← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


26:01 [ai]ܠܐ ܬܥܒܕܘܢ ܠܟܘܢ ܕܚ̈ܠܬܐ ܘܨ̈ܠܡܐ܂ ܘܩܝܡ̈ܬܐ ܠܐ ܬܩܝܡܘܢ ܠܟܘܢ܂ ܘܟܐ̈ܦܐ ܕܣ̈ܓܕܬܐ ܠܐ ܬܥܒܕܘܢ ܒܐܪܥܟܘܢ܂ ܘܠܐ ܬܣܓܕܘܢ ܠܗܝܢ܂ ܐܢܐ ܐܢܐ ܡܪܝܐ ܐܠܗܟܘܢ܂
26:02 [ai]ܦܘܩ̈ܕܢܝ/ܫ̈ܒܝ#3#/ ܛܪܘ܂ ܘܡܢ ܡܩܕܫܝ ܕܚܠܘ܂ ܐܢܐ ܐܢܐ ܡܪܝܐ܂
26:03 [ai]ܐܢ ܒܢܡ̈ܘܣܝ ܬܗܠܟܘܢ ܘܦܘܩ̈ܕܢܝ ܬܛܪܘܢ܂ ܘܬܥܒܕܘܢ ܐܢܘܢ܂
26:04 [ai]ܐܬܠ ܡܛܪ̈ܝܟܘܢ ܒܙܒܢܗܘܢ܂ ܘܐܪܥܐ ܬܬܠ ܥ̈ܠܠܬܗܿ܂ ܘܐܝܠܢܐ ܕܚܩܠܐ ܢܬܠ ܦܐܪ̈ܘܗܝ܂
26:05 [ai]ܘܬܕܪܟ ܕܪܟܬܐ ܠܩܛܦܐ܂ ܘܩܛܦܐ ܢܕܪܟ ܠܙܪܥܐ܂ ܘܬܐܟܠܘܢ ܠܚܡܟܘܢ ܘܬܣܒܥܘܢ ܘܬܬܒܘܢ ܒܐܪܥܟܘܢ ܒܫܠܝܐ܂
26:06 [ai]ܘܐܬܠ ܫܠܡܐ ܒܐܪܥܟܘܢ܂ ܘܬܕܡܟܘܢ ܘܠܐ ܢܗܘܐ ‍<‍ܡܿܢ#3#‍>‍ ܕܡܕܚܠ ܠܟܘܢ܂ ܘܐܒܛܠ ܚܝܘܬܐ ܒܝܫܬܐ ܡܢ ܐܪܥܐ܂ ܘܚܪܒܐ ܠܐ ܬܥܒܪ ܒܐܪܥܟܘܢ܂
26:07 [ai]ܘܬܪܕܦܘܢ ܠܒ̈ܥܠܕܒܒܝܟܘܢ܂ ܘܢܦܠܘܢ ܩܕܡܝܟܘܢ ܒܚܪܒܐ܂
26:08 [ai]ܘܢܪܕܦܘܢ ܚܡܫܐ ܡܢܟܘܢ ܠܡܐܐ܂ ܘܡܐܐ ܡܢܟܘܢ ܢܪܕܦܘܢ ܠܪܒܘܬܐ܂ ܘܢܦܠܘܢ ܒ̈ܥܠܕܒܒܝܟܘܢ ܩܕܡܝܟܘܢ ܒܚܪܒܐ܂
26:09 [ai]ܘܐܬܦܢܐ ܥܠܝܟܘܢ ܘܐܟܒܪܟܘܢ ܘܐܣܓܝܟܘܢ܂ ܘܐܩܝܡ ܩܝܡܝ ܥܡܟܘܢ܂
26:10 [ai]ܘܬܐܟܠܘܢ ܥܬܝܩܐ ܕܥܬܝܩ܂ ܘܥܬܝܩܐ ܡܢ ܩܕܡ ܚܕܬܐ ܬܦܩܘܢ܂
26:11 [ai]ܘܐܬܠ ܡܫܟܢܝ ܒܝܢܬܟܘܢ܂ ܘܠܐ ܬܓܥܨ ܢܦܫܝ ܡܢܟܘܢ܂
26:12 [ai]ܘܐܗܠܟ ܒܝܢܬܟܘܢ܂ ܘܐܗܘܐ ܠܟܘܢ ܐܠܗܐ܂ ܘܐܢܬܘܢ ܬܗܘܘܢ ܠܝ ܥܡܐ܂
26:13 [ai]ܐܢܐ ܐܢܐ ܡܪܝܐ ܐܠܗܟܘܢ ܕܐܦܩܿܬܟܘܢ ܡܢ ܐܪܥܐ ܕܡܨܪܝܢ܂ ܕܠܐ ܬܗܘܘܢ ܠܗܘܢ ܥܒ̈ܕܐ ܘܬܒܿܪܬ ܢܝܪܐ ܕܫܘܥܒܕܟܘܢ܂ ܘܗܠܟܬܟܘܢ ܒܩܘܡܬܐ ܦܫܝܛܬܐ܂
26:14 [ai]ܐܢ ܠܐ ܕܝܢ ܬܫܡܥܘܢܢܝ܂ ܘܠܐ ܬܥܒܕܘܢ ܗܠܝܢ ܟܠܗܘܢ ܦܘܩ̈ܕܢܐ܂
26:15 [ai]ܐܢ ܢܡܘ̈ܣܝ ܬܣܠܘܢ܂ ܘܒܕܝܢ̈ܝ ܬܓܥܨ ܢܦܫܟܘܢ܂ ܘܠܐ ܬܥܒܕܘܢ ܟܠܗܘܢ ܦܘܩ̈ܕܢܝ܂ ܘܩܝ̈ܡܝ ܬܒܛܠܘܢ܂
26:16 [ai]ܐܦ ܐܢܐ ܗܟܢܐ ܐܥܒܕ ܠܟܘܢ܂ ܐܦܩܘܕ ܥܠܝܟܘܢ ܬܗܪܐ܂ ܘܓܪܒܐ ܘܩܠܦܝܬܐ܂ ܘܪܕܝܐ ܕܡܓܡܪ ܥܝ̈ܢܐ܂ ܘܡܕܝܒ ܢܦܫܐ܂ ܘܬܙܪܥܘܢ ܙܪܥܟܘܢ ܣܪܝܩܐܝܬ܂ ܘܢܐܟܠܘܢܗ ܒ̈ܥܠܕܒܒܝܟܘܢ܂
26:17 [ai]ܘܐܬܠ ܪܘܓܙܝ ܒܟܘܢ ܘܬܬܒܪܘܢ ܩܕܡ ܒ̈ܥܠܕܒܒܝܟܘܢ܂ ܘܢܫܬܠܛܘܢ ܒܟܘܢ ܣܢܐ̈ܝܟܘܢ܂ ܘܬܐܥܪܩܘܢ ܟܕ ܠܝܬ ‍<‍ܡܿܢ#3#‍>‍ ܕܪܕܦ ܠܟܘܢ܂
26:18 [ai]ܘܐܢ ܬܘܒ ܒܗܠܝܢ ܠܐ ܬܫܡܥܘܢܢܝ܂ ܐܘܣܦ ܠܡܪܕܟܘܢ ܚܕ ܒܫܒܥܐ ܠܚ̈ܛܗܝܟܘܢ܂
26:19 [ai]ܘܐܬܒܪ ܓܐܝܘܬܐ ܕܥܘܫܢܟܘܢ܂ ܘܐܥܒܕ ܫܡ̈ܝܟܘܢ ܐܝܟ ܦܪܙܠܐ܂ ܘܐܪܥܟܘܢ ܐܝܟ ܢܚܫܐ܂
26:20 [ai]ܘܢܓܡܪ ܚܝܠܟܘܢ ܒܣܪܝܩܘܬܐ܂ ܘܐܪܥܟܘܢ ܠܐ ܬܬܠ ܥ̈ܠܠܬܗܿ܂ ܘܐ̈ܝܠܢܐ ܕܐܪܥܐ ܠܐ ܢܬܠܘܢ ܦܐܪ̈ܝܗܘܢ܂
26:21 [ai]ܘܐܢ ܬܗܠܟܘܢ ܥܡܝ ܩܪܝܐܝܬ܂ ܘܠܐ ܬܨܒܘܢ ܠܡܫܡܥܢܝ܂ ܐܘܣܦ ܥܠܝܟܘܢ ܡܚ̈ܘܬܐ ܚܕ ܒܫܒܥܐ ܠܚ̈ܛܗܝܟܘܢ܂
26:22 [ai]ܘܐܫܕܪ ܥܠܝܟܘܢ ܚܝܘܬܐ ܕܚܩܠܐ/ܕܕܒܪܐ#3#/ܕܐܪܥܐ#3#/ ܘܬܓܙܝܟܘܢ܂ ܘܬܘܒܕ ܒܥܝܪ̈ܟܘܢ ܘܬܙܥܪܟܘܢ ܘܢܨ̈ܕܝܢ ܐܘܪ̈ܚܬܟܘܢ܂
26:23 [ai]ܘܐܢ ܬܘܒ ܒܗܠܝܢ ܠܐ ܬܬܪܕܘܢ܂ ܘܬܗܠܟܘܢ ܥܡܝ ܩܪܝܐܝܬ܂
26:24 [ai]ܐܗܠܟ ܐܦ ܐܢܐ ܥܡܟܘܢ ܩܪܝܐܝܬ܂ ܘܐܡܚܝܟܘܢ ܐܦ ܐܢܐ ܚܕ ܒܫܒܥܐ ܠܚ̈ܛܗܝܟܘܢ܂
26:25 [ai]ܘܐܝܬܐ/ܘܐܬܠ#3#/ ܥܠܝܟܘܢ ܚܪܒܐ܂ ܕܡܬܦܪܥܐ ܦܘܪܥܢܐ ܕܩܝܡܐ܂ ܘܬܥܪܩܘܢ ܠܩܘܪ̈ܝܟܘܢ܂ ܘܐܫܕܪ ܒܟܘܢ/ܥܠܝܟܘܢ#3#/ ܡܘܬܢܐ܂ ܘܬܫܬܠܡܘܢ ܒܐܝܕܐ ܘܒ̈ܥܠܕܒܒܐ܂
26:26 [ai]ܘܐܬܒܪ ܩܢܝܐ ܕܥܒܘܪܟܘܢ܂ ܘܢܐ̈ܦܝܢ ܥܣܪ̈ ܢܫ̈ܝܢ ܠܚܡܟܘܢ ܒܚܕ ܬܢܘܪ܂ ܘܢܬܠܢ ܠܟܘܢ ܠܚܡܐ ܒܡܬܩܠܐ܂ ܘܬܐܟܠܘܢ ܘܠܐ ܬܣܒܥܘܢ܂
26:27 [ai]ܘܐܢ ܒܗܠܝܢ/ܒܗܕܐ#3#/ ܬܘܒ ܠܐ ܬܫܡܥܘܢܢܝ܂ ܘܬܗܠܟܘܢ ܥܡܝ ܩܪܝܐܝܬ܂
26:28 [ai]ܘܐܦ ܐܢܐ ܐܗܠܟ ܥܡܟܘܢ ܒܚܡܬܐ ܘܒܩܪܝܝܘܬܐ܂ ܘܐܪܕܝܟܘܢ ܚܕ ܒܫܒܥܐ ܠܚ̈ܛܗܝܟܘܢ܂
26:29 [ai]ܘܬܐܟܠܘܢ ܒܣܪܐ ܕܒܢ̈ܝܟܘܢ܂ ܘܒܣܪܐ ܕܒܢ̈ܬܟܘܢ ܬܐܟܠܘܢ܂
26:30 [ai]ܘܐܚܪܒ ܦܪ̈ܟܝܟܘܢ ܘܐܘܒܕ ܕܚ̈ܠܬܟܘܢ܂ ܘܐܪܡܐ ܦܓܪ̈ܝܟܘܢ ܥܠ ܦܓܪ̈ܐ ܕܕܚ̈ܠܬܟܘܢ܂ ܘܬܓܥܨ ܢܦܫܝ ܡܢܟܘܢ܂
26:31 [ai]ܘܐܥܒܕ ܩܘܪ̈ܝܟܘܢ ܠܚܘܪܒܐ܂ ܘܐܨܕܐ ܡܩܕܫܟܘܢ܂ ܘܠܐ ܐܪܝܚ ܪܝܚܐ ܕܣܘܬܟܘܢ/ܕܢܝܚܟܘܢ#3#/܂
26:32 [ai]ܘܐܚܪܒܝܗܿ ܐܦ ܐܢܐ ܠܐܪܥܐ܂ ܘܢܬܡܗܘܢ ܥܠܝܗܿ ܒ̈ܥܠܕܒܒܝܟܘܢ ܕܥܡܿܪܝܢ ܒܗܿ܂
26:33 [ai]ܘܠܟܘܢ ܐܒܕܪ ܒܝܬ ܥܡ̈ܡܐ܂ ܘܐܫܡܘܛ ܒܬܪܟܘܢ ܣܝܦܐ܂ ܘܬܗܘܐ ܐܪܥܟܘܢ ܠܚܒܠܐ܂ ܘܩܘܪ̈ܝܟܘܢ ܢܗܘܝܢ ܠܚܘܪܒܐ܂
26:34 [ai]ܘܗܝܕܝܢ ܬܨܛܒܐ/ܬܨܒܐ#3#/ ܐܪܥܐ ܒܫ̈ܒܝܗܿ܂ ܟܠܗܘܢ ܝܘܡ̈ܬܐ ܕܨܕܝܘܬܗܿ܂ ܟܕ ܐܢܬܘܢ ܒܐܪܥܐ ܕܒ̈ܥܠܕܒܒܝܟܘܢ܂ ܘܗܝܕܝܢ ܬܫܒܬ ܐܪܥܐ ܘܬܨܛܒܐ ܒܫ̈ܒܝܗܿ܂
26:35 [ai]ܟܠܗܘܢ ܝܘܡ̈ܬܐ ܕܨܕܝܘܬܗܿ/ܕܨܪܝܟܘܬܗܿ#3#/܂ ܬܫܒܬ ܥܠ ܕܠܐ ܐܫܒܬܬ ܒܫ̈ܒܝܟܘܢ܂ ܟܕ ܥܡܿܪܝܢ ܗܘܝܬܘܢ ܒܗܿ܂
26:36 [ai]ܘܕܡܫܬܚܪܝܢ ܒܟܘܢ ܐܪܡܐ ܪܗܝܒܘܬܐ ܒܠܒܗܘܢ܂ ܒܐܪ̈ܥܬܐ ܕܒ̈ܥܠܕܒܒܝܗܘܢ܂ ܘܢܪܕܘܦ ܐܢܘܢ ܩܠ/ܒܟܠ#3#/ ܛܪܦܐ ܕܢܩܿܫ܂ ܘܢܥܪܩܘܢ ܐܝܟ ܕܥܪܩܿܝܢ ܡܢ ܩܕܡ ܣܝܦܐ܂ ܘܢܦܠܘܢ ܟܕ ܠܝܬ ‍<‍ܡܢ#3#‍>‍ ܕܪܕܦ ܠܗܘܢ܂
26:37 [ai]ܘܢܬܬܩܠܘܢ ܓܒܪ ܒܐܚܘܗܝ \ܐܝܟ ܕܡܢ /ܡܢ#3#/ ܩܕܡ ܚܪܒܐ܂ ܟܕ ܠܝܬ ܕܪܕܦ ܠܗܘܢ܂ ܘܠܐ ܬܗܘܐ ܠܗܘܢ ܩܝܡܬܐ ܩܕܡ ܒܥܠܕܒܒܝ̈ܗܘܢ܂
26:38 [ai]ܘܬܐܒܕܘܢ ܒܝܬ ܥܡ̈ܡܐ܂ ܘܬܐܟܘܠܟܘܢ ܐܪܥܐ ܕܒ̈ܥܠܕܒܒܝܟܘܢ܂
26:39 [ai]ܘܐܝܠܝܢ ܕܡܫܬܚܪܝܢ ܒܟܘܢ ܢܬܡܣܘܢ ܒܥܘܠܗܘܢ܂ ܒܐܪܥܐ ܕܒ̈ܥܠܕܒܒܝܗܘܢ܂ ܘܐܦ ܒܥܘܠܐ ܕܐ̈ܒܗܝܗܘܢ ܗܢܘܢ ܢܬܡܣܘܢ܂
26:40 [ai]ܘܢܘܕܘܢ ܥܘܠܗܘܢ ܘܥܘܠܐ ܕܐ̈ܒܗܝܗܘܢ܂ ܒܥܘܠܐ ܕܐܥܠܝܘ ܒܝ܂ ܘܕܗܠܟܘ ܥܡܝ ܒܩܪܝܝܘܬܐ/ܒܡܪܚܘܬܐ#3#/܂
26:41 [ai]ܐܦ ܐܢܐ ܐܗܠܟ ܥܡܗܘܢ ܒܩܪܝܝܘܬܐ܂ ܘܐܝܬܐ ܐܢܘܢ ܠܐܪܥܐ ܕܒ̈ܥܠܕܒܒܝܗܘܢ܂ ܘܗܝܕܝܢ ܢܬܬܒܪ ܠܒܗܘܢ ܥܘܪܠܐ܂ ܘܗܝܕܝܢ ܢܨܛܒܘܢ ܒܥܘܠܗܘܢ܂
26:42 [ai]ܘܐܬܕܟܪ ܩܝܡܝ ܕܥܡ ܝܥܩܘܒ܂ ܘܩܝܡܝ ܕܥܡ ܐܝܣܚܩ܂ ܘܩܝܡܝ ܕܥܡ ܐܒܪܗܡ ܐܬܕܟܪ܂ ܘܐܪܥܐ ܐܬܕܟܪ܂
26:43 [ai]ܘܐܪܥܐ ܬܫܬܒܩ ܡܢܗܘܢ܂ ܘܬܨܛܒܐ ܒܫ̈ܒܝܗܿ܂ ܡܐ ܕܨܕܬ ܡܢܗܘܢ܂ ܘܗܢܘܢ ܢܨܛܒܘܢ ܒܥܘܠܗܘܢ܂ ܥܠ ܕܐܣܠܝܘ ܕܝܢ̈ܝ܂ ܘܒܦܘܩ̈ܕܢܝ ܓܥܨܬ ܢܦܫܗܘܢ܂
26:44 [ai]ܘܐܦ ܟܕ ܗܘܘ ܒܐܪܥܐ ܕܒ̈ܥܠܕܒܒܝܗܘܢ܂ ܠܐ ܐܣܿܠܝܬ ܐܢܘܢ ܘܠܐ ܕܚܿܩܬ ܐܢܘܢ܂ ܘܠܐ ܐܘܒܿܕܬ ܐܢܘܢ܂ ܘܠܐ ܒܿܛܠܬ ܩܝܡܝ ܕܥܡܗܘܢ܂
26:45 [ai]ܐܠܐ ܐܬܕܟܪܬ ܠܗܘܢ ܩܝܡܐ ܕܩܕܡ̈ܝܐ܂ ܡܛܠ ܕܐܢܐ ܐܢܐ ܡܪܝܐ ܐܠܗܗܘܢ܂ ܕܐܦܩܿܬ ܐܢܘܢ ܡܢ ܐܪܥܐ ܕܡܨܪܝܢ܂ ܠܥܝܢ ܥܡ̈ܡܐ܂ ܘܗܿܘܝܬ ܠܗܘܢ ܐܠܗܐ܂ ܐܢܐ ܐܢܐ ܡܪܝܐ܂
26:46 [ai]ܗܠܝܢ ܦܘܩ̈ܕܢܐ ܘܢܡܘ̈ܣܐ ܘܕܝ̈ܢܐ܂ ܕܝܗܒ ܡܪܝܐ ܒܝܢ̈ܘܗܝ܂ ܠܒ̈ܢܝ ܐܝܣܪܝܠ ܒܛܘܪܐ ܕܣܝܢܝ ܒܐܝܕܐ ܕܡܘܫܐ܂

next chapter