← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂
11:02 [ai]ܡܠܠܘ ܥܡ ܒܢ̈ܝ ܐܝܣܪܐܝܠ ܘܐܡܪܘ ܠܗܘܢ܂ ܗܕܐ ‍<‍ܗܝ#3#‍>‍ ܚܝܘܬܐ ܗܘܝܬܘܢ ܐܟܠܝܢ܂ ܡܢ ܟܠ ܒܥܝܪ̈ܐ ܕܒܐܪܥܐ܂
11:03 [ai]ܟܠ ܕܨܪܝܐ ܦܪܣܬܗܿ ܘܦܠܝܓܐ ܠܬܪ̈ܝܢ ܘܡܬܓܘܪܪܐ ܠܗܿ ܐܟܘܠܘ܂
11:04 [ai]ܘܗܠܝܢ ܠܐ ܬܐܟܠܘܢ ܡܢ ܐܝܠܝܢ ܕܡܬܓܘܪܪܝܢ ܘܡܢ ܐܝܠܝܢ ܕܨܪ̈ܝܢ ܦܪ̈ܣܬܗܘܢ܂ ܓܡܠܐ ܕܡܬܓܘܪܪ ܘܦܪ̈ܣܬܗ ܠܐ ܨܪܝܐ ܛܡܐ ܗܘ ܠܟܘܢ܂
11:05 [ai]ܘܚܓܣܐ ܕܡܬܓܘܪܪ ܘܦܪܣܬܗ ܠܐ ܨܪܝܐ ܛܡܐ ܗܘ ܠܟܘܢ܂
11:06 [ai]ܘܐܪܢܒܐ ܕܡܬܓܘܪܪܐ ܘܦܪܣܬܗܿ ܠܐ ܨܪܝܐ ܛܡܐܐ ܗܝ ܠܟܘܢ܂
11:07 [ai]ܘܚܙܝܪܐ ܕܨܪܝܐ ܦܪܣܬܗ ܘܦܠܝܓܐ ܠܬܪ̈ܝܢ ܘܠܐ ܡܬܓܘܪܪ ܛܡܐ ܗܘ ܠܟܘܢ܂
11:08 [ai]ܡܢ ܒܣܪܗܘܢ ܠܐ ܬܐܟܠܘܢ܂ ܘܠܦܓܪ̈ܝܗܘܢ ܠܐ ܬܬܩܪܒܘܢ܂ ܛܡܐܝܢ ܐܢܘܢ ܠܟܘܢ܂
11:09 [ai]ܘܗܠܝܢ ܬܐܟܠܘܢ ܡܢ ܟܠ ܕܐܝܬ ܒܡ̈ܝܿܐ ܟܠ ܕܐܝܬ ܠܗ ܓ̈ܦܐ ܘܩ̈ܠܦܐ ܒܡ̈ܝܐ ܒܝܡ̈ܡܐ ܘܒܪ̈ܓܠܬܐ ܐܟܘܠܘ܂
11:10 [ai]ܘܟܘܠ ܕܠܝܬ ܠܗ ܓܦ̈ܐ ܘܩ̈ܠܦܐ ܒܝܡ̈ܡܐ ܘܒܪ̈ܓܠܬܐ܂ ܒܟܠܗ ܪܚܫܐ ܕܡ̈ܝܐ ܘܒܟܠܗܿ ܢܦܫܐ ܚܝܬܐ ܕܒܡ̈ܝܐ܂ ܛܡܐܝܢ ܐܢܘܢ ܠܟܘܢ܂
11:11 [ai]ܡܢ ܒܣܪܗܘܢ ܠܐ ܬܐܟܠܘܢ܂ ܘܠܦܓܪ̈ܝܗܘܢ ܬܛܡܐܘܢ܂
11:12 [ai]ܘܟܠ ܕܠܝܬ ܠܗ ܓܦ̈ܐ ܘܩ̈ܠܦܐ ܒܡ̈ܝܐ ܛܡܐ ܗܘ ܠܟܘܢ܂
11:13 [ai]ܘܗܠܝܢ ܐܣܠܘ ܡܢ ܦܪ̈ܚܬܐ ܘܠܐ ܢܬܐܟܠܘܢ܂ ܡܛܠ ܕܛܡܐܝܢ ܐܢܘܢ ܢܫܪܐ܂
11:14 [ai]ܘܕܝܬܐ܂
11:15 [ai]ܘܢܥܒܐ ܒܓܢܣܝ̈ܗܘܢ/ܠܓܢܣ̈ܝܗܘܢ#1##2#/܂
11:16 [ai]ܘܢܥܡܐ ܘܢܨܐ ܠܓܢܣ̈ܝܗܘܢ܂
11:17 [ai]ܘܥܘܕܐ ܘܫܿܠܐ ܢܘ̈ܢܐ ܘܩܦܘܦܐ܂
11:18 [ai]ܘܟܘܟܒܝ ܘܩܩܐ ܘܫܪܩܪܩܐ܂
11:19 [ai]ܘܚܘܪܒܐ ܘܐܢܦܐ ܠܓܢ̈ܣܝܗܘܢ܂ ܘܬܪܢܓܘܠ ܒܪܐ ܘܛܘܣܐ/ܘܦܪܚܕܘܕܐ#3#/܂
11:20 [ai]ܘܟܠܗ ܝܠܕܐ ܕܦܪܚܬܐ ܕܡܗܠܟܐ/ܕܡܗܠܟ#3#/ ܥܠ ܐܪ̈ܒܥ \ܛܡܐܐ ܗܝ /ܛܡܐ ܗܘ#3#/ ܠܟܘܢ܂
11:21 [ai]ܘܗܠܝܢ ܐܟܘܠܘ ܡܢ ܟܠܗ ܝܠܕܐ ܕܦܪܚܬܐ܂ ܕܡܗܠܟ ܥܠ ܐܪ̈ܒܥ܂ ܕܐܝܬ ܠܗ ܛܦܪ̈ܐ ܠܥܠ ܡܢ ܪ̈ܓܠܝܘܗܝ܂ ܕܢܒܿܪ/ܕܢܥܒܪ#3#/ ܒܗܝܢ ܒܐܪܥܐ܂
11:22 [ai]ܗܠܝܢ ܐܟܘܠܘ ܡܢܗܘܢ܂ ܩܡܨܐ ܠܓܢܣܗ܂ ܘܚܪܓܠܐ ܠܓܢܣܗ܂
11:23 [ai]ܘܟܠܗ ܝܠܕܐ ܕܦܪܚܬܐ ܕܐܝܬ ܠܗ ܐܪ̈ܒܥ ܪ̈ܓܠܝܢ ܛܡܐ ܗܘ ܠܟܘܢ܂
11:24 [ai]ܘܒܗܠܝܢ ܬܬܛܡܐܘܢ܂ ܟܠ ܕܩܿܪܒ ܠܦܓܪ̈ܝܗܘܢ܂ ܢܗܘܐ ܛܡܐ ܥܕܡܐ ܠܪܡܫܐ܂
11:25 [ai]ܘܟܠ ܕܫܿܩܠ ܦܓܪ̈ܝܗܘܢ ܢܚܠܠ ܡܐ̈ܢܘܗܝ ܘܢܗܘܐ ܛܡܐ ܥܕܡܐ ܠܪܡܫܐ܂
11:26 [ai]ܘܟܠܗܿ ܒܥܝܪ̈ܐ ܕܨܪܝܐ ܦܪܣܬܗܿ܂ ܘܠܐ ܗܘܬ ܦܠܝܓܐ ܠܬܪ̈ܝܢ܂ ܘܠܐ ܡܬܓܘܪܪܐ ܛܡܐܐ ܗܝ ܠܟܘܢ܂ ܘܟܠ ܕܢܩܪܘܒ ܠܗܘܢ/ܠܗܝܢ#1##2#/ ܢܗܘܐ ܛܡܐ ܥܕܡܐ ܠܪܡܫܐ܂
11:27 [ai]ܘܟܠ ܕܡܗܠܟ ܥܠ ܐ̈ܝܕܘܗܝ܂ ܘܟܠܗܿ ܚܝܘܬܐ ܕܡܗܠܟܐ ܥܠ ܐܪ̈ܒܥ ܛܡܐ ܗܝ ܠܟܘܢ܂ ܘܟܠ ܕܩܿܪܒ ܠܦܓܪ̈ܝܗܘܢ܂ ܢܗܘܐ ܛܡܐ ܥܕܡܐ ܠܪܡܫܐ܂
11:28 [ai]ܘܡܿܢ ܕܫܿܩܠ ܦܓܪ̈ܝܗܘܢ܂ ܢܚܠܠ ܡܐ̈ܢܘܗܝ ܘܢܗܘܐ ܛܡܐܐ ܥܕܡܐ ܠܪܡܫܐ܂ ܡܛܠ ܕܛܡܐܝܢ ܐܢܘܢ ܠܟܘܢ܂
11:29 [ai]ܘܗܠܝܢ ܛܡܐܝܢ/ܕܛܡܐܝܢ#3#/ \ܒܟܠܗܿ ܪܚܫܐ /ܒܪܚܫܐ#3#/ ܕܪܚܫܿ ܥܠ ܐܪܥܐ܂ ܟܟܘܫܬܐ ܘܥܘܩܒܪܐ ܘܚܪܕܢܐ܂ ܠܓܢܣ̈ܝܗܘܢ܂
11:30 [ai]ܘܐܡܩܬܐ ܘܚܘܠܕܐ ܘܨܪܘܪܝܬܐ ܘܚܘܠܡܛܐ ܘܝܕܝܕܐ܂
11:31 [ai]ܗܠܝܢ ܛܡܐܝܢ ܒܟܠܗ ܪܚܫܐ܂ ܟܠ ܕܩܿܪܒ ܠܗܘܢ ܟܕ ܡܝܬܝܢ܂ ܢܗܘܐ ܛܡܐ ܥܕܡܐ ܠܪܡܫܐ܂
11:32 [ai]ܘܟܠ ܕܢܿܦܠ ܥܠܘܗܝ ܡܢܗܘܢ ܟܕ ܡܝܬ ܢܬܛܡܐ܂ ܘܟܠ ܡܐܢܐ ܕܩܝܣܐ܂ ܐܘ ܠܒܘܫܐ ܐܘ ܡܫܟܐ ܐܘ ܣܩܐ܂ ܐܘ ܟܘܠ ܡܐܢ/ܡܘܢ#3#/ ܕܡܬܥܒܕ ܒܗܘܢ ܥܒܿܕܐ܂ ܒܡ̈ܝܐ ܢܨܒܥܘܢ ܐܢܘܢ܂ ܘܢܗܘܘܢ ܛܡܐܝܢ ܥܕܡܐ ܠܪܡܫܐ ܘܢܬܕܟܘܢ܂
11:33 [ai]ܘܟܠ ܡܐܢܐ ܕܦܚܪܐ ܕܢܿܦܠ ܡܢܗܘܢ ܒܓܘܗ܂ ܟܠ ܕܒܓܘܗ ܢܗܘܐ ܛܡܐ ܘܠܗ ܬܒܿܪܘ܂
11:34 [ai]ܘܡܢ ܟܠ ܡܐܟܘܠܬܐ ܕܡܬܐܟܠܐ ܕܢܿܦܠܝܢ ܥܠܝܗܿ ܡ̈ܝܐ ܬܬܛܡܐ܂ ܘܟܠ ܡܫܬܝܐ ܕܡܫܬܬܐ ܒܟܠ ܡܐܢ ܢܬܛܡܐ܂
11:35 [ai]ܘܟܠ ܕܢܿܦܠ ܡܢ ܦܓܪ̈ܝܗܘܢ ܥܠܘܗܝ ܢܗܘܐ ܛܡܐ܂ ܬܢܘܪܐ ܘܒܝܬ ܬ̈ܦܝܐ ܢܬܥܩܪܘܢ܂ ܛܡܐܝܢ ܐܢܘܢ ܘܛܡܐܝܢ ܢܗܘܘܢ ܠܟܘܢ܂
11:36 [ai]ܒܪܡ ܡܥܝ̈ܢܐ ܘܓܘ̈ܒܐ ܘܩܒܝ̈ܬܐ ܕܡ̈ܝܐ ܢܗܘܘܢ ܕܟܝܢ܂ ܘܡܿܢ ܕܢܩܪܘܒ ܠܦܓܪ̈ܝܗܘܢ ܢܗܘܐ ܛܡܐ܂
11:37 [ai]ܘܐܢ ܢܦܠ ܡܢ ܦܓܪ̈ܝܗܘܢ ܥܠ ܟܠ ܒܪ ܙܪܥܐ ܕܙܪܥܐ ܕܡܙܕܪܥ ܕܟܐ ܗܘ܂
11:38 [ai]ܘܐܢ ܢܦܠܘ ܡ̈ܝܐ ܥܠ ܒܪ ܙܪܥܐ ܘܢܦܠܘ ܡܢ ܦܓܪ̈ܝܗܘܢ ܥܠܘܗܝ܂ ܛܡܐ ܗܘ ܠܟܘܢ܂
11:39 [ai]ܘܐܢ ܢܡܘܬ ܡܢ ܒܥܝܪ̈ܐ ܕܕܟܝܐ ܠܟܘܢ ܠܡܐܟܠ܂ ܟܠ ܕܢܩܪܘܒ ܠܦܓܪܗܿ܂ ܢܗܘܐ ܛܡܐ ܥܕܡܐ ܠܪܡܫܐ܂
11:40 [ai]ܘܕܢܫܩܘܠ ܡܢ ܦܓܪܗܿ ܢܚܠܠ ܡܐ̈ܢܘܗܝ ܘܢܗܘܐ ܛܡܐ ܥܕܡܐ ܠܪܡܫܐ܂
11:41 [ai]ܘܟܠ ܪܚܫܐ ܕܪܚܿܫ ܥܠ ܐܪܥܐ ܛܢܦܐ ܗܘ ܠܟܘܢ܂
11:42 [ai]ܠܐ ܬܐܟܠܘܢ܂
11:41x [ai]ܘܟܠ ܕܫܐܿܦ ܥܠ ܟܪܣܗ܂
11:42x [ai]ܘܟܠ ܕܡܗܠܟ ܥܠ ܐܪ̈ܒܥ ܘܟܠ ܣܘܓܐܐ ܕܪ̈ܓܠܐ܂ ܡܢ ܟܠ ܪܚܫܐ ܕܪܚܿܫ ܥܠ ܐܪܥܐ܂ ܠܐ ܬܐܟܠܘܢ ܡܢܗܘܢ܂ ܡܛܠ ܕܛܡܐܝܢ ܐܢܘܢ܂
11:43 [ai]ܠܐ ܬܛܡܐܘܢ ‍<‍ܒܗܘܢ#3#‍>‍ ܢܦܫ̈ܬܟܘܢ ܒܟܠܗ ܪܚܫܐ ܕܪܚܿܫ ܥܠ ܐܪܥܐ܂ ܕܠܐ ܬܬܛܡܐܘܢ ܒܗܘܢ܂ ܠܐ ܬܬܛܡܐܘܢ ܒܗܘܢ܂
11:44 [ai]ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂ ܘܬܬܩܕܫܘܢ ܘܬܗܘܘܢ ܩܕܝܫ̈ܝܢ܂ ܡܛܠ ܕܩܕܝܫ ܐܢܐ܂ ܠܐ ܬܛܡܐܘܢ ܢܦܫ̈ܬܟܘܢ ܒܟܠܗ ܪܚܫܐ ܕܪܚܿܫ ܥܠ ܐܪܥܐ܂
11:45 [ai]ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂ ܕܐܣܩܿܬܟܘܢ ܡܢ ܐܪܥܐ ܕܡܨܪܝܢ ܕܐܗܘܐ ܠܟܘܢ ܐܠܗܐ܂ ܘܬܗܘܘܢ ܩܕܝܫ̈ܝܢ ܡܛܠ ܕܩܕܝܫ ܐܢܐ܂
11:46 [ai]ܗܢܘ/ܗܢܐ#3#/ ܢܡܘܣܐ ܕܒܥܝܪ̈ܐ ܘܕܦܪܚܬܐ܂ ܘܕܟܠ ܢܦܫܐ ܚܝܬܐ ܕܪܚܿܫܐ ܒܡ̈ܝܐ܂ ܘܕܟܠ ܢܦܫܐ ܕܪܚܿܫܐ ܒܐܪܥܐ܂
11:47 [ai]ܘܠܡܦܪܫ ܒܝܬ ܛܡܐܐ ܠܕܟܝܐ܂ ܘܒܝܬ ܚܝܘܬܐ ܕܡܬܐܟܠܐ ܠܒܝܬ ܚܝܘܬܐ ܕܠܐ ܡܬܐܟܠܐ܂

next chapter