← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


18:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
18:02 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
18:03 [ai]ܐܝܟ ܥܒܿܕܐ ܕܐܪܥܐ ܕܡܨܪܝܢ ܕܥܡܪܬܘܢ ܒܗܿ ܠܐ ܬܥܒܕܘܢ܂ ܘܐܝܟ ܥܒܿܕܐ̈ ܕܐܪܥܐ ܕܟܢܥܢ ܕܡܥܠ ܐܢܐ ܠܟܘܢ ܠܬܡܿܢ ܠܐ ܬܥܒܕܘܢ܂ ܘܒܢܡ̈ܘܣܝܗܘܢ ܠܐ ܬܗܠܟܘܢ܂
18:04 [ai]ܐܠܐ ܥܒܕܘ ܕܝܢ̈ܝ ܘܛܪܘ ܦܘܩ̈ܕܢܝ ܘܗܠܟܘ ܒܗܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
18:05 [ai]ܛܪܘ ܦܘܩ̈ܕܢܝ ܘܕܝܢ̈ܝ܂ ܕܒܪܢܫܐ ܕܥܿܒܕ ܠܗܘܢ ܚܿܝܐ ܒܗܘܢ ܐܢܐ ܐܢܐ ܡܪܝܐ܂
18:06 [ai]ܓܒܪ ܓܒܪ ܥܠ ܟܠ ܩܪܝܒ ܒܣܪܗ܂ ܠܐ ܬܬܩܪܒܘܢ ܠܡܓܠܝܘ ܦܘܪܣܝܐ܂ ܐܢܐ ܐܢܐ ܡܪܝܐ܂
18:07 [ai]ܦܘܪܣܝܗ ܕܐܒܘܟ ܘܦܘܪܣܝܗܿ ܕܐܡܟ ܠܐ ܬܓܠܐ܂ ܐܡܟ ܗܝ ܠܐ ܬܓܠܐ ܦܘܪܣܝܗܿ܂
18:08 [ai]ܦܘܪܣܝܗܿ ܕܐܢܬܬ ܐܒܘܟ ܠܐ ܬܓܠܐ܂ ܦܘܪܣܝܗ ܗܘ ܓܝܪ ܕܐܒܘܟ܂
18:09 [ai]ܦܘܪܣܝܗܿ ܕܚܬܟ ܒܪܬ ܐܒܘܟ ܐܘ ܒܪܬ ܐܡܟ ܕܝܠܝܕܐ ܡܢ ܐܒܘܟ ܐܘ ܡܢ ܓܒܪ ܐܚܪܝܢ ܠܐ ܬܓܠܐ ܦܘܪܣܝܗܿ܂
18:10 [ai]ܦܘܪܣܝܗܿ ܕܒܪܬ ܒܪܟ ܐܘ ܕܒܪܬ ܒܪܬܟ ܠܐ ܬܓܠܐ ܦܘܪܣܝܗܝܢ܂ ܡܛܠ ܕܦܘܪܣܝܟ ܗܘ܂
18:11 [ai]ܦܘܪܣܝܗܿ ܕܒܪܬ ܐܢܬܬ ܐܒܘܟ ܕܝܠܝܕܐ ܡܢ ܐܒܘܟ ‍<‍ܠܐ ܬܓܠܐ#3#‍>‍ ܚܬܟ ܗܝ ܠܐ ܬܓܠܐ ܦܘܪܣܝܗܿ܂
18:12 [ai]ܦܘܪܣܝܐ ܕܚܬܗ ܕܐܒܘܟ ܠܐ ܬܓܠܐ܂ ܩܪܝܒܬܗ/ܡܛܠ ܕܩܪܝܒܬܗ#2#/ ܗܝ ܓܝܪ ܕܐܒܘܟ܂
18:13 [ai]ܦܘܪܣܝܐ ܕܚܬܗܿ ܕܐܡܟ ܠܐ ܬܓܠܐ܂ ܡܛܠ ܕܩܪܝܒܬܗܿ ܗܝ ܕܐܡܟ܂
18:14 [ai]ܦܘܪܣܝܗܿ ܕܐܢܬܬ ܕܕܟ ܠܐ ܬܓܠܐ܂ ܘܠܐܢܬܬܗ ܠܐ ܬܬܩܪܒ܂ ܡܛܠ ܕܐܢܬܬ ܕܕܟ ܗܝ܂ ܠܐ ܬܓܠܐ ܦܘܪܣܝܗܿ܂
18:15 [ai]ܦܘܪܣܝܗܿ ܕܟܠܬܟ ܠܐ ܬܓܠܐ܂ ܡܛܠ ܕܐܢܬܬ ܒܪܟ ܗܝ ܠܐ ܬܓܠܐ ܦܘܪܣܝܗܿ܂
18:16 [ai]ܦܘܪܣܝܗܿ ܕܐܢܬܬ ܐܚܘܟ ܠܐ ܬܓܠܐ܂ ܦܘܪܣܝܗ ܗܘ ܓܝܪ ܕܐܚܘܟ܂
18:17 [ai]ܦܘܪܣܝܐ ܕܐܢܬܬܐ ܘܕܒܪܬܗܿ ܠܐ ܬܓܠܐ܂ ܐܘ ܕܒܪܬ ܒܪܗܿ ܐܘ ܕܒܪܬ ܒܪܬܗܿ܂ ܠܐ ܬܬܩܪܒ ܠܡܓܠܝܘ ܦܘܪܣܝܗܝܢ܂ ܩܪ̈ܝܒܢ ܐܢܝ̈ܢ ‍<‍ܠܟ#3#‍>‍ ܘܥܘܠܐ ܗܘ܂
18:18 [ai]ܘܐܢܬܬܐ ܥܠ ܚܬܗܿ ܠܐ ܬܣܒ ܘܬܥܝܩ ܠܗܿ܂ ܘܬܓܠܐ ܦܘܪܣܝܗܿ ܥܠܝܗܿ ܒܚܝ̈ܝܗܿ܂
18:19 [ai]ܘܠܐܢܬܬܐ ܒܟܦܣܐ ܕܛܡܐܘܬܗܿ܂ ܠܐ ܬܬܩܪܒ܂ ܠܡܓܠܝܘ ܦܘܪܣܝܗܿ܂
18:20 [ai]ܘܒܐܢܬܬ ܚܒܪܟ ܠܐ ܬܪܡܐ ܙܪܥܐ ܕܡܕܡܟܟ ܘܬܬܛܡܐ ܒܗܿ܂
18:21 [ai]ܘܡܢ ܙܪܥܟ ܠܐ ܬܪܡܐ ܠܡܒܛܢܘ ܢܘܟܪܝܬܐ܂ ܘܠܐ ܬܛܘܫ ܫܡܗ ܕܐܠܗܟ܂ ܐܢܐ ܐܢܐ ܡܪܝܐ܂
18:22 [ai]ܘܥܡ ܕܟܪܐ ܠܐ ܬܕܡܟ ܡܕܡܟܐ ܕܐܢܬܬܐ܂ ܡܛܘܠ ܕܛܡܐ ܗܘ܂
18:23 [ai]ܘܒܟܠ ܒܥܝܪܐ ܠܐ ܬܪܡܐ ܙܪܥܟ ܘܬܬܛܡܐ ܒܗܿ܂ ܘܐܢܬܬܐ ܠܐ ܬܩܘܡ ܩܕܡ ܒܥܝܪ̈ܐ ܕܬܬܪܟܒ ܡܢܗܿ܂ ܡܛܠ ܕܛܡܐܘܬܐ/ܕܛܡܐܬܐ#3#/ ܗܝ܂
18:24 [ai]ܠܐ ܬܬܛܡܐܘܢ ܒܗܠܝܢ ܟܠܗܝܢ܂ ܡܛܠ ܕܒܗܠܝܢ ܟܠܗܝܢ ܐܬܛܡܐܘ ܥܡܡ̈ܐ ܕܫܿܕܐ ܐܢܐ ܡܢ ܩܕܡܝܟܘܢ܂
18:25 [ai]ܘܐܬܛܢܦܬ ܐܪܥܐ ܘܦܪܥܿܬ ܥܘܠܗܿ ܥܠܝܗܿ܂ ܘܣܪܩܬ ܐܪܥܐ ܥܡܘܪ̈ܝܗܿ܂
18:26 [ai]ܛܪܘ ܩܝ̈ܡܝ ܘܕܝܢ̈ܝ܂ ܘܠܐ ܬܥܒܕܘܢ ܚܕ ܡܢ ܗܠܝܢ ܟܠܗܘܢ ܚ̈ܛܗܐ܂ ܠܐ ܐܢܬܘܢ ܘܠܐ ܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܒܝܢܬܟܘܢ܂
18:27 [ai]ܡܛܠ ܕܗܠܝܢ ܟܠܗܘܢ ܚ̈ܛܗܐ ܥܒܕܘ ܐܢܫ̈ܝ ܐܬܪܐ ܕܡܢ ܩܕܡܝܟܘܢ܂ ܘܐܬܛܢܦܬ/ܘܐܬܛܡܐܬ#3#/ ܐܪܥܐ܂
18:28 [ai]ܠܐ ܬܛܡܐܘܢܗܿ ܠܐܪܥܐ܂ ܕܠܐ ܬܣܪܩܟܘܢ ܐܝܟ/ܐܝܟܢܐ#3#/ ܕܣܪܩܬ ܠܥܡܐ ܕܡܢ ܩܕܡܝܟܘܢ܂
18:29 [ai]ܡܛܠ ܕܟܠ ܡܿܢ ܕܥܿܒܕ ܚܕ ܡܢ ܗܠܝܢ ܟܠܗܘܢ ܚ̈ܛܗܐ܂ ܢܐ̈ܒܕܢ ܢܦܫ̈ܬܐ ܕܥܒ̈ܕܢ ܡܢ ܓܘ ܥܡܗܝܢ܂
18:30 [ai]ܛܪܘ ܢܛܘܪ̈ܬܝ܂ ܘܠܐ ܬܥܒܕܘܢ ‍<‍ܐܝܟ ܚܕ#3#‍>‍ ܡܢ ܢܡܘ̈ܣܐ ܕܚ̈ܛܗܐ܂ ܕܥܒܕܘ ܕܩܕܡܝܟܘܢ܂ ܘܠܐ ܬܬܛܡܐܘܢ ܒܗܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂

next chapter