← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
17:02 [ai]ܡܠܠ ܥܡ ܐܗܪܘܢ ܘܥܡ ܒܢ̈ܘܗܝ ܘܥܡ ܟܠܗܘܢ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܗܢܘ ܦܬܓܡܐ ܕܦܩܕ ܡܪܝܐ ܠܡܐܡܪ܂
17:03 [ai]ܓܒܪ ܓܒܪ ܡܢ ܒ̈ܢܝ ܐܝܣܪܝܠ܂ ܕܢܟܘܣ ܬܘܪܐ ܐܘ ܐܡܪܐ܂ ܐܘ ܥܙܐ ܒܡܫܪܝܬܐ܂ ܐܘ ܕܢܟܘܣ ܠܒܪ ܡܢ ܡܫܪܝܬܐ܂
17:04 [ai]ܘܠܬܪܥܐ ܕܡܫܟܢܙܒܢܐ ܠܐ ܐܝܬܝܗܿ܂ ܕܢܩܪܒܝܘܗܝ ܩܘܪܒܢܐ ܠܡܪܝܐ܂ ܩܕܡ ܡܫܟܢܗ ܕܡܪܝܐ܂ ܕܡܐ ܢܬܚܫܒ ܥܠ ܓܒܪܐ ܗܿܘ܂ ܡܛܠ ܕܕܡܐ ܐܫܕ܂ ܘܢܐܒܕ ܓܒܪܐ ܗܿܘ ܡܢ ܓܘ ܥܡܗ܂
17:05 [ai]ܡܛܠ ܕܢܗܘܘܢ ܡܝܬܝܢ ܒܢ̈ܝ ܐܝܣܪܝܠ ܕܒܚ̈ܝܗܘܢ ܕܕܒܚ̈ܝܢ/ܕܕܒܝ̈ܚܝܢ#1##2#/ ܥܠ ܐ̈ܦܝ ܚܩܠܐ܂ ܘܢܝܬܘܢ ܐܢܘܢ ܩܕܡ ܡܪܝܐ ܠܬܪܥܐ ܕܡܫܟܢ ܙܒܢܐ ܠܘܬ ܟܗܢܐ܂ ܘܢܕܒܚܘܢ ܐܢܘܢ ܕܒܚ̈ܐ ܫ̈ܠܡܐ ܠܡܪܝܐ܂
17:06 [ai]ܘܢܪܘܣ ܟܗܢܐ ܕܡܐ ܥܠ ܡܕܒܚܗ ܕܡܪܝܐ ܒܬܪܥܐ ܕܡܫܟܢܙܒܢܐ܂ ܘܢܣܩ ܬܪܒܐ ܠܪܝܚ ܣܘܬܐ/ܢܝܚܐ#3#/ ܠܡܪܝܐ܂
17:07 [ai]ܘܬܘܒ ܠܐ ܢܕܒܚܘܢ ܕܒܚ̈ܝܗܘܢ ܠܫܐ̈ܕܐ ܕܛܥܝܢ ܒܬܪܗܘܢ܂ ܗܢܐ ܢܡܘܣܐ \ܢܗܘܐ ܠܗܘܢ ܠܥܠܡ /ܠܥܠܡ ܢܗܘܐ ܠܗܘܢ#3#/ ܠܕܪ̈ܝܗܘܢ܂
17:08 [ai]ܘܐܡܪ ܠܗܘܢ ܓܒܪ ܓܒܪ ܡܢ ܒܝܬ/ܕܒܝܬ#2#/ ܐܝܣܪܝܠ ܘܡܢ ܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܒܝܢܬܟܘܢ/ܒܐܝܣܪܝܠ#2#/܂ ܕܢܣܩ ܝܩܕܐ ܫܠܡܐ ܐܘ ܕܒܚܐ܂
17:09 [ai]ܘܠܬܪܥܐ ܕܡܫܟܢ ܙܒܢܐ ܠܐ ܢܝܬܝܘܗܝ܂ ܕܢܩܪܒܝܘܗܝ \ܩܕܡ ܡܪܝܐ /ܠܡܪܝܐ#3#/ ܢܐܒܕ ܓܒܪܐ ܗܿܘ ܡܢ ܓܘ ܥܡܗ܂
17:10 [ai]ܘܓܒܪ ܓܒܪ ܡܢ ‍<‍ܒܢ̈ܝ#3#‍>‍ ܐܝܣܪܝܠ܂ ܘܡܢ ܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܒܐܝܣܪܐܝܠ/ܒܝܢܬܟܘܢ#3#/܂ ܕܢܐܟܘܠ ‍<‍ܡܢ#3#‍>‍ ܕܡܐ܂ ܐܬܠ ܪܘܓܙܝ ܒܢܦܫܐ ܕܐܿܟܠܐ ܕܡܐ܂ ܘܐܘܒܕܝܗܿ ܡܢ ܓܘ ܥܡܗܿ܂
17:11 [ai]ܡܛܠ ܕܢܦܫܐ ܕܒܣܪܐ/ܕܟܠ ܒܣܪ#3#/ ܕܡܐ ܗܘ܂ \ܘܐܢܐ ܝܗܒܿܬܗ ܠܟܘܢ /ܘܝܗܒܬܗ ܠܟܘܢ ܐܢܐ#3#/ ܥܠ ܡܕܒܚܐ ܠܚܘܣܝܐ ܕܢܦܫ̈ܬܟܘܢ܂ ܡܛܠ ܕܕܡܐ ܗܘ ܡܚܣܐ ܥܠ ܢܦܫܐ܂
17:12 [ai]ܡܛܠ ܗܢܐ ܐܡܿܪܬ ܠܒܢ̈ܝ ܐܝܣܪܝܠ܂ ܟܠ/ܕܟܠ#3#/ ܢܦܫܐ ܡܢܟܘܢ ܠܐ ܬܐܟܘܠ ܕܡܐ܂ ܘܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܥܡܟܘܢ/ܒܝܢܬܟܘܢ#3#/ ܠܐ ܢܐܟܠܘܢ ܕܡܐ܂
17:13 [ai]ܘܓܒܪ ܓܒܪ ܡܢ ܒܢ̈ܝ ܐܝܣܪܝܠ ܘܡܢ ܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܒܝܢܬܟܘܢ܂ ܕܢܨܘܕ ܨܿܝܕܐ ܕܚܝܘܬܐ ܐܘ ܕܦܪܚܬܐ ܕܡܬܐܟܠܐ܂ ܢܐܫܘܕ ܕܡܗܿ ܘܢܟܣܝܘܗܝ ܒܥܦܪܐ܂
17:14 [ai]ܡܛܠ ܕܢܦܫܐ ܕܟܠ܆ܒܣܪ ܕܡܐ ܗܘ܂ ܘܐܡܪ ܠܒܢ̈ܝ ܐܝܣܪܝܠ܂ ܕܡܐ ܕܟܠ ܒܣܪ ܠܐ ܬܐܟܠܘܢ܂ ܡܛܠ ܕܢܦܫܐ ܕܟܠ ܒܣܪ ܕܡܐ ܗܘ܂ ܘܟܠ ܡܿܢ ܕܐܿܟܠ ܠܗ ܢܐܒܕ܂
17:15 [ai]ܘܟܠ ܢܦܫܐ ܕܬܐܟܘܠ ܦܓܪܐ ܐܘ ܕܬܒܝܪ ܠܚܝܘܬܐ܂ ܒܟܘܢ ܘܒܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܒܝܢܬܟܘܢ܂ ܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ܂ ܘܢܗܘܐ ܛܡܐ ܥܕܡܐ ܠܪܡܫܐ ܘܢܬܕܟܐ܂
17:16 [ai]ܘܐܢ ܠܐ ܢܚܠܠ ܡܐ̈ܢܘܗܝ ܘܒܣܪܗ ܠܐ ܢܣܚܐ ܢܩܒܠ ܚܛܗܗ܂

next chapter