← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


06:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
06:02 [ai]ܦܩܕ ܠܐܗܪܘܢ ܘܠܒܢ̈ܘܗܝ ܘܐܡܪ ܠܗܘܢ܂ ܗܢܘ ܢܡܘܣܐ ܕܥܠܬܐ܂ ܗܿܝ ܥܠܬܐ ܕܝܩܕܐ ܥܠ ܡܕܒܚܐ ܟܠܗ ܠܠܝܐ ܥܕܡܐ ܠܨܦܪܐ/ܠܫܦܪܐ#3#/܂ ܘܢܘܪܐ ܕܡܕܒܚܐ ܬܗܘܐ ܝܩܕܐ ܒܗ܂
06:03 [ai]ܘܢܠܒܫ ܟܗܢܐ ܠܒ̈ܘܫܐ ܕܒܘܨܐ ܘܡܐ̈ܢܐ ܕܒܘܨܐ܂ ܢܠܒܫ ܥܠ ܒܣܪܗ܂ ܘܢܦܪܘܫ ܩܛܡܐ ܕܐܟܠܬ ܢܘܪܐ ܠܥܠܬܐ ܕܥܠ ܡܕܒܚܐ܂ ܘܢܣܝܡܝܘܗܝ ܥܠ ܓܢܒ ܡܕܒܚܐ܂
06:04 [ai]ܘܢܫܠܚ/ܘܢܫܠܘܚ#3#/ ܟܗܢܐ ܡܐ̈ܢܘܗܝ ܘܢܠܒܫ ܡܐ̈ܢܐ ܐܚܪ̈ܢܐ܂ ܘܢܦܩ ܩܛܡܐ ܠܒܪ ܡܢ ܡܫܪܝܬܐ܂ ܠܕܘܟܬܐ ܕܕܟܝܐ܂
06:05 [ai]ܘܢܘܪܐ ܬܗܘܐ ܝܩܿܕܐ ܥܠ ܡܕܒܚܐ܂ ܘܠܐ ܬܕܥܟ܂ ܘܢܟܫܐ ܥܠܘܗܝ ܟܗܢܐ ܩܝ̈ܣܐ ܡܢ ܨܦܪ ܠܨܦܪ܂ ܘܢܣܕܘܪ ܥܠܘܗܝ ܥܠܬܐ܂ ܘܢܣܩ ܥܠܘܗܝ ܬܪܒܐ ܕܫ̈ܠܡܐ܂
06:06 [ai]ܘܢܘܪܐ ܐܡܝܢܐܝܬ ܬܗܘܐ ܝܩܿܕܐ ܥܠ ܡܕܒܚܐ ܘܠܐ ܬܕܥܟ܂
06:07 [ai]ܘܗܢܐ ܢܡܘܣܐ ܕܣܡܝܕܐ܂ ܢܩܪܒܘܢܗ ܒ̈ܢܝ ܐܗܪܘܢ ܩܕܡ ܡܪܝܐ ܩܕܡ ܡܕܒܚܐ܂
06:08 [ai]ܘܢܦܪܘܫ ܡܢܗ ܡܠܐ ܙܘܪܗ ܡܢ ܢܫܝܦܐ ܕܣܡܝܕܐ ܘܡܢ ܡܫܚܐ܂ ܘܡܢ ܟܠܗܿ ܠܒܘܢܬܐ ܕܥܠ ܣܡܝܕܐ܂ ܘܢܣܩ \ܥܠ ܡܕܒܚܐ /ܠܡܕܒܚܐ#3#/ ܠܪܝܚ ܢܝܚܐ ܕܘܟܪܢܐ ܠܡܪܝܐ܂
06:09 [ai]ܘܕܡܫܬܚܪ ܡܢܗ ܢܐܟܠܘܢ ܐܗܪܘܢ ܘܒܢ̈ܘܗܝ܂ ܦܛܝܪܐ ܢܬܐܟܠ/ܢܐܟܘܠ#3#/܂ ܒܐܬܪܐ ܩܕܝܫܐ ܒܕܪܬܐ ܕܡܫܟܢ ܙܒܢܐ ܢܐܟܠܘܢܗ܂
06:10 [ai]ܠܐ ܢܬܐܦܐ ܚܡܝܥ ܡܢܬܗܘܢ ܝܗܿܒܬܗ ܡܢ ܩܘܪ̈ܒܢܝ ܩܕܘܫ ܩܘܕܫ̈ܝܢ ܗܘ܂ ܐܝܟ ܚܛܗܐ ܘܐܝܟ ܩܘܪܒܢܐ܂
06:11 [ai]ܟܠ ܕܟܪ̈ܐ ܕܒܢ̈ܝ ܐܗܪܘܢ ܢܐܟܠܘܢܗ܂ ܩܝܡܐ ܗܘ/#3#/ ܠܥܠܡ ܠܕܪ̈ܝܟܘܢ܂ ܡܢ ܩܘܪ̈ܒܢܘܗܝ ܡܪܝܐ܂ ܟܠ ܕܢܩܪܘܒ ܠܗܘܢ ܢܬܩܕܫ܂
06:12 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
06:13 [ai]ܗܢܘ/ܗܢܐ#3#/ ܩܘܪܒܢܐ ܕܐܗܪܘܢ ܘܕܒ̈ܢܘܗܝ܂ ܕܢܩܪܒܘܢ ܠܡܪܝܐ ܒܝܘܡܐ ܕܡܬܡܫܚ܂ ܚܕ ܡܢ ܥܣܪ̈ܐ ܠܣܐܬܐ܂ ܢܫܝܦܐ ܣܡܝܕܐ ܐܡܝܢܐܝܬ܂ ܦܠܓܗ ܒܨܦܪܐ ܘܦܠܓܗ ܒܪܡܫܐ ܐܡܝܢܐܝܬ܂
06:14 [ai]ܥܠ ܛܐܓܢܐ ܒܡܫܚܐ ܢܬܥܒܕ܂ ܡܪܥܕܐ ܢܥܒܕܝܘܗܝ܂ ܘܦܘܬܝܗܝ ܠܣܡܝܕܐ ܦܬ̈ܝܢ ܦܬ̈ܝܢ܂ ܘܩܪܒ ܪܝܚ ܣܘܬܐ/ܢܝܚܐ#3#/ ܠܡܪܝܐ܂
06:15 [ai]ܘܟܗܢܐ ܕܡܬܡܫܚ ‍<‍ܡܢ#6ܒ1#‍>‍ ܒܬܪܗ ܡܢ ܒܢ̈ܘܗܝ ܢܥܒܕܝܘܗܝ܂ ܩܝܡܐ ܠܥܠܡ/ܕܥܠܡ#3#/ ܠܡܪܝܐ ܡܫܡܠܝܐܝܬ ܬܣܩ܂
06:16 [ai]ܘܟܠܗ ܣܡܝܕܐ ܕܟܗܢܐ܂ ܡܫܡܠܝܐܝܬ ܢܗܘܐ/ܬܣܩ#2#/ ܘܠܐ ܢܬܐܟܠ܂
06:17 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
06:18 [ai]ܡܠܠ ܥܡ ܐܗܪܘܢ ܘܥܡ ܒ̈ܢܘܗܝ ܘܐܡܪ ܠܗܘܢ܂ ܗܢܘ ܢܡܘܣܐ ܕܚܛܗܐ܂ ܒܐܬܪܐ ܕܡܬܢܟܣܐ ܥܠܬܐ ܢܬܢܟܣ ܚܛܗܐ ܩܕܡ ܡܪܝܐ܂ ܩܕܘܫ ܩܘܕܫ̈ܝܢ ܗܘ܂
06:19 [ai]ܘܟܗܢܐ ܕܡܕܟܐ ܠܗ ܢܐܟܠܝܘܗܝ܂ ܒܐܬܪܐ ܩܕܝܫܐ ܢܬܐܟܠ܂ ܒܕܪܬܐ ܕܡܫܟܢܙܒܢܐ܂
06:20 [ai]ܟܠ ܕܢܩܪܘܒ ܠܒܣܪܗ ܢܬܩܕܫ܂ ܘܕܢܪܘܣ ܡܢ ܕܡܗ ܥܠ ܡܐܢܐ܂ ܡܐܢܐ ܕܡܬܪܣܣ ܥܠܘܗܝ܂ ܢܬܚܠܠ ܒܐܬܪܐ ܩܕܝܫܐ܂
06:21 [ai]ܘܡܐܢܐ ܕܦܚܪܐ ܐܝܢܐ ܕܡܬܒܫܠ ܒܗ ܢܬܬܒܪ܂ ܘܐܢ ܒܡܐܢܐ ܕܢܚܫܐ ܢܬܒܫܠ܂ ܢܬܡܪܩ ܘܢܬܬܫܝܓ ܒܡ̈ܝܐ܂
06:22 [ai]ܟܠ ܕܟܪ̈ܐ ܕܒܢ̈ܝ ܐܗܪܘܢ ܢܐܟܠܘܢܗ܂ ܡܛܠ ܕܩܕܘܫ ܩܘ̈ܕܫܝܢ ܗܘ܂
06:23 [ai]ܘܟܘܠ ܚܛܗܐ ܕܥܐܿܠ ܡܢ ܕܡܗ ܠܡܫܟܢܙܒܢܐ܂ ܠܡܚܣܝܘ ܒܩܘܕܫܐ ܠܐ ܢܬܐܟܠ܂ ܐܠܐ ܒܢܘܪܐ ܢܐܩܕ܂

next chapter