← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


08:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
08:02 [ai]ܕܒܪ ܠܐܗܪܘܢ ܘܠܒܢ̈ܘܗܝ ܥܡܗ܂ ܘܣܒ ܠܒܘܫ̈ܐ ܘܡܫܚܐ ܕܡܫܝܚܘܬܐ ܘܬܘܪܐ ܕܚܛܗܐ ܘܬܪ̈ܝܢ ܕܟܪ̈ܝܢ܂ ܘܣܠܐ ܕܦܛܝܪܐ܂
08:03 [ai]ܘܟܢܫ ܟܠܗܿ ܟܢܘܫܬܐ ܠܬܪܥܐ ܕܡܫܟܢܙܒܢܐ܂
08:04 [ai]ܘܥܒܕ ܡܘܫܐ ܐܝܟ ܕܦܩܕܗ ܡܪܝܐ܂ ܘܐܬܟܢܫܬ ܟܘܠܗܿ ܟܢܘܫܬܐ ܩܕܡ ܡܫܟܢ ܙܒܢܐ܂
08:05 [ai]ܘܐܡܪ ܡܘܫܐ \ܠܟܠܗܿ ܟܢܘܫܬܐ /ܠܟܢܘܫܬܐ#3#/܂ ܗܢܘ ܦܘܩܕܢܐ ܕܦܩܕ ܡܪܝܐ ܠܡܥܒܕ܂
08:06 [ai]ܘܩܪܒ ܡܘܫܐ ܠܐܗܪܘܢ ܘܠܒܢ̈ܘܗܝ܂ ܘܐܣܚܝ ܐܢܘܢ ܒܡ̈ܝܐ܂
08:07 [ai]ܘܐܠܒܫܗ ܟܘܬܝܢܐ ܘܐܣܪܗ ܗܡܝܢܐ܂ ܘܐܥܛܦܗ ܦܪܝܣܐ܂ ܘܡܚܐ ܦܪܙܘܡܐ ܒܚ̈ܨܘܗܝ܂ ܘܝܗܒ ܥܠܘܗܝ ܦܕܬܐ܂ ܘܚܙܩܗ ܒܗܡܝܢܐ ܕܦܕܬܐ܂
08:08 [ai]\ܘܝܗܒ ܥܠܝܗܿ ܦܪܝܣܐ/#2#/ ܘܝܗܒ ܥܠ ܦܪܝܣܐ ܝܕܥܬܐ ܘܩܘܫܬܐ܂
08:09 [ai]ܘܣܡ ܡܨܢܦܬܐ ܒܪܫܗ܂ ܘܣܡ ܥܠ ܡܨܢܦܬܐ ܠܘܩܒܠ ܐ̈ܦܘܗܝ ܟܠܝܠܐ ܕܕܗܒܐ ܟܠܝܠ ܩܘܕܫܐ܂ ܐܝܟܢܐ ܕܦܩܕ ܡܪܝܐ ܠܡܘܫܐ܂
08:10 [ai]ܘܢܣܒ ܡܘܫܐ ܡܫܚܐ ܕܡܫܝܚܘܬܐ܂ ܘܡܫܚ ܠܡܫܟܢܐ ܘܠܟܠܡܕܡ ܕܐܝܬ ܒܗ/ܠܗ#3#/܂ ܘܩܕܫ ܐܢܘܢ܂
08:11 [ai]ܘܪܣ ܡܢܗ ܥܠ ܡܕܒܚܐ ܫܒܥ ܙܒ̈ܢܝܢ܂ ܘܡܫܚ ܠܡܕܒܚܐ܂ ܘܠܟܠܗܘܢ ܡܐ̈ܢܘܗܝ܂ ܘܠܠܩܢܐ ܘܠܟܢܗܿ ܡܫܚ ܘܩܕܫ ܐܢܘܢ܂
08:12 [ai]ܘܢܣܟ ܡܢ ܡܫܚܐ ܕܡܫܝܚܘܬܐ ܒܪܫܗ ܕܐܗܪܘܢ܂ ܘܡܫܚܗ ܘܩܕܫܗ܂
08:13 [ai]ܘܩܪܒ ܡܘܫܐ ܠܒܢ̈ܝ ܐܗܪܘܢ܂ ܘܐܠܒܫ ܐܢܘܢ ܟܘ̈ܬܝܢܝܬܐ܂ ܘܐܣܪ ܐܢܘܢ ܗܡܝ̈ܢܐ܂ ܘܥܒܕ ܠܗܘܢ ܟܠܘ̈ܐ܂ ܐܝܟܢܐ/ܐܝܟ#3#/ ܕܦܩܕ ܡܪܝܐ ܠܡܘܫܐ܂
08:14 [ai]ܘܩܪܒ ‍<‍ܡܘܫܐ#1##2#‍>‍ ܬܘܪܐ ܕܚܛܗܐ܂ ܘܣܡܘ ܐܗܪܘܢ ܘܒ̈ܢܘܗܝ ܐ̈ܝܕܝܗܘܢ ܥܠ \ܪܫܗ ܕܬܘܪܐ /ܪܫ ܬܘܪܐ#3#/ ܕܚܛܗܐ܂
08:15 [ai]ܘܢܟܣܗ܂ ܘܢܣܒ ܡܘܫܐ ܡܢ ܕܡܐ ܒܨܒܥܗ܂ ܘܪܣ ܥܠ ܩܪ̈ܢܬܗ ܕܡܕܒܚܐ ܟܕ ܚܿܕܪ܂ ܘܕܟܝܗ ܠܡܕܒܚܐ܂ ܘܕܡܐ ܢܣܟ ܥܠ ܫ̈ܦܘܠܘܗܝ ܕܡܕܒܚܐ ܘܩܕܫܗ܂ ܘܚܣܝܗ܂
08:16 [ai]ܘܢܣܒ ܟܠܗ ܬܪܒܐ ܕܩܪܝܡ ܥܠ ܓܘܝܐ܂ ܘܚܨܪ ܟܒܕܐ ܘܬܪ̈ܬܝܢ ܟܘ̈ܠܝܢ ܘܬܪܒܗܝܢ܂ ܘܐܣܩ ܡܘܫܐ ܠܡܕܒܚܐ܂
08:17 [ai]ܘܬܘܪܐ ܘܡܫܟܗ ܘܒܣܪܗ ܘܦܪܬܗ܂ ܐܘܩܕ ܒܢܘܪܐ ܠܒܪ ܡܢ ܡܫܪܝܬܐ܂ ܐܝܟܢܐ/ܐܝܟ#3#/ ܕܦܩܕ ܡܪܝܐ ܠܡܘܫܐ܂
08:18 [ai]ܘܩܪܒ ܕܟܪܐ ܕܝܩܕܐ ܕܥܠܬܐ܂ ܘܣܡܘ ܐܗܪܘܢ ܘܒܢ̈ܘܗܝ ܐ̈ܝܕܝܗܘܢ ܥܠ ܪܫܗ ܕܕܟܪܐ܂
08:19 [ai]ܘܢܟܣܗ ܡܘܫܐ܂ ܘܪܣ ܡܢ/#3#/ ܕܡܗ ܥܠ ܡܕܒܚܐ ܟܕ ܚܿܕܪ܂
08:20 [ai]ܘܠܗ ܠܕܟܪܐ ܦܫܚ ܗ̈ܕܡܝܢ ܗ̈ܕܡܝܢ܂ ܘܐܣܩ ܡܘܫܐ ܪ̈ܫܐ ܘܗ̈ܕܡܐ ܘܬܪܒܐ܂
08:21 [ai]ܘܓܘܝܐ ܘܟܪ̈ܥܐ ܐܫܝܓ ܒܡ̈ܝܐ܂ ܘܐܣܩܗ ܡܘܫܐ ܠܕܟܪܐ ܟܠܗ ܠܡܕܒܚܐ܂ ܝܩܕܐ ܠܥܠܬܐ܂ ܠܪܝܚ ܣܘܬܐ/ܢܝܚܐ#3#/ ܩܘܪܒܢܐ ܠܡܪܝܐ܂ ܐܝܟ ܕܦܩܕ ܡܪܝܐ ܠܡܘܫܐ܂
08:22 [ai]ܘܩܪܒ ܕܟܪܐ ܕܬܪ̈ܬܝܢ ܕܟܪܐ ܕܫܘܡܠܝܐ܂ ܘܣܡܘ ܐܗܪܘܢ ܘܒܢ̈ܘܗܝ ܐ̈ܝܕܝܗܘܢ ܥܠ ܪܫܗ ܕܕܟܪܐ܂
08:23 [ai]ܘܢܟܣܗ ܡܘܫܐ܂ ܘܢܣܒ ܡܢ ܕܡܗ܂ ܘܪܣ ܥܠ ܛܪܦܐ ܕܐܕܢܗ ܕܐܗܪܘܢ ܕܝܡܝܢܐ܂ ܘܥܠ ܟܪܬܐ ܕܐܝܕܗ ܕܝܡܝܢܐ܂ ܘܥܠ ܟܪܬܐ ܕܪܓܠܗ ܕܝܡܝܢܐ܂
08:24 [ai]ܘܩܪܒ ܠܒܢ̈ܝ ܐܗܪܘܢ܂ ܘܪܣ ܡܘܫܐ ܡܢ ܕܡܐ ܥܠ ܛܪ̈ܦܐ ܕܐ̈ܕܢܝܗܘܢ ܕܝܡܝܢܐ܂ ܘܥܠ ܟܪ̈ܘܬܐ ܕܐ̈ܝܕܝܗܘܢ ܕܝܡܝܢܐ܂ ܘܥܠ ܟܪ̈ܘܬܐ ܕܪ̈ܓܠܝܗܘܢ ܕܝܡܝܢܐ܂ ܘܪܣ ܡܘܫܐ ܕܡܐ ܥܠ ‍<‍ܟܠܗ#3#‍>‍ ܡܕܒܚܐ ܟܕ ܚܿܕܪ܂
08:25 [ai]ܘܢܣܒ ܬܪܒܐ ܘܐܠܝܬܐ ܘܟܠܗ ܚܠܒܐ ܕܩܪܝܡ ܠܓܘܝܐ܂ ܘܚܨܪ ܟܒܕܐ ܘܬܪ̈ܬܝܢ ܟܘ̈ܠܝܢ ܘܬܪ̈ܒܗܝܢ܂ ܘܫܩܐ ܕܝܡܝܢܐ܂
08:26 [ai]ܘܡܢ ܣܠܐ ܕܦܛܝܪܐ ܕܩܕܡ ܡܪܝܐ܂ ܢܣܒ ܚܚܘܪܬܐ ܚܕܐ ܦܛܝܪܬܐ܂ ܘܚܚܘܪܬܐ ܚܕܐ ܕܡܫܚܐ܂ ܘܠܓܢܐ ܚܕ܂ ܘܣܡ ܥܠ ܬܪܒܐ ܘܥܠ ܫܩܐ ܕܝܡܝܢܐ܂
08:27 [ai]ܘܣܡ ܐܢܘܢ ܟܠܗܘܢ ܒܐܝ̈ܕܝ ܐܗܪܘܢ ܘܒܐܝ̈ܕܝ ܒܢ̈ܘܗܝ܂ ܘܦܪܫ ܐܢܘܢ ܦܘܪܫܢܐ ܩܕܡ ܡܪܝܐ܂
08:28 [ai]ܘܢܣܒ ܐܢܘܢ ܡܘܫܐ ܡܢ ܐܝ̈ܕܝܗܘܢ܂ ܘܐܣܩ ܐܢܘܢ ܠܡܕܒܚܐ ܝܩܕܐ ܕܥܠܬܐ܂ ܕܢܗܘܘܢ ܫܘܡܠܝܐ ܠܪܝܚ ܣܘܬܐ/ܢܝܚܐ#3#/ ܩܘܪܒܢܐ ܠܡܪܝܐ܂
08:29 [ai]ܘܢܣܒ ܡܘܫܐ ܚܕܝܐ܂ ܘܦܪܫܗ ܦܘܪܫܢܐ ܩܕܡ ܡܪܝܐ܂ ܘܡܢ ܕܟܪܐ ܕܫܘܡܠܝܐ ܠܡܘܫܐ ܗܘܬ ܡܢܬܐ܂ ܐܝܟ ܕܦܩܕ ܡܪܝܐ ܠܡܘܫܐ܂
08:30 [ai]ܘܢܣܒ ܡܘܫܐ ܡܢ ܡܫܚܐ ܕܡܫܝܚܘܬܐ܂ ܘܡܢ ܕܡܐ ܕܥܠ ܡܕܒܚܐ܂ ܘܪܣ ܥܠ ܐܗܪܘܢ ܘܥܠ ܠܒܘܫ̈ܘܗܝ ܘܥܠ ܒܢ̈ܘܗܝ܂ ܘܥܠ ܠܒܘܫ̈ܐ ܕܒܢ̈ܘܗܝ ܥܡܗ܂ ܘܩܕܫ ܠܐܗܪܘܢ ܘܠܠܒܘܫ̈ܘܗܝ ܘܠܒܢ̈ܘܗܝ ܘܠܠܒܘܫ̈ܐ ܕܒܢ̈ܘܗܝ ܥܡܗ܂
08:31 [ai]ܘܐܡܪ ܡܘܫܐ ܠܐܗܪܘܢ ܘܠܒܢ̈ܘܗܝ܂ ܒܫܠܘ ܒܣܪܐ ܒܬܪܥܐ ܕܡܫܟܢ ܙܒܢܐ܂ ܘܬܡܢ ܐܘܟܠܘܗܝ ܠܗ ܘܠܠܚܡܐ ܕܒܣܠܐ ܕܫܘܡܠܝܐ܂ ܐܝܟ ܕܐܬܦܩ̈ܕܬ ܕܐܗܪܘܢ ܘܒܢ̈ܘܗܝ ܢܐܟܠܘܢܗ܂
08:32 [ai]ܘܡܕܡ ܕܡܫܬܚܪ ܡܢ ܒܣܪܐ ܘܡܢ ܠܚܡܐ ܒܢܘܪܐ ܬܘܩܕܘܢܗ܂
08:33 [ai]ܘܡܢ ܬܪܥܐ ܕܡܫܟܢܙܒܢܐ ܠܐ ܬܦܩܘܢ ܫܒܥܐ ܝܘܡ̈ܝܢ܂ ܥܕܡܐ ܕܡܿܠܝܢ ܝܘܡ̈ܝ ܫܘܡܠܝܟܘܢ܂ ܡܛܠ ܕܫܒܥܐ ܝܘܡ̈ܝܢ ܡܫܡܠܝܢ ܐܝ̈ܕܝܟܘܢ܂
08:34 [ai]ܐܝܟ ܕܥܒܿܕܬ ܒܝܘܡܐ ܗܢܐ܂ ܗܟܢܐ ܦܩܕ ܡܪܝܐ ܠܡܥܒܕ ܘܠܡܚܣܝܘ ܥܠܝܟܘܢ܂
08:35 [ai]ܘܒܬܪܥܐ ܕܡܫܟܢܙܒܢܐ ܬܒܘ ܫܒܥܐ ܝܘܡ̈ܝܢ ܐܝܡܡܐ ܘܠܠܝܐ܂ ܘܛܪܘ ܢܛܘܪ̈ܬܗ/ܡܛܪܬܗ#2#/ ܕܡܪܝܐ ܘܠܐ/ܕܠܐ#2#/ ܬܡܘܬܘܢ܂ ܡܛܠ ܕܗܟܢܐ ܐܬܦܩܕܬ܂
08:36 [ai]ܘܥܒܕ ܐܗܪܘܢ ܘܒܢ̈ܘܗܝ ܟܠܗܘܢ ܦܬ̈ܓܡܐ ܕܦܩܕ ܡܪܝܐ ܒܐܝܕܐ ܕܡܘܫܐ܂

next chapter