← Back
The Comprehensive Aramaic Lexicon
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


11:01 [ai]ܘܟܕ ܪܛܢܘ ܗܘܘ ܥܡܐ ܐܬܒܐܫ ܩܕܡ ܡܪܝܐ ܘܫܡܥ ܡܪܝܐ ܘܐܬܚܡܬ ܪܘܓܙܗ܂ ܘܣܦܬ ܒܗܘܢ ܢܘܪܗ ܕܡܪܝܐ܂ ܘܐܟܠܬ ܒܚܕܪ̈ܝܗܿ ܕܡܫܪܝܬܐ܂
11:02 [ai]ܘܓܥܘ ܥܡܐ ܥܠ ܡܘܫܐ܂ ܘܨܠܝ ܡܘܫܐ ܩܕܡ ܡܪܝܐ ܘܫܠܝܬ ܢܘܪܐ܂
11:03 [ai]ܘܩܪܐ ܫܡܗ ܕܐܬܪܐ ܗܿܘ ܝܩܕܢܐ܂ ܡܛܠ ܕܣܦܬ ܒܗܘܢ ܢܘܪܗ ܕܡܪܝܐ܂
11:04 [ai]ܘܚܠܘܛܐ ܕܐܝܬ ܗܘܘ ܒܝܢܬܗܘܢ܂ ܪܓܘ ܪܓܬܐ܂ ܘܗܦܟܘ ܐܒܟܝܘ ܐܦ ܠܒܢ̈ܝ ܐܝܣܪܝܠ ܘܐܿܡܪܝܢ܂ ܡܿܢ ܕܝܢ ܐܘܟܠܢ ܒܣܪܐ܂
11:05 [ai]ܐܬܕܟܪܢ ܢܘ̈ܢܐ ܕܐܿܟܠܝܢ ܗܘ̈ܝܢ ܒܡܨܪܝܢ ܡܓܢ܂ ܘܩ̈ܛܝܐ ܘܦ̈ܛܝܚܐ܂ ܘܟܪ̈ܬܐ ܘܒܨ̈ܠܐ ܘܬܘܡܐ܂
11:06 [ai]ܘܗܫܐ ܗܐ ܢܚܒܐ ܢܦܫܢ܂ ܘܠܝܬ ܡܕܡ ܐܠܐ ܐܢ ܗܢܐ ܡܢܢܐ ܕܩܕܡ ܥܝܢ̈ܝܢ܂
11:07 [ai]ܘܡܢܢܐ ܐܝܟ ܙܪܥܐ ܗܘܐ ܕܟܘܣܒܪܬܐ/ܕܟܘܙܒܪܬܐ#3#/܂ ܘܥܝܢܗ ܐܝܟ ܥܝܢܐ ܕܒܪܘܠܚܐ܂
11:08 [ai]ܘܡܬܟܪܟܝܢ ܥܡܐ ܘܠܩܿܛܝܢ ܠܗ܂ ܘܛܚܿܢܝܢ ܠܗ ܒܪܚܝܐ܂ ܐܘ ܕܩܿܝܢ ܠܗ ܒܡܕܟܬܐ܂ ܘܡܒܫܠܝܢ ܠܗ ܒܩܕܪܐ܂ ܘܥܒܕܝܢ ܡܢܗ ܪܥܦܐ܂ ܘܗܿܘܐ ܛܥܡܗ ܐܝܟ ܛܥܡܐ ܕܠܝܫ ܒܡܫܚܐ܂
11:09 [ai]ܘܡܐ ܕܢܿܚܬ ܛܠܐ ܥܠ ܡܫܪܝܬܐ ܒܠܠܝܐ܂ ܢܿܚܬ ܥܠܘܗܝ ܡܢܢܐ܂
11:10 [ai]ܘܫܡܥ ܡܘܫܐ ܠܥܡܐ ܟܕ ܒܿܟܝܢ ܒܫܪ̈ܒܬܗܘܢ܂ ܐܢܫ ܒܬܪܥ ܡܫܟܢܗ܂ ܘܐܬܚܡܬ ܪܘܓܙܗ ܕܡܪܝܐ܂ ܘܐܦ ܒܥܝ̈ܢܘܗܝ ܕܡܘܫܐ ܐܬܒܐܫ܂
11:11 [ai]ܘܐܡܪ ܡܘܫܐ ܠܡܪܝܐ܂ ܡܪܝ܂ ܠܡܢܐ ܐܒܐܫܬ ܠܥܒܕܟ܂ ܘܠܡܢܐ ܠܐ ܐܫܟܿܚܬ ܪ̈ܚܡܐ ܒܥܝܢ̈ܝܟ/ܩܕܡܝܟ#3#/܂ ܕܐܪܡܝܬܝܗܝ ܥܠܝ ܟܘܠܗ ܛܥܢܗ ܕܥܡܐ ܗܢܐ܂
11:12 [ai]ܕܠܡܐ ܐܢܐ ܒܛܢܬܗ ܠܗܢܐ ܟܘܠܗ ܥܡܐ܂ ܐܘ ܕܠܡܐ ܐܢܐ ܐܝܠܕܬܗ܂ ܕܐܡܿܪ ܐܢܬ ܠܝ ܫܩܠܝܗܝ ܒܥܘܒܟ܂ ܐܝܟ ܕܡܫܩܠ ܡܪܒܝܢܐ ܠܝܠܘܕܐ/ܝܠܘܕܐ#3#/܂ ܠܐܪܥܐ ܕܝܡܝܬ ܠܐ̈ܒܗܝܗܘܢ܂
11:13 [ai]ܐܝܡܟܐ ܠܝ ܒܣܪܐ ܕܐܬܠ ܠܗܢܐ ܟܠܗ ܥܡܐ ܕܒܿܟܝܢ ܥܠܝ ܘܐܿܡܪܝܢ܂ ܗܒ/ܕܗܒ#3#/ ܠܢ ܒܣܪܐ ܢܐܟܘܠ/ܕܢܐܟܘܠ#3#/܂
11:14 [ai]ܠܐ ܡܫܟܚ ܐܢܐ ܕܐܣܝܒܪ ܒܠܚܘܕܝ܂ ܠܗܢܐ ܟܠܗ ܥܡܐ ܡܛܠ ܕܥܫܝܢ ܗܘ ܡܢܝ܂
11:15 [ai]ܐܢ ܗܟܢܐ ܥܿܒܕ ܐܢܬ ܠܝ/ܥܡܝ#3#/܂ ܩܛܘܠܝܢܝ ܡܩܛܠ܂ ܐܢ ܐܫܟܿܚܬ ܪ̈ܚܡܐ ܒܥܝ̈ܢܝܟ܂ ܘܠܐ ܐܚܙܐ ܒܒܝܫܬܝ܂
11:16 [ai]ܘܐܡܪ ܡܪܝܐ ܠܡܘܫܐ܂ ܟܢܫ ܠܝ ܫܒܥܝܢ ܓܒܪ̈ܝܢ ܡܢ ܣܒ̈ܐ ܕܐܝܣܪܝܠ܂ ܐܝܠܝܢ/ܠܐܝܠܝܢ#3#/ ܕܝܿܕܥ ܐܢܬ ܕܗܢܘܢ/ܘܗܢܘܢ#3#/ ܐܢܘܢ ܪ̈ܫܘܗܝ ܕܥܡܐ ܘܣܦܪ̈ܘܗܝ/ܘܕܣܦܪ̈ܘܗܝ#3#/܂ ܘܕܒܪ ܐܢܘܢ ܠܡܫܟܢܙܒܢܐ܂ ܘܢܬܛܝܒܘܢ ܬܡܢ ܥܡܟ܂
11:17 [ai]ܘܐܚܘܬ ܘܐܡܠܠ ܥܡܟ ܬܡܢ܂ ܘܐܒܨܘܪ ܡܢ ܪܘܚܐ ܕܥܠܝܟ ܘܐܣܝܡ ܥܠܝܗܘܢ܂ ܘܢܫܩܠܘܢ ܥܡܟ ܒܛܥܢܗ ܕܥܡܐ ܗܢܐ܂ ܘܠܐ ܬܫܩܘܠ ܐܢܬ ܒܠܚܘܕܝܟ܂
11:18 [ai]ܘܐܡܪ ܡܘܫܐ ܠܥܡܐ܂ ܐܬܩܕܫܘ ܡܚܪ/ܠܡܚܪ#3#/ ܕܬܐܟܠܘܢ ܒܣܪܐ܂ ܡܛܠ ܕܒܟܝܬܘܢ ܩܕܡ ܡܪܝܐ ܘܐܡܪܬܘܢ܂ ܡܿܢ ܕܝܢ ܐܘܟܠܢ ܒܣܪܐ܂ ܡܛܠ ܕܛܒ ܗܘܐ ܠܢ ܒܡܨܪܝܢ܂ ܘܢܬܠ ܠܟܘܢ ܡܪܝܐ ܒܣܪܐ ܕܬܐܟܠܘܢ܂
11:19 [ai]ܠܐ ܚܕ ܝܘܡ ܬܐܟܠܘܢܗ܂ ܘܠܐ ܬܪ̈ܝܢ ܝܘܡ̈ܝܢ܂ ܘܠܐ ܚܡܫܐ ܝܘܡ̈ܝܢ܂ ܘܐܦ ܠܐ ܥܣܪܐ ܝܘܡ̈ܝܢ܂ ܘܠܐ ܥܣܪܐ ܝܘܡ̈ܝܢ܂
11:20 [ai]ܥܕܡܐ ܠܝܪܚ ܝܘܡ̈ܝܢ ܬܐܟܠܘܢܗ܂ ‍<‍ܐܠܐ#3#‍>‍ ܥܕܡܐ ܕܢܦܘܩ ‍<‍ܠܟܘܢ#3#‍>‍ ܡܢ ܢܚܝܪ̈ܝܟܘܢ܂ ܘܬܗܘܐ ܠܟܘܢ ܐܦܬܪܐ܂ ܥܠ ܕܐܣܠܝܬܘܢ ܠܡܪܝܐ ܕܒܟܘܢ܂ ܘܒܟܝܬܘܢ ܩܕܡ ܡܪܝܐ ܘܐܡܪܬܘܢ܂ ܠܡܢܐ ܓܝܪ ܢܦܩܢ ܡܢ ܡܨܪܝܢ܂
11:21 [ai]ܘܐܡܪ ܡܘܫܐ ܩܕܡ ܡܪܝܐ܂ ܫܬܡܐܐ ܐ̈ܠܦܝܢ ܓܒܪ̈ܐ ܪ̈ܓܠܝܐ܂ ܥܡܐ ܕܐܢܐ ܒܝܢܬܗܘܢ܂ ܘܐܢܬ ܐܡܪܬ ܕܒܣܪܐ ܐܬܠ ܠܗܘܢ܂ ܘܢܐܟܠܘܢ ܝܪܚ ܝܘܡ̈ܝܢ܂
11:22 [ai]ܐܢ ܥܢܐ ܘܬܘܪ̈ܐ ܡܬܢܟܣܝܢ ܠܗܘܢ܂ ܡܢܐ ܥܿܒܕܝܢ ܠܗܘܢ܂ ܘܐܢ ܟܠܗܘܢ ܢܘ̈ܢܐ ܕܝܡܐ ܡܬܬܨܝܕܝܢ ܠܗܘܢ܂ ܠܐܝܟܐ ܡܡܠܝܢ ܠܗܘܢ܂
11:23 [ai]ܘܐܡܪ ܡܪܝܐ ܠܡܘܫܐ܂ ܐܝܕܗ ܕܡܪܝܐ ܡܡܠܝܐ܂ ܗܫܐ ܬܚܙܐ ܐܢ ܗܘܝܐ ܡܠܬܝ ܐܘ ܠܐ܂
11:24 [ai]ܘܢܦܩ ܡܘܫܐ ܘܐܡܪ ܠܥܡܐ ܦܬܓܡ̈ܘܗܝ ܕܡܪܝܐ܂ ܘܟܢܫ ܫܒܥܝܢ ܓܒܪ̈ܝܢ ܡܢ ܣ̈ܒܐ ܕܥܡܐ/ܕܐܝܣܪܝܠ#3#/܂ ܘܐܩܝܡ ܐܢܘܢ ܚܕܪ̈ܘܗܝ ܕܡܫܟܢܐ܂
11:25 [ai]ܘܢܚܬ ܡܪܝܐ ܒܥܢܢܐ \ܘܡܠܠ ܥܡܗ /ܘܩܡ ܥܡܗ ܬܡܢ#3#/܂ ܘܒܨܪ ܡܢ ܪܘܚܐ ܕܥܠܘܗܝ܂ ܘܝܗܒ ܥܠ ܫܒܥܝܢ ܓܒܪ̈ܝܢ ܣ̈ܒܐ܂ ܘܟܕ ܫܪܬ/ܫܪܝܬ#3#/ ܥܠܝܗܘܢ ܪܘܚܐ܂ ܐܬܢܒܝܘ ܘܠܐ ܐܘܣܦܘ܂
11:26 [ai]ܘܐܫܬܚܪܘ ܬܪ̈ܝܢ ܓܒܪ̈ܝܢ ܒܡܫܪܝܬܐ܂ ܫܡܗ ܕܚܕ ܐܠܕܕ܂ ܘܫܡܗ ܕܐܚܪܢܐ ܡܝܕܕ ܘܫܪܬ/ܘܫܪܝܬ#3#/ ܥܠܝܗܘܢ ܪܘܚܐ܂ ܘܐܦ ܗܢܘܢ ܟܬܝܒܝܢ ܗܘܘ ܘܠܐ ܐܬܘ ܠܡܫܟܢܐ܂ ܘܐܬܢܒܝܘ ܒܡܫܪܝܬܐ܂
11:27 [ai]ܘܪܗܛ ܥܠܝܡܐ܂ ܘܚܘܝ ܠܡܘܫܐ ܘܐܡܪ ܠܗ܂ ܐܠܕܕ ܘܡܝܕܕ ܗܐ ܡܬܢܒܝܢ ܒܡܫܪܝܬܐ܂
11:28 [ai]ܘܥܢܐ ܗܘܫܥ/ܝܫܘܥ#3#/ ܒܪܢܘܢ ܡܫܡܫܢܗ ܕܡܘܫܐ ܡܢ ܛܠܝܘܬܗ ܘܐܡܪ ܠܗ܂ ܡܪܝ ܡܘܫܐ ܟܠܝ ܐܢܘܢ܂
11:29 [ai]ܐܡܪ ܠܗ ܡܘܫܐ܂ ܠܐ ܬܛܢܢܝ܂ ܡܿܢ ܕܝܢ ܥܒܕ ܟܠܗ ܥܡܗ ܕܡܪܝܐ ܢܒ̈ܝܐ܂ ܡܛܠ ܕܝܗܒ ܡܪܝܐ ܪܘܚܗ ܥܠܝܗܘܢ܂
11:30 [ai]ܘܥܠ ܡܘܫܐ ܠܡܫܪܝܬܐ܂ ܗܘ ܘܣ̈ܒܐ ܕܐܝܣܪܝܠ܂
11:31 [ai]ܘܪܘܚܐ ܫܩܠܬ ܡܢ ܩܕܡ ܡܪܝܐ܂ ܘܐܣܩܬ ܣܠܘܝ ܡܢ ܝܡܐ ܘܐܪܡܝܬ ܥܠ ܡܫܪܝܬܐ܂ ܡܪܕܐ ܝܘܡܐ ܠܟܐ ܘܡܪܕܐ ܝܘܡܐ ܠܟܐ ܚܕܪ̈ܝܗܿ ܕܡܫܪܝܬܐ܂ ܘܐܝܟ ܬܪ̈ܬܝܢ ܐ̈ܡܝܢ ܥܠ ܐ̈ܦܝ ܐܪܥܐ܂
11:32 [ai]ܘܩܡ ܥܡܐ ܟܠܗ ܐܝܡܡܐ ܗܿܘ ܘܟܠܗ ܠܠܝܐ ܘܟܠܗ ܐܝܡܡܐ ܕܒܬܪܗ܂ ܘܟܢܫܘܗܿ ܠܣܠܘܝ܂ ܐܝܢܐ ܕܐܙܥܪ ܟܢܫ ܥܣܪ̈ܐ ܟܪ̈ܘܢ܂ ܘܫܛܚܘ ܠܗܘܢ ܡܫ̈ܛܚܐ܂ ܚܕܪ̈ܝܗܿ ܕܡܫܪܝܬܐ܂
11:33 [ai]ܒܣܪܐ ܥܕܟܝܠ ܒܝܬ ܫ̈ܢܝܗܘܢ܂ ܘܥܕܠܐ ܥܒܪ܂ ܬܩܦ ܪܘܓܙܗ ܕܡܪܝܐ ܥܠ ܥܡܐ܂ ܘܡܚܐ ܡܪܝܐ ܠܥܡܐ/ܒܥܡܐ#3#/ ܡܚܘܬܐ ܕܛܒ ܪܒܐ܂
11:34 [ai]ܘܩܪܐ ܫܡܗ ܕܐܬܪܐ ܗܿܘ ܩܒܪ̈ܐ ܕܪܓܬܐ܂ ܡܛܠ ܕܬܡܢ ܩܒܪܘ ܠܥܡܐ ܕܪܓܘ ܪܓܬܐ܂
11:35 [ai]ܘܡܢ ܩܒܪ̈ܐ ܕܪܓܬܐ ܫܩܠܘ ܥܡܐ ܠܚܨܪܘܬ܂ \ܘܗܘܘ /ܘܗܘܐ ܥܡܐ#3#/ ܒܚܨܪܘܬ܂

next chapter