The Comprehensive Aramaic Lexicon

14:01 [ai]	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
14:02 [ai]	ܗܢܐ ܢܗܘܐ ܢܡܘܣܐ ܕܓܪܒܐ܂ ܒܝܘܡܐ ܕܡܬܕܟܐ܂ ܢܝܬܘܢܗ/ܢܚܬܘܢܝܗܝ#3#/ ܠܘܬ ܟܗܢܐ܂
14:03 [ai]	ܘܢܦܘܩ ܟܗܢܐ ܠܒܪ ܡܢ ܡܫܪܝܬܐ܂ ܘܢܚܙܐ ܟܗܢܐ ܐܢ ܐܬܐܣܝܬ ܡܚܘܬܐ ܕܓܪܒܐ ܡܢ ܓܒܪܐ܂
14:04 [ai]	ܢܦܩܘܕ ܟܗܢܐ ܘܢܝܬܘܢ ܠܗܿܘ ܕܡܬܕܟܐ܂ ܬܪ̈ܬܝܢ ܨܦܪ̈ܝܢ ܚܝ̈ܬܐ ܕܟܝ̈ܬܐ܂ ܘܩܝܣܐ ܕܐܪܙܐ ܘܨܘܒܥܐ ܕܙܚܘܪܝܬܐ ܘܙܘܦܐ܂
14:05 [ai]	ܘܢܦܩܘܕ ܟܗܢܐ܂ ܘܢܟܣܘܢ ܨܦܪܐ ܚܕܐ ܒܡܐܢܐ ܕܦܚܪܐ ܥܠ ܡܒܘܥܐ ܕܡ̈ܝܐ܂
14:06 [ai]	ܘܢܣܒ ܠܨܦܪܐ ܗܿܝ ܚܝܬܐ ܐܚܪܬܐ ܘܩܝܣܐ ܕܐܪܙܐ ܘܨܘܒܥܐ ܕܙܚܘܪܝܬܐ ܘܙܘܦܐ܂ ܘܢܨܒܘܥ ܐܢܘܢ ܠܗܘܢ ܘܠܨܦܪܐ ܚܝܬܐ܂ ܒܕܡܐ ܕܨܦܪܐ ܕܐܬܢܟܣܬ ܥܠ ܡ̈ܝܐ ܕܡܒܘܥܐ܂
14:07 [ai]	ܘܢܪܘܣ ܥܠ ܗܿܘ ܕܡܬܕܟܐ ܡܢ ܓܪܒܐ ܫܒܥ ܙܒ̈ܢܝܢ ܘܢܬܕܟܐ܂ ܘܢܦܪܚܝܗܿ ܠܨܦܪܐ ܚܝܬܐ ܠܐ̈ܦܝ ܚܩܠܐ܂
14:08 [ai]	ܘܢܚܠܠ ܡܐ̈ܢܘܗܝ ܗܿܘ ܕܡܬܕܟܐ܂ ܘܢܓܪܘܥ ܟܠܗ ܣܥܪܗ܂ ܘܢܣܚܐ ܒܡ̈ܝܐ ܘܢܬܕܟܐ܂ \ܘܡܢ ܒܬܪܟܢ /ܘܒܬܪܟܢ#3#/ ܢܥܘܠ ܠܡܫܪܝܬܐ܂ ܘܢܬܒ ܠܒܪ ܡܢ ܡܫܟܢܗ ܫܒܥܐ ܝܘܡ̈ܝܢ܂
14:09 [ai]	ܘܒܝܘܡܐ ܕܫܒܥܐ ܢܓܪܘܥ ܟܠܗ ܣܥܪܗ܂ ܪܫܗ ܘܕܩܢܗ ܘܓܒܝ̈ܢܘܗܝ܂ ܘܟܠܗ ܣܥܪܗ ܢܓܪܘܥ܂ ܘܢܚܠܠ ܡܐ̈ܢܘܗܝ \ܘܢܣܚܐ ܒܣܪܗ /ܘܒܣܪܗ#3#/܂ ܒܡ̈ܝܐ ܘܢܬܕܟܐ܂
14:10 [ai]	ܘܒܝܘܡܐ ܕܬܡܢܝܐ܂ ܢܣܒ ܬܪ̈ܝܢ ܐܡܪ̈ܝܢ ܕܠܝܬ ܒܗܘܢ ܡܘܡܐ܂ ܘܦܪܬܐ ܚܕܐ ܒܪܬ ܫܢܬܐ ܕܠܝܬ ܒܗܿ ܡܘܡܐ܂ ܘܬܠܬܐ ܥܣܪ̈ܘܢܝܢ ܢܫܝܦܐ ܣܡܝܕܐ ܕܦܝܠ ܒܡܫܚܐ܂ ܘܡܢܩܝܬܐ ܕܡܫܚܐ܂
14:11 [ai]	ܘܢܩܝܡܘܗܝ ܟܗܢܐ ܕܡܕܟܐ ܠܗܿܘ ܓܒܪܐ ܕܡܬܕܟܐ܂ ܘܠܗܘܢ ܠܗܠܝܢ ܩܕܡ ܡܪܝܐ ܒܬܪܥܐ ܕܡܫܟܢܙܒܢܐ܂
14:12 [ai]	ܘܢܣܒ ܟܗܢܐ ܐܡܪܐ ܚܕ܂ ܘܢܩܪܒܝܘܗܝ ܚܠܦ ܚܛܗܐ܂ ܘܠܡܢܩܝܬܐ ܕܡܫܚܐ܂ ܘܢܦܪܘܫ ܐܢܘܢ ܟܗܢܐ ܦܘܪܫܢܐ ܩܕܡ ܡܪܝܐ܂
14:13 [ai]	ܘܢܟܣܝܘܗܝ ܠܐܡܪܐ ܒܐܬܪܐ ܕܢܟܣ/ܕܢܟܝܣ#3#/ ܚܛܗܐ ܘܝܩܕܐ ܫܠܡܐ ܒܐܬܪܐ ܩܕܝܫܐ܂ ܡܛܠ ܕܗܿܘ ܕܚܠܦ ܚܛܗܐ܂ ܩܘܪܒܢܐ ܗܘ ܕܟܗܢܐ܂ ܘܩܕܘܫ ܩ̈ܘܕܫܝܢ ܗܘ܂
14:14 [ai]	ܘܢܣܒ ܟܗܢܐ ܡܢ ܕܡܐ ܕܚܛܗܐ܂ ܘܢܪܘܣ ܟܗܢܐ ܥܠ ܛܪܦܐ ܕܐܕܢܗ ܕܝܡܝܢܐ ܕܗܿܘ ܕܡܬܕܟܐ܂ ܘܥܠ ܟܪܬܐ ܕܐܝܕܗ ܕܝܡܝܢܐ܂ ܘܥܠ ܟܪܬܐ ܕܪܓܠܗ ܕܝܡܝܢܐ܂
14:15 [ai]	ܘܢܣܒ ܟܗܢܐ ܡܢܩܝܬܐ ܚܕܐ ܕܡܫܚܐ܂ ܘܢܣܘܟ ܥܠ ܐܝܕܗ ܕܣܡܠܐ ܕܟܗܢܐ܂
14:16 [ai]	ܘܢܨܒܘܥ ܟܗܢܐ ܨܒܥܗ ܕܝܡܝܢܐ ܡܢ ‍<‍ܗܘ#3#‍>‍ ܡܫܚܐ ܕܒܐܝܕܗ ܕܣܡܠܐ܂ ܘܢܪܘܣ ܟܗܢܐ ܡܢ ܡܫܚܐ ܒܨܒܥܗ ܫܒܥ ܙܒ̈ܢܝܢ ܩܕܡ ܡܪܝܐ܂
14:17 [ai]	ܘܡܕܡ ܕܝܿܬܪ ܡܢ ܡܫܚܐ ܕܒܐܝܕܗ ܕܟܗܢܐ܂ ܢܪܘܣ ܟܗܢܐ ܥܠ ܛܪܦܐ ܕܐܕܢܗ ܕܝܡܝܢܐ ܕܗܿܘ ܕܡܬܕܟܐ܂ ܘܥܠ ܟܪܬܐ ܕܐܝܕܗ ܕܝܡܝܢܐ܂ ܘܥܠ ܟܪܬܐ ܕܪܓܠܗ ܕܝܡܝܢܐ ܥܠ ܕܘܟܬ ܕܡܐ ܕܚܛܗܐ܂
14:18 [ai]	ܘܡܕܡ ܕܡܫܬܚܪ ܡܢ ܡܫܚܐ ܕܒܐܝܕܗ ܕܟܗܢܐ܂ ܢܪܡܐ ܒܪܫܗ ܕܗܿܘ ܕܡܬܕܟܐ܂ ܘܢܚܣܐ ܥܠܘܗܝ ܟܗܢܐ ܩܕܡ ܡܪܝܐ܂
14:19 [ai]	ܘܢܩܪܒ ܟܗܢܐ ܩܘܪܒܢܐ ܕܚܠܦ ܚܛܗܐ ܘܢܚܣܐ ܥܠܘܗܝ܂ ܕܗܿܘ ܕܡܬܕܟܐ ܡܢ ܛܡܐܘܬܗ ܘܒܬܪܟܝܢ ܢܟܣܝܘܗܝ ܠܝܩܕܐ ܫܠܡܐ܂
14:20 [ai]	ܘܢܣܩ ܟܗܢܐ ܝܩܕܐ ܫܠܡܐ܂ ܘܣܡܝܕܐ ܥܠ ܡܕܒܚܐ܂ ܘܢܚܣܐ ܥܠܘܗܝ ܟܗܢܐ ܘܢܬܕܟܐ܂
14:21 [ai]	ܘܐܢ ܡܣܟܝܢ ܗܘ ܘܠܐ ܣܦܩܐ ܒܐ̈ܝܕܘܗܝ܂ ܢܣܒ ܐܡܪܐ ܚܕ ܚܠܦ ܚܛܗܐ ܠܦܘܪܫܢܐ ܕܢܬܚܣܐ ܥܠܘܗܝ܂ ܘܚܕ ܡܢ ܥܣܪܐ ܠܣܐܬܐ ܢܫܝܦܐ܂ ܕܦܝܠ ܒܡܫܚܐ ܠܩܘܪܒܢܐ܂ ܘܡܢܩܝܬܐ ܚܕܐ ܕܡܫܚܐ܂
14:22 [ai]	ܘܬܪ̈ܝܢ ܫܘܦܢܝ̈ܢܝܢ ܐܘ ܬܪ̈ܝܢ ܒܢ̈ܝ ܝܘܢܐ܂ ܡܕܡ ܕܣܦܩܐ ܒܐ̈ܝܕܘܗܝ܂ ܘܢܗܘܐ ܚܕ ܚܠܦ ܚܛܗܐ ܘܚܕ ܠܥܠܬܐ܂
14:23 [ai]	ܘܢܝܬܐ ܐܢܘܢ ܠܝܘܡܐ ܕܬܡܢܝܐ ܠܘܬ ܟܗܢܐ ܕܢܕܟܝܘܗܝ܂ ܠܬܪܥܐ ܕܡܫܟܢܙܒܢܐ ܩܕܡ ܡܪܝܐ܂
14:24 [ai]	ܘܢܣܒ ܟܗܢܐ ܐܡܪܐ ܚܕ ܘܡܢܩܝܬܐ ܕܡܫܚܐ܂ ܘܢܦܪܘܫ ܐܢܘܢ ܟܗܢܐ ܦܘܪܫܢܐ ܩܕܡ ܡܪܝܐ܂
14:25 [ai]	ܘܢܟܣܝܘܗܝ ܠܐܡܪܐ ܕܚܛܗܐ܂ ܘܢܣܒ ܟܗܢܐ ܡܢ ܕܡܐ ܕܚܛܗܐ܂ ܘܢܪܘܣ ܥܠ ܛܪܦܐ ܕܐܕܢܗ ܕܝܡܝܢܐ ܕܗܿܘ ܕܡܬܕܟܐ܂ ܘܥܠ ܟܪܬܐ ܕܐܝܕܗ ܕܝܡܝܢܐ܂ ܘܥܠ ܟܪܬܐ ܕܪܓܠܗ ܕܝܡܝܢܐ܂
14:26 [ai]	ܘܡܢ ܡܫܚܐ ܢܣܘܟ ܟܗܢܐ ܒܐܝܕܗ/ܐܝܕܗ#2#/ ܕܣܡܠܐ ܕܟܗܢܐ܂
14:27 [ai]	ܘܢܪܘܣ ܟܗܢܐ ܒܨܒܥܗ/ܒܐܝܕܗ#1##2#/ ܕܝܡܝܢܐ ܡܢ ܡܫܚܐ ܕܒܐܝܕܗ ܕܣܡܠܐ ܫܒܥ ܙܒܢܝܢ ܩܕܡ ܡܪܝܐ܂
14:28 [ai]	ܘܢܪܘܣ ܟܗܢܐ ܡܢ ܡܫܚܐ ܕܒܐܝܕܗ ܥܠ ܛܪܦܐ ܕܐܕܢܗ ܕܝܡܝܢܐ ܕܗܿܘ ܕܡܬܕܟܐ܂ ܘܥܠ ܟܪܬܐ ܕܐܝܕܗ ܕܝܡܝܢܐ܂ ܘܥܠ ܟܪܬܐ ܕܪܓܠܗ ܕܝܡܝܢܐ܂ ܒܕܘܟܬ ܕܡܐ ܕܚܛܗܐ܂
14:29 [ai]	ܘܡܕܡ ܕܡܫܬܚܪ ܡܢ ܡܫܚܐ ܕܒܐܝܕܗ ܕܟܗܢܐ܂ ܢܪܘܣ ܥܠ ܪܫܗ ܕܗܿܘ ܕܡܬܕܟܐ܂ ܘܢܚܣܐ ܥܠܘܗܝ ܩܕܡ ܡܪܝܐ܂
14:30 [ai]	ܘܢܩܪܒ ܡܢ ܫܘܦܢܝ̈ܢܐ ܐܘ ܡܢ ܒܢ̈ܝ ܝܘܢܐ܂ ܡܢ ܡܕܡ ܕܣܦܩܐ ܒܐ̈ܝܕܘܗܝ܂
14:31 [ai]	ܘܢܗܘܐ ܚܕ ܚܠܦ ܚܛܗܐ܂ ܘܚܕ ܠܥܠܬܐ ܥܠ ܣܡܝܕܐ܂ ܘܢܚܣܐ ܟܗܢܐ ܩܕܡ ܡܪܝܐ ܥܠ ܗܿܘ ܕܡܬܕܟܐ܂
14:32 [ai]	ܗܢܘ ܢܡܘܣܐ ܕܡܿܢ ܕܐܝܬ ܒܗ ܡܚܘܬܐ ܕܓܪܒܐ܂ ܘܠܐ/ܕܠܐ#3#/ ܣܦܩܐ ܒܐ̈ܝܕܘܗܝ ܕܢܬܕܟܐ܂
14:33 [ai]	ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂ ‍<‍ܡܠܠܘ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂#2#‍>‍
14:34 [ai]	ܟܕ ܬܥܠܘܢ ܠܐܪܥܐ ܕܟܢܥܢ ܕܝܿܗܒ ܐܢܐ ܠܟܘܢ ܝܘܪܬܢܐ܂ ܘܐܬܠ ܡܚܘܬܐ ܕܓܪܒܐ ܒܝܬ \ܐܪܥ ܝܪܬܘܬܟܘܢ /ܐܪܥܐ ܕܝܪܬܘܬܟܘܢ#3#/܂
14:35 [ai]	ܢܐܬܐ ܡܪܗ ܕܒܝܬܐ܂ ܘܢܚܘܐ ܠܟܗܢܐ ܘܢܐܡܪ ܠܗ܂ ܐܝܟ ܡܚܘܬܐ ܕܓܪܒܐ ܐܬܚܙܝܬ ܠܝ ܒܒܝܬܐ܂
14:36 [ai]	ܢܦܩܘܕ ܟܗܢܐ ܘܢܣܦܩܘܢܗ ܠܒܝܬܐ܂ ܥܕܠܐ ܢܥܘܠ ܢܚܙܝܗܿ ܟܗܢܐ ܠܡܚܘܬܐ܂ ܕܠܐ ܢܬܛܡܐ ܟܠ ܕܐܝܬ ܒܒܝܬܐ܂ ܘܒܬܪܟܝܢ ܢܥܘܠ ܟܗܢܐ܂
14:37 [ai]	ܘܢܚܙܝܗܿ ܠܡܚܘܬܐ܂ ܘܗܐ ܡܚܘܬܐ ܒܐܣܬܐ ܕܒܝܬܐ܂ ܩ̈ܠܦܐ ܕܝܘܪ̈ܩܢ ܐܘ ܕܣ̈ܘܡܩܢ܂ ܘܚܙܘܗܝܢ ܥܡܝܩ ܡܢ ܐܣܬܐ܂
14:38 [ai]	ܢܦܘܩ ܠܗ ܟܗܢܐ ‍<‍ܠܒܪ#3#‍>‍ ܡܢ ܒܝܬܐ ܘܢܩܘܡ ܒܬܪܥܗ܂ ܘܢܣܓܪܝܘܗܝ ‍<‍ܟܗܢܐ#3#‍>‍ ܠܒܝܬܐ ܗܿܘ ܫܒܥܐ ܝܘ̈ܡܝܢ܂
14:39 [ai]	ܘܢܗܦܘܟ ܟܗܢܐ ܒܝܘܡܐ ܕܫܒܥܐ܂ ܘܢܚܙܐ ܐܢ ܗܠܟܬ ܡܚܘܬܐ ܒܐܣܬܐ ܕܒܝܬܐ܂
14:40 [ai]	ܢܦܩܘܕ ܟܗܢܐ܂ ܘܢܫܡܛܘܢ ܐ̈ܢܝܢ ܠܟܐ̈ܦܐ/ܟܐ̈ܦܐ#3#/ ܕܐܝܬ ܒܗܝܢ ܡܚܘܬܐ ܕܓܪܒܐ܂ ܘܢܪܡܘܢ ܐ̈ܢܝܢ ܠܒܪ ܡܢ ܩܪܝܬܐ ܒܐܬܪܐ ܛܡܐܐ܂
14:41 [ai]	ܘܒܝܬܐ ܗܿܘ ܢܩܠܦܘܢܗ ܡܢ ܠܓܘ ܟܕ ܚܿܕܪ܂ ܘܢܫܕܘܢ ܥܦܪܐ ܕܩܠܦܘ ܠܒܪ ܡܢ ܩܪܝܬܐ/ܡܫܪܝܬܐ#3#/ ܒܐܬܪܐ ܛܡܐܐ܂
14:42 [ai]	ܘܢܣܒܘܢ ܟܐ̈ܦܐ ܐܚܪ̈ܢܝܬܐ ܘܢܥܠܘܢ ܚܠܦ ܟܐ̈ܦܐ܂ ܘܥܦܪܐ ܐܚܪܢܐ ܢܣܒܘܢ ܘܢܛܪܘܢܗ ܠܒܝܬܐ܂
14:43 [ai]	ܘܐܢ ܬܗܠܟ ܡܚܘܬܐ ܘܬܣܓܐ ܒܒܝܬܐ܂ ܡܢ/#3#/ ܒܬܪ ܕܐܬܢܣܒ ܟܐ̈ܦܐ܂ \ܘܡܢ ܒܬܪ /ܘܒܬܪ#3#/ ܕܐܬܩܠܦ ܒܝܬܐ ܘܐܬܛܪܝ܂
14:44 [ai]	ܢܥܘܠ ܟܗܢܐ ܘܢܚܙܐ ܐܢ ܗܠܟܬ ܡܚܘܬܐ ܒܒܝܬܐ܂ ܓܪܒܐ ܗܘ ܡܪܝܪܐ ܐܝܬ ܒܗ ܒܒܝܬܐ܂ ܛܡܐܐ ܗܘ܂
14:45 [ai]	ܢܥܩܪܘܢܗ ܠܒܝܬܐ ܠܟܐ̈ܦܘܗܝ ܘܠܩܝ̈ܣܘܗܝ ܘܠܟܠܗ ܥܦܪܗ܂ ܘܢܦܩܘܢܗ ܠܒܪ ܡܢ ܩܪܝܬܐ ܠܐܬܪܐ ܛܡܐܐ܂ ܘܢܘܩܕܘܢܗ ܒܢܘܪܐ܂
14:46 [ai]	ܘܡܿܢ ܕܥܐܿܠ ܠܓܘܗ ܕܒܝܬܐ ܟܠ ܝܘܡ̈ܬܐ ܕܣܓܝܪ܂ ܢܗܘܐ ܛܡܐ ܥܕܡܐ ܠܪܡܫܐ܂
14:47 [ai]	ܘܡܿܢ ܕܕܡܿܟ \ܒܓܘܗ ܕܒܝܬܐ /ܒܓܘܗܿ ܕܕܘܟܬܐ#3#/܂ ܢܚܠܠ ܡܐ̈ܢܘܗܝ ܘܡܿܢ ܕܐܿܟܠ \ܒܓܘܗ ܕܒܝܬܐ /ܒܓܘܗܿ ܕܕܘܟܬܐ#3#/ ܢܚܠܠ ܡܐ̈ܢܘܗܝ܂
14:48 [ai]	ܘܐܢ ܢܥܘܠ ܟܗܢܐ ܘܢܚܙܐ܂ ܕܠܐ ܗܠܟܬ/ܣܠܩܬ#3#/ ܡܚܘܬܐ ܒܒܝܬܐ ܡܢ ܒܬܪ ܕܛܪܐܘܗܝ ܠܒܝܬܐ܂ ܢܕܟܝܘܗܝ ܟܗܢܐ ܠܒܝܬܐ ܗܿܘ܂ ܡܛܠ ܕܐܬܐܣܝܬ ܠܗܿ ܡܚܘܬܐ܂
14:49 [ai]	ܘܢܣܒ ܠܡܕܟܝܘܬܗ ܠܒܝܬܐ܂ ܬܪ̈ܬܝܢ ܨܦܪ̈ܝܢ ܚ̈ܝܬܐ ܕܟܝ̈ܬܐ܂ ܘܩܝܣܐ ܕܐܪܙܐ܂ ܘܙܘܦܐ ܘܨܘܒܥܐ ܕܙܚܘܪܝܬܐ܂ ܘܢܦܩܘܕ ܟܗܢܐ܂
14:50 [ai]	ܘܢܟܣܘܢ ܨܦܪܐ ܚܕܐ ܒܡܐܢܐ ܕܦܚܪܐ܂ ܥܠ \ܡܒܘܥܐ ܕܡ̈ܝܐ /ܡܝ̈ܐ ܕܡܒܘܥܐ#3#/܂
14:51 [ai]	ܘܢܣܒ ܠܨܦܪܐ/ܨܦܪܐ#3#/ ܗܿܝ ܚܝܬܐ ܐܚܪܬܐ܂ ܘܠܩܝܣܐ/ܘܩܝܣܐ#3#/ ܕܐܪܙܐ ܘܙܘܦܐ/ܘܠܙܘܦܐ#3#/ ܘܨܘܒܥܐ/ܘܠܨܘܒܥܐ#3#/ ܕܙܚܘܪܝܬܐ܂ ܘܢܨܒܘܥ ܐܢܘܢ ܠܗܠܝܢ/ܗܠܝܢ#3#/ ܒܕܡܐ ܕܨܦܪܐ ܗܿܝ ܕܢܟܝܣܐ ܘܒܡ̈ܝܐ ܚ̈ܝܐ܂ ܘܢܪܘܣ ܥܠ ܒܝܬܐ ܗܿܘ ܫܒܥ ܙܒ̈ܢܝܢ܂
14:52 [ai]	ܘܢܕܟܝܘܗܝ ܠܒܝܬܐ ‍<‍ܗܿܘ#2#‍>‍ ܒܕܡܐ ܕܨܦܪܐ ܘܒܡ̈ܝܐ ܚ̈ܝܐ܂ ܘܒܨܦܪܐ ܚܝܬܐ ܘܒܩܝܣܐ ܕܐܪܙܐ܂ ܘܒܙܘܦܐ ܘܒܨܘܒܥܐ ܕܙܚܘܪܝܬܐ܂
14:53 [ai]	ܘܢܦܪܚܝܗܿ ܠܨܦܪܐ/ܨܦܪܐ#3#/ ܚܝܬܐ ܠܒܪ ܡܢ ܩܪܝܬܐ ܠܐ̈ܦܝ ܚܩܠܐ܂ ܘܢܚܣܐ ܥܠ ܒܝܬܐ ܘܢܬܕܟܐ܂
14:54 [ai]	ܗܢܐ ܢܡܘܣܐ ܢܗܘܐ ܠܟܠ ܡܚ̈ܘܢ ܕܓܪܒܐ܂ ܘܠܡܚܘܬܐ/ܘܡܚܘܬܐ#3#/
14:55 [ai]	ܕܓܪܒܐ ܕܡܪܛܘܛܐ ܘܕܒܝܬܐ܂
14:56 [ai]	ܘܠܫܘܡܬܐ ܘܠܩܠܦܝܬܐ ܘܠܒܗܩܝܬܐ܂
14:57 [ai]	ܘܠܡܦܪܫ ܒܝܬ ܛܡܐܐ ܠܕܟܝܐ܂ ܗܢܐ ‍<‍ܗܘ#3#‍>‍ ܢܡܘܣܐ ܕܓܪܒܐ܂

next chapter