← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


05:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
05:02 [ai]ܦܩܕ ܠܒܢ̈ܝ ܐܝܣܪܝܠ܂ ܕܢܦܩܘܢ ܠܒܪ ܡܢ ܡܫܪܝܬܐ܂ ܠܟܘܠ ܕܓܪܒ ܘܠܟܠ ܕܕܐܿܒ܂ ܘܠܟܠ ܕܛܡܐ ܒܢܦܫܗ܂
05:03 [ai]ܡܢ ܕܟܪܐ ܘܥܕܡܐ ܠܢܩܒܬܐ܂ ܬܦܩܘܢ ܐܢܘܢ ܠܒܪ ܡܢ ܡܫܪܝܬܐ܂ ܘܠܐ ܢܛܡܐܘܢ ܡܫܪܝܬܟܘܢ܂ ܕܐܢܐ ܫܪܐ ܐܢܐ ܒܝܢܬܟܘܢ܂
05:04 [ai]ܘܥܒܕܘ ܗܟܢܐ ܒܢ̈ܝ ܐܝܣܪܝܠ܂ ܘܐܦܩܘ ܐܢܘܢ ܠܒܪ ܡܢ ܡܫܪܝܬܐ܂ ܘܐܝܟ ܕܐܡܪ/ܕܦܩܕ#3#/ ܡܪܝܐ ܠܡܘܫܐ ܗܟܢܐ ܥܒܕܘ ܒܢ̈ܝ ܐܝܣܪܝܠ܂
05:05 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
05:06 [ai]\ܐܡܪ ܠܒܢ̈ܝ ܐܝܣܪܝܠ /ܡܠܠ ܥܡ ܒ̈ܢܝ ܐܝܣܪܝܠ ܘܐܡܪ#3#/ ܓܒܪܐ ܐܘ ܐܢܬܬܐ ܐܢ ܢܥܒܕܘܢ ܡܢ ܟܠ ܚ̈ܛܗܐ ܕܒ̈ܢܝ ܐܢܫܐ ܘܢܥܒܕܘܢ ܥܘܠܐ܂ ܩܕܡ ܡܪܝܐ ܬܬܚܝܒ ܢܦܫܐ ܗܿܝ܂
05:07 [ai]ܘܢܘܕܘܢ ܚ̈ܛܗܝܗܘܢ ܕܥܒܕܘ ܘܢܗܦܘܟ ܚܛܗܗ ܥܠ ܪܝܫܗ܂ \ܘܚܕ ܡܢ ܚܡܫܐ /ܘܚܘܡܫܐ#3#/ ܢܘܣܦ ܥܠܘܗܝ܂ ܘܢܦܢܐ ܠܡܿܢ/ܠܡܢܘ#3#/ ܕܕܝܠܗ ܗܘ ܚܛܗܐ܂
05:08 [ai]ܘܐܢ ܠܝܬ ܠܗ ܠܓܒܪܐ܂ ܡܿܢ/ܠܡܢܘ#3#/ ܕܩܪܝܒ ܠܗ ܢܝܬܐ ܚܠܦ ܚܛܗܐ ܥܠ ܐܦܘ̈ܗܝ܂ ܚܛܗܐ \ܕܡܝܬܝܢ ܚܠܦܘܗܝ /ܕܡܝܬܐ#3#/ ܩܕܡ ܡܪܝܐ܂ ܠܟܗܢܐ ܢܗܘܐ܂ ܣܛܪ ܡܢ ܕܟܪܐ ܕܚܘܣܝܐ ܕܡܬܚܣܐ ܒܗ ܥܠܘܗܝ܂
05:09 [ai]ܘܟܘܠܗ ܦܘܪܫܢܐ ܕܟܠܗܘܢ ܩܘ̈ܕܫܐ ܕܡܩܪܒܝܢ/ܕܡܫܡܫܝܢ#3#/ ܒܢ̈ܝ ܐܝܣܪܝܠ ܠܟܗܢܐ ܕܝܠܗ ܢܗܘܐ܂
05:10 [ai]ܘܓܒܪ ܩܘܕܫܗ ܠܗ ܢܗܘܐ ܘܓܒܪ ܕܢܬܠ ܠܟܗܢܐ ܠܗ ܢܗܘܐ܂
05:11 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
05:12 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܓܒܪ ܓܒܪ ܟܕ ܬܫܛܐ ܐܢܬܬܗ ܘܬܥܒܕ ܒܗ ܥܘܠܐ܂
05:13 [ai]ܘܢܕܡܟ ܓܒܪܐ ܥܡܗܿ ܡܕܡܟܐ ܕܙܪܥܐ܂ ܘܟܣܝܐ ܗܝ ܡܢ ܥܝ̈ܢܝ ܒܥܠܗܿ ܘܡܛܫܝܐ܂ ܘܗܝ ܡܛܡܐܐ ܗܝ܂ ܘܣܗܕܐ ܠܝܬ ܥܠܝܗܿ܂ ܘܗܝ ܠܐ ܐܬܬܚܕܬ܂
05:14 [ai]ܘܬܐܬܐ ܥܠ ܒܥܠܗܿ ܪܘܚܐ ܕܛܢܢܐ ܘܢܛܢ ܒܐܢܬܬܗ܂ ܟܕ ܗܝ ܡܛܡܐܐ܂ ܐܘ ܬܐܬܐ ܥܠܘܗܝ ܪܘܚܐ ܕܛܢܢܐ ܘܢܛܢ ܒܐܢܬܬܗ ܟܕ ܗܝ ܠܐ ܗܘܬ ܡܛܡܐܐ/ܛܡܐܐ#3#/܂
05:15 [ai]ܢܝܬܐ ܓܒܪܐ \ܩܘܪܒܢܗ ܠܘܬ ܟܗܢܐ /ܠܐܢܬܬܐ ܠܘܬ ܟܗܢܐ ܘܢܝܬܐ ܩܘܪܒܢܗ ܥܠܝܗ#3#/܂ ܚܕ ܡܢ ܥܣܪܐ ܠܣܐܬܐ ܩܡܚܐ ܕܣܥܪ̈ܐ܂ ܘܠܐ ܢܣܘܟ ܥܠܘܗܝ ܡܫܚܐ܂ ܘܠܐ ܢܣܝܡ ܥܠܘܗܝ ܠܒܘܢܬܐ܂ ܡܛܠ ܕܣܡܝܕܐ ܗܘ ܕܛܢܢܐ܂ ܣܡܝܕܐ ܗܘ ܕܕܘܟܪܢܐ ܕܡܕܟܪ ܚܛܗܐ܂
05:16 [ai]ܢܩܪܒܝܗܿ ܟܗܢܐ ܘܬܩܘܡ ܩܕܡ ܡܪܝܐ܂
05:17 [ai]ܘܢܣܒ ܟܗܢܐ ܡ̈ܝܐ ܩ̈ܕܝܫܐ ܒܡܐܢܐ ܕܦܚܪܐ܂ ܘܡܢ ܥܦܪܐ ܕܐܝܬ ܒܫ̈ܦܘܠܘܗܝ ܕܡܕܒܚܐ/ܕܡܫܟܢܐ#3#/ ‍<‍ܕܡܫܟܢܐ#3#‍>‍܂ ܢܣܒ ܟܗܢܐ ܘܢܪܡܐ ܒܡ̈ܝܐ܂
05:18 [ai]ܘܢܩܝܡܝܗܿ ܟܗܢܐ ܠܐܢܬܬܐ ܩܕܡ ܡܪܝܐ܂ ܘܢܦܪܘܥ/ܘܢܓܪܘܥ#3#/ ܪܫܗܿ ܕܐܢܬܬܐ܂ ܘܢܣܝܡ ܥܠ ܐ̈ܝܕܝܗܿ ܣܡܝܕܐ ܕܕܘܟܪܢܐ ܣܡܝܕܐ ܕܛܢܢܐ܂ ܕܒܐܝܕܐ ܕܟܗܢܐ ܢܗܘܘܢ܂ ܡ̈ܝܐ ܡܪ̈ܝܪܐ ‍<‍ܡ̈ܝܐ#3#‍>‍ ܒܚܪ̈ܐ܂
05:19 [ai]ܘܢܘܡܝܗܿ ܟܗܢܐ ܠܐܢܬܬܐ܂ ܘܢܐܡܪ ܠܗܿ܂ ܐܢ ܠܐ ܕܡܟ ܓܒܪܐ ܥܡܟܝ܂ ܘܠܐ/ܘܐܠܐ#3#/ ܫܛܝܬܝ \ܘܠܐ ܐܬܛܡܐܬܝ /ܘܐܬܛܡܐܬܝ#3#/܂ ܠܒܪ ܡܢ ܒܥܠܟܝ܂ ܐܬܚܣܝ ܡܢ ܗܠܝܢ ܡ̈ܝܐ ܡܪ̈ܝܪܐ ܒܚܪ̈ܐ܂
05:20 [ai]ܐܢ ܕܝܢ ܫܛܝܬܝ ܠܒܪ ܡܢ ܒܥܠܟܝ܂ ܘܐܬܛܢܦܬܝ/ܘܐܬܛܡܐܬܝ#3#/ ܘܕܡܟ ܓܒܪܐ ܠܘܬܟܝ܂ ܠܒܪ ܡܢ ܒܥܠܟܝ܂
05:21 [ai]ܢܘܡܝܗܿ ܟܗܢܐ ܠܐܢܬܬܐ ܒܡ̈ܘܡܬܐ ܕܠܘ̈ܛܬܐ܂ ܘܢܐܡܪ ܟܗܢܐ ܠܐܢܬܬܐ܂ ܢܬܠܟܝ ܡܪܝܐ ܠܠܘܛܬܐ ܘܠܡ̈ܘܡܬܐ ܒܓܘ ܥܡܟܝ܂ ܢܡܣܐ ܡܪܝܐ ܥܛܡ̈ܬܟܝ ܢܦܘܚ ܟܪܣܟܝ܂
05:22 [ai]ܘܢܥܠܘܢ ܗܠܝܢ ܡ̈ܝܐ ܒܚܪ̈ܐ܂ ܒܟܪܣܟܝ܂ ܘܢܦܚܘܢ ܡ̈ܥܝܟܝ܂ ܘܢܡܣܘܢ ܥܛܡ̈ܬܟܝ܂ ܘܬܐܡܪ ܐܢܬܬܐ ܗܿܝ ܐܡܝܢ ܐܡܝܢ܂
05:23 [ai]ܘܢܟܬܘܒ ܐ̈ܢܝܢ ܟܗܢܐ ܠܠܘ̈ܛܬܐ ܗܠܝܢ ܒܣܦܪܐ܂ ܘܢܥܛܐ ܐ̈ܢܝܢ ܒܡ̈ܝܐ ܒܚܪ̈ܐ܂
05:24 [ai]ܘܢܫܩܝܗܿ ܠܐܢܬܬܐ ܡ̈ܝܐ ܡܪܝܪ̈ܐ ܒܚܪ̈ܐ܂ ܘܢܥܠܘܢ ܒܗܿ ܡ̈ܝܐ ܒܚܪ̈ܐ ܠܡܒܚܪܗܿ܂
05:25 [ai]ܘܢܣܒ ܟܗܢܐ ܡܢ ܐ̈ܝܕܝܗܿ ܕܐܢܬܬܐ ܣܡܝܕܐ ܕܛܢܢܐ܂ ܘܢܦܪܫܝܘܗܝ ܣܡܝܕܐ ܩܕܡ ܡܪܝܐ܂ ܘܢܣܩܝܘܗܝ ܠܡܕܒܚܐ܂
05:26 [ai]ܘܢܣܩ ܟܗܢܐ ܡܢ ܣܡܝܕܐ ܕܘܟܪܢܗ/ܕܕܘܟܪܢܗ#3#/ ܘܢܣܩ ܠܡܕܒܚܐ ܘܗܝܕܝܢ ܢܫܩܝܗܿ ܡ̈ܝܐ ܠܐܢܬܬܐ܂
05:27 [ai]ܘܐܢ ܐܬܛܡܐܬ ܘܥܒܕܬ ܥܘܠܐ ܒܒܥܠܗܿ܂ ܘܥܠܘ ܒܗܿ ܡ̈ܝܐ ܒܚܪ̈ܐ ܘܒܚܪܘܗܿ܂ ܘܢܦܚܬ ܟܪܣܗܿ܂ ܘܐܬܡܣܝ ܥܛܡ̈ܬܗܿ܂ ܬܗܘܐ ܐܢܬܬܐ ܗܿܝ ܠܠܘܛܬܐ ܡܢ ܓܘ ܥܡܗܿ܂
05:28 [ai]ܐܢ ܠܐ ܕܝܢ ܐܬܛܡܐܬ ܐܢܬܬܐ ܗܿܝ ܘܕܟܝܐ ܗܿܝ܂ ܬܬܚܣܐ ܘܬܐܠܕ ܕܟܪܐ܂
05:29 [ai]ܗܢܘ ܢܡܘܣܐ ܕܛܢܢܐ܂ ܟܕ ܬܫܛܐ ܐܢܬܬܐ ܠܒܪ ܡܢ ܒܥܠܗܿ ܘܬܬܛܡܐ܂
05:30 [ai]ܐܘ ܓܒܪܐ ܕܬܥܘܠܝ ܥܠܘܗܝ ܪܘܚܐ ܕܛܢܢܐ ܘܢܛܢ ܒܐܢܬܬܗ܂ ܘܢܩܝܡܝܗܿ ܠܐܢܬܬܐ ܩܕܡ ܡܪܝܐ܂ ܘܢܥܒܕ ܠܗܿ ܟܗܢܐ ܗܢܐ ܟܠܗ ܢܡܘܣܐ܂
05:31 [ai]ܘܢܗܘܐ ܡܚܣܝ ܓܒܪܐ ܗܿܘ ܡܢ ܚܛܗܐ܂ ܘܐܢܬܬܐ ܗܿܝ ܬܩܒܠ ܚܛܗܗܿ܂

next chapter