← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


22:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
22:02 [ai]ܐܡܪ ܠܐܗܪܘܢ ܘܠܒܢ̈ܘܗܝ܂ ܘܢܬܢܙܪܘܢ ܡܢ ܩܘܕܫ̈ܐ ܕܒܢ̈ܝ ܐܝܣܪܝܠ ܘܠܐ ܢܛܢܦܘܢ ܫܡܐ ܕܩܘܕܫܝ ܡܛܠ ܕܡܩܕܫܝܢ ܐܢܘܢ ܠܝ܂ ܐܢܐ ܐܢܐ ܡܪܝܐ܂
22:03 [ai]ܐܡܪ ܠܗܘܢ ܠܕܪ̈ܝܗܘܢ܂ ܟܠ ܓܒܪܐ ܕܢܩܪܘܒ ܡܢ ܟܠܗ ܙܪܥܟܘܢ ܠܩܘܕܫ̈ܐ ܕܡܩܕܫܝܢ ܒܢ̈ܝ ܐܝܣܪܝܠ ܠܡܪܝܐ܂ \ܟܕ ܛܢܦܘܬܗ /ܘܛܢܦܘܬܗ#3#/ ܐܝܬ ܥܠܘܗܝ܂ ܬܐܒܕ ܢܦܫܐ ܗܿܝ ܡܢ \ܩܕܡ ܥܝ̈ܢܝ /ܩܕܡܝ#3#/܂ ܐܢܐ ܐܢܐ ܡܪܝܐ܂
22:04 [ai]ܓܒܪ ܓܒܪ ܡܢ ܙܪܥܗ ܕܐܗܪܘܢ܂ ܘܗܘ ܓܪܒ ܐܘ ܕܐܒ܂ ܡܢ ܩܘܕܫܐ ܠܐ ܢܐܟܘܠ ܥܕܡܐ ܕܡܬܕܟܐ܂ ܘܡܿܢ ܕܢܩܪܘܒ ܠܟܠܗܿ ܛܡܐܘܬܐ ܕܢܦܫܐ܂ ܐܘ ܓܒܪܐ ܕܢܦܘܩ ܡܢܗ ܙܪܥܐ ܕܡܕܡܟܐ܂
22:05 [ai]ܐܘ ܓܒܪܐ ܕܢܩܪܘܒ ܠܟܠ ܪܚܫܐ ܕܛܡܐ ܠܗ܂ ܐܘ ܒܐܢܫܐ/ܕܐܢܫܐ#2#/ ܕܛܡܐ ܠܗ ܒܟܠܗܿ ܛܡܐܘܬܗ܂
22:06 [ai]‍<‍ܟܠ#3#‍>‍ ܢܦܫܐ ܕܬܩܪܘܒ ܠܗ܂ ܬܗܘܐ ܛܡܐܐ ܥܕܡܐ ܠܪܡܫܐ܂ ܠܐ ܢܐܟܘܠ ܡܢ ܩܘܕܫܐ܂ ܐܠܐ ܐܢ ܐܫܝܓ ܒܣܪܗ ܒܡ̈ܝܐ܂
22:07 [ai]ܘܒܡܥܪ̈ܒܝ ܫܡܫܐ ܢܬܕܟܐ܂ ܘܗܝܕܝܢ ܢܐܟܘܠ ܡܢ ܩܘܕܫܐ܂ ܡܛܠ ܕܠܚܡܗ ܗܘ܂
22:08 [ai]ܘܦܓܪܐ ܕܬܒܝܪ ܠܚܝܘܬܐ ܠܐ ܢܐܟܘܠ ܕܠܐ/ܘܠܐ#3#/ ܢܬܛܡܐܐ ܒܗ܂ ܐܢܐ ܐܢܐ ܡܪܝܐ܂
22:09 [ai]ܘܢܛܪܘܢ ܢܛܘܪ̈ܬܝ܂ ܕܠܐ ܢܩܒܠܘܢ ܥܠܝܗܘܢ ܚ̈ܛܗܐ ܘܢܡܘܬܘܢ ܒܗܘܢ܂ ܡܛܠ ܕܛܘܫܘ ܢܦܫ̈ܬܗܘܢ܂ ܐܢܐ ܐܢܐ ܡܪܝܐ ܕܡܩܕܫ ܐܢܐ ܠܗܘܢ܂
22:10 [ai]ܘܟܠ ܢܘܟܪܝܐ ܠܐ ܢܐܟܘܠ ܩܘܕܫܐ܂ ܬܘܬܒܐ ܕܟܗܢܐ ܘܐܓܝܪܐ ܠܐ ܢܐܟܘܠ ܩܘܕܫܐ܂ ܘܟܗܢܐ ܟܕ ܢܙܒܢ ܢܦܫܐ܂
22:11 [ai]ܙܒܝܢ ܟܣܦܗ ܢܐܟܘܠ ܡܢ ܠܚܡܗ܂ ܘܝ̈ܠܝܕܝ ܒܝܬܗ ܗܢܘܢ ܢܐܟܠܘܢ ܡܢ ܠܚܡܗ܂
22:12 [ai]ܘܒܪܬ ܟܗܢܐ ܟܕ ܬܗܘܐ ܠܓܒܪܐ ܢܘܟܪܝܐ܂ ܐܦ ܗܝ ܡܢ ܦܘܪܫܢܐ ܕܩܘܕܫܐ ܠܐ ܬܐܟܘܠ܂
22:13 [ai]ܘܒܪܬ ܟܗܢܐ ܟܕ ܬܗܘܐ ܐܪܡܠܬܐ ܘܫܒܝܩܬܐ܂ ܘܒܢ̈ܝܐ ܠܝܬ ܠܗܿ܂ ܘܬܗܦܘܟ ܠܒܝܬ/ܠܘܬ#3#/ ܐܒܘܗܿ ܐܝܟ ܕܒܛܠܝܘܬܗܿ܂ ܡܢ ܠܚܡܐ ܕܐܒܘܗܿ ܬܐܟܘܠ܂ ܘܟܠ ܢܘܟܪܝܐ ܠܐ ܢܐܟܘܠ ܡܢܗ܂
22:14 [ai]ܘܓܒܪܐ ܕܢܐܟܘܠ ܩܘܕܫܐ ܒܛܘܥܝܝ܂ ܢܘܣܦ ܚܕ ܡܢ ܚܡܫܐ ܥܠܘܗܝ܂ ܘܢܬܠܝܘܗܝ ܠܟܗܢܐ ܩܘܕܫܐ܂
22:15 [ai]ܘܠܐ ܢܛܘܫܘܢ ܒܢܝ ܐܝܣܪܝܠ ܩܘܕܫ̈ܐ ܕܡܦܪܫܝܢ ܠܡܪܝܐ܂
22:16 [ai]ܘܢܫܩܠܘܢ/ܘܢܩܒܠܘܢ#3#/ ܥܠܝܗܘܢ ܥܘܠܐ ܘܚ̈ܛܗܐ܂ ܡܐ ܕܐܟܠܝܢ ܡܢ ܩܘܕܫ̈ܝܗܘܢ܂ ܡܛܠ ܕܐܢܐ ܐܢܐ ܡܪܝܐ ܕܡܩܕܫ ‍<‍ܐܢܐ#3#‍>‍ ܠܗܘܢ܂
22:17 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
22:18 [ai]ܡܠܠ ܥܡ ܐܗܪܘܢ ܘܥܡ ܒܢ̈ܘܗܝ ܘܥܡ ܟܠܗܘܢ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܓܒܪ ܓܒܪ ܡܢ ܒܝܬ/ܠܒܝܬ#3#/ ܐܝܣܪܝܠ ܘܡܢ ܐܝܠܝܢ ܕܡܬܦܢܝܢ ܠܘܬܝ ܕܥܡܿܪܝܢ ܒܐܝܣܪܝܠ܂ ܕܢܩܪܒ ܩܘܪܒܢܗ ܡܢ ܟܠ ܢܕܪ̈ܝܗܘܢ܂ ܘܡܢ ܟܠ ܦܘܪ̈ܫܢܝܗܘܢ ܕܡܩܪܒܝܢ ܠܡܪܝܐ܂
22:19 [ai]ܝܩܕܐ ܫܠܡܐ ܠܩܘܒܠܐ܂ ܕܟܪܐ ܕܠܝܬ ܒܗ ܡܘܡܐ܂ ܡܢ ܬܘܪ̈ܐ ܘܡܢ ܐܡܪ̈ܐ ܘܡܢ ܥ̈ܙܐ܂
22:20 [ai]ܟܠ ܘܐܝܬ ܒܗ ܡܘܡܐ ܠܐ ܬܩܪܒܘܢ܂ ܡܛܠ ܕܠܐ ܗܿܘܐ ܠܟܘܢ ܠܨܒܝܢܐ܂
22:21 [ai]ܘܓܒܪܐ ܕܢܩܪܒ ܕܒܚܐ ܫܠܡܐ ܠܡܪܝܐ܂ ܠܡܦܪܫ/ܕܢܦܪܘܫ#3#/ ܢܕܪܐ ܐܘ ܦܘܪܫܢܐ܂ ܡܢ ܬܘܪ̈ܐ ܐܘ ܡܢ ܥ̈ܙܐ܂ ܡܐ ܕܠܝܬ ܒܗ ܡܘܡܐ܂ ܢܬܩܒܠ/ܢܬܩܪܒ#3#/ ܐܢ ܟܠ ܡܘܡ/ܡܕܡ#3#/ ܠܝܬ ܒܗ܂
22:22 [ai]ܕܥܘܝܪ ܐܘ ܕܬܒܝܪ܂ ܐܘ ܕܚܙܙ ܐܘ ܕܪܫܠ܂ ܐܘ ܕܓܪܒ ܐܘ ܕܩܣܕܢ܂ ܠܐ ܬܩܪܒܘܢ ܚܕ ܡܢ ܗܠܝܢ ܠܡܪܝܐ܂ ܘܩܘܪܒܢܐ ܡܢ ܗܠܝܢ ܠܐ ܬܣܝܡܘܢ/ܬܣܩܘܢ#3#/ ܥܠ ܡܕܒܚܐ ܠܡܪܝܐ܂
22:23 [ai]ܘܬܘܪܐ ܘܐܡܪܐ ܕܣܪܝܥܐ ܐܕܢܗ ܐܘ ܕܟܪܝܐ ܐܠܝܬܗ܂ ܠܦܘܪܫܢܐ ܬܥܒܕܝܘܗܝ܂ ܒܪܡ ܠܢܕܪܐ ܠܐ ܢܬܩܒܠ܂
22:24 [ai]ܘܕܪܨܝܨ ܘܕܦܣܝܩ ܘܕܩܛܝܥ܂ ܠܐ ܬܩܪܒܘܢ ܠܡܪܝܐ܂ ܘܠܐ ܬܥܒܕܘܢ ܒܐܪܥܟܘܢ܂
22:25 [ai]ܘܡܢ ܝܕ ܒܪ ܢܘܟܪ̈ܝܐ ܠܐ ܬܩܪܒܘܢ ܠܚܡܐ ܕܐܠܗܟܘܢ܂ ܡܢ ܗܠܝܢ ܟܠܗܘܢ܂ ܡܛܠ ܕܡܚܒܠܝܢ ܐܢܘܢ ܘܡܘܡܐ ܐܝܬ ܒܗܘܢ܂ ܠܐ ܡܬܩܒܠܝܢ ܡܢܟܘܢ܂
22:26 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
22:27 [ai]ܬܘܪܐ ܐܘ ܐܡܪܐ ܐܘ ܓܕܝܐ ܟܕ ܢܬܝܠܕ ܢܗܘܐ ܫܒܥܐ ܝܘܡ̈ܝܢ ܒܬܪ ܐܡܗ܂ ܘܡܢ ܝܘܡܐ ܕܬܡܢܝܐ ܘܠܗܠ܂ ܢܬܩܒܠ ܩܘܪܒܢܗ ܩܘܪܒܢܐ ܠܡܪܝܐ܂
22:28 [ai]ܘܬܘܪܐ ܐܘ ܥܪܒܐ܂ ܠܗ ܘܠܒܪܗ ܠܐ ܬܟܣܘܢ ܒܝܘܡܐ ܚܕ܂
22:29 [ai]ܘܐܢ ܬܕܒܚܘܢ ܕܒܚܐ ܕܬܘܕܝܬܐ ܠܡܪܝܐ܂ ܠܩܘܒܠܐ ܕܘܒܚܘܗܝ܂
22:30 [ai]ܘܒܗ ܒܝܘܡܐ ܗܿܘ ܢܬܐܟܠ܂ ܘܠܐ ܬܘܬܪܘܢ ܡܢܗ ܠܨܦܪܐ/ܠܫܦܪܐ#3#/܂ ܐܢܐ ܐܢܐ ܡܪܝܐ܂
22:31 [ai]ܛܪܘ ܦܘܩ̈ܕܢܝ ܘܥܒܕܘ ܐܢܘܢ܂ ܐܢܐ ܐܢܐ ܡܪܝܐ܂
22:32 [ai]ܘܠܐ ܬܛܢܦܘܢ/ܬܛܡܐܘܢ#3#/ ܫܡܐ ܕܩܘܕܫܝ ܕܐܬܩܕܫ ܒܝܢܬ/ܒܓܘ#3#/ ܒܢ̈ܝ ܐܝܣܪܝܠ܂ ܐܢܐ ܐܢܐ ܡܪܝܐ ܕܡܩܕܫ ‍<‍ܐܢܐ#3#‍>‍ ܠܟܘܢ܂
22:33 [ai]ܕܐܦܩܿܬܟܘܢ ܡܢ ܐܪܥܐ ܕܡܨܪܝܢ܂ ܕܐܗܘܐ ܠܟܘܢ ܐܠܗܐ܂ ܐܢܐ ܐܢܐ ܡܪܝܐ܂

next chapter