢܐ ܠܡܕܒܚܐ ܥܠ ܩܘܪ̈ܒܢܘܗܝ ܕܡܪܝܐ܂ ܘܢܚܣܐ ܥܠܘܗܝ ܟܗܢܐ ܥܠ/ܡܢ#3#/ ܚܛܗܐ ܕܚܛܐ ܘܢܫܬܒܩ ܠܗ܂

next chapter