← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


09:01 [ai]ܘܡܠܠ ܡܪܝܐ ܥܡ ܡܘܫܐ ܒܡܕܒܪܐ ܕܣܝܢܝ܂ ܒܫܢܬ ܬܪ̈ܬܝܢ ܟܕ ܢܦܩܘ ܒܢ̈ܝ ܐܝܣܪܝܠ ܡܢ ܡܨܪܝܢ܂ ܒܝܪܚܐ ܩܕܡܝܐ ܘܐܡܪ ܠܗ܂
09:02 [ai]ܢܥܒܕܘܢ ܒܢ̈ܝ ܐܝܣܪܝܠ ܦܨܚܐ ܒܙܒܢܗ܂
09:03 [ai]ܒܐܪ̈ܒܥܣܪܐ ܒܝܪܚܐ ܗܢܐ ܒܝܬ ܪ̈ܡܫܐ܂ ܢܥܒܕܘܢܗ ܒܙܒܢܗ ܐܝܟ ܟܠܗܘܢ ܦܘܩ̈ܕܢܘܗܝ ܘܐܝܟ ܟܠܗܘܢ ܕܝܢ̈ܘܗܝ ܢܥܒܕܘܢܗ܂
09:04 [ai]ܘܐܡܪ ܡܘܫܐ ܠܒܢ̈ܝ ܐܝܣܪܝܠ܂ ܕܢܥܒܕܘܢ ܦܨܚܐ܂
09:05 [ai]ܘܥܒܕܘ ܦܨܚܐ ܒܐܪ̈ܒܥܣܪܐ ܒܝܪܚܐ ܩܕܡܝܐ ܒܝܬ ܪ̈ܡܫܐ܂ ܒܡܕܒܪܐ ܕܣܝܢܝ܂ ܐܝܟ ܕܦܩܕ ܡܪܝܐ ܠܡܘܫܐ܂ ܗܟܢܐ ܥܒܕܘ ܒܢ̈ܝ ܐܝܣܪܝܠ܂
09:06 [ai]ܘܓܒܪ̈ܐ ܕܛܡܐܝܢ ܗܘܘ ܒܢܦܫܐ ܕܐܢܫܐ܂ ܠܐ ܐܫܟܚܘ/ܐܫܘܝܘ#3#/ ܠܡܥܒܕ ܦܨܚܐ ܒܝܘܡܐ ܗܿܘ܂ ܘܩܪܒܘ ܩܕܡ ܡܘܫܐ ܘܩܕܡ ܐܗܪܘܢ ܒܝܘܡܐ ܗܿܘ܂
09:07 [ai]ܘܐܿܡܪܝܢ ܠܗܘܢ ܗܿܢܘܢ ܓܒܪ̈ܐ܂ ܚܢܢ ܛܡܐܝܢܢ ܒܢܦܫܐ ܕܐܢܫܐ܂ ܠܡܢܐ ܡܬܟܠܝܢܢ ܘܠܐ ܡܩܪܒܝܢܢ ܩܘܪܒܢܗ ܕܡܪܝܐ ܒܙܒܢܗ ܒܝܢܬ ܒܢ̈ܝ ܐܝܣܪܝܠ܂
09:08 [ai]ܘܐܡܪ ܠܗܘܢ ܡܘܫܐ܂ ܩܘܡܘ ܥܠ ܕܘܟܬܟܘܢ܂ ܘܐܫܡܥ ܡܢܐ ܦܩܕ ܡܪܝܐ ܥܠܝܟܘܢ܂
09:09 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
09:10 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܓܒܪ ܓܒܪ ܟܕ ܢܗܘܐ ܛܡܐ ܒܢܦܫܐ܂ ܐܘ ܒܐܘܪܚܐ ܗܘ ܪܚܝܩܬܐ ‍<‍ܒܟܘܢ#3#‍>‍ ܐܘ ܒܕܪ̈ܝܟܘܢ܂ ܢܥܒܕ ܦܨܚܐ ܠܡܪܝܐ܂
09:11 [ai]ܒܐܪ̈ܒܥܣܪܐ ܒܝܪܚܐ ܕܬܪ̈ܝܢ܂ ܒܝܬ ܪ̈ܡܫܐ ܢܥܒܕܘܢܗ܂ ܥܠ ܦܛܝܪܐ ܘܡܪܪܐ ܢܐܟܠܘܢܗ܂
09:12 [ai]ܘܠܐ ܢܘܬܪܘܢ ܡܢܗ ܠܨܦܪܐ܂ ܘܓܪܡܐ ܠܐ ܢܬܒܪܘܢ ܒܗ܂ ܐܝܟ ܟܠܗ ܦܘܩܕܢܐ ܕܦܨܚܐ ܢܥܒܕܘܢܗ܂
09:13 [ai]ܘܓܒܪܐ ܕܕܟܐ ܗܘ ܘܠܐ ܗܘܐ ܒܐܘܪܚܐ܂ ܘܠܐ ‍<‍ܗܘܐ#3#‍>‍ ܥܒܕ ܦܨܚܐ ܒܙܒܢܗ܂ ܬܐܒܕ ܢܦܫܐ ܗܿܝ ܡܢ ܥܡܗܿ܂ ܥܠ ܕܠܐ ܩܪܒ ܩܘܪܒܢܗ ܕܡܪܝܐ ܒܙܒܢܗ܂ ܚܛܗܐ ܢܩܒܠ ܓܒܪܐ ܗܿܘ܂
09:14 [ai]ܘܟܕ ܢܥܡܪ ܥܡܟܘܢ ܐܝܢܐ ܕܡܬܦܢܐ ܠܘܬܝ܂ ܘܢܥܒܕ ܦܨܚܐ ܠܡܪܝܐ܂ ܐܝܟ ܦܘܩܕܢܐ ܕܦܨܚܐ ܘܐܝܟ ܕܝܢ̈ܘܗܝ܂ ܗܟܢܐ ܢܥܒܕ܂ ܢܡܘܣܐ/ܦܘܩܕܢܐ#3#/ ܚܕ ܢܗܘܐ ܠܟܘܢ܂ ܘܠܐܝܢܐ ܕܡܬܦܢܐ ܠܘܬܝ ܘܠܥܡܘܪ̈ܐ ܕܐܪܥܐ܂
09:15 [ai]ܘܒܝܘܡܐ ܕܩܡ ܡܫܟܢܐ܂ ܟܣܝܬ ܥܢܢܐ /ܠܡܫܟܢܙܒܢܐ/ܠܡܫܟܢܐ#3#/ \ܘܠܐ̈ܦܝ ܬܪܥܐ ܕܣܗܕܘܬܐ /ܘܣܗܕܘܬܐ#3#/܂ ܘܒܪܡܫܐ ܗܿܘܐ ܗܘܐ ܥܠ ܡܫܟܢܐ܂ ܐܝܟ ܚܙܘܐ ܕܢܘܪܐ ܥܕܡܐ ܠܨܦܪܐ܂
09:16 [ai]ܗܟܢܐ ܗܿܘܐ ܗܘܐ ܐܡܝܢܐܝܬ܂ ܘܥܢܢܐ ܡܟܣܝܐ ܗܘܬ ܠܗ ܒܐܝܡܡܐ܂ ܘܚܙܘܐ ܕܢܘܪܐ ܒܠܠܝܐ܂
09:17 [ai]ܘܐܡܬܝ ܕܣܿܠܩܐ ܥܢܢܐ ܡܢ ܡܫܟܢܐ܂ ܒܬܪܟܢ ܫܿܩܠܝܢ ܒܢ̈ܝ ܐܝܣܪܝܠ܂ ܘܒܐܬܪܐ ܕܫܿܪܝܐ ‍<‍ܗܘܬ#3#‍>‍ ܒܗ ܥܢܢܐ ܬܡܢ ܫܿܪܝܢ ܒܢ̈ܝ ܐܝܣܪܝܠ܂
09:18 [ai]ܒܡܠܬ ܦܘܡܗ ܕܡܪܝܐ ܫܿܩܠܝܢ ܒܢ̈ܝ ܐܝܣܪܝܠ܂ ܘܒܡܠܬ ܦܘܡܗ ܕܡܪܝܐ ܫܿܪܝܢ܂ ܟܠܗܘܢ ܝܘܡ̈ܬܐ ܕܫܿܪܝܐ ܥܢܢܐ ܥܠ ܡܫܟܢܐ ܫܿܪܝܢ܂
09:19 [ai]ܘܡܐ ܕܡܓܪܐ ܥܢܢܐ ܥܠ ܡܫܟܢܐ ܝܘܡ̈ܬܐ ܣ̈ܓܝܐܐ܂ ܢܿܛܪܝܢ ܐܝܣܪܐܝܠ ܡܛܪܬܗ ܕܡܪܝܐ ܘܠܐ ܫܿܩܠܝܢ܂
09:20 [ai]ܘܐܝܬ ܙܒܢܐ ܕܗܿܘܝܐ ܥܢܢܐ ܝܘܡ̈ܬܐ ܕܡܟܝܟܐ/ܕܡܢܝܢܐ#3#/ ܥܠ ܡܫܟܢܐ܂ ܒܡܠܬ ܦܘܡܗ ܕܡܪܝܐ ܫܿܪܝܢ܂ ܘܒܡܠܬ ܦܘܡܗ ܕܡܪܝܐ ܫܿܩܠܝܢ܂
09:21 [ai]ܘܐܝܬ ܙܒܢܐ ܕܗܿܘܝܐ ܥܢܢܐ ܥܠ ܡܫܟܢܐ܂ ܡܢ ܪܡܫܐ ܘܥܕܡܐ ܠܨܦܪܐ܂ ܘܣܿܠܩܐ ܥܢܢܐ ܒܨܦܪܐ܂ ܘܫܩܠܝܢ ܐܘ ܐܝܡܡܐ ܐܘ ܠܠܝܐ܂ ܣܠܿܩܐ ܥܢܢܐ ܘܫܿܩܠܝܢ܂
09:22 [ai]ܐܘ ܝܘܡ̈ܬܐ ܐܘ ܝܪ̈ܚܐ܂ ܐܘ ܥܕܢ ܒܥܕܢ܂ ܟܡܐ ܕܡܓܪܐ ܥܢܢܐ ܠܡܫܪܐ ܥܠ ܡܫܟܢܐ܂ ܗܟܢܐ ܫܿܪܝܢ ܒܢ̈ܝ ܐܝܣܪܝܠ ܘܠܐ ܫܿܩܠܝܢ܂ ܘܡܐ ܕܣܠܩܬ ܥܢܢܐ ܫܿܩܠܝܢ܂
09:23 [ai]ܒܡܠܬ ܦܘܡܗ ܕܡܪܝܐ ܫܿܪܝܢ܂ ܘܒܡܠܬ ܦܘܡܗ ܕܡܪܝܐ ܫܿܩܠܝܢ܂ ܘܡܛܪܬܗ/ܘܒܡܛܪܬܗ#3#/ ܕܡܪܝܐ ܢܿܛܪܝܢ܂ ܐܝܟ ܡܠܬ ܦܘܡܗ ܕܡܪܝܐ ܒܐܝܕܐ ܕܡܘܫܐ܂

next chapter