← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܘܗܘܐ ܒܝܘܡܐ ܬܡܝܢܝܐ܂ ܩܪܐ ܡܘܫܐ ܠܐܗܪܘܢ ܘܠܒ̈ܢܘܗܝ ܘܠܣܒ̈ܐ ܕܒܢ̈ܝ ܐܝܣܪܝܠ܂
09:02 [ai]ܘܐܡܪ ܠܐܗܪܘܢ ܣܒ ܠܟ ܥܓܠܐ ܚܕ/#3#/ ܒܪ ܒܩܪܐ ܠܚܛܗܐ܂ ܘܕܟܪܐ ܕܕܟܐ ܡܢ ܡܘܡܐ ܠܝܩܕܐ ܫܠܡܐ/ܕܥܠܬܐ#3#/܂ ܘܩܪܒ ܩܕܡ ܡܪܝܐ܂
09:03 [ai]ܘܐܡܪ ܠܒܢ̈ܝ ܐܝܣܪܝܠ ܣܒܘ ܠܟܘܢ ܨܦܪܝܐ ܕܥ̈ܙܐ ܠܚܛܗܐ܂ ܘܥܓܠܐ ܘܐܡܪ̈ܐ ܒܢ̈ܝ ܫܢܬܐ ܕܠܝܬ ܒܗܘܢ ܡܘܡܐ ܠܝܩܕܐ ܕܥܠܬܐ܂
09:04 [ai]ܘܬܘܪܐ ܘܕܟܪܐ ܠܕܒܚܐ ܫܠܡܐ ܩܕܡ ܡܪܝܐ܂ ܘܣܡܝܕܐ ܕܦܝܠ ܒܡܫܚܐ܂ ܡܛܠ ܕܝܘܡܢܐ ܡܬܚܙܐ ܠܟܘܢ ܡܪܝܐ܂
09:05 [ai]ܘܢܣܒܘ ܟܠܡܕܡ ܕܦܩܕ ܐܢܘܢ/ܠܗܘܢ#3#/ ܡܘܫܐ܂ ܘܐܬܘ ܩܕܡ ܡܫܟܢܙܒܢܐ܂ ܘܩܪܒܬ ܟܘܠܗܿ ܟܢܘܫܬܐ ܘܩܡܘ ܩܕܡ ܡܪܝܐ܂
09:06 [ai]ܘܐܡܪ ܡܘܫܐ܂ ܗܢܘ ܦܬܓܡܐ ܕܦܩܕ ܡܪܝܐ ܕܬܥܒܕܘܢ܂ ܘܢܬܓܠܐ ܥܠܝܟܘܢ ܫܘܒܚܗ ܕܡܪܝܐ܂
09:07 [ai]ܘܐܡܪ ܡܘܫܐ ܠܐܗܪܘܢ܂ ܩܪܘܒ ܩܕܡ/ܠܘܬ#3#/ ܡܕܒܚܐ ܘܩܪܒ ܚܛܗܟ ܘܝܩܕܟ ܫܠܡܐ܂ ܘܚܣܐ ܥܠܝܟ ܘܥܠ ܥܡܐ܂ ܘܩܪܒ ܩܘܪܒܢܐ ܕܥܡܐ ܘܚܣܐ ܥܠܝܗܘܢ܂ ܐܝܟܢܐ ܕܦܩܕ ܡܪܝܐ܂
09:08 [ai]ܘܩܼܪܒ ܐܗܪܘܢ ܠܘܬ ܡܕܒܚܐ܂ ܘܢܟܣ ܥܓܠܐ ܕܚܛܗܐ ܕܝܠܗ܂܂
09:09 [ai]ܘܩܿܪܒܘ ܠܗ ܕܡܐ ܒܢ̈ܘܗܝ ܕܐܗܪܘܢ܂ ܘܨܒܥ ܨܒܥܗ ܒܕܡܐ܂ ܘܪܣ ܥܠ ܩܪ̈ܢܬܗ ܕܡܕܒܚܐ܂ ܘܕܡܐ ܐܫܕ ܥܠ ܫ̈ܦܘܠܘܗܝ ܕܡܕܒܚܐ܂
09:10 [ai]ܘܬܪܒܐ ܘܟ̈ܘܠܝܬܐ܂ ܘܚܨܪ ܟܒܕܐ ܡܢ ܚܛܗܐ ܐܣܩ ܠܡܕܒܚܐ ܐܝܟ ܕܦܩܕ ܡܪܝܐ ܠܡܘܫܐ܂
09:11 [ai]ܘܒܣܪܐ ܘܡܫܟܐ ܐܘܩܕ ܒܢܘܪܐ ܠܒܪ ܡܢ ܡܫܪܝܬܐ܂
09:12 [ai]ܘܢܟܣ ܝܩܕܐ ܫܠܡܐ܂ ܘܡܛܝܘ ܠܗ ܕܡܐ ܒ̈ܢܝ ܐܗܪܘܢ܂ ܘܪܣܗ ܥܠ ܡܕܒܚܐ ܟܕ ܚܿܕܪ܂
09:13 [ai]ܘܝܩܕܐ ܫܠܡܐ ܡܛܝܘ ܠܗ܂ ܘܦܫܚܗ ܗܕܡ ܗܕܡ܂ ܘܪܫܐ ܐܣܩ ܠܡܕܒܚܐ܂
09:14 [ai]ܘܐܫܝܓ ܓܘܝܐ ܘܟܪ̈ܥܐ ܘܐܣܩ ܝܩܕܐ ܫܠܡܐ ܠܡܕܒܚܐ܂
09:15 [ai]ܘܩܪܒ ܩܘܪܒܢܐ ܕܥܡܐ܂ ܘܢܣܒ ܨܦܪܝܐ ܕܚܛܗܐ ܕܥܡܐ ܘܢܟܣܗ ܘܕܟܝܗ ܐܝܟ ܩܕܡܝܐ܂
09:16 [ai]ܘܩܪܒ ܝܩܕܐ ܫܠܡܐ ܘܥܒܕܗ ܐܝܟ ܙܕܩܗ܂
09:17 [ai]ܘܩܪܒ ܣܡܝܕܐ ܘܡܠܐ ܐܝܕܗ ܡܢܗ܂ ܘܐܣܩ ܥܠ ܡܕܒܚܐ ܠܒܪ ܡܢ ܝܩܕܐ ܫܠܡܐ ܕܨܦܪܝܐ܂
09:18 [ai]ܘܢܟܣ ܠܬܘܪܐ ܘܠܕܟܪܐ ܕܒܚܐ ܫܠܡܐ ܕܥܡܐ܂ ܘܡܛܝܘ ܠܗ ܒܢ̈ܝ ܐܗܪܘܢ ܕܡܐ܂ ܘܪܣܗ ܥܠ ܡܕܒܚܐ ܟܕ ܚܿܕܪ܂
09:19 [ai]ܘܬܪܒܐ ܕܬܘܪܐ ܘܕܕܟܪܐ ܘܐܠܝܬܐ ܘܩܪܡܐ ܕܓܘܝܐ܂ ܘܟܘ̈ܠܝܬܐ ܘܚܨܪ ܟܒܕܐ܂
09:20 [ai]ܘܣܡ ܬܪܒܐ ܥܠ ܚܕܘ̈ܬܐ܂ ܘܐܣܩ ܬܪܒܐ ܠܡܕܒܚܐ/ܥܠ ܡܕܒܚܐ#2#/܂
09:21 [ai]ܘܚܕܘܬܐ ܘܫܩܐ ܕܝܡܝܢܐ܂ ܦܪܫ ܐܗܪܘܢ ܦܘܪܫܢܐ ܩܕܡ ܡܪܝܐ ܐܝܟ ܕܐܬܦܩܕ ܡܘܫܐ܂
09:22 [ai]ܘܐܪܝܡ ܐܗܪܘܢ ܐ̈ܝܕܘܗܝ ܥܠ ܥܡܐ ܘܒܪܟ ܐܢܘܢ܂ ܘܢܚܬ ܟܕ ܩܪܒ ܚܛܗܐ ܘܝܩܕܐ ܫܠܡܐ ܘܕܒܚܐ ܫܠܡܐ܂
09:23 [ai]ܘܥܠܘ ܡܘܫܐ ܘܐܗܪܘܢ ܠܡܫܟܢܙܒܢܐ܂ ܘܢܦܩܘ ܒܪܟܘܗܝ ܠܥܡܐ܂ ܘܐܬܓܠܝ ܫܘܒܚܗ ܕܡܪܝܐ ܩܕܡ/ܥܠ#3#/ ܟܠܗ ܥܡܐ܂
09:24 [ai]ܘܢܦܩܬ ܢܘܪܐ ܡܢ ܩܕܡ ܡܪܝܐ܂ ܘܐܟܠܬ ܥܠ ܡܕܒܚܐ ܬܪܒܐ ܕܝܩܕܐ ܫܠܡܐ܂ ܘܚܙܐ ܟܠܗ ܥܡܐ ܘܫܒܚܘ܂ ܘܢܦܠܘ ܥܠ ܐ̈ܦܝܗܘܢ܂

next chapter