← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62003: P Lv

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


27:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
27:02 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܓܒܪܐ ܟܕ ܢܦܪܘܫ ܢܕܪܐ ܒܕܡ̈ܝܐ ܕܢܦܫ̈ܬܐ ܠܡܪܝܐ܂
27:03 [ai]ܢܗܘܘܢ ܕܡ̈ܘܗܝ ܕܕܟܪܐ ܡܢ ܒܪ ܥܣܪ̈ܝܢ ܫ̈ܢܝܢ ܘܠܥܠ܂ ܘܥܕܡܐ ܠܒܪ ܫܬܝܢ ܫ̈ܢܝܢ ܢܗܘܘܢ ܕܡ̈ܘܗܝ ܚܡܫܝܢ ܡܬܩ̈ܠܝܢ ܕܟܣܦܐ܂ ܒܡܬܩܠܐ ܕܩܘܕܫܐ܂
27:04 [ai]ܘܐܢ ܢܩܒܬܐ ܗܝ܂ ܢܗܘܘܢ ܕܡ̈ܝܗܿ ܬܠܬܝܢ ܡܬܩ̈ܠܝܢ܂
27:05 [ai]ܘܐܢ ܡܢ ܒܪ ܚܡܫ ܫ̈ܢܝܢ ܘܥܕܡܐ ܠܒܪ ܥܣܪ̈ܝܢ ܫ̈ܢܝܢ܂ ܢܗܘܘܢ ܕܡ̈ܘܗܝ ܕܕܟܪܐ ܥܣܪ̈ܝܢ ܡܬܩ̈ܠܝܢ܂
27:06 [ai]ܘܕܢܩܒܬܐ ܥܣܪܐ ܡܬܩ̈ܠܝܢ܂ ܘܐܢ ܡܢ ܒܪ ܝܪܚܐ ܘܥܕܡܐ ܠܒܪ ܚܡܫ ܫ̈ܢܝܢ܂ ܢܗܘܘܢ ܕܡ̈ܘܗܝ ܕܕܟܪܐ܂ ܚܡܫܐ ܡܬܩ̈ܠܝܢ ܕܟܣܦܐ܂ ܘܕܢܩܒܬܐ ܬܠܬܐ ܡܬܩ̈ܠܝܢ ܕܟܣܦܐ܂
27:07 [ai]ܘܐܢ ܕܟܪܐ ܗܘ ܡܢ ܒܪ ܫܬܝܢ ܫ̈ܢܝܢ ܘܠܥܠ܂ ܢܗܘܘܢ ܕܡ̈ܘܗܝ ܚܡܫܬܥܣܪ ܡܬܩ̈ܠܝܢ܂ ܘܕܢܩܒܬܐ ܥܣܪܐ ܡܬ̈ܩܠܝܢ܂
27:08 [ai]ܘܐܢ ܡܣܟܝܢ ܗܘ ܡܢ ܕܡ̈ܝܐ܂ ܢܩܝܡܘܢܗ ܩܕܡ ܟܗܢܐ܂ ܘܢܦܣܘܩ ܟܗܢܐ ܕܡ̈ܘܗܝ܂ ܐܝܟ ܕܣܦܩܐ ܒܐ̈ܝܕܘܗܝ܂ ܕܡܿܢ ܕܢܿܕܪ ܢܕܪܐ܂ ܗܟܢܐ ܢܦܣܘܩ ܕܡ̈ܘܗܝ ܟܗܢܐ܂
27:09 [ai]ܘܐܢ ܒܥܝܪܐ ܗܝ ܕܡܩܪܒܝܢ ܡܢܗܿ ܩܘܪܒܢܐ ܠܡܪܝܐ܂ ܟܠ ܕܝܿܗܒ ܡܢܗܿ ‍<‍ܩܘܪܒܢܐ#1##2#‍>‍ ܠܡܪܝܐ܂ ܢܗܘܐ ܩܕܝܫ܂
27:10 [ai]ܠܐ ܢܚܠܦܝܘܗܝ ܛܒܐ ܒܒܝܫܐ܂ ܘܒܝܫܐ ܒܛܒܐ܂ ܘܐܢ ܡܚܠܦܘ ܢܚܠܦ ܒܥܝܪ̈ܐ ܒܒܥܝܪ̈ܐ ܗܝ ܘܬܚܠܘܦܗܿ ܢܗܘܘܢ ܩܘܕܫܐ ܠܡܪܝܐ܂
27:11 [ai]ܘܐܢ ܒܥܝܪ̈ܐ ܗܝ ܛܡܐܬܐ ܕܠܐ ܡܩܪܒܝܢ ܡܢܗܿ ܩܘܪܒܢܐ ܠܡܪܝܐ܂ ܢܩܝܡܘܢܗܿ ܠܒܥܝܪܐ ܩܕܡ ܟܗܢܐ܂
27:12 [ai]ܘܢܦܣܘܩ ܕܡ̈ܝܗܿ ܟܗܢܐ ܒܝܬ ܛܒܬܐ ܠܒܝܫܬܐ܂ ܘܐܝܟ ܕܦܣܩ ܕܡ̈ܝܗܿ ܟܗܢܐ ܗܟܢܐ ܢܗܘܐ܂
27:13 [ai]ܘܐܢ ܡܦܪܩ ܢܦܪܩܝܗܿ ܢܘܣܦ ܚܕ ܡܢ ܚܡܫܐ ܥܠ ܕܡ̈ܝܗܿ܂
27:14 [ai]ܘܓܒܪܐ ܐܢ ܢܩܕܫ ܒܝܬܗ ܩܘܕܫܐ ܠܡܪܝܐ܂ ܢܦܣܘܩ ܕܡ̈ܘܗܝ ܟܗܢܐ ܒܝܬ ܛܒܬܐ ܠܒܝܫܬܐ܂ ܘܐܝܟ ܕܦܣܿܩ ܕܡ̈ܘܗܝ ܟܗܢܐ ܗܟܢܐ ܢܩܘܡ܂
27:15 [ai]ܘܐܢ ܗܿܘ ܕܡܩܕܫ ܢܦܪܩܝܘܗܝ ܠܒܝܬܗ܂ ܢܘܣܦ ܚܕ ܡܢ ܚܡܫܐ ܟܣܦܐ ܕܕܡ̈ܘܗܝ ܥܠܘܗܝ ܘܢܗܘܐ ܕܝܠܗ܂
27:16 [ai]ܘܐܢ ܡܢ ܚܩܠܐ ܕܝܪܬܘܬܗ ܢܩܕܫ ܓܒܪܐ ܠܡܪܝܐ܂ ܢܗܘܘܢ ܕܡ̈ܝܗܿ ܠܦܘܬ ܙܪܥܗ܂ ܒܝܬ ܙܪܥܐ ܕܟܘܪ ܣܥܪ̈ܝܢ܂ ܒܚܡܫܝܢ ܡܬܩ̈ܠܝܢ ܕܟܣܦܐ܂
27:17 [ai]ܘܐܢ ܡܢ ܫܢܬܐ ܕܦܘܢܝܐ/ܕܡܬܦܢܝܐ#3#/ ܢܩܕܫ ܚܩܠܗ܂ ܐܝܟ ܕܡ̈ܝܗܿ ܗܟܢܐ ܢܩܝܡ܂
27:18 [ai]ܘܐܢ ܡܢ ܒܬܪ ܦܘܢܝܐ ܢܩܕܫ ܚܩܠܗ ܢܚܫܘܒ ܠܗ ܟܗܢܐ ܟܣܦܐ ܠܦܘܬ ܫ̈ܢܝܐ ܕܐܫܬܚܪ ܥܕܡܐ ܠܫܢܬܐ ܕܦܘܢܝܐ/ܕܡܬܦܢܝܐ#3#/܂ ܘܢܒܨܘܪ ܡܢ ܕܡ̈ܝܗܿ܂
27:19 [ai]ܘܐܢ ܡܦܪܩ ܢܦܪܩܝܗܿ ܠܚܩܠܐ ܗܿܘ ܡܿܢ ܕܡܩܕܫ ܠܗܿ܂ ܢܘܣܦ ܚܕ ܡܢ ܚܡܫܐ ܟܣܦܐ/ܕܟܣܦܐ#3#/ ܕܕܡ̈ܝܗܿ ܥܠܝܗܿ܂ ܘܬܗܘܐ ܕܝܠܗ܂
27:20 [ai]ܘܐܢ ܠܐ ܢܦܪܩܝܗܿ ܠܚܩܠܐ܂ ܘܢܙܒܢܝܗܿ ‍<‍ܚܩܠܐ#3#‍>‍ ܠܓܒܪܐ ܐܚܪܢܐ܂ ܬܘܒ ܠܐ ܬܬܦܪܩ܂
27:21 [ai]ܐܠܐ ܬܗܘܐ ܚܩܠܐ ܡܐ ܕܢܦܩܐ ܒܦܘܢܝܐ ܩܘܕܫܐ ܠܡܪܝܐ܂ ܐܝܟ ܚܩܠܐ ܕܚܪܡܐ ܕܟܗܢܐ/ܠܟܗܢܐ#1##2#/ ܬܗܘܐ ܝܪܬܘܬܐ܂
27:22 [ai]ܘܐܢ ܚܩܠܐ ܗܝ ܕܙܒܝܢܬܐ܂ ܘܠܐ ܗܘܐ ܚܩܠܐ ܕܝܪܬܘܬܗ ܡܩܕܫ ܓܒܪܐ ܠܡܪܝܐ܂
27:23 [ai]ܢܚܫܘܒ ܟܗܢܐ ܕܡܝ̈ܗܿ ܥܕܡܐ ܠܫܢܬܐ ܕܦܘܢܝܐ܂ ܘܢܬܠ ܕܡ̈ܝܗܿ ܒܝܘܡܐ ܗܿܘ ܩܘܕܫܐ ܠܡܪܝܐ܂
27:24 [ai]ܘܒܫܢܬܐ ܕܦܘܢܝܐ܂ ܬܬܦܢܐ ܚܩܠܐ ܠܡܿܢ ܕܙܒܢܗܿ ܗܘܐ ܡܢܗ܂ ܠܡܿܢ ܕܕܝܠܗ ܗܝ܂ ܝܪܬܘܬܐ ܕܐܪܥܐ܂
27:25 [ai]ܘܟܠܗܘܢ ܕܡ̈ܝܗܿ ܢܗܘܘܢ ܒܡܬܩܠܐ܂ ܥܣܪ̈ܝܢ ܡ̈ܥܝܢ/ܡܕܝ̈ܢ#3#/ ܗܿܘܐ ܡܬܩܠܐ܂
27:26 [ai]ܒܪܡ ܕܝܢ ܒܘܟܪܐ ܕܡܬܒܟܪ ܠܡܪܝܐ ܡܢ ܒܥܝܪ̈ܐ܂ ܠܐ ܢܩܕܫܝܘܗܝ ܓܒܪܐ܂ ܐܢ ܬܘܪܐ ܗܘ ܐܘ ܐܡܪܐ ܕܡܪܝܐ ܗܘ܂
27:27 [ai]ܘܐܢ ܒܥܝܪܐ ܗܝ ܛܡܐܬܐ܂ ܬܬܦܪܩ ܒܕܡ̈ܝܐ܂ ܘܢܘܣܦ ܚܕ ܡܢ ܚܡܫܐ ܥܠܝܗܿ܂ ܘܐܢ ܠܐ ܡܬܦܪܩܐ ܬܙܕܒܢ ܒܕܡ̈ܝܐ܂
27:28 [ai]ܒܪܡ ܕܝܢ ܟܠ ܚܪܡܐ ܕܡܚܪܡ ܓܒܪܐ ܠܡܪܝܐ܂ ܡܢ ܟܠ ܡܕܡ ܕܐܝܬ ܠܗ܂ ܡܢ ܐܢܫܐ ܘܡܢ ܒܥܝܪ̈ܐ܂ ܘܡܢ ܚܩܠܐ ܕܝܪܬܘܬܗ܂ ܠܐ ܢܙܕܒܢ ܘܠܐ ܢܬܦܪܩ܂ ܟܠܗ ܚܪܡܐ ܩܕܘܫ ܩܘܕܫ̈ܝܢ ܗܘ ܠܡܪܝܐ܂
27:29 [ai]ܘܟܠ ܚܪܡܐ ܕܡܚܪܡ ܡܢ ܐܢܫܐ ܠܐ ܢܬܦܪܩ܂ ܐܠܐ ܡܬܩܛܠܘ ܢܬܩܛܠ܂
27:30 [ai]ܘܟܠ ܡܥܣܪܐ ܕܐܪܥܐ ܡܢ ܙܪܥܐ ܕܐܪܥܐ܂ ܘܡܢ ܦܐܪ̈ܐ ܕܐܝ̈ܠܢܐ܂ ܕܡܪܝܐ ܗܘ܂ ܘܩܘܕܫܐ ܗܘ ܠܡܪܝܐ܂
27:31 [ai]ܘܐܢ ܡܦܪܩ ܢܦܪܘܩ ܓܒܪܐ ܡܢ ܡܥܣܪܗ܂ ܢܘܣܦ ܥܠܘܗܝ ܚܕ ܡܢ ܚܡܫܐ܂
27:32 [ai]ܘܟܠ ܡܥܣܪ̈ܐ ܕܬܘܪ̈ܐ ܘܕܥܢܐ܂ ܟܠ ܕܥܒܿܪ ܬܚܝܬ ܚܘܛܪܐ ܕܪܥܿܝܐ܂ ܢܗܘܐ ܩܘܕܫܐ ܠܡܪܝܐ܂
27:33 [ai]ܠܐ ܢܫܐܠ ܒܝܬ ܛܒ ܠܒܝܫ܂ ܘܒܝܬ ܒܝܫ ܠܛܒ܂ ܘܠܐ ܢܚܠܦܝܘܗܝ܂ ܘܐܢ ܡܚܠܦܘ ܢܚܠܦܝܘܗܝ܂ ܗܘ ܘܬܚܠܘܦܗ ܢܗܘܐ ܩܘܕܫܐ܂ ܘܠܐ ܢܬܦܪܩ܂
27:34 [ai]ܗܠܝܢ ܦܘܩ̈ܕܢܐ ܕܦܩܕ ܡܪܝܐ ܠܡܘܫܐ ܥܠ ܒܢ̈ܝ ܐܝܣܪܐܝܠ ܒܛܘܪܐ ܕܣܝܢܝ܂