← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


15:01 [ai]ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂
15:02 [ai]ܡܠܠܘ ܥܡ ܒܢ̈ܝ ܐܝܣܪܐܝܠ ܘܐܡܪܘ ܠܗܘܢ܂ ܓܒܪ ܓܒܪ ܟܕ ܢܗܘܐ ܕܐܿܒ ܡܢ ܒܣܪܗ܂ ܕܘܒܗ ܛܡܐ ܗܘ܂
15:03 [ai]ܘܗܕܐ ܬܗܘܐ ܛܡܐܘܬܐ ܕܕܘܒܗ܂ ܪܕܐ ܒܣܪܗ ܥܡ ܕܘܒܗ܂ ܐܘ ܚܬܝܡ ܒܣܪܗ ܡܢ ܕܘܒܗ܂ ܛܡܐܘܬܗ ܗܝ܂
15:04 [ai]ܘܟܠ ܡܫܟܒܐ ܕܕܡܿܟ ܥܠܘܗܝ ܕܝܿܒܐ ܢܗܘܐ ܛܡܐ܂ ܘܟܠ ܡܐܢܐ ܕܝܿܬܒ ܥܠܘܗܝ ܢܗܘܐ ܛܡܐ܂
15:05 [ai]ܘܓܒܪܐ ܕܢܩܪܘܒ ܠܡܫܟܒܗ܂ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ܂ ܘܢܗܘܐ ܛܡܐ ܥܕܡܐ ܠܪܡܫܐ܂
15:06 [ai]ܘܡܿܢ ܕܝܿܬܒ ܥܠ ܡܐܢܐ ܕܝܿܬܒ ܥܠܘܗܝ ܕܝܿܒܐ܂ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ ܘܢܗܘܐ ܛܡܐ ܥܕܡܐ ܠܪܡܫܐ܂
15:07 [ai]ܘܡܿܢ ܕܢܩܪܘܒ ܠܒܣܪܗ ܕܕܝܿܒܐ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ ܘܢܗܘܐ ܛܡܐ ܥܕܡܐ ܠܪܡܫܐ܂
15:08 [ai]ܘܐܢ ܢܪܘܩ ܗܿܘ ܡܿܢ ܕܕܐܿܒ ܥܠ ܡܿܢ ܕܕܟܐ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ܂ ܘܢܗܘܐ ܛܡܐ ܥܕܡܐ ܠܪܡܫܐ܂
15:09 [ai]ܘܟܠ ܡܕܡ ܕܪܟܿܒ ܥܠܘܗܝ ܗܿܘ ܡܿܢ ܕܕܐܿܒ ܢܗܘܐ ܛܡܐ܂
15:10 [ai]ܘܟܠ ܕܢܩܪܘܒ ܠܟܠܡܕܡ ܕܐܝܬ ܬܚܘܬܘܗܝ܂ ܢܗܘܐ ܛܡܐ ܥܕܡܐ ܠܪܡܫܐ܂ ܘܡܿܢ ܕܢܫܩܘܠ ܐܢܘܢ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ܂ ܘܢܗܘܐ ܛܡܐ ܥܕܡܐ ܠܪܡܫܐ܂
15:11 [ai]ܘܟܠ ܕܢܩܪܘܒ ܠܗܿܘ ܐܝܢܐ ܕܕܐܿܒ܂ ܡܐ ܕܠܐ ܐܫܝܓ ܐ̈ܝܕܘܗܝ ܒܡ̈ܝܐ܂ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ ܘܢܗܘܐ ܛܡܐ ܥܕܡܐ ܠܪܡܫܐ܂
15:12 [ai]ܘܡܐܢܐ ܕܦܚܪܐ ܕܩܿܪܒ ܠܗ ܐܝܢܐ ܕܕܐܿܒ ܢܬܬܒܪ܂ ܘܟܠ ܡܐܢܐ ܕܩܝܣܐ \ܐܘ ܕܢܚܫܐ /ܘܕܢܚܫܐ#3#/ ܢܬܬܫܝܓ ܒܡ̈ܝܐ܂
15:13 [ai]ܘܐܢ ܢܬܕܟܐ ܐܝܢܐ ܕܕܐܿܒ ܡܢ ܕܘܒܗ܂ ܢܡܢܐ ܠܗ ܫܒܥܐ ܝܘܡ̈ܝܢ ܘܢܬܕܟܐ܂ ܘܢܚܠܠ ܡܐ̈ܢܘܗܝ ܘܢܣܚܐ ܒܣܪܗ ܒܡ̈ܝܐ ܚ̈ܝܐ ܘܢܬܕܟܐ܂
15:14 [ai]ܘܠܝܘܡܐ ܕܬܡܢܝܐ܂ ܢܣܒ ܠܗ ܬܪ̈ܝܢ ܫܘ̈ܦܢܝܢܝܢ ܐܘ ܬܪ̈ܝܢ ܒܢ̈ܝ ܝܘܢܐ܂ \ܘܢܝܬܐ ܐܢܘܢ /ܘܢܐܬܐ#3#/ܘܢܥܘܠ#3#/ ܩܕܡ ܡܪܝܐ ܠܬܪܥܐ ܕܡܫܟܢܙܒܢܐ܂ ܘܢܬܠ ܐܢܘܢ ܠܟܗܢܐ܂
15:15 [ai]ܘܢܥܒܕ ܐܢܘܢ ܟܗܢܐ ܚܕ ܠܚܛܗܐ ܘܚܕ ܠܕܒܚܐ/ܠܝܩܕܐ#3#/ ܫܠܡܐ܂ ܘܢܚܣܐ ܥܠܘܗܝ ܟܗܢܐ ܡܢ ܕܘܒܗ ܩܕܡ ܡܪܝܐ܂
15:16 [ai]ܘܓܒܪܐ ܐܢ ܢܦܘܩ ܡܢܗ ܙܪܥܐ ܕܡܕܡܟܐ܂ ܢܣܚܐ ܒܡ̈ܝܐ ܟܠܗ ܒܣܪܗ܂ ܘܢܗܘܐ ܛܡܐ ܥܕܡܐ ܠܪܡܫܐ܂
15:17 [ai]ܘܟܠ ܡܪܛܘܛܐ \ܐܘ ܡܫܟܒܐ /ܘܡܫܟܒܐ#3#/ܕܡܫܟܒܐ#3#/ ܕܢܦܠ ܥܠܘܗܝ ܙܪܥܐ ܕܡܕܡܟܐ܂ ܢܬܚܠܠ ܒܡ̈ܝܐ܂ ܘܢܗܘܐ ܛܡܐ ܥܕܡܐ ܠܪܡܫܐ܂
15:18 [ai]ܘܐܢܬܬܐ ܕܢܕܡܟ ܠܘܬܗܿ ܓܒܪܐ ܡܕܡܟܐ ܕܙܪܥܐ܂ ܢܣܚܘܢ ܒܡ̈ܝܐ ܘܢܗܘܘܢ ܛܡܐܝܢ ܥܕܡܐ ܠܪܡܫܐ܂
15:19 [ai]ܘܐܢܬܬܐ ܟܕ ܬܗܘܐ ܕܝܿܒܐ ܡܢ ܕܡܗܿ܂ ܢܗܘܐ ܕܘܒܗܿ ܒܒܣܪܗܿ܂ ܘܫܒܥܐ ܝܘܡ̈ܝܢ ܬܬܒ ܒܟܦܣܗܿ܂ ܘܟܠ ܕܢܩܪܘܒ ܠܗܿ܂ ܢܗܘܐ ܛܡܐ ܥܕܡܐ ܠܪܡܫܐ܂
15:20 [ai]ܘܟܠܡܕܡ ܕܬܕܡܟ ܥܠܘܗܝ ܒܟܦܣܗܿ܂ ܢܗܘܐ ܛܡܐ܂ ܘܟܠ ܡܕܡ ܕܬܬܒ ܥܠܘܗܝ ܢܗܘܐ ܛܡܐ܂
15:21 [ai]ܘܟܠ ܕܢܩܪܘܒ ܠܥܪܣܗܿ܂ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ ܘܢܗܘܐ ܛܡܐ ܥܕܡܐ ܠܪܡܫܐ܂
15:22 [ai]ܘܟܠ ܕܢܩܪܘܒ ܠܟܠ ܡܐܢ ܕܬܬܒ ܥܠܘܗܝ܂ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ܂ ܘܢܗܘܐ ܛܡܐ ܥܕܡܐ ܠܪܡܫܐ܂
15:23 [ai]ܘܐܢ ܠܡܕܡܟܐ ܐܘ ܠܡܐܢܐ ܕܝܿܬܒܐ ܥܠܘܗܝ ܩܪܒ܂ ܢܗܘܐ ܛܡܐ ܥܕܡܐ ܠܪܡܫܐ܂
15:24 [ai]ܘܐܢ ܢܕܡܟ ܠܘܬܗܿ ܓܒܪܐ ܘܢܦܠ ܡܢ ܟܦܣܗܿ ܥܠܘܗܝ܂ ܢܗܘܐ ܛܡܐ ܫܒܥܐ ܝܘܡ̈ܝܢ܂ ܘܟܠ ܡܕܡܟܐ ܕܕܡܿܟ ܥܠܘܗܝ ܢܗܘܐ ܛܡܐ܂
15:25 [ai]ܘܐܢܬܬܐ ܟܕ ܢܕܘܒ \ܕܘܒܐ ܕܕܡܗܿ /ܕܘܒܗܿ#3#/ ܝܘܡ̈ܬܐ ܣ̈ܓܝܐܐ܂ ܕܠܐ ܙܒܢܐ ܕܟܦܣܗܿ܂ ܐܘ ܐܢ ܬܕܘܒ ܥܠ ܟܦܣܗܿ܂ ܟܠ ܝܘܡ̈ܬܐ ܕܕܝܿܒܐ ܒܛܡܐܘܬܗܿ܂ ܐܝܟ ܝܘܡ̈ܝ ܟܦܣܗܿ ܢܗܘܘܢ܂ ܘܬܗܘܐ ܛܡܐܐ܂
15:26 [ai]ܘܟܘܠ ܡܕܡܟܐ ܕܬܕܡܟ ܥܠܘܗܝ ܟܠ ܝܘܡ̈ܝ ܕܘܒܗܿ܂ ܐܝܟ ܡܕܡܟܐ ܕܟܦܣܗܿ ܢܗܘܐ ܠܗܿ܂ ܘܟܘܠ ܡܐܢܐ ܕܬܬܒ ܥܠܘܗܝ ܢܗܘܐ ܛܡܐ ܐܝܟ ܛܡܐܘܬܐ/ܝܘ̈ܡܬܐ#3#/ ܕܟܦܣܗܿ܂
15:27 [ai]ܘܟܠ ܕܢܩܪܘܒ ܠܗܘܢ ܢܬܛܡܐ܂ ܘܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ܂ ܘܢܗܘܐ ܛܡܐ ܥܕܡܐ ܠܪܡܫܐ܂
15:28 [ai]ܘܐܢ ܕܟܝܬ ܡܢ ܕܘܒܗܿ܂ ܬܡܢܐ ܠܗܿ ܫܒܥܐ ܝܘܡ̈ܝܢ܂ ܘܒܬܪܟܝܢ ܬܬܕܟܐ/ܬܕܟܐ#3#/܂
15:29 [ai]ܘܒܝܘܡܐ ܕܬܡܢܝܐ ܬܣܒ ܠܗܿ ܬܪ̈ܝܢ ܫܘܦܢܝ̈ܢܝܢ ܐܘ ܬܪ̈ܝܢ ܒܢ̈ܝ ܝܘܢܐ܂ ܘܬܝܬܐ ܐܢܘܢ ܠܘܬ ܟܗܢܐ ܠܬܪܥܐ ܕܡܫܟܢܙܒܢܐ܂
15:30 [ai]ܘܢܥܒܕ ܐܢܘܢ ܟܗܢܐ ܚܕ ܠܚܛܗܐ ܘܚܕ ܠܥܠܬܐ܂ ܘܢܚܣܐ ܥܠܝܗܿ ܟܗܢܐ ܡܢ ܕܘܒܐ/ܕܡܐ#3#/ ܕܛܡܐܘܬܗܿ ܩܕܡ ܡܪܝܐ܂
15:31 [ai]ܘܬܙܗܪܘܢ ܠܒ̈ܢܝ ܐܝܣܪܝܠ ܡܢ ܛܡܐܘܬܗܘܢ܂ ܘܠܐ ܢܡܘܬܘܢ ܒܛܡܐܘܬܗܘܢ܂ ܘܠܐ ܢܛܡܐܘܢ ܡܫܟܢܝ ܕܒܝܢܬܗܘܢ܂
15:32 [ai]ܗܢܐ ܢܡܘܣܐ ܠܡܿܢ ܕܕܐܿܒ܂ ܘܠܡܿܢ ܕܢܦܘܩ ܡܢܗ ܙܪܥܐ ܕܡܕܡܟܐ ܕܢܬܛܡܐ ܒܗ܂
15:33 [ai]ܘܟܦܣܢܝܬܐ ܬܗܘܐ ܒܟܦܣܗܿ܂ ܘܡܿܢ ܕܕܐܿܒ ܢܗܘܐ ܒܕܘܒܗ ܕܟܪܐ ܐܘ ܢܩܒܬܐ܂ ܘܓܒܪܐ ܕܢܕܡܟ ܥܡ ܛܡܐܬܐ܂

next chapter