The Comprehensive Aramaic Lexicon

25:01 [ai]	ܘܡܠܠ ܡܪܝܐ ܥܡ ܡܘܫܐ ܒܛܘܪܐ ܕܣܝܢܝ ܘܐܡܪ ܠܗ܂
25:02 [ai]	ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܡܐ ܕܥܠܬܘܢ ܠܐܪܥܐ ܕܝܿܗܒ ܐܢܐ ܠܟܘܢ ܝܘܪܬܢܐ܂ ܬܫܒܬ ܐܪܥܐ ܫܒܬܐ ܠܡܪܝܐ܂
25:03 [ai]	ܫܬ ܫ̈ܢܝܢ ܬܙܪܥܘܢ ܚܩ̈ܠܬܟܘܢ܂ ܘܫܬ ܫ̈ܢܝܢ ܬܟܣܚܘܢ ܟܪ̈ܡܝܟܘܢ܂ ܘܫܬ ܫ̈ܢܝܢ ܗܘܝܬܘܢ ܚܡܿܠܝܢ ܥ̈ܠܠܬܟܘܢ܂
25:04 [ai]	ܘܫܢܬܐ/ܒܫܢܬܐ#3#/ ܕܫܒܥ܂ ܫܒܬ ܫ̈ܒܐ ܬܗܘܐ ܠܐܪܥܐ܂ ܘܬܗܘܐ ܠܟܘܢ ܫܒܬܐ ܠܡܪܝܐ܂ ܚܩ̈ܠܬܟܘܢ ܠܐ ܬܙܪܥܘܢ܂ ܘܟܪ̈ܡܝܟܘܢ ܠܐ ܬܟܣܚܘܢ܂
25:05 [ai]	ܘܟܐܬܐ ܕܚܨܕܟܘܢ ܠܐ ܬܚܨܕܘܢ܂ ܘܥܢ̈ܒܐ ܕܫ̈ܒܫܬܝܟܘܢ ܠܐ ܬܩܛܦܘܢ܂ ܫܢܬܐ ܕܫܒܬܐ ܬܗܘܐ ܠܐܪܥܐ܂
25:06 [ai]	ܘܬܗܘܐ ܠܟܘܢ ܫܒܬܐ ܕܐܪܥܐ ܠܡܐܟܘܠܬܐ܂ ܠܟܘܢ ܘܠܥܒ̈ܕܝܟܘܢ ܘܠܐܡ̈ܗܬܟܘܢ܂ ܘܠܐܓܝܪ̈ܝܟܘܢ ܘܠܬܘܬ̈ܒܐ ܕܥܡܿܪܝܢ ܥܡܟܘܢ܂
25:07 [ai]	ܘܠܒܥܝܪ̈ܟܘܢ ܘܠܚܝܘܬܐ ܕܒܐܪܥܟܘܢ ܬܗܘܐ ܠܟܘܢ ܟܘܠܗܿ ܥܠܠܬܐ ܠܡܐܟܘܠܬܐ܂
25:08 [ai]	ܘܡܢܘ ܠܟܘܢ ܫܒܥ ܫ̈ܢܝܢ ܕܫ̈ܒܐ ܫܒܥ ܫ̈ܢܝܢ ܥܠ ܫܒܥ ܙܒ̈ܢܝܢ܂ ܘܢܗܘܘܢ ܠܟܘܢ ܝܘܡ̈ܬܐ ܕܫܒܥ \ܫ̈ܒܐ ܕܫܢܝܐ /ܫܢܝ̈ܐ ܕܫ̈ܒܐ#3#/܂ ܐܪ̈ܒܥܝܢ ܘܬܫܥ ܫ̈ܢܝܢ܂
25:09 [ai]	ܘܩܪܘ ܒܫܝܦܘܪܐ ܕܝܘܒܒܐ ܒܥܣܪܬܐ ܒܝܪܚܐ ܕܫܒܥܐ܂ ܒܝܘܡܐ ܕܚܘܣܝܐ܂ ܩܪܘ ܫܝܦܘܪܐ ܒܟܠܗܿ ܐܪܥܟܘܢ܂
25:10 [ai]	ܘܩܕܫܘܗܿ ܠܫܢܬ ܚܡܫܝܢ ܫ̈ܢܝܢ܂ ܘܩܪܘ ܚܐܪܘܬܐ ܒܐܪܥܐ ‍<‍ܟܠܗ#3#‍>‍ ܠܟܠܗܘܢ ܥܡܘܪ̈ܝܗܿ܂ ܘܦܘܢܝܐ ܢܗܘܐ ܠܟܘܢ܂ ܘܗܦܘܟܘ ܐܢܫ ܠܝܪܬܘܬܗ ܘܐܢܫ ܠܫܪܒܬܗ܂
25:11 [ai]	ܘܦܘܢܝܐ ܒܫܢܬ ܚܡܫܝܢ ܫ̈ܢܝܢ ܢܗܘܐ ܠܟܘܢ܂ ܠܐ ܬܙܪܥܘܢ ܐܪܥܟܘܢ܂ ܘܠܐ/ܐܦ ܠܐ#2#/ ܬܚܨܕܘܢ ܟܐܬܗܿ܂ ܘܠܐ ܬܩܛܦܘܢ ܫܒܫ̈ܬܝܗܿ܂
25:12 [ai]	ܡܛܠ ܕܦܘܢܝܐ ܗܘ ܘܩܘܕܫܐ ܢܗܘܐ ܠܟܘܢ܂ ܘܡܢ ܚܩܠܐ ܐܟܘܠܘ ܥܠܠܬܐ܂
25:13 [ai]	ܒܫܢܬܐ ܗܕܐ ܕܦܘܢܝܐ܂ ܘܗܦܘܟܘ ܐܢܫ ܠܝܪܬܘܬܗ܂
25:14 [ai]	ܘܐܢ ܬܙܿܒܢ ܙܒܢܐ ܠܚܒܪܟ ܐܘ ܐܢ ܬܙܒܢ ܡܢ ܚܒܪܟ܂ ܠܐ ܬܥܠܒܘܢ ܓܒܪ ܠܐܚܘܗܝ܂
25:15 [ai]	ܒܡܢܝܢܐ ܕܫ̈ܢܝܐ ܒܬܪ ܦܘܢܝܐ ܙܒܢ ܡܢ ܚܒܪܟ܂ ܘܒܡܢܝܢܐ ܕܫ̈ܢܝܐ ܕܥܠܠܬܐ ܢܙܒܢ ܠܟ܂
25:16 [ai]	ܠܦܘܬ ܣܘܓܐܐ ܕܫ̈ܢܝܐ ܬܣܓܐ ܙܒܝܢܬܗ܂ ܘܠܦܘܬ ܙܥܘܪܘܬܐ ܕܫ̈ܢܝܐ ܬܙܥܪ ܙܒܝܢܬܗ܂ ܡܛܠ ܕܒܡܢܝܢܐ ܗܘ ܕܥܠܠܬܐ ܕܫܢ̈ܝܐ ܡܙܒܢ ܠܟ܂
25:17 [ai]	ܘܠܐ ܬܥܠܒܘܢ ܐܢܫ ܠܐܚܘܗܝ܂ ܘܕܚܠ ܡܢ ܐܠܗܟ܂ ܡܛܠ ܕܐܢܐ ܐܢܐ ܡܪܝܐ ܐܠܗܟ܂
25:18 [ai]	ܥܒܕܘ ܦܘܩ̈ܕܢܝ܂ ܘܛܪܘ ܕܝܢ̈ܝ ܘܥܒܕܘ ܐܢܘܢ܂ ܘܬܒܘ ܒܐܪܥܐ ܒܫܠܝܐ܂
25:19 [ai]	ܘܬܬܠ ܐܪܥܐ ܦܐܪ̈ܝܗܿ܂ ܘܬܐܟܠܘܢ ܘܬܣܒܥܘܢ܂ ܘܬܬܒܘܢ ܒܗܿ ܒܫܠܝܐ܂
25:20 [ai]	ܘܐܢ ܐܡܪ̈ܝܢ ܐܢܬܘܢ ܡܢܐ ܢܐܟܘܠ ܒܫܢܬܐ ܕܫܒܥ܂ ܕܠܐ ܙܪܥܿܝܢ ܚܢܢ/ܐܢܚܢܢ#3#/ ܘܠܐ ܚܡܿܠܝܢܢ ܥ̈ܠܠܬܗܿ܂
25:21 [ai]	ܐܫܕܪ ܠܟܘܢ ܒܘܪ̈ܟܬܝ ܒܫܢܬܐ ܫܬܝܬܝܬܐ܂ ܘܬܥܒܕ ܥܠܠܬܐ ܕܬܠܬ ܫ̈ܢܝܢ܂
25:22 [ai]	ܘܬܙܪܥܘܢ ܒܫܢܬܐ ܬܡܝܢܝܬܐ܂ ܘܬܐܟܠܘܢ ܡܢ ܥܠܠܬܐ ܥܬܝܩܬܐ܂ ܥܕܡܐ ܠܫܢܬܐ ܬܫܝܥܝܬܐ܂ ܥܕܡܐ ܕܥܐܿܠܐ ܥܠܠܬܐ ܗܘܝܬܘܢ ܐܟܠܝܢ ܥܬܝܩܐ܂
25:23 [ai]	ܘܐܪܥܐ ܒܫܪܪܐ ܠܐ ܬܙܕܒܢ ܠܥܠܡ܂ ܡܛܠ ܕܕܝܠܝ ܗܝ ܐܪܥܐ܂ ܘܥܡܘܪ̈ܐ ܐܢܬܘܢ ܘܬܘܬ̈ܒܐ ܥܡܝ܂
25:24 [ai]	ܘܒܟܠܗܿ ܐܪܥܐ ܕܝܪܬܘܬܟܘܢ܂ ܦܘܪܩܢܐ ܕܐܪܥܐ ܗܘܝܬܘܢ ܝܗܿܒܝܢ܂
25:25 [ai]	ܘܐܢ ܢܬܡܣܟܢ ܐܚܘܟ ܘܢܙܿܒܢ ܡܢ ܝܪܬܘܬܗ܂ ܢܐܬܐ ܩܪܝܒܗ ܕܩܪܝܒ ܠܗ܂ ܢܦܪܘܩ ܙܒܢܗ ܕܐܚܘܗܝ܂
25:26 [ai]	ܘܐܢ ܠܝܬ ܡܿܢ ܕܦܪܩ܂ ܘܢܡܛܐ ܒܐ̈ܝܕܗܝ܂ ܘܢܫܟܚ ܡܣܬ ܦܘܪܩܢܗ܂
25:27 [ai]	ܢܚܫܘܒ ܫ̈ܢܝܐ ܕܙܒܝܢܬܗ/ܕܙܒܝܢܘܬܐ#3#/܂ ܘܢܦܢܐ ܝܬܝܪܐ ܠܓܒܪܐ ܕܙܒܢ ܡܢܗ܂ ܘܢܗܦܘܟ ܠܝܪܬܘܬܗ܂
25:28 [ai]	ܘܐܠܐ ܡܿܛܐ ܒܐ̈ܝܕܘܗܝ ܐܝܟ ܕܢܦܪܥܝܘܗܝ܂ ܬܗܘܐ ܙܒܝܢܬܐ܂ ܫܪܝܪܐ ܠܡܿܢ ܕܙܒܢܗܿ܂ ܥܕܡܐ ܠܫܢܬܐ ܕܦܘܢܝܐ܂ ܘܢܦܘܩ ܒܦܘܢܝܐ ܘܢܗܦܘܟ ‍<‍ܗܘܐ#3#‍>‍ ܠܝܪܬܘܬܗ܂
25:29 [ai]	ܘܓܒܪܐ ܐܢ ܢܙܿܒܢ ܒܝܬ ܡܥܡܪܐ ܕܩܪܝܬܐ ܕܐܝܬ ܠܗܿ ܫܘܪܐ܂ ܢܗܘܐ ܦܘܪܩܢܗ ܥܕܡܐ ܕܫܠܡܐ ܫܢܬܐ ܕܙܒܝܢܬܗ܂ ܡܢ ܥܕܢ ܠܥܕܢ ܢܗܘܐ ܦܘܪܩܢܗ܂
25:30 [ai]	ܘܐܢ ܠܐ ܡܬܦܪܩ ܥܕܡܐ ܕܫܠܡܐ/ܕܡܠܝܐ#3#/ ܠܗܿ ܫܢܬܐ ܫܠܡܬܐ܂ ܢܩܘܡ ܒܝܬܐ ܕܒܩܪܝܬܐ ܕܐܝܬ ܠܗܿ ܫܘܪܐ ܒܫܪܪܐ ܠܡܿܢ ܕܙܒܢܗ܂ ܘܢܗܘܐ ܠܕܪ̈ܘܗܝ܂ ܘܠܐ ܢܦܘܩ ܡܢܗ ܒܦܘܢܝܐ܂
25:31 [ai]	ܒ̈ܬܐ ܕܝܢ ܕܫ̈ܛܚܐ \ܕܠܐ ܚܿܕܪ ܠܗܘܢ ܫܘܪܐ /ܕܚܕܪ ܠܗܘܢ ܫܘܪܐ#2#/܂ ܐܝܟ ܚܩܠܐ ܕܐܪܥܐ ܢܬܚܫܒܘܢ܂ ܦܘܪܩܢܐ ܢܗܘܐ ܠܗܘܢ܂ ܘܒܦܘܢܝܐ ܢܦܘܩ܂
25:32 [ai]	ܘܩܘܪ̈ܝܐ ܕܠܘ̈ܝܐ ܒ̈ܬܐ ܕܒܩܘܪ̈ܝܐ ܕܝܪܬܘܬܗܘܢ܂ ܦܘܪܩܢܐ ܠܥܠܡ ܢܗܘܐ ܠܠܘ̈ܝܐ܂
25:33 [ai]	ܘܕܢܦܪܘܩ ܦܘܪܩܢܐ ܡܢ ܠܘ̈ܝܐ܂ ܢܦܘܩ ܡܢ ܙܒܢܗ ܕܒܝܬܐ܂ ܘܩܪܝܬܐ ܕܝܪܬܘܬܗ ܒܦܘܢܝܐ܂ ܡܛܠ ܕܒ̈ܬܐ ܕܩܘܪ̈ܝܐ ܕܠܘ̈ܝܐ܂ ܗܢܘܢ ܐܢܘܢ ܝܪܬܘܬܗܘܢ ܒܝܢܬ ܒܢ̈ܝ ܐܝܣܪܝܠ܂
25:34 [ai]	ܘܚܩܠܐ ܕܒܣܦܪ̈ܝ ܩܘܪ̈ܝܗܘܢ ܠܐ ܬܙܕܒܢ܂ ܡܛܠ ܕܝܘܪܬܢܐ ܗܝ ܠܗܘܢ ܠܥܠܡ܂
25:35 [ai]	ܘܐܢ ܢܬܡܣܟܢ ܐܚܘܟ ܘܢܪܟܢ ܐܝܕܗ܂ ܥܡܟ ܠܐ ܬܐܚܕܝܘܗܝ ܐܝܟ ܥܡܘܪܐ ܘܐܝܟ ܬܘܬܒܐ܂ ܘܢܚܐ ܥܡܟ܂
25:36 [ai]	ܠܐ ܬܣܒ ܡܢܗ ܩܨܨܐ ܘܪܒܝܬܐ܂ ܘܕܚܠ ܡܢ ܐܠܗܟ܂ ܘܢܚܐ ܐܚܘܟ ܥܡܟ܂
25:37 [ai]	ܟܣܦܟ ܠܐ ܬܬܠ ܠܗ ܒܩܨܨܐ܂ ܘܒܪܒܝܬܐ ܠܐ ܬܬܠ ܡܐܟܘܠܬܟ܂
25:38 [ai]	ܐܢܐ ܐܢܐ ܡܪܝܐ ܐܠܗܟܘܢ ܕܐܦܩܿܬܟܘܢ ܡܢ ܐܪܥܐ ܕܡܨܪܝܢ܂ ܕܐܬܠ ܠܟܘܢ ܐܪܥܐ ܕܟܢܥܢ܂ ܘܐܗܘܐ ܠܟܘܢ ܐܠܗܐ܂
25:39 [ai]	ܘܐܢ ܢܬܡܣܟܢ ܐܚܘܟ ܘܢܙܕܒܢ ܠܟ܂ ܠܐ ܬܦܠܘܚ ܒܗ ܦܘܠܚܢܐ ܕܥܒܼ̈ܕܐ܂
25:40 [ai]	ܐܝܟ ܐܓܝܪܐ ܘܐܝܟ ܬܘܬܒܐ ܢܗܘܐ/ܢܦܠܘܚ#3#/ ܥܡܟ܂ ܥܕܡܐ ܠܫܢܬܐ ܕܦܘܢܝܐ ܢܗܘܐ ܥܡܟ܂
25:41 [ai]	ܘܢܦܘܩ ܡܢ ܠܘܬܟ ܗܘ ܘܒ̈ܢܘܗܝ ܥܡܗ܂ ܘܢܗܦܘܟ ܠܫܪܒܬܗ܂ ܘܠܝܪܬܘܬܐ ܕܐܒܘܗܝ ܢܗܦܘܟ܂
25:42 [ai]	ܡܛܠ ܕܥܒ̈ܕܝ ܐܢܘܢ ܕܐܦܿܩܬ ܐܢܘܢ ܡܢ ܐܪܥܐ ܕܡܨܪܝܢ܂ ܠܐ ܢܙܕܒܢܘܢ ܒܙܒܢܐ ܕܥܒ̈ܕܐ܂
25:43 [ai]	ܘܠܐ ܬܦܠܚܝܘܗܝ ܦܘܠܚܢܐ ܩܫܝܐ܂ ܘܕܚܠ ܡܢ ܐܠܗܟ܂
25:44 [ai]	ܘܥܒ̈ܕܝܟܘܢ ܘܐܡ̈ܗܬܟܘܢ ܕܢܗܘܘܢ ܠܟܘܢ ܡܢ ܥܡ̈ܡܐ ܕܒܚܕܪ̈ܝܟܘܢ܂ ܡܢܗܘܢ ܬܙܒܢܘܢ ܥܒ̈ܕܐ ܘܐܡܗ̈ܬܐ܂
25:45 [ai]	ܘܐܦ ܡܢ ܒ̈ܢܝ ܬܘ̈ܬܒܐ ܕܥܡܪܝܢ ܥܡܟܘܢ܂ ܡܢܗܘܢ ܬܩܢܘܢ܂ ܘܡܢ ܫܪ̈ܒܬܗܘܢ ܕܥܡܟܘܢ܂ ܕܐܘܠܕܘ ܒܐܪܥܟܘܢ܂ ܘܢܗܘܘܢ ܠܟܘܢ ܝܘܪܬܢܐ܂
25:46 [ai]	ܘܐܘܪܬܘ ܐܢܘܢ ܠܒ̈ܢܝܟܘܢ ܒܬܪܟܘܢ ܠܡܐܪܬ ܝܘܪܬܢܐ܂ ܘܠܥܠܡ ܒܗܘܢ ܬܦܠܚܘܢ܂ ܘܒܐ̈ܚܝܟܘܢ ܒ̈ܢܝ ܐܝܣܪܐܝܠ܂ ܓܒܪ ܒܐܚܘܗܝ ܠܐ ܬܦܠܚܘܢ ܦܘܠܚܢܐ ܩܫܝܐ܂
25:47 [ai]	ܘܐܢ ܣܦܩܐ ܒܐ̈ܝܕܘܗܝ ܕܥܡܘܪܐ ܘܕܬܘܬܒܐ ܕܥܡܟ܂ ܘܢܬܡܣܟܢ ܐܚܘܟ ܥܡܗ܂ ܘܢܙܕܒܢ ܠܥܡܘܪܐ ܘܠܬܘܬܒܐ ܕܥܡܟ܂ ܐܘ ܠܐܝܠܝܕܐ ܕܫܪܒܬܐ ܕܥܡܘܪܐ ܕܥܡܟ܂
25:48 [ai]	ܡܢ ܒܬܪ ܕܢܙܕܒܢ܂ ܦܘܪܩܢܐ ܢܗܘܐ ܠܗ܂ ܚܕ ܡܢ ܐ̈ܚܘܗܝ ܢܦܪܩܝܘܗܝ܂
25:49 [ai]	ܐܘ ܕܕܗ ܐܘ ܒܪ ܕܕܗ ܢܦܪܩܝܘܗܝ܂ ܡܢ ܩܪܝܒ ܒܣܪܗ ܡܢ ܫܪܒܬܗ ܢܦܪܩܝܘܗܝ܂ ܘܐܢ ܬܣܦܩ ܒܐ̈ܝܕܘܗܝ ܘܢܬܦܪܩ܂
25:50 [ai]	ܢܚܫܘܒ ܥܡ ܙܒܘܢܗ ܡܢ ܫܢܬܐ ܕܐܙܕܒܢ ܠܗ܂ ܥܕܡܐ ܠܫܢܬܐ ܕܦܘܢܝܐ܂ ܘܢܗܘܐ ܟܣܦܐ ܕܙܒܢܗ܂ ܒܡܢܝܢܐ ܕܫܢܝ̈ܐ܂ ܐܝܟ ܝܘܡ̈ܬܐ ܕܐܓܝܪܐ ܢܗܘܐ ܥܡܗ܂
25:51 [ai]	ܘܐܢ ܩܝ̈ܡܢ ܬܘܒ ܣܘܓܐܐ ܕܫ̈ܢܝܐ ܠܦܘܬܗܝܢ܂ ܢܗܦܟ/ܢܗܦܘܟ#1##2#/ ܦܘܪܩܢܗ ܡܢ ܟܣܦܐ ܕܙܒܝܢܬܗ܂
25:52 [ai]	ܘܐܢ ܩܠܝܠ ܢܫܬܚܪ ܒܫ̈ܢܝܐ܂ ܥܕܡܐ ܠܫܢܬܐ ܕܦܘܢܝܐ ܢܚܫܘܒ/ܢܚܫܒ#3#/ ܥܡܗ܂ ܘܐܝܟ ܠܦܘܬ ܫ̈ܢܘܗܝ ܢܗܦܟ ܦܘܪܩܢܗ܂
25:53 [ai]	ܐܝܟ ܐܓܝܪܐ ܫܢܐ ܒܫܢܐ ܢܗܘܐ ܥܡܗ܂ ܠܐ ܢܦܠܚܝܘܗܝ ܩܫܝܐܝܬ ܠܥܢܝ̈ܟ܂
25:54 [ai]	ܘܐܢ ܠܐ ܢܬܦܪܩ ܒܗܠܝܢ܂ ܢܦܘܩ ܒܫܢܬܐ ܕܦܘܢܝܐ܂ ܗܘ ܘܒܢ̈ܘܗܝ ܥܡܗ܂
25:55 [ai]	ܡܛܠ ܕܒܢ̈ܝ ܐܝܣܪܐܝܠ ܕܝܠܝ ܐܢܘܢ ܥܒܿ̈ܕܐ܂ ܥܒܼ̈ܕܝ ܐܢܘܢ ܕܐܦܿܩܬ ܐܢܘܢ ܡܢ ܐܪܥܐ ܕܡܨܪܝܢ܂ ܐܢܐ ܐܢܐ ܡܪܝܐ ܐܠܗܟܘܢ܂

next chapter