← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
19:02 [ai]ܡܠܠ ܥܡ ܟܠܗܿ ܟܢܘܫܬܐ ܕܒܢܝ ܐܝܣܪܝܠ ܘܐܡܪ ܠܗܘܢ܂ ܗܘܘ ܩܕܝܫ̈ܝܢ ܡܛܠ ܕܩܕܝܫ ܐܢܐ܂ ܐܢܐ ܐܢܐ ܡܪܝܐ ܐܠܗܟܘܢ܂
19:03 [ai]ܓܒܪ ܡܢ ܐܒܘܗܝ ܘܡܢ ܐܡܗ ܕܚܠܘ܂ ܘܛܪܘ ܦܘܩ̈ܕܢܝ܂ ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂
19:04 [ai]ܠܐ ܬܬܦܢܘܢ ܒܬܪ ܫܐ̈ܕܐ܂ ܘܐ̈ܠܗܐ ܕܢܣܟܬܐ ܠܐ ܬܥܒܕܘܢ ܠܟܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
19:05 [ai]ܘܐܢ ܕܒܿܚܝܢ ܐܢܬܘܢ ܕܒܚ̈ܐ ܫ̈ܠܡܐ ܠܡܪܝܐ܂ ܡܩ̈ܒܠܐ ܕܒܚܘ܂
19:06 [ai]ܘܒܝܘܡܐ ܕܡܬܕܒܚܝܢ ܢܬܐܟܠܘܢ܂ ܘܠܝܘܡܐ/ܘܐܦ ܠܝܘܡܐ#1##2#/ ܐܚܪܢܐ ܢܬܐܟܠܘܢ܂ ܘܡܕܡ ܕܝܿܬܪ ܠܝܘܡܐ ܕܬܠܬܐ ܒܢܘܪܐ ܢܐܩܕ ܘܠܐ ܢܬܐܟܠ܂
19:07 [ai]ܘܐܢ ܡܬܐܟܠܘ ܢܬܐܟܠ ܒܝܘܡܐ ܕܬܠܬܐ/ܬܠܝܬܝܐ#3#/܂ ܡܣܠܝ ܗܘ ܘܠܐ ܢܬܩܒܠ/ܢܬܐܟܠ#3#/܂
19:08 [ai]ܘܡܿܢ ܕܐܿܟܠ ܡܢܗ ܚܛܗܐ ܢܩܒܠ܂ ܡܛܠ ܕܩܘܕܫܗ ‍<‍ܗܘ#3#‍>‍ ܕܡܪܝܐ ܛܘܫ܂ ܘܬܐܒܕ ܢܦܫܐ ܗܿܝ ܡܢ ܥܡܗܿ܂
19:09 [ai]ܘܡܐ ܕܚܨܿܕܝܢ ܐܢܬܘܢ ܚܨܕܐ ܕܐܪܥܟܘܢ܂ ܠܐ ܬܓܡܪܘܢ ܣܦܪ̈ܐ ܕܚܩ̈ܠܬܟܘܢ ܠܡܚܨܕ܂ ܘܠܩܛܐ ܕܚܨܕܟܘܢ/ܕܚܨܝܕܝܬܘܢ#3#/ ܠܐ ܬܠܩܛܘܢ܂
19:10 [ai]ܘܟܪ̈ܡܝܟܘܢ ܠܐ ܬܒܿܥܪܘܢ܂ ܘܢܬܪܐ ܕܙܝܬ̈ܝܟܘܢ ܠܐ ܬܠܩܛܘܢ܂ ܐܠܐ ܫܒܘܩܘ ܐܢܘܢ ܠܡܣ̈ܟܢܐ ܘܠܐܝܠܝܢ ܕܡܬܦܢܝܢ ܠܘܬܝ܂ ܡܛܠ ܕܐܢܐ ܐܢܐ ܡܪܝܐ ܐܠܗܟܘܢ܂
19:11 [ai]ܠܐ ܬܓܢܒܘܢ܂ ܠܐ ܬܟܕܒܘܢ܂ ܠܐ ܬܕܓܠܘܢ ܐܢܫ ܒܚܒܪܗ܂
19:12 [ai]ܠܐ ܬܐܡܘܢ ܒܫܡܝ ܒܟܕܒܘܬܐ/ܒܕܓܠܘܬܐ#3#/܂ ܘܬܛܘܫܘܢ ܫܡܗ ܕܐܠܗܟܘܢ܂ ܐܢܐ ܐܢܐ ܡܪܝܐ܂
19:13 [ai]ܠܐ ܬܛܠܘܡ ܠܚܒܪܟ܂ ܘܠܐ ܬܕܒܪܝܘܗܝ ܒܩܛܝܪܐ܂ ܠܐ ܢܒܘܬ ܐܓܪܐ ܕܐܓܝܪܐ ܠܘܬܟ ܥܕܡܐ ܠܨܦܪܐ/ܠܫܦܪܐ#3#/܂
19:14 [ai]ܠܐ ܬܨܚܐ ܠܚܪܫܐ܂ ܘܩܕܡ ܥܘܝܪܐ ܠܐ ܬܣܝܡ ܬܘܩܠܬܐ܂ ܐܠܐ ܕܚܠ ܡܢ ܐܠܗܟ܂ ܐܢܐ ܐܢܐ ܡܪܝܐ܂
19:15 [ai]ܠܐ ܬܥܒܕܘܢ ܥܘܠܐ ܒܕܝܢܐ܂ ܘܠܐ ܬܣܒ ܒܐ̈ܦܝ ܡܣܟܢܐ܂ ܘܐܦ ܠܐ ܒܐ̈ܦܝ ܪܒܐ܂ ܐܠܐ ܒܙܕܝܩܘܬܐ ܕܘܢ ܚܒܪܟ܂
19:16 [ai]ܠܐ ܬܐܟܘܠ ܩܪ̈ܨܐ ܕܥܡܟ܂ ܘܠܐ ܬܩܘܡ ܥܠ ܕܡܐ ܕܚܒܪܟ܂ ܡܛܠ ܕܐܢܐ ܐܢܐ ܡܪܝܐ܂
19:17 [ai]ܠܐ ܬܣܢܐ ܠܐܚܘܟ ܒܠܒܟ܂ ܐܠܐ/ܐܠܘ#3#/ ܡܟܣܘ ܐܟܣܝܗܝ ܠܚܒܪܟ܂ ܕܠܐ ܡܛܠܬܗ ܬܩܒܠ ܚܛܗܐ܂
19:18 [ai]ܠܐ ܬܛܪ ܒܥܠܕܒܒܘܬܐ ܠܒܢ̈ܝ ܥܡܟ܂ ܐܠܐ ܪܚܡ ܠܚܒܪܟ ܐܝܟ ܢܦܫܟ܂ ܐܢܐ ܐܢܐ ܡܪܝܐ܂
19:19 [ai]ܛܪܘ ܦܘܩ̈ܕܢܝ܂ ܒܥܝܪ̈ܟܘܢ ܠܐ ܬܪܟܒܘܢ ܚܠܛܐ܂ ܘܚܩ̈ܠܬܟܘܢ ܠܐ ܬܙܪܥܘܢ ܚܠܛܐ܂ ܘܡܪ̈ܛܘܛܐ ܕܚܠܛܐ ܕܦܬܝܟܝܢ ܠܐ ܬܠܒܫܘܢ܂
19:20 [ai]ܘܓܒܪܐ ܕܢܕܡܟ ܥܡ ܐܢܬܬܐ ܡܕܡܟܐ ܕܙܪܥܐ܂ ܘܐܡܬܗ ܗܝ ܙܒܝܢܐ/ܕܙܒܝܢܐ#3#/ ܠܗ ܠܓܒܪܐ܂ ܘܡܬܦܪܩܘ ܠܐ ܐܬܦܪܩܬ܂ ܘܚܐܪܘܬܐ ܠܐ ܐܬܝܗܒܬ ܠܗܿ܂ ܫ̈ܐܘܠܐ ܢܗܘܘܢ ܥܠܝܗܘܢ ܘܠܐ ܢܬܩܛܠܘܢ܂ ܡܛܠ ܕܠܐ ܗܘܬ ܡܚܪܪܐ܂
19:21 [ai]ܘܢܝܬܐ ܩܘܪܒܢܗ ܠܡܪܝܐ܂ ܠܬܪܥܐ ܕܡܫܟܢ ܙܒܢܐ܂ ܕܟܪܐ ܕܚܛܗܐ܂
19:22 [ai]ܘܢܚܣܐ ܥܠܘܗܝ܂ ܟܗܢܐ ܒܕܟܪܐ ܕܚܛܗܐ ܩܕܡ ܡܪܝܐ܂ ܥܠ ܚܛܗܐ ܕܚܛܐ܂ ܘܢܫܬܒܩ ܠܗ ܚܛܗܐ ܕܚܛܐ܂
19:23 [ai]ܘܡܐ ܕܥܠܬܘܢ ܠܐܪܥܐ ܘܢܨܒܬܘܢ ܟܠ ܐܝ̈ܠܢܐ ܕܡܐܟܘܠܬܐ܂ ܫܒܘܩܘ ܐܢܘܢ ܬܠܬ ܫ̈ܢܝܢ܂ ܘܠܐ ܬܐܟܠܘܢ ܡܢ ܦܐܪ̈ܝܗܘܢ܂
19:24 [ai]ܘܒܫܢܬܐ ܕܐܪ̈ܒܥ܂ ܢܗܘܘܢ ܟܠܗܘܢ ܦܐܪ̈ܝܗܘܢ ܩܘܕܫܐ܂ ܘܫܘܒܚܐ ܠܡܪܝܐ܂
19:25 [ai]ܘܒܫܢܬܐ ܕܚܡܫ ܐܟܘܠܘ ܦܐܪ̈ܝܗܘܢ܂ ܘܢܘܣܦܘܢ ܠܟܘܢ ܥ̈ܠܠܬܗܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
19:26 [ai]ܠܐ ܬܐܟܠܘܢ ܕܡܐ܂ ܠܐ ܬܢܚܫܘܢ ܒܚܝܘܬ ܟܢܦܐ܂ ܠܐ ܬܩܨܡܘܢ܂
19:27 [ai]ܠܐ ܬܪܒܘܢ ܣܥܪܐ ܕܪ̈ܝܫܝܟܘܢ܂ ܘܠܐ ܬܚܒܠܘܢ ܦܐܬܐ ܕܕܩ̈ܢܝܟܘܢ܂
19:28 [ai]ܘܚܘܪ̈ܛܬܐ ܥܠ ܢܦܫܐ ܠܐ ܬܥܒܕܘܢ ܒܒܣܪܟܘܢ/ܒܟܘܢ#3#/܂ ܘܟܬ̈ܒܐ ܕܢܘܩ̈ܕܬܐ ܠܐ ܬܥܒܕܘܢ ܒܟܘܢ/ܠܟܘܢ#3#/܂ ܐܢܐ ܐܢܐ ܡܪܝܐ ‍<‍ܐܠܗܟܘܢ#3#‍>‍܂
19:29 [ai]ܠܐ ܬܦܣ ܠܒܪܬܟ ܕܬܙܢܐ܂ ܕܠܐ ܬܙܢܐ ܐܪܥܐ ܘܬܬܡܠܐ ܐܪܥܐ ܚܛܝܬܐ܂
19:30 [ai]ܐܠܐ ܛܪܘ ܦܘܩ̈ܕܢܝ ܘܡܢ ܡܩܕܫܝ ܕܚܠܘ܂ ܐܢܐ ܐܢܐ ܡܪܝܐ܂
19:31 [ai]ܠܐ ܬܐܙܠܘܢ ܒܬܪ ܙܟܘܪ̈ܐ ܘܝܕܘ̈ܥܐ܂ ܘܠܐ ܬܫܐܠܘܢ ܐܢܘܢ܂ ܕܠܐ ܬܬܛܡܐܘܢ ܒܗܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
19:32 [ai]ܡܢ ܩܕܡ ܣܒܐ ܗܘܝܬ ܩܐܿܡ܂ ܘܗܘܝܬ ܡܝܩܪ ܠܡܿܢ ܕܩܫܝܫ ܡܢܟ܂ ܘܕܚܠ ܡܢ ܐܠܗܟ܂ ܐܢܐ ܐܢܐ ܡܪܝܐ ‍<‍ܐܠܗܟ#3#‍>‍܂
19:33 [ai]ܘܟܕ ܢܥܡܪ ܥܡܟܘܢ ܐܝܢܐ ܕܡܬܦܢܐ ܠܘܬܝ܂ ܠܐ ܬܥܠܒܘܢܗ܂
19:34 [ai]ܐܠܐ ܐܟܘܬܟܘܢ ܘܡܢܟܘܢ ܢܗܘܐ܂ ܘܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܥܡܟܘܢ/ܒܝܢܬܟܘܢ#2#/܂ ܪܚܡܘ ܐܢܘܢ ܐܝܟ ܢܦܫܟܘܢ܂ ܡܛܠ ܕܐܦ ܐܢܬܘܢ ܥܡܘܪ̈ܐ ܗܘܝܬܘܢ ܒܐܪܥܐ ܕܡܨܪܝܢ܂ ܐܢܐ ܐܢܐ ܡܪܝܐ ܐܠܗܟܘܢ܂
19:35 [ai]ܠܐ ܬܥܒܕܘܢ ܥܘܠܐ ܒܕܝܢܐ܂ ܒܡܐܣܬܐ ܘܒܡܬܩܠܐ ܘܒܟܝܠܬܐ܂
19:36 [ai]ܡܣܐܬܐ ܕܩܘܫܬܐ ܘܡܬܩܠܐ ܕܩܘܫܬܐ ܘܟܝܠܬܐ ܕܩܘܫܬܐ ܘܗܡܝܢܐ ܕܩܘܫܬܐ ܢܗܘܘܢ ܠܟܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂ ܕܐܦܩܿܬܟܘܢ ܡܢ ܐܪܥܐ ܕܡܨܪܝܢ܂
19:37 [ai]ܛܪܘ ܟܠܗܘܢ ܦܘܩ̈ܕܢܝ ܘܟܠܗܘܢ ܕܝܢ̈ܝ ܘܥܒܕܘ ܐܢܘܢ܂ ܐܢܐ ܐܢܐ ܡܪܝܐ܂

next chapter