← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


12:01 [ai]ܘܡܠܠܬ ܡܪܝܡ ܘܐܗܪܘܢ ܒܡܘܫܐ܂ ܥܠ ܨܒܘܬܐ ܕܐܢܬܬܐ ܟܘܫܝܬܐ ܕܢܣܒ܂ ܡܛܠ ܕܐܢܬܬܐ ܟܘܫܝܬܐ ܢܣܒ܂
12:02 [ai]ܘܐܡܿܪܝܢ܂ ܕܠܡܐ ܥܡ ܡܘܫܐ ܗܘ ܒܠܚܘܕ ܡܠܠ ܡܪܝܐ܂ ܗܐ ܐܦ ܥܡܢ ܡܠܠ܂ ܘܫܡܥ ܡܪܝܐ܂
12:03 [ai]ܘܓܒܪܐ ܡܘܫܐ ܡܟܝܟ ܗܘܐ ܛܒ ܡܢ ܟܠܗܘܢ ܒܢ̈ܝ ܐܢܫܐ ܕܥܠ ܐܪܥܐ܂
12:04 [ai]ܘܐܡܪ ܡܪܝܐ ܡܢ ܫܠܝܐ ܠܡܘܫܐ ܘܠܐܗܪܘܢ ܘܠܡܪܝܡ ܦܘܩܘ ܬ̈ܠܬܝܟܘܢ ܠܡܫܟܢܙܒܢܐ܂ ܘܢܦܩܘ ܬܠܬܝܗܘܢ܂
12:05 [ai]ܘܢܚܬ ܡܪܝܐ ܒܥܡܘܕܐ ܕܥܢܢܐ ܘܩܡ ܒܬܪܥܐ /ܕܡܫܟܢܙܒܢܐ/ܕܡܫܟܢܐ#3#/ ܘܩܪܐ ܠܐܗܪܘܢ ܘܠܡܪܝܡ܂ ܘܢܦܩܘ ܬܪ̈ܝܗܘܢ܂
12:06 [ai]ܘܐܡܪ ܠܗܘܢ ܡܪܝܐ܂ ܫܡܥܘ ܗܫܐ ܦܬ̈ܓܡܝ ܐܢ ܬܗܘܐ ܢܒܝܘܬܟܘܢ܂ ܐܢܐ ܡܪܝܐ ܒܚܙܘܐ ܡܬܓܠܐ ܐܢܐ ܥܠܝܟܘܢ܂ ܘܒܚܠܡܐ ܡܡܠܠ ܐܢܐ ܥܡܟܘܢ܂
12:07 [ai]ܠܐ ܗܘܐ ܗܟܢܐ ܥܒܕܝ ܡܘܫܐ܂ ܐܠܐ ܒܟܠܗ ܒܝܬܝ ܡܗܝܡܢ ܗܘ܂
12:08 [ai]ܡܢ ܦܘܡ ܠܦܘܡ ܡܡܠܠ ܐܢܐ ܥܡܗ ܒܚܙܘܐ ܘܠܐ ܒܕܡܘܬܐ܂ ܘܫܘܒܚܗ ܕܡܪܝܐ ܚܙܐ܂ ܡܛܠ ܡܢܐ ܠܐ ܕܚܠܬܘܢ ܠܡܡܠܠܘ ܒܥܒܕܝ ܡܘܫܐ܂
12:09 [ai]ܘܐܬܚܡܬ ܪܘܓܙܗ ܕܡܪܝܐ ܥܠܝܗܘܢ ܘܐܙܠ܂
12:10 [ai]ܘܥܢܢܐ ܦܪܩܬ ܡܢ ܡܫܟܢܐ܂ ܘܗܐ ܡܪܝܡ ܓܪܒܬ ܐܝܟ ܬܠܓܐ܂ ܘܐܬܦܢܝ ܐܗܪܘܢ ܠܘܬ ܡܪܝܡ ܘܚܙܐ ܕܓܪܒܬ܂
12:11 [ai]ܘܐܡܪ ܐܗܪܘܢ ܠܡܘܫܐ܂ ܒܿܥܐ ܐܢܐ ܡܢܟ ܡܪܝ܂ ܠܐ ܬܚܫܘܒ ܥܠܝܢ ܚܛܗܐ ܥܠ ܕܐܣܟܠܢ ܘܥܠ ܕܚܛܝܢ܂
12:12 [ai]ܘܠܐ ܢܗܘܐ ܐܝܟ ܡܝܬܐ ܕܢܦܩ ܡܢ ܟܪܣܐ ܕܐܡܗ܂ ܘܐܟܝܠ ܦܠܓܗ ܕܒܣܪܗ܂
12:13 [ai]ܘܓܥܐ ܡܘܫܐ ܠܘܬ ܡܪܝܐ ܘܐܡܪ ܒܒܥܘ ܐܠܗܐ ܐܣܗܿ܂
12:14 [ai]ܘܐܡܪ ܡܪܝܐ ܠܡܘܫܐ܂ ܐܠܘ ܐܒܘܗܿ ܡܪܩ ܪܩ ܒܐ̈ܦܝܗܿ܂ ܘܿܠܐ ܗܘܐ ܠܗܿ ܕܬܒܗܬ܂ ܫܒܥܐ ܝܘܡ̈ܝܢ܂ ܬܬܒ ܫܒܥܐ ܝܘܡ̈ܝܢ ܠܒܪ ܡܢ ܡܫܪܝܬܐ ܘܗܝܕܝܢ ܬܥܘܠ܂
12:15 [ai]ܘܝܬܒܬ ܡܪܝܡ ܠܒܪ ܡܢ ܡܫܪܝܬܐ ܫܒܥܐ ܝܘܡ̈ܝܢ܂ ܘܥܡܐ ܠܐ ܫܩܠܘ ܥܕܡܐ ܕܥܠܬ ܡܪܝܡ܂
12:16 [ai]ܘܗܝܕܝܢ ܫܩܠܘ ܥܡܐ ܡܢ ܚܨܪܘܬ܂ ܘܫܪܘ ܒܡܕܒܪܐ ܕܦܪܢ܂

next chapter