← Back
The Comprehensive Aramaic Lexicon
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܘܐܡܪ ܡܪܝܐ ܠܡܘܫܐ܂ ܐܡܪ ܠܟܗ̈ܢܐ ܒܢ̈ܝ ܐܗܪܘܢ ܕܥܠ ܢܦܫܐ ܕܡܝܬܐ ܠܐ ܢܗܘܘܢ ܡܬܛܡܐܝܢ ܒܥܡܗܘܢ܂
21:02 [ai]ܐܠܐ ܐܢ ܒܩܪܝܒܗ ܕܩܪܝܒ ܠܗ܂ ܒܐܒܘܗܝ ܘܒܐܡܗ ܘܒܒܪܗ ܘܒܒܪܬܗ ܘܒܐܚܘܗܝ ܘܒܚܬܗ܂
21:03 [ai]ܒܬܘܠܬܐ ܕܩܪܝܒܐ ܠܗ ܕܠܐ ܗܘܬ ܠܓܒܪܐ ܢܬܛܡܐܐ܂
21:04 [ai]ܠܐ ܢܬܛܡܐ ܒܪܒܐ ܕܥܡܗ ܕܠܐ ܢܬܛܢܦ܂
21:05 [ai]ܘܠܐ ܢܩܕܚܘܢ ܩܘܕܚ̈ܬܐ ܒܪ̈ܫܝܗܘܢ܂ ܘܦܐܬܐ ܕܕܩ̈ܢܝܗܘܢ ܠܐ ܢܓܪܥܘܢ܂ ܘܒܒܣܪܗܘܢ ܠܐ ܢܚܪܛܘܢ ܚܘܪ̈ܛܬܐ܂
21:06 [ai]ܐܠܐ ܢܗܘܘܢ ܩܕܝܫ̈ܝܢ ܠܐܠܗܗܘܢ܂ ܘܠܐ ܢܛܢܦܘܢ ܫܡܐ ܕܐܠܗܗܘܢ܂ ܡܛܠ ܕܩܘܪ̈ܒܢܘܗܝ ܕܡܪܝܐ ܠܚܡܐ ܕܐܠܗܗܘܢ ܗܢܘܢ ܡܩܪܒܝܢ܂ ܘܢܗܘܘܢ ܩܕܝܫ̈ܝܢ܂
21:07 [ai]ܐܢܬܬܐ ܙܢܝܬܐ ܘܡܛܢܦܬܐ ܠܐ ܢܣܒܘܢ܂ ܘܐܢܬܬܐ ܕܫܒܝܩܐ ܡܢ ܒܥܠܗܿ ܠܐ ܢܣܒܘܢ܂ ܡܛܠ ܕܩܕܝܫ ܗܘ ܠܐܠܗܗ܂
21:08 [ai]ܩܕܫܝܗܝ ܡܛܠ ܕܠܚܡܐ ܕܐܠܗܟ ܗܘܝܘ ܡܩܪܒ܂ ܩܕܝܫ ܢܗܘܐ ܠܟ ܡܛܠ ܕܩܕܝܫ ܗܘ܂ ܐܢܐ ܐܢܐ ܡܪܝܐ ܕܡܩܕܫ ܐܢܐ ܠܟܘܢ܂
21:09 [ai]ܘܒܪܬ ܓܒܪܐ ܟܗܢܐ ܟܕ ܬܫܪܐ ܠܡܙܢܝܘ ܠܐܒܘܗܿ ܗܘ ܡܛܢܦܐ܂ ܒܢܘܪܐ ܬܐܩܕ܂
21:10 [ai]ܘܟܗܢܐ ܪܒܐ ܡܢ ܐ̈ܚܘܗܝ ܕܡܬܢܣܟ ܥܠ ܪܫܗ ܡܫܚܐ ܕܡܫܝܚܘܬܐ܂ ܘܕܡܫܡܠܐ ܐܝܕܗ ܠܡܠܒܫ ܡܐ̈ܢܐ܂ ܪܫܗ ܠܐ ܢܦܪܘܥ܂ ܘܡܐ̈ܢܘܗܝ ܠܐ ܢܨܪܐ܂
21:11 [ai]ܘܥܠ ܟܠ ܢܦܫܐ ܕܡܝܬܐ ܠܐ ܢܥܘܠ܂ ܘܒܐܒܘܗܝ ܘܒܐܡܗ ܠܐ ܢܬܛܢܦ܂
21:12 [ai]ܘܡܢ ܡܩܕܫܐ ܠܐ ܢܦܘܩ܂ ܘܠܐ ܢܛܢܦ/ܢܛܘܫ#3#/ ܡܩܕܫܐ ܕܐܠܗܗ܂ ܡܛܠ ܕܟܠܝܠܐ ܕܡܫܚܐ ܕܡܫܝܚܘܬܐ ܕܐܠܗܗ ܥܠܘܗܝ܂ ܐܢܐ ܐܢܐ ܡܪܝܐ܂
21:13 [ai]ܘܗܘ ܗܢܐ ܐܢܬܬܐ ܒܬܘܠܬܐ ܢܣܒ܂
21:14 [ai]ܘܐܪܡܠܬܐ ܘܫܒܝܩܬܐ ܘܕܡܛܢܦܐ ܒܙܢܝܘܬܐ ܚܕܐ ܡܢ ܗܠܝܢ ܠܐ ܢܣܒ܂ ܐܠܐ ܒܬܘܠܬܐ ܡܢ ܥܡܗ ܢܣܒ ܐܢܬܬܐ܂
21:15 [ai]ܘܠܐ ܢܛܘܫ ܙܪܥܗ ܒܥܡܗ܂ ܡܛܠ ܕܐܢܐ ܐܢܐ ܡܪܝܐ ܕܡܩܕܫ ܠܗ/ܐܢܐ ܠܟܘܢ#3#/܂
21:16 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
21:17 [ai]ܡܠܠ ܥܡ ܐܗܪܘܢ ܘܐܡܪ ܠܗ܂ ܓܒܪܐ ܡܢ ܙܪܥܟ ܠܕܪ̈ܗܘܢ ܕܢܗܘܐ ܒܗ ܡܘܡܐ܂ ܠܐ ܢܬܩܪܒ ܠܡܩܪܒܘ ܠܚܡܐ ܕܐܠܗܗ܂
21:18 [ai]ܡܛܠ ܕܟܠ ܓܒܪܐ ܕܐܝܬ ܒܗ ܡܘܡܐ܂ ܠܐ ܢܬܩܪܒ܂ ܓܒܪ ܕܚܓܝܪ ܐܘ ܥܘܝܪ ܐܘ ܣܪܡ܂ ܐܘ ܕܣܪܝܥܐ/ܕܣܪܝܚܐ#3#/ ܐܕܢܗ܂
21:19 [ai]ܐܘ ܓܒܪܐ ܕܐܝܬ ܒܗ ܬܒܪܐ ܕܪܓܠܐ ܐܘ ܬܒܪܐ ܕܐܝܕܐ܂
21:20 [ai]ܐܘ ܟܦܝܦ ܐܘ ܙܥܘܪ/ܕܙܥܝܪ#3#/܂ ܐܘ ܢܬܝܪ̈ܝܢ ܓܒܝܢ̈ܘܗܝ܂ ܐܘ ܓܗܪ܂ ܐܘ ܚܘܪܘܪܐ ܐܝܬ ܒܥܝܢ̈ܘܗܝ܂ ܐܘ ܐܝܬ ܒܗ ܓܪܒܐ܂ ܐܘ ܟܘܣܬܢ܂ ܐܘ \ܕܚܕܐ ܐܫܟܗ /ܫܓܬܢ#3#/܂
21:21 [ai]ܟܠ ܓܒܪܐ ܕܐܝܬ ܒܗ ܡܘܡܐ ܡܢ ܙܪܥܗ ܕܐܗܪܘܢ ܟܗܢܐ܂ ܠܐ ܢܬܩܪܒ ܠܡܩܪܒܘ ܩܘܪܒܢܗ/ܠܚܡܗ#3#/ ܕܡܪܝܐ܂ ܡܛܠ ܕܡܘܡܐ ܒܗ܂ ܠܠܚܡܐ ܕܐܠܗܗ ܠܐ ܢܬܩܪܒ ܠܡܩܪܒܘ܂
21:22 [ai]ܠܚܡܐ ܕܐܠܗܗ \ܒܝܬ ܩܕܘܫ /ܒܩܘܕܫ#3#/ ܩܘܕܫ̈ܐ܂ ܡܢ ܩܘܕܫܐ ‍<‍ܠܐ#1##2#‍>‍ ܢܐܟܘܠ܂
21:23 [ai]ܒܪܡ ܕܝܢ ܠܓܘ ܡܢ ܐ̈ܦܝ ܬܪܥܐ ܠܐ ܢܥܘܠ܂ ܘܠܡܕܒܚܐ ܠܐ ܢܬܩܪܒ܂ ܡܛܠ ܕܡܘܡܐ ܐܝܬ ܒܗ܂ ܘܠܐ ܢܛܘܫ ܡܩܕܫܝ܂ ܡܛܠ ܕܐܢܐ ܐܢܐ ܡܪܝܐ ܕܡܩܕܫ ܐܢܐ ܠܗܘܢ܂
21:24 [ai]ܘܐܡܪ ܡܘܫܐ ܠܐܗܪܘܢ ܘܠܒܢ̈ܘܗܝ܂ ܘܠܟܠܗܘܢ ܒܢ̈ܝ ܐܝܣܪܝܠ܂

next chapter