← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂
13:02 [ai]ܐܢܫܐ ܟܕ ܬܗܘܐ ܒܡܫܟܐ ܕܒܣܪܗ ܫܘܡܬܐ ܐܘ ܩܠܦܝܬܐ ܐܘ ܒܗܩܝܬܐ܂ ܘܬܗܘܐ ܒܡܫܟܐ ܕܒܣܪܗ ܫܘܡܬܐ ܕܡܚܘܬܐ ܕܓܪܒܐ܂ ܢܝܬܘܢܗ ܠܘܬ ܐܗܪܘܢ ܟܗܢܐ܂ ܐܘ ܠܘܬ ܚܕ ܡܢ ܒܢ̈ܘܗܝ ܟܗ̈ܢܐ܂
13:03 [ai]ܘܢܚܙܝܗܿ ܟܗܢܐ ܠܡܚܘܬܐ ܒܡܫܟܐ ܕܒܣܪܗ܂ ܐܢ ܗܠܟܬ ܡܚܘܬܐ ܒܡܫܟܐ ܕܒܣܪܗ܂ ܘܣܥܪܐ ܕܡܚܘܬܐ/ܕܒܡܚܘܬܐ#1##2#/ ܐܬܗܦܟ ܠܡܚܘܪ/ܕܢܚܘܪ#3#/܂ ܘܚܙܘܗܿ ܕܡܚܘܬܐ ܥܡܝܩ ܗܘ ܡܢ ܡܫܟܐ ܕܒܣܪܗ܂ ܡܚܘܬܐ ܗܝ ܕܓܪܒܐ܂ ܢܚܙܝܗܿ ܟܗܢܐ ܘܢܛܡܐܝܗ܂
13:04 [ai]ܘܐܢ ܒܗܩܝܬܐ ܚܘܪܬ ܒܡܫܟܐ ܕܒܣܪܗ܂ ܘܥܡܝܩܐ ܘܠܐ ܡܬܚܙܝܐ ܡܢ ܡܫܟܐ܂ ܘܣܥܪܐ ܠܐ ܐܬܗܦܟ ܕܢܚܘܪ/ܠܡܚܘܪ#3#/܂ ܢܣܓܪܝܗܿ ܟܗܢܐ ܠܡܚܘܬܐ ܫܒܥܐ ܝܘܡ̈ܝܢ܂
13:05 [ai]ܘܢܚܙܝܗܿ ܟܗܢܐ ܒܝܘܡܐ ܕܫܒܥܐ܂ ܐܢ ܩܡܬ ܡܚܘܬܐ ܒܕܘܟܬܗܿ܂ ܘܠܐ ܗܠܟܬ ܡܚܘܬܐ ܒܡܫܟܐ܂ ܢܣܓܪܝܗܿ/ܢܙܓܪܝܗܿ#3#/ ܟܗܢܐ ܫܒܥܐ ܝܘܡ̈ܝܢ ܐܚܪ̈ܢܝܢ܂
13:06 [ai]ܘܢܚܙܝܗܿ ܟܗܢܐ ‍<‍ܡܢ#3#‍>‍ ܒܬܪ ܫܒܥܐ ܝܘܡ̈ܝܢ ܐܚܪ̈ܢܝܢ܂ ܐܢ ܕܥܟܬ ܡܚܘܬܐ ܘܠܐ ܗܠܟܬ ܡܚܘܬܐ ܗܝ ܒܡܫܟܐ/ܕܡܫܟܐ#3#/܂ ܢܕܟܝܗܿ ܟܗܢܐ ܡܛܠ ܕܚܙܙܝܬܐ ܗܝ܂ ܘܢܚܠܠ ܡܐ̈ܢܘܗܝ ܘܢܬܕܟܐ܂
13:07 [ai]ܘܐܢ ܡܗܠܟܘ ܬܗܠܟ ܒܗܩܝܬܐ/ܡܚܘܬܐ#3#/ ܒܡܫܟܐ܂ ܡܢ ܒܬܪ ܕܚܙܗܿ ܟܗܢܐ ܘܕܟܝܗܿ܂ ܢܚܘܘܢܗܿ ܬܘܒ ܠܟܗܢܐ܂
13:08 [ai]ܘܢܚܙܐ ܟܗܢܐ ܐܢ ܗܠܟܬ ܒܗܩܝܬܐ ܒܡܫܟܐ܂ ܢܛܡܐܝܗܿ ܟܗܢܐ ܡܛܘܠ ܕܓܪܒܐ ܗܘ܂
13:09 [ai]ܘܡܚܘܬܐ ܕܓܪܒܐ ܟܕ ܬܗܘܐ ܒܐܢܫܐ܂ ܢܝܬܘܢܗ ܠܘܬ ܟܗܢܐ܂
13:10 [ai]ܘܢܚܙܐ ܟܗܢܐ܂ ܐܢ ܫܘܡܬܐ ܚܘܪܬܐ ܒܡܫܟܐ܂ ܘܗܝ ܗܦܟܬ ܣܥܪܗܿ ܠܡܚܘܪ܂ ܘܪܘܫܡܐ ܕܒܣܪܐ ܚܝܐ ܒܫܘܡܬܐ܂
13:11 [ai]ܓܪܒܐ ܗܘ ܥܬܝܩܐ ܒܡܫܟܐ ܕܒܣܪܗ܂ ܢܛܡܐܝܘܗܝ ܟܗܢܐ ܘܠܐ ܢܣܓܪܝܘܗܝ/ܢܙܓܪܝܘܗܝ#3#/܂ ܡܛܠ ܕܛܡܐ ܗܘ܂
13:12 [ai]ܘܐܢ ܡܦܪܚ ܢܦܪܚ ܓܪܒܐ ܒܡܫܟܗ܂ ܘܢܟܣܝܘܗܝ ܓܪܒܐ ܠܟܠܗ ܡܫܟܗ܂ ܡܢ ܪܫܗ ܘܥܕܡܐ ܠܪ̈ܓܠܘܗܝ ܟܠ ܕܚ̈ܙܝܢ ܥܝܢ̈ܘܗܝ ܕܟܗܢܐ܂
13:13 [ai]ܢܚܙܐ ܟܗܢܐ܂ ܐܢ ܟܣܝ ܓܪܒܐ ܠܟܠܗ ܒܣܪܗ܂ ܢܕܟܝܗܿ ‍<‍ܟܗܢܐ#3#‍>‍ ܠܡܚܘܬܐ܂ ܟܠܗ ܓܝܪ ܐܬܗܦܟ ܠܡܚܘܪ܂ ܡܛܠ ܕܕܟܐ ܗܘ܂
13:14 [ai]ܘܒܝܘܡܐ ܕܢܬܚܙܐ ܒܗ ܒܣܪܐ ܚܝܐ܂ ܢܗܘܐ ܛܡܐ܂
13:15 [ai]ܘܢܚܙܐ ܟܗܢܐ ܒܣܪܐ/ܠܒܣܪܐ#3#/ ܚܝܐ܂ ܘܢܛܡܐܝܘܗܝ ܠܒܣܪܐ ܚܝܐ܂ ܛܡܐ ܗܘ܂ ܡܛܠ ܕܓܪܒܐ ܗܘ܂
13:16 [ai]ܘܐܢ ܗܘ ܕܐܬܗܦܟ ܒܣܪܐ ܚܝܐ ܠܡܚܘܪ/ܕܢܚܘܪ#1##2#/ܠܡܚܘܪܘ#3#/ ܢܝܬܘܢܗ ܠܘܬ ܟܗܢܐ܂
13:17 [ai]ܘܢܚܙܐ ܟܗܢܐ܂ ܐܢ ܐܬܗܦܟܬ ܡܚܘܬܐ ܠܡܚܘܪ܂ ܢܕܟܝܗܿ ܟܗܢܐ ܠܡܚܘܬܐ ܡܛܠ ܕܕܟܝܐ ܗܝ܂
13:18 [ai]ܘܒܣܪܐ ܐܢ ܢܗܘܐ ܫܘܚܢܐ ܒܡܫܟܗ ܘܢܬܐܣܐ܂
13:19 [ai]ܘܬܗܘܐ ܒܕܘܟܬܗ ܕܫܘܚܢܐ ܫܘܡܬܐ ܚܘܪܬܐ ܐܘ ܒܗܩܝܬܐ ܕܚܘܪܐ ܐܘ ܕܣܘܡܩܐ܂ ܢܚܘܘܢܗܿ ܠܟܗܢܐ܂
13:20 [ai]ܘܢܚܙܐ ܟܗܢܐ ܐܢ ܚܙܘܗܿ ܡܟܝܟ ܡܢ ܡܫܟܐ܂ ܘܣܥܪܗܿ ܐܬܗܦܟ ܠܡܚܘܪ/ܕܢܚܘܪ#3#/ܠܡܚܘܪܘ#3#/܂ ܢܛܡܐܝܗܿ ܟܗܢܐ ܡܛܠ ܕܡܚܘܬܐ ܗܝ ܕܓܪܒܐ܂ ܘܒܫܘܚܢܐ ܣܓܝܬ܂
13:21 [ai]ܘܐܢ ܢܚܙܐ ܟܗܢܐ ܕܠܝܬ ܒܗܿ ܣܥܪܐ ܚܘܪܐ܂ ܘܠܐ ܗܘܬ ܡܟܝܟܐ ܡܢ ܡܫܟܐ ܐܠܐ ܫܘܝܐ/ܫܘܚܢܐ#3#/ ܗܝ܂ ܢܣܓܪܝܗܿ ܟܗܢܐ ܫܒܥܐ ܝܘܡ̈ܝܢ܂
13:22 [ai]ܘܐܢ ܡܗܠܟܘ ܬܗܠܟ ܒܡܫܟܐ܂ ܢܛܡܐܝܗܿ ܟܗܢܐ ܡܛܠ ܕܡܚܘܬܐ ܗܝ ܕܓܪܒܐ܂
13:23 [ai]ܘܐܢ ܒܕܘܟܬܗܿ ܩܡܬ ܒܗܩܝܬܐ ܘܠܐ ܗܠܟܬ܂ ܫܘܡܬܐ ܗܝ ܕܫܘܚܢܐ܂ ܢܕܟܝܗܿ ܟܗܢܐ܂
13:24 [ai]ܘܒܣܪܐ ܐܢ ܢܗܘܐ ܒܡܫܟܗ ܟܘܝܐ ܕܢܘܪܐ܂ ܘܬܗܘܐ ܒܫܘܡܬܐ ܕܟܘܝܐ܂ ܒܗܩܝܬܐ ܕܚܘܪܐ ܐܘ ܕܣܘܡܩܐ ܐܘ ܕܡܚܘܪܐ܂
13:25 [ai]ܢܚܙܐ ܟܗܢܐ܂ ܐܢ ܐܬܗܦܟ ܣܥܪܐ ܠܡܚܘܪ ܒܒܗܩܝܬܐ܂ ܘܚܙܘܗܿ ܥܡܝܩ ܡܢ ܡܫܟܐ܂ ܓܪܒܐ ܗܿܘ ܒܟܘܝܐ ܦܪܚ܂ ܢܛܡܐܝܗܿ ܟܗܢܐ܂ ܡܛܠ ܕܡܚܘܬܐ ܗܝ ܕܓܪܒܐ܂
13:26 [ai]ܘܐܢ ܢܚܙܐ ܟܗܢܐ܂ ܕܠܝܬ ܒܒܗܩܝܬܐ ܣܥܪܐ ܚܘܪܐ܂ ܘܠܐ ܗܘܬ ܡܟܝܟܐ ܡܢ ܡܫܟܐ܂ ܐܠܐ ܫܘܝܐ ܗܝ܂ ܢܣܓܪܝܗܿ ܟܗܢܐ ܫܒܥܐ ܝܘܡ̈ܝܢ܂
13:27 [ai]ܘܢܚܙܐ ܟܗܢܐ ܒܝܘܡܐ ܫܒܝܥܝܐ܂ ܐܢ ܗܠܟܬ ܒܗܩܝܬܐ ܒܡܫܟܐ܂ ܢܛܡܐܝܗܿ ܟܗܢܐ ܡܛܠ ܕܡܚܘܬܐ ܗܝ ܕܓܪܒܐ܂
13:28 [ai]ܘܐܢ ܒܕܘܟܬܗܿ ܩܡܬ ܒܗܩܝܬܐ܂ ܘܠܐ ܗܠܟܬ ܒܡܫܟܐ ܐܠܐ ܫܘܝܐ ܗܝ ܫܘܡܬܐ ܗܝ ܕܟܘܝܐ܂ ܢܕܟܝܗܿ ܟܗܢܐ ܡܛܠ ܕܫܘܡܬܐ ܗܝ ܕܟܘܝܐ܂
13:29 [ai]ܘܓܒܪܐ ܐܘ ܐܢܬܬܐ ܐܢ ܬܗܘܐ ܒܗ ܡܚܘܬܐ/ܫܘܡܬܐ#3#/ ܒܪܫܗ ܗܘ ܒܕܩܢܗ܂
13:30 [ai]ܢܚܙܝܗܿ ܟܗܢܐ ܠܡܚܘܬܐ܂ ܐܢ ܚܙܘܗܿ ܥܡܝܩ ܡܢ ܡܫܟܐ܂ ܘܐܢ ܐܝܬ ܒܗܿ ܣܥܪ ܫܡܫܐ ܩܛܝܢܐ܂ ܢܛܡܐܝܗܿ ܟܗܢܐ ܡܛܠ ܕܡܚܘܬܐ ܗܝ ܕܓܪܒܐ܂ ܕܪܫܐ \ܐܘ ܕܕܩܢܐ /ܘܕܕܩܢܐ#3#/܂
13:31 [ai]ܘܐܢ ܢܚܙܝܗܿ ܟܗܢܐ ܠܡܚܘܬܐ܂ ܕܠܐ/ܘܠܐ#2#/ ܗܘܐ ܥܡܝܩ ܚܙܘܗܿ ܡܢ ܡܫܟܐ܂ ܘܣܥܪܐ ܐܘܟܡܐ ܠܝܬ ܒܗܿ܂ ܢܣܓܪܝܗܿ ܟܗܢܐ ܠܡܚܘܬܐ ܗܿܝ ܫܒܥܐ ܝܘܡ̈ܝܢ܂
13:32 [ai]ܘܢܚܙܝܗܿ ܟܗܢܐ ܠܡܚܘܬܐ ܗܿܝ ܒܝܘܡܐ ܕܫܒܥܐ/ܫܒܝܥܝܐ#3#/܂ ܐܢ ܠܐ ܗܠܟܬ ܡܚܘܬܐ܂ ܘܐܢ ܠܐ ܗܘܐ ܒܗܿ ܣܥܪ ܫܡܫܐ܂ ܘܚܙܘܗܿ ܕܡܚܘܬܐ ܠܐ ܗܘܐ ܥܡܝܩ ܡܢ ܡܫܟܐ܂
13:33 [ai]ܢܓܪܘܥ ܣܛܪ̈ܝܗܿ ܕܡܚܘܬܐ ܘܠܗܿ ܠܐ ܢܓܪܘܥ܂ ܘܢܣܓܪܝܗܿ ܟܗܢܐ ܠܡܚܘܬܐ ܫܒܥܐ ܝܘܡ̈ܝܢ ܐܚܪ̈ܢܝܢ܂
13:34 [ai]ܘܢܚܙܝܗܿ ܟܗܢܐ ܠܡܚܘܬܐ ܒܝܘܡܐ ܕܫܒܥܐ/ܫܒܝܥܝܐ#3#/܂ ܐܢ ܠܐ ܗܠܟܬ ܡܚܘܬܐ ܒܡܫܟܐ܂ ܘܚܙܘܗܿ ܠܐ ܗܘܐ ܥܡܝܩ ܡܢ ܡܫܟܐ܂ ܢܕܟܝܗܿ ܟܗܢܐ ܘܢܚܠܠ ܡܐ̈ܢܘܗܝ ܘܢܬܕܟܐ܂
13:35 [ai]ܘܐܢ ܡܗܠܟܘ ܬܗܠܟ ܡܚܘܬܐ ܒܡܫܟܐ ܡܢ ܒܬܪ ܕܐܬܕܟܝ܂
13:36 [ai]ܢܚܙܐ ܟܗܢܐ ܐܢ ܗܠܟܬ ܡܚܘܬܐ ܒܡܫܟܐ܂ ܠܐ ܢܫܐܠ ܟܗܢܐ ܥܠ ܣܥܪ ܫܡܫܐ܂ ܡܛܠ ܕܛܡܐ ܗܘ܂
13:37 [ai]ܘܐܢ ܒܕܘܟܬܗܿ ܩܡܬ ܡܚܘܬܐ ܘܣܥܪܐ ܐܘܟܡܐ ܝܥܐ ܒܗܿ܂ ܡܬܐܣܝܐ ܡܚܘܬܐ ܡܛܠ ܕܕܟܝܐ ܗܝ܂ ܢܕܟܝܗܿ ܟܗܢܐ܂
13:38 [ai]ܘܓܒܪܐ ܐܘ ܐܢܬܬܐ܂ ܐܢ ܬܗܘܐ ܒܡܫܟܐ ܕܒܣܪܗܘܢ ܒܗܩܝܬܐ ܕܡܒܗܩܐ ܘܚܘܪܐ܂
13:39 [ai]ܢܚܙܐ ܟܗܢܐ ܐܢ ܐܝܬ ܒܡܫܟܐ ܕܒܣܪܗܘܢ܂ ܒܗܩܝܬܐ ܕܚܘܪܐ ܐܘ ܕܣܘܡܩܐ܂ ܩܠܦܝܬܐ ܣܓܝܬ ܒܡܫܟܐ ܕܟܐ ܗܘ܂
13:40 [ai]ܘܓܒܪܐ ܐܢ/ܟܕ#3#/ ܢܬܪ ܣܥܪܗ ܘܢܩܪܚ ܕܟܐ ܗܘ܂
13:41 [ai]ܘܐܢ ܡܢ ܠܘܩܒܠ ܐ̈ܦܘܗܝ ܢܬܪ ܣܥܪܗ܂ ܓܒܚܐ ܗܘ ܕܟܐ ܗܘ܂
13:42 [ai]ܘܐܢ ܬܗܘܐ ܒܩܪܚܘܬܗ ܐܘ ܒܓܒܚܘܬܗ܂ ܡܚܘܬܐ ܕܚܘܪܐ ܐܘ ܕܣܘܡܩܐ܂ ܓܪܒܐ ܗܘ ܣܓܝ ܒܩܪܚܘܬܗ ܐܘ ܒܓܒܚܘܬܗ܂
13:43 [ai]ܢܚܙܝܗܿ ܟܗܢܐ ܠܫܘܡܬܐ ܕܡܚܘܬܐ܂ ܐܢ ܚܘܪܬ ܘܐܢ/ܐܘ#3#/ ܣܡܩܬ܂ ܒܩܪܚܘܬܗ ܐܘ ܒܓܒܚܘܬܗ܂ ܐܝܟ ܚܙܘܐ ܕܓܪܒܐ ܕܐܝܬ ܒܡܫܟܐ ܕܒܣܪܗ܂
13:44 [ai]ܓܪܒܐ ܗܘ ܓܒܪܐ ܗܿܘ ܘܛܡܐܐ ܗܘ܂ ܢܛܡܐܝܘܗܝ ܟܗܢܐ ܡܛܠ ܕܡܚܘܬܐ ܒܪܫܗ ܗܝ܂
13:45 [ai]ܘܐܝܢܐ ܕܓܪܒ ܘܐܝܬ ܒܗ ܡܚܘܬܐ܂ ܡܐ̈ܢܘܗܝ ܢܗܘܘܢ ܡܦܪܡܝܢ܂ ܘܪܫܗ ܢܗܘܐ ܦܪܝܥ܂ ܘܥܠ ܣ̈ܦܘܬܗ ܢܬܥܛܦ܂ ܘܛܡܐܐ ܢܩܪܐ ܢܦܫܗ܂
13:46 [ai]ܟܠ ܝܘܡ̈ܬܐ ܕܐܝܬ ܒܗ ܡܚܘܬܐ ܢܗܘܐ ܛܡܐ܂ ܡܛܠ ܕܛܡܐ ܗܘ܂ ܒܠܚܘܕܘܗܝ ܢܬܒ܂ ܘܠܒܪ ܡܢ ܡܫܪܝܬܐ ܢܗܘܐ ܡܘܬܒܗ܂
13:47 [ai]ܘܡܪܛܘܛܐ ܐܢ/ܟܕ#3#/ ܬܗܘܐ ܒܗ ܡܚܘܬܐ ܕܓܪܒܐ܂ ܒܡܪܛܘܛܐ ܕܥܡܪܐ ܐܘ ܒܡܪܛܘܛܐ ܕܟܬܢܐ܂
13:48 [ai]ܐܘ ܒܫܬܝܐ ܐܘ ܒܟܪܟܐ ܕܟܬܢܐ ܐܘ ܕܥܡܪܐ܂ ܐܘ ܒܡܫܟܐ ܐܘ ܒܟܠ/ܟܠ#3#/ ܥܒܕ ܕܡܫܟܐ܂
13:49 [ai]ܘܬܗܘܐ ܡܚܘܬܐ ܝܘܪܩܐ ܐܘ ܣܘܡܩܐ܂ ܒܡܪܛܘܛܐ ܐܘ ܒܡܫܟܐ܂ ܐܘ ܒܫܬܝܐ ܐܘ ܒܟܪܟܐ܂ ܐܘ ܒܟܘܠ ܡܐܢܐ ܕܡܫܟܐ ܡܚܘܬܐ ܗܝ ܕܓܪܒܐ܂ ܢܚܘܘܢܗܿ ܠܟܗܢܐ܂
13:50 [ai]ܘܢܚܙܝܗܿ ܟܗܢܐ ܠܡܚܘܬܐ ܘܢܣܓܪܝܗܿ ܟܗܢܐ ܠܡܚܘܬܐ ܫܒܥܐ ܝܘܡ̈ܝܢ܂
13:51 [ai]ܘܢܚܙܝܗܿ ܟܗܢܐ ܠܡܚܘܬܐ ܒܝܘܡܐ ܕܫܒܥܐ܂ ܐܢ ܗܠܟܬ ܡܚܘܬܐ ܒܡܪܛܘܛܐ܂ ܐܘ ܒܫܬܝܐ ܐܘ ܒܟܪܟܐ ܐܘ ܒܡܫܟܐ܂ \ܐܘ ܒܟܠ /ܘܟܠ#3#/ ܡܫܟܐ ܕܡܬܥܒܕ ܠܥܒܿܕܐ܂ ܡܚܘܬܐ ܗܝ ܕܓܪܒܐ ܡܪܝܪܐ܂ ܛܡܐ ܗܘ܂
13:52 [ai]ܢܘܩܕܝܘܗܝ ‍<‍ܟܗܢܐ#3#‍>‍ ܠܡܪܛܘܛܐ ܐܘ ܠܫܬܝܐ܂ ܐܘ ܠܟܪܟܐ ܕܥܡܪܐ ܐܘ ܕܟܬܢܐ܂ ܐܘ ܠܟܠ/ܕܟܠ#3#/ ܡܐܢܐ ܕܡܫܟܐ ܕܬܗܘܐ ܒܗ ܡܚܘܬܐ ܒܢܘܪܐ ܢܘܩܕܝܘܗܝ܂ ܡܛܠ ܕܓܪܒܐ ܗܘ ܡܪܝܪܐ܂
13:53 [ai]ܘܐܢ ܢܚܙܐ ܟܗܢܐ ܕܠܐ ܗܠܟܬ ܡܚܘܬܐ ܒܡܪܛܘܛܐ ܐܘ ܒܫܬܝܐ ܐܘ ܒܟܪܟܐ ܐܘ ܒܟܠ ܡܐܢ ܕܡܫܟܐ܂
13:54 [ai]ܢܦܩܘܕ ܟܗܢܐ ܘܢܚܠܠܘܢ ܡܕܡ ܕܐܝܬ ܒܗ ܡܚܘܬܐ܂ ܘܢܣܓܪܝܗܿ ܟܗܢܐ ܫܒܥܐ ܝܘܡ̈ܝܢ ܐܚܪ̈ܢܝܢ܂
13:55 [ai]ܘܢܚܙܝܗܿ ܟܗܢܐ ܠܡܚܘܬܐ܂ ܡܢ ܒܬܪ ܕܚܠܠܘܗܿ ܠܡܚܘܬܐ܂ ܐܠܐ ܐܬܚܠܦ ܚܙܘܗܿ ܕܡܚܘܬܐ܂ ܘܡܚܘܬܐ ܠܐ ܐܬܚܠܦܬ ܘܠܐ ܗܠܟܬ ܛܡܐ ܗܘ܂ ܐܘܩܕܘܗܝ ܒܢܘܪܐ܂ ܡܚܘܬܐ ܗܝ ܒܚܕܬܘܬܗ ܐܘ ܒܒܠܝܘܬܗ܂
13:56 [ai]ܘܐܢ ܢܚܙܐ ܟܗܢܐ ܕܫܘܝܐ ܗܝ ܡܚܘܬܐ ܡܢ ܒܬܪ ܕܐܬܚܠܠ܂ ܢܩܘܕ/ܢܦܩܘܕ#2#/ ܢܫܩܠܝܗܿ ܡܢ ܡܪܛܘܛܐ ܐܘ ܡܢ ܡܫܟܐ܂ ܐܘ ܡܢ ܫܬܝܐ ܐܘ ܡܢ ܟܪܟܐ܂
13:57 [ai]ܘܐܢ ܬܘܒ ܬܬܚܙܐ ܒܡܪܛܘܛܐ ܐܘ ܒܫܬܝܐ ܐܘ ܒܟܪܟܐ܂ ܐܘ ܒܟܠ ܡܐܢ ܕܡܫܟܐ܂ \ܢܘܩܕܘܢܗ ܒܢܘܪܐ /ܒܢܘܪܐ ܐܘܩܕܘܗܝ#3#/܂ ܡܛܠ ܕܣܓܝܬ ܒܗ ܡܚܘܬܐ܂
13:58 [ai]ܘܡܪܛܘܛܐ ܐܘ ܫܬܝܐ ܐܘ ܟܪܟܐ ܐܘ ܟܠ ܡܐܢܐ/ܡܐܢ#3#/ ܕܡܫܟܐ ܕܡܬܚܠܠ܂ ܘܦܪܩܐ ܡܢܗܘܢ ܡܚܘܬܐ܂ ܢܬܚܠܠ ܬܪܬܝܢ ܙܒܢ̈ܝܢ ܘܢܬܕܟܐ܂
13:59 [ai]ܗܢܐ ܗܘ ܢܡܘܣܐ ܕܡܚܘܬܐ ܕܓܪܒܐ܂ ܕܡܪܛܘܛܐ ܕܥܡܪܐ ܐܘ ܕܟܬܢܐ܂ ܐܘ ܕܫܬܝܐ ܐܘ ܕܟܪܟܐ܂ ܐܘ ܕܟܠ ܡܐܢܐ ܕܡܫܟܐ ܕܢܕܟܝܘܗܝ ܐܘ ܕܢܛܡܐܝܘܗܝ܂

next chapter