← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܘܢܣܒܘ ܒܢ̈ܝ ܐܗܪܘܢ ܢܕܒ ܘܐܒܝܗܘ܂ ܓܒܪ ܦܝܪܡܗ܂ ܘܣܡܘ ܒܗܘܢ ܢܘܪܐ ܘܣܡܘ ܒܗܘܢ ܒܣܡ̈ܐ܂ ܘܩܪܒܘ ܩܕܡ ܡܪܝܐ ܢܘܪܐ ܢܘܟܪܝܬܐ ܕܠܐ ܒܙܒܢܗܿ ܕܠܐ ܦܩܕ ܐܢܘܢ܂
10:02 [ai]ܘܢܦܩܬ ܢܘܪܐ ܡܢ ܩܕܡ ܡܪܝܐ ܘܐܟܠܬ ܐܢܘܢ܂ ܘܡܝܬܘ ܩܕܡ ܡܪܝܐ܂
10:03 [ai]ܘܐܡܪ ܡܘܫܐ ܠܐܗܪܘܢ܂ ܗܕܐ ܗܝ ܕܐܡܪ ܡܪܝܐ܂ ܕܒܩܪ̈ܝܒܝ ܐܬܩܕܫ ܘܩܕܡ ܟܠܗ ܥܡܐ ܐܫܬܒܚ܂ ܘܫܬܩ ܐܗܪܘܢ܂
10:04 [ai]ܘܩܪܐ ܡܘܫܐ ܠܡܢܫܐܝܠ ܘܠܐܠܝܨܦܢ ܒܢ̈ܝ ܥܘܙܝܠ ܕܕܗ ܕܐܗܪܘܢ ܘܐܡܪ ܠܗܘܢ܂ ܩܪܘܒܘ ܫܩܘܠܘ ܐܚܝ̈ܟܘܢ ܡܢ/#2#/ ܩܕܡ ܐ̈ܦܝ ܩܘܕܫܐ ܠܒܪ ܡܢ ܡܫܪܝܬܐ܂
10:05 [ai]ܘܩܪܒܘ ܘܫܩܠܘ ܐܢܘܢ ܒܟܘܬܝܢ̈ܝܬܗܘܢ܂ ܘܐܦܩܘ ܐܢܘܢ ܠܒܪ ܡܢ ܡܫܪܝܬܐ܂ ܐܝܟܢܐ ܕܐܡܪ ܡܘܫܐ܂
10:06 [ai]ܘܐܡܪ ܡܘܫܐ܂ ܠܐܗܪܘܢ ܘܠܐܠܝܥܙܪ ܘܠܐܝܬܡܪ ܒ̈ܢܘܗܝ ‍<‍ܕܐܗܪܘܢ#3#‍>‍ ܕܐܫܬܚܪܘ ܠܗ܂ ܪ̈ܝܫܝܟܘܢ ܠܐ ܬܦܪܥܘܢ܂ ܘܡܐ̈ܢܝܟܘܢ ܠܐ ܬܨܪܘܢ ܕܠܐ ܬܡܘܬܘܢ܂ ܘܢܗܘܐ ܪܘܓܙܐ ܥܠ ܟܠܗܿ ܟܢܘܫܬܐ܂ ܘܟܠܗܘܢ ܐܚ̈ܝܟܘܢ ܕܒܝܬ ܐܝܣܪܝܠ܂ ܢܒܟܘܢ ܥܠ ܡܘܩ̈ܕܐ ܕܐܘܩܕ ܡܪܝܐ܂
10:07 [ai]ܘܡܢ ܬܪܥܐ ܕܡܫܟܢܙܒܢܐ ܠܐ ܬܦܩܘܢ ܕܠܐ ܬܡܘܬܘܢ܂ ܡܛܠ ܕܡܫܚܐ ܕܡܫܝܚܘܬܐ ܕܡܪܝܐ ܥܠܝܟܘܢ܂ ܘܥܒܕܘ ܐܝܟ ܡܠܬܗ ܕܡܘܫܐ܂
10:08 [ai]\ܘܐܡܪ ܡܪܝܐ ܠܐܗܪܘܢ /ܘܡܠܠ ܡܪܝܐ ܥܡ ܐܗܪܘܢ ܘܐܡܪ ܠܗ#3#/܂
10:09 [ai]ܚܡܪܐ ܘܫܟܪܐ ܠܐ ܬܫܬܐ܂ ܐܢܬ ܘܒ̈ܢܝܟ ܥܡܟ܂ ܡܐ ܕܥܐܿܠܝܢ ܐܢܬܘܢ ܠܡܫܟܢܙܒܢܐ ܕܠܐ ܬܡܘܬܘܢ܂ ܩܝܡܐ ܠܥܠܡ ܠܕܪ̈ܝܟܘܢ܂
10:10 [ai]ܕܬܦܪܫܘܢ ܒܝܬ ܩܘܕܫܐ ܠܬܛܘܫܬܐ ܘܒܝܬ ܛܡܐܐ ܠܕܟܝܐ܂
10:11 [ai]ܘܬܠܦ ܠܒ̈ܢܝ ܐܝܣܪܝܠ ܟܠܗܘܢ ܩܝ̈ܡܐ ܕܐܡܪ ܠܗܘܢ ܡܪܝܐ ܒܐܝܕܐ ܕܡܘܫܐ܂
10:12 [ai]ܘܐܡܪ ܡܘܫܐ ܠܐܗܪܘܢ ܘܠܐܠܝܥܙܪ ܘܠܐܝܬܡܪ \ܒ̈ܢܘܗܝ/ܒܢ̈ܝ ܐܗܪܘܢ#3#/ ‍<‍ܕܐܗܪܘܢ#3#‍>‍ ܕܐܫܬܚܪܘ ܠܗ܂ ܣܒܘ ܣܡܝܕܐ ܕܝܬܪ ܡܢ ܩܘܪ̈ܒܢܘܗܝ ܕܡܪܝܐ܂ ܘܐܘܟܠܘܗܝ ܦܛܝܪܐ ܥܠ ܓܢܒ ܡܕܒܚܐ܂ ܡܛܠ ܕܩܕܘܫ ܩܘ̈ܕܫܝܢ ܗܘ܂
10:13 [ai]ܘܐܘܟܠܘܗܝ ܒܐܬܪܐ ܩܕܝܫܐ܂ ܡܛܠ ܕܩܝܡܬܟ ܗܝ ܘܩܝܡܬܐ ܕܒܢܝܟ ܥܡܟ ܡܢ ܩܘܪ̈ܒܢܘܗܝ ܕܡܪܝܐ܂ ܡܛܠ ܕܗܟܢܐ ܐܬܦܩܿܕܬ܂
10:14 [ai]ܘܚܕܝܐ ܕܦܘܪܫܢܐ ܘܫܩܐ ܕܦܘܪܫܢܐ܂ ܐܟܘܠ ܒܐܬܪܐ ܕܕܟܐ/ܩܕܝܫܐ#3#/܂ ܐܢܬ ܘܒܢܝܟ ܘܒܢ̈ܬܟ ܥܡܟ܂ ܡܛܠ ܕܩܝܡܬܟ ܗܝ܂ ܘܩܝܡܬܐ ܕܒ̈ܢܝܟ ܥܡܟ ܐܬܝܗܒܬ ܡܢ ܕܒܚ̈ܐ ܫ̈ܠܡܐ ܕܒܢ̈ܝ ܐܝܣܪܝܠ܂
10:15 [ai]ܘܫܩܐ ܕܦܘܪܫܢܐ ܘܚܕܝܐ ܕܦܘܪܫܢܐ܂ ܥܠ ܩܘܪܒܢܐ ܕܬܪܒܐ/ܘܬܪܒܐ#2#/ ܢܝܬܘܢ܂ ܠܡܦܪܫ ܦܘܪܫܢܐ ܩܕܡ ܡܪܝܐ܂ ܘܢܗܘܐ ܠܟ ܘܠܒܢܝܟ ܥܡܟ܂ ܩܝܡܐ ܠܥܠܡ ܐܝܟܢܐ ܕܦܩܕ ܡܪܝܐ ‍<‍ܕܐܗܪܘܢ ܘܒܢ̈ܘܗܝ ܢܐܟܠܘܢܗ#1##2#‍>‍܂
10:16 [ai]ܘܨܦܪܝܐ ܕܚܛܗܐ ܡܬܒܥ ܬܒܥܗ ܡܘܫܐ܂ ܘܗܐ ܝܩܕ ܘܪܓܙ ܥܠ ܐܠܝܥܙܪ ܘܥܠ ܐܝܬܡܪ ܒ̈ܢܘܗܝ ܕܐܗܪܘܢ ܕܐܫܬܚܪܘ ܠܗ܂ ܘܐܡܪ ܠܗܘܢ܂
10:17 [ai]ܡܛܠ ܡܢܐ ܠܐ ܐܟܠܬܘܢ ܚܛܗܐ ܒܐܬܪܐ ܩܕܝܫܐ܂ ܡܛܠ ܕܩܕܘܫ ܩ̈ܘܕܫܝܢ ܗܘ܂ ܘܠܗ ܗܘ ܝܗܿܒܬ ܠܟܘܢ ܕܢܫܩܘܠ ܚܛܗܗܿ ܕܟܢܘܫܬܐ܂ ܘܢܚܣܐ ܥܠܝܗܘܢ ܩܕܡ ܡܪܝܐ܂
10:18 [ai]ܗܐ ܠܐ ܥܐܿܠ ܡܢ ܕܡܗ ܠܩܘܕܫܐ ܓܘܝܐ܂ ܐܟܠܬܘܢܝܗܝ ܕܝܢ ܒܩܘܕܫܐ ܐܝܟ ܕܐܬܦܩܿܕܬ܂ ܕܐܗܪܘܢ ܘܒܢ̈ܘܗܝ ܢܐܟܠܘܢܗ܂
10:19 [ai]ܘܐܡܪ ܐܗܪܘܢ ܠܡܘܫܐ܂ ܗܐ ܝܘܡܢܐ ܩܪܒܘ ܚ̈ܛܗܝܗܘܢ ܘܝܩ̈ܕܝܗܘܢ ܫ̈ܠܡܐ ܩܕܡ ܡܪܝܐ܂ ܘܡܛܝܢܝ ܗܠܝܢ ܟܠܗܝܢ܂ ܘܐܠܘ ܐܟܠܬ ܚܛܗܐ ܝܘܡܢܐ܂ ܫܦܝܪ ܗܘܐ ܩܕܡ ܡܪܝܐ܂
10:20 [ai]ܘܫܡܥ ܡܘܫܐ/ܡܪܝܐ#3#/ ܘܫܦܪ ܒܥܝܢܘ̈ܗܝ܂

next chapter