The Comprehensive Aramaic Lexicon

24:01 [ai]	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
24:02 [ai]	ܦܩܕ ܠܒܢ̈ܝ ܐܝܣܪܝܠ ܘܢܝܬܘܢ ܠܟ ܡܫܚܐ ܕܟܝܐ ܕܙܝܬܐ ܥܨܝܪܐ܂ ܠܡܢܗܪܘ ܫܪ̈ܓܐ ܐܡܝܢܐܝܬ܂
24:03 [ai]	ܠܒܪ ܡܢ ܐ̈ܦܝ ܬܪܥܐ ܕܣܗܕܘܬܐ ܒܡܫܟܢܙܒܢܐ܂ ܘܢܗܘܐ ܣܿܕܪ ܠܗܘܢ ܐܗܪܘܢ ܡܢ ܪܡܫܐ ܘܥܕܡܐ ܠܨܦܪܐ܂ ܩܕܡ ܡܪܝܐ ܐܡܝܢܐܝܬ܂ ܢܡܘܣܐ ܠܥܠܡ ܠܕܪ̈ܝܟܘܢ܂
24:04 [ai]	ܥܠ ܡܢܪܬܐ ܪܒܬܐ ܢܗܘܐ ܣܿܕܪ ܫܪ̈ܓܐ ܩܕܡ ܡܪܝܐ ܐܡܝܢܐܝܬ܂
24:05 [ai]	ܘܣܒ ܢܫܝܦܐ ܘܐܦܝ ܬܪ̈ܬܥܣܪܐ ܚܚܪ̈ܢ ܡܢ ܬܪ̈ܝܢ ܥܣܪ̈ܘܢܝܢ܂ ܚܚܘܪܬܐ ܚܕܐ܂
24:06 [ai]	ܘܣܕܘܪ ܐ̈ܢܝܢ ܬܪ̈ܝܢ ܣܕܪ̈ܝܢ ܫܬ ܫܬ ܒܣܕܪܐ܂ ܥܠ ܦܬܘܪܐ ܕܟܝܐ ܩܕܡ ܡܪܝܐ܂
24:07 [ai]	ܘܣܝܡ/ܕܣܝܡ#3#/ ܥܠ ܣܕܪ̈ܐ ܠܒܘܢܬܐ ܕܟܝܬܐ ܩܕܡ ܡܪܝܐ܂ ܘܢܗܘܐ ܠܠܚܡܐ ܕܘܟܪܢܐ ܘܩܘܪܒܢܐ ܠܡܪܝܐ܂
24:08 [ai]	ܒܝܘܡܐ ܕܫܬܐ ܢܗܘܐ ܣܿܕܪ ܠܗܘܢ ܐܗܪܘܢ ܩܕܡ ܡܪܝܐ ܐܡܝܢܐܝܬ܂ ܡܢ ܠܘܬ ܒܢ̈ܝ ܐܝܣܪܝܠ܂
24:09 [ai]	ܩܝܡܐ ܠܥܠܡ ܢܗܘܐ ܠܐܗܪܘܢ ܘܠܒܢ̈ܘܗܝ܂ ܘܢܐܟܠܘܢܗ ܒܐܬܪܐ ܩܕܝܫܐ܂ ܡܛܠ ܕܩܕܘܫ ܩܘܕܫ̈ܝܢ ܗܘ ܠܗ ܡܢ ܩܘܪ̈ܒܢܘܗܝ ܕܡܪܝܐ܂ ܢܡܘܣܐ ܠܥܠܡ܂
24:10 [ai]	ܘܢܦܩ ܒܪ ܐܢܬܬܐ ܐܝܣܪܠܝܬܐ܂ ܘܗܘ ܒܪ ܓܒܪܐ ܗܘܐ ܡܨܪܝܐ܂ ܒܝܢܬ ܒܢ̈ܝ ܐܝܣܪܝܠ܂ ܘܢܨܘ ܒܡܫܪܝܬܐ ܒܪ ܐܝܣܪܠܝܬܐ ܘܓܒܪܐ ܐܝܣܪܠܝܐ܂
24:11 [ai]	ܘܦܪܫ ܒܪ ܐܢܬܬܐ ܐܝܣܪܠܝܬܐ ܫܡܐ ܘܨܚܝ܂ ܘܐܝܬܝܘܗܝ ܠܘܬ ܡܘܫܐ܂ ܘܫܡܐ ܕܐܡܗ ܫܠܘܡܝܬ ܒܪܬ ܕܒܪܝ ܡܢ ܫܒܛܐ ܕܕܢ܂
24:12 [ai]	ܘܚܒܫܘܗܝ ܒܝܬ ܢܛܘܪܬܐ܂ ܕܢܬܦܫܩ ܠܗܘܢ ܡܢ ܦܘܡܗ ܕܡܪܝܐ܂
24:13 [ai]	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
24:14 [ai]	ܐܦܩܘܗܝ ܠܗܿܘ ܕܨܚܝ ܠܒܪ ܡܢ ܡܫܪܝܬܐ܂ ܘܟܠ ܕܫܡܥܘܗܝ ܢܣܝܡܘܢ ܐܝ̈ܕܝܗܘܢ ܥܠ ܪܫܗ܂ ܘܢܪܓܡܘܢܗ ܟܘܠܗܿ ܟܢܘܫܬܐ܂
24:15 [ai]	ܘܥܡ ܒܢ̈ܝ ܐܝܣܪܝܠ ܡܠܠ ܘܐܡܪ ܠܗܘܢ܂ ܓܒܪ ܓܒܪ ܟܕ ܢܨܚܐ ܠܐܠܗܗ܂ ܢܩܿܒܠ ܚܛܗܗ܂
24:16 [ai]	ܘܡܿܢ ܕܢܦܪܘܫ ܫܡܗ ܕܡܪܝܐ ܡܬܩܛܠܘ ܢܬܩܛܠ܂ ܘܡܪܓܡ ܢܪܓܡܘܢܗ ܟܠܗܿ ܟܢܘܫܬܐ܂ ܐܝܢܐ ܕܡܬܦܢܐ ܠܘܬܝ܂ ܐܘ ܒܪ ܐܝܣܪܝܠ ܡܐ ܕܦܪܫ ܫܡܝ ܢܬܩܛܠ܂
24:17 [ai]	ܘܓܒܪܐ ܐܢ ܢܩܛܘܠ ܟܠ ܢܦܫܐ ܕܒܪܢܫܐ ܡܬܩܛܠܘ ܢܬܩܛܠ܂
24:18 [ai]	ܘܕܢܩܛܘܠ ܢܦܫܐ ܕܒܥܝܪ̈ܐ܂ ܢܦܪܘܥ/ܢܬܠ#3#/ ܢܦܫܐ ܚܠܦ ܢܦܫܐ ‍<‍ܕܒܥܝܪܐ#3#‍>‍܂
24:19 [ai]	ܘܓܒܪܐ ܐܢ ܢܥܒܕ ܡܘܡܐ ܒܚܒܪܗ܂ ܐܝܟ ܕܥܒܕ ‍<‍ܗܘ#3#‍>‍ ܡܘܡܐ ܒܚܒܪܗ܂ ܗܟܢܐ ܢܬܥܒܕ ܠܗ܂
24:20 [ai]	ܬܒܪܐ ܚܠܦ ܬܒܪܐ܂ ܥܝܢܐ ܚܠܦ ܥܝܢܐ܂ ܫܢܐ ܚܠܦ ܫܢܐ܂ ܐܝܟ ܕܥܒܕ ܡܘܡܐ ܒܚܒܪܗ܂ ܗܟܢܐ ܢܬܥܒܕ ܠܗ܂
24:21 [ai]	ܘܕܢܩܛܘܠ ܒܥܝܪ̈ܐ ܢܦܪܥܝܗܿ܂ ܘܕܢܩܛܘܠ ܢܦܫܐ ܢܬܩܛܠ܂
24:22 [ai]	ܕܝܢܐ ܚܕ ܢܗܘܐ ܠܟܘܢ܂ ܘܠܐܝܢܐ ܕܡܬܦܢܐ ܠܘܬܝ܂ ܘܠܒܪ ܐܝܣܪܝܠ ܗܟܢܐ ܢܗܘܐ܂ ܐܢܐ ܐܢܐ ܡܪܝܐ ܐܠܗܟܘܢ܂
24:23 [ai]	ܘܐܡܪ ܡܘܫܐ ܠܒܢ̈ܝ ܐܝܣܪܝܠ܂ ܘܐܦܩܘܗܝ ܠܗܿܘ ܕܨܚܝ ܠܒܪ ܡܢ ܡܫܪܝܬܐ܂ ܘܪܓܡܘܗܝ ܒܟܐ̈ܦܐ ܘܡܝܬ܂ ܘܥܒܕܘ ܒܢ̈ܝ ܐܝܣܪܝܠ ܐܝܟ ܕܦܩܕ ܡܪܝܐ ܠܡܘܫܐ܂

next chapter