← Back
The Comprehensive Aramaic Lexicon
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


10:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
10:02 [ai]ܥܒܕ ܠܟ ܬܪ̈ܬܝܢ ܩܪ̈ܢܬܐ ܕܣܐܡܐ܂ ܕܢܣܟܬܐ ܥܒܕ ܐ̈ܢܝܢ܂ ܘܢܗ̈ܘܝܢ ܠܟ ܠܡܩܪܐ ܟܢܘܫܬܐ܂ ܘܠܡܫܩܠܘ ܡܫܪ̈ܝܬܐ܂
10:03 [ai]ܘܢܩܪܘܢ ܒܗܝܢ܂ ܘܢܬܘܥܕܘܢ ܠܘܬܟ ܟܘܠܗܿ ܟܢܘܫܬܐ ܠܬܪܥܐ ܕܡܫܟܢܙܒܢܐ܂
10:04 [ai]ܘܐܢ ܒܚܕܐ ܢܩܪܘܢ܂ ܢܬܘܥܕܘܢ ܠܘܬܟ ܪ̈ܘܪܒܢܐ ܘܪ̈ܫܝ ܐ̈ܠܦܐ ܕܐܝܣܪܝܠ܂
10:05 [ai]ܘܢܝܒܒܘܢ ܒܩܪܢܐ܂ ܘܢܫ̈ܩܠܢ ܡܫܪ̈ܝܬܐ ܕܫܪ̈ܝܢ ܡܢ ܡܕܢܚܐ܂
10:06 [ai]ܘܢܝܒܒܘܢ ܒܩܪܢܐ ܕܬܪ̈ܬܝܢ܂ ܘܢܫ̈ܩܠܢ ܡܫܪ̈ܝܬܐ܂ ܕܫܪ̈ܝܢ ܡܢ ܬܝܡܢܐ܂ ܒܩܪܢܐ/ܒܝܘܒܒܐ#3#/ ܢܩܪܘܢ ܒܡܫ̈ܩܠܢܝܗܘܢ܂
10:07 [ai]ܘܡܐ ܕܟܢܫܝܢ ܐܢܬܘܢ ܟܢܘܫܝܐ܂ ܗܘܝܬܘܢ ܩܿܪܝܢ ܘܠܐ ܡܝܒܒܝܢ܂
10:08 [ai]ܘܒܢ̈ܝ ܐܗܪܘܢ ܟܗܢܐ܂ ܢܩܪܘܢ ܒܩܪ̈ܢܬܐ܂ ܘܢܗ̈ܘܝܢ ܠܟܘܢ ܢܡܘܣܐ ܠܥܠܡ ܠܕܪ̈ܝܟܘܢ/ܠܥܠܡ#3#/܂
10:09 [ai]ܘܐܢ ܢܐܬܐ ܩܪܒܐ ܠܐܪܥܟܘܢ ܥܠ ܐ̈ܠܘܨܐ ܕܐܿܠܨܝܢ ܠܟܘܢ܂ ܝܒܒܘ ܒܩܪ̈ܢܬܐ/ܒܡܫܪܝܬܐ#3#/܂ ܘܬܬܕܟܪܘܢ ܩܕܡ ܡܪܝܐ ܐܠܗܟܘܢ ܘܬܬܦܨܘܢ ܡܢ ܒ̈ܥܠܕܒܒܝܟܘܢ܂
10:10 [ai]ܘܒܝܘܡܐ ܕܚܕܘܬܟܘܢ ܘܕܥܕܥ̈ܐܕܝܟܘܢ ܘܕܪܝܫ ܝܪ̈ܚܝܟܘܢ܂ ܩܪܘ ܒܩܪ̈ܢܬܐ ܥܠ ܝܩ̈ܕܝܟܘܢ ܘܥܠ ܕܒܚܝ̈ܟܘܢ ܫ̈ܠܡܐ܂ ܘܢܗ̈ܘܝܢ ܠܟܘܢ ܠܕܘܟܪܢܐ ܩܕܡ ‍<‍ܡܪܝܐ#3#‍>‍ ܐܠܗܟܘܢ܂ ܐܢܐ ܐܢܐ ܡܪܝܐ ܐܠܗܟܘܢ܂
10:11 [ai]ܘܗܘܐ ܒܫܢܬ ܬܪ̈ܬܝܢ ܒܥܣܪܬܐ ܒܝܪܚܐ ܕܬܪ̈ܝܢ܂ ܣܠܩܬ ܥܢܢܐ ܡܢ ‍<‍ܥܠܘܗܝ#3#‍>‍ ܡܫܟܢܐ ܕܣܗܕܘܬܐ܂
10:12 [ai]\ܘܫܩܠܘ ܒܢ̈ܝ ܐܝܣܪܐܝܠ ܒܡܫ̈ܩܠܢܝܗܘܢ /ܘܫܩܠܘ ܠܗܘܢ#3#/ ܡܢ ܡܕܒܪܐ ܕܣܝܢܝ܂ ܘܫܪܬ ܥܢܢܐ ܒܡܕܒܪܐ ܕܦܪܢ܂
10:13 [ai]ܘܫܩܠܘ ܒܩܕܡܝܬܐ܂ ܒܡܠܬ ܦܘܡܗ ܕܡܪܝܐ ܒܐܝܕܐ ܕܡܘܫܐ܂
10:14 [ai]ܘܫܩܠܘ ܠܘܩܕܡ ܛܘܠܩܐ ܕܡܫܪܝܬܐ \ܕܒܢ̈ܝ ܝܗܘܕܐ /ܕܝܗܘܕܐ#3#/ܕܝܗ̈ܘܕܝܐ#3#/ ܠܚܝܠܗܘܢ/ܘܚܝܠܗܘܢ#3#/܂ ܘܪܒ ܚܝܠܐ ܢܚܫܘܢ ܒܪ ܥܡܝܢܕܒ܂
10:15 [ai]ܘܪܒ ܚܝܠܐ ܕܫܒܛܐ ܕܒܢ̈ܝ ܐܝܣܟܪ ܢܬܢܝܐܝܠ ܒܪ ܨܘܥܪ܂
10:16 [ai]ܘܪܒ ܚܝܠܐ ܕܫܒܛܐ ܕܒܢ̈ܝ ܙܒܘܠܘܢ ܐܠܝܒ ܒܪ ܚܠܘܢ܂
10:17 [ai]ܘܐܚܬܘܗܝ ܠܡܫܟܢܐ܂ ܘܫܩܠܘ ܒܢ̈ܝ ܓܪܫܘܢ ܘܒܢ̈ܝ ܡܪܪܝ܂ ܫ̈ܩܠܝ ܡܫܟܢܐ܂
10:18 [ai]ܘܫܩܠܘ ܛܘܠܩܐ ܕܡܫܪܝܬܐ ܕܪܘܒܝܠ܂ ܘܚܝܠܗܘܢ/ܠܚܝܠܗܘܢ#3#/܂ ܘܪܒ ܚܝܠܐ ܐܠܝܨܘܪ ܒܪ ܫܕܐܘܪ܂
10:19 [ai]ܘܪܒ ܚܝܠܐ ܕܫܒܛܐ ܕܒܢ̈ܝ ܫܡܥܘܢ܂ ܫܠܡܘܐܝܠ ܒܪ ܨܘܪܝܫܕܝ܂
10:20 [ai]ܘܪܒ ܚܝܠܐ ܕܫܒܛܐ ܕܒܢ̈ܝ ܓܕ ܐܠܝܐܣܦ ܒܪ ܪܥܘܐܝܠ܂
10:21 [ai]ܘܫܿܩܠܝܢ ܒܢ̈ܝ ܩܗܬ ܫ̈ܩܠܝ ܡܫܟܢܐ܂ ܘܡܩܝܡܝܢ ܠܗ ܠܡܫܟܢܐ ܥܕ ܐܿܬܝܢ܂
10:22 [ai]ܘܫܩܠ ܛܘܠܩܐ ܕܡܫܪܝܬܐ ܕܐܦܪܝܡ/ܕܒܢ̈ܝ ܐܦܪܝܡ#3#/ ܠܚܝܠܗܘܢ܂ ܘܪܒ ܚܝܠܐ ܐܠܝܫܡܥ ܒܪ ܥܡܝܗܘܕ܂
10:23 [ai]ܘܪܒ ܚܝܠܐ ܕܫܒܛܐ ܕܡܢܫܐ܂ ܓܡܠܝܐܝܠ ܒܪ ܦܪܨܘܪ܂
10:24 [ai]ܘܪܒ ܚܝܠܐ ܕܫܒܛܐ ܕܒܢܝܡܝܢ܂ ܐܒܝܕܢ ܒܪ ܓܕܥܘܢܝ܂
10:25 [ai]ܘܫܩܠ ܛܘܠܩܐ ܕܡܫܪܝܬܐ ܕܒܢ̈ܝ ܕܢ܂ ܘܡܟܢܫ ܠܟܠܗܝܢ ܡܫܪ̈ܝܬܐ܂ ܘܠܚܝܠܗܘܢ܂ ܘܪܒ ܚܝܠܐ ܕܫܒܛܐ ܕܒܢ̈ܝ ܕܢ܂ ܐܚܝܥܙܪ ܒܪ ܥܡܝܫܕܝ܂
10:26 [ai]ܘܪܒ ܚܝܠܐ ܕܫܒܛܐ ܕܐܫܝܪ܂ ܦܓܥܐܝܠ ܒܪ ܥܟܪܢ܂
10:27 [ai]ܘܪܒ ܚܝܠܐ ܕܫܒܛܐ ܕܢܦܬܠܝ/ܕܒܢ̈ܝ ܢܦܬܠܝ#3#/܂ ܐܚܝܕܥ ܒܪ ܥܝܢܢ܂
10:28 [ai]ܗܠܝܢ ܡܫ̈ܩܠܢܐ ܕܒܢ̈ܝ ܐܝܣܪܝܠ ܠܚܝ̈ܠܘܬܗܘܢ ‍<‍ܘܫܩܠܝܢ ܗܘܘ#3#‍>‍܂
10:29 [ai]ܘܐܡܪ ܡܘܫܐ ܠܚܘܒܒ ܒܪ ܪܥܘܐܝܠ ܡܕܝܢܝܐ ܚܡܘܗܝ ܕܡܘܫܐ܂ ܫܿܩܠܝܢܢ ܠܐܬܪܐ ܕܐܡܪ ܡܪܝܐ ܠܗ ܐܬܠ ܠܟܘܢ܂ ܬܐ ܥܡܢ ܘܢܛܐܒ ܠܟ܂ ܡܛܠ ܕܡܪܝܐ ܡܠܠ ܛܒܬܐ ܥܠ ܐܝܣܪܝܠ܂
10:30 [ai]ܘܐܡܪ ܠܗ ܠܐ ܐܙܿܠ ܐܢܐ܂ ܐܠܐ ܠܐܪܥܝ ܐܙܿܠ ܐܢܐ ܠܐܝܟܐ ܕܐܝܠܝܕ ܐܢܐ܂
10:31 [ai]ܐܡܪ ܠܗ ܡܘܫܐ܂ ܠܐ ܬܫܒܩܢ܂ ܡܛܠ ܕܐܢܬ ܝܿܕܥ ܐܢܬ ܒܝܬ ܡܫܪܝܢ ܕܒܡܕܒܪܐ܂ ܘܗܿܘܐ ܐܢܬ ܠܢ ܥܝ̈ܢܐ܂
10:32 [ai]ܘܐܢ ܬܐܙܠ ܥܡܢ܂ ܡܢ ܗܿܝ ܛܒܬܐ ܕܡܛܐܒ ܠܢ ܡܪܝܐ ܢܛܐܒ ‍<‍ܐܦ#3#‍>‍ ܠܟ܂
10:33 [ai]ܘܫܩܠܘ ܡܢ ܛܘܪܗ ܕܡܪܝܐ ܡܪܕܐ ܬܠܬܐ ܝܘܡ̈ܝܢ܂ ܘܩܒܘܬܐ ܕܩܝܡܗ ܕܡܪܝܐ/ܕܐܠܗܐ#3#/܂ ܫܩܠܬ ܡܢ ܩܕܡܝܗܘܢ ܡܪܕܐ \ܝܘܡܐ ܚܕ /ܬܠܬܐ ܝܘܡ̈ܝܢ#3#/܂ ܕܬܛܝܒ ܠܗܘܢ ܒܝܬ ܡܫܪܝܐ܂
10:34 [ai]ܘܥܢܢܗ ܕܡܪܝܐ ܠܥܠ ܡܢܗܘܢ ܒܐܝܡܡܐ ܡܐ ܕܫܿܩܠܝܢ ܡܢ ܡܫܪ̈ܝܬܐ܂
10:35 [ai]ܘܗܘܐ ܕܟܕ ܫܩܠܬ ܩܒܘܬܐ܂ ܐܡܪ ܡܘܫܐ܂ ܩܕܡ ܡܪܝܐ ܘܢܬܬܒܪܘܢ/ܘܢܬܒܕܪܘܢ#3#/ ܣܢܐ̈ܝܟ܂ ܘܢܥܪܩܘܢ ܒ̈ܥܠܕܒܒܝܟ ܡܢ ܩܕܡܝܟ܂
10:36 [ai]ܘܟܕ ܫܪܬ ܐܡܪ܂ ܐܬܦܢܝ ܡܪܝܐ ܥܠ ܪ̈ܒܘܬܐ ܘܥܠ ܐ̈ܠܦܐ ܕܐܝܣܪܝܠ܂

next chapter