← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


13:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
13:02 [ai]ܫܕܪ ܓܒܪ̈ܐ ܢܓܫܘܢ/ܕܢܓܫܘܢ#3#/ ܐܪܥܐ ܕܟܢܥܢ܂ ܕܝܿܗܒ ܐܢܐ ܠܒܢ̈ܝ ܐܝܣܪܝܠ܂ ܚܕ ܚܕ ܓܒܪܐ ܡܢ ܫܒܛܐ ܕܐܒ̈ܗܘܗܝ ܫܕܪ܂ ܟܠ ܪ̈ܫܐ ܕܐܝܬ ܒܗܘܢ܂
13:03 [ai]ܘܫܕܪ ܐܢܘܢ ܡܘܫܐ ܡܢ ܡܕܒܪܐ ܕܦܪܢ܂ ܒܡܠܬ ܦܘܡܗ ܕܡܪܝܐ܂ ܟܠܗܘܢ ܓܒܪ̈ܐ ܪ̈ܫܐ ܐܢܘܢ ܕܐܝܣܪܝܠ܂
13:04 [ai]ܘܗܠܝܢ ܫܡ̈ܗܝܗܘܢ܂ ܡܢ ܫܒܛܐ ܕܪܘܒܝܠ܂ ܫܡܘܥ ܒܪ ܙܟܘܪ܂
13:05 [ai]ܡܢ ܫܒܛܐ ܕܫܡܥܘܢ܂ ܫܦܛ ܒܪ ܚܕܝ܂
13:06 [ai]ܡܢ ܫܒܛܐ ܕܝܗܘܕܐ ܟܠܒ ܒܪ ܝܘܦܢܐ܂
13:07 [ai]ܡܢ ܫܒܛܐ ܕܐܝܣܟܪ܂ ܢܓܐܝܠ ܒܪ ܝܘܣܦ܂
13:08 [ai]ܡܢ ܫܒܛܐ ܕܐܦܪܝܡ܂ ܗܘܫܥ ܒܪܢܘܢ܂
13:09 [ai]ܡܢ ܫܒܛܐ ܕܒܢܝܡܝܢ܂ ܦܠܛܝ ܒܪ ܕܦܘ܂
13:10 [ai]ܡܢ ܫܒܛܐ ܕܙܒܘܠܘܢ܂ ܓܕܝ ܒܪ ܣܘܪܝ/ܣܘܕܝ#3#/܂
13:11 [ai]ܡܢ ܫܒܛܐ ܕܝܘܣܦ ܡܢ ܫܒܛܐ ܕܡܢܫܐ܂ ܓܕܝ ܒܪ ܣܘܣܝ܂
13:12 [ai]ܡܢ ܫܒܛܐ ܕܕܢ܂ ܓܡܠܝܐܝܠ ܒܪ ܓܡܠܝ܂
13:13 [ai]ܡܢ ܫܒܛܐ ܕܐܫܝܪ܂ ܣܬܘܪ ܒܪ ܡܠܟܝܠ܂
13:14 [ai]ܡܢ ܫܒܛܐ ܕܢܦܬܠܝ܂ ܢܚܒܝ ܒܪ ܘܦܣܝ܂
13:15 [ai]ܡܢ ܫܒܛܐ ܕܓܕ ܓܘܐܝܠ ܒܪ ܡܟܝܪ܂
13:16 [ai]ܗܠܝܢ ܫܡ̈ܗܐ ܕܓܒܪ̈ܐ ܕܫܕܪ ܡܘܫܐ ܠܡܓܫ ܐܪܥܐ܂ ܘܩܪܐ ܡܘܫܐ ܠܗܘܫܥ ܒܪܢܘܢ ܝܫܘܥ܂
13:17 [ai]ܘܫܕܪ ܐܢܘܢ ܡܘܫܐ ܠܡܓܫ ܐܪܥܐ ܕܟܢܥܢ ܘܐܡܪ ܠܗܘܢ܂ ܣܩܘ ܗܟܢܐ ܠܬܝܡܢܐ܂ ܘܣܩܘ ܠܛܘܪܐ܂
13:18 [ai]ܘܚܙܘ ܠܐܪܥܐ ܡܢܐ ܗܝ܂ ܘܠܥܡܐ ܕܝܿܬܒܝܢ ܒܗܿ܂ ܐܢ ܥܫܝܢ ܗܘ ܐܘ ܚܠܫ܂ ܐܘ ܙܥܘܪ ܗܘ ܐܘ ܣܓܝ܂
13:19 [ai]ܘܡܢܐ ܗܝ ܐܪܥܐ ܕܝܿܬܒܝܢ ܒܗܿ܂
13:20 [ai]ܐܢ ܫܡܝܢܐ ܗܝ ܐܘ ‍<‍ܐܢ#3#‍>‍ ܐܝܬ ܒܗܿ ܐ̈ܝܠܢܐ ܐܘ ܠܐ܂ ܘܐܬܚܝܠܘ ܘܣܒܘ ܡܢ ܦܐܪ̈ܐ ܕܐܪܥܐ܂ ܘܝܘܡ̈ܬܐ ܝܘܡ̈ܝ ܒܟܪ̈ܐ ܕܥܢ̈ܒܐ܂
13:21 [ai]ܘܣܠܩܘ ܘܓܫܘܗܿ ܠܐܪܥܐ ܡܢ ܡܕܒܪܐ ܕܨܝܢ܂ ܘܥܕܡܐ ܠܪܚܘܒ ܕܒܡܥܠܢܐ ܕܚܡܬ܂
13:22 [ai]ܘܣܠܩܘ ܠܬܝܡܢܐ܂ ܘܐܬܘ ܥܕܡܐ ܠܚܒܪܘܢ܂ ܘܬܡܢ ܗܘܘ ܐܚܝܡܢ ܘܫܝܫܝ ܘܬܘܠܡܝ ܒܢ̈ܝ ܓܢܒܪ̈ܐ܂ ܘܚܒܪܘܢ ܫܒܥ ܫ̈ܢܝܢ ܐܬܒܢܝܬ ܩܕܡ ܨܥܢ ܕܒܡܨܪܝܢ܂
13:23 [ai]ܘܐܬܘ ܥܕܡܐ ܠܢܚܠܐ ܕܣܓܘܠܐ܂ ܘܦܣܩܘ ܡܢ ܬܡܢ ܫܒܘܩܐ ܘܣܓܘܠܐ ܚܕ ܕܥܢ̈ܒܐ܂ ܘܫܩܠܘܗܝ ܒܩܘܦܐ ܒܝܬ ܬܪ̈ܝܢ܂ ܘܡܢ ܪ̈ܘܡܢܐ ܘܡܢ ܬܐ̈ܢܐ܂
13:24 [ai]ܘܠܐܬܪܐ ܗܿܘ ܩܪܘ ܢܚܠܐ ܕܣܓܘܠܐ܂ ܡܛܠ ܣܓܘܠܐ/ܕܣܓܘܠܐ#3#/ ܕܩܛܦܘ ܡܢ ܬܡܢ ܒܢ̈ܝ ܐܝܣܪܝܠ܂
13:25 [ai]ܘܗܦܟܘ ܡܢ ܓܫܬܗܿ ܕܐܪܥܐ ܒܬܪ ܐܪ̈ܒܥܝܢ ܝܘܡ̈ܝܢ܂
13:26 [ai]ܘܐܬܘ ܠܘܬ ܡܘܫܐ ܘܠܘܬ ܐܗܪܘܢ܂ ܘܠܘܬ ܟܠܗܿ ܟܢܘܫܬܐ ܕܒ̈ܢܝ ܐܝܣܪܝܠ ܠܡܕܒܪܐ ܕܦܪܢ ܠܪܩܡ܂ ܘܐܬܝܒܘܗܝ ܦܬܓܡܐ ܠܗ ܘܠܟܠܗܿ ܟܢܘܫܬܐ܂ ܘܚܘܝܘ ܐܢܘܢ ܦܐܪ̈ܐ ܕܐܪܥܐ܂
13:27 [ai]ܘܐܫܬܥܝܘ ܠܗ ܘܐܡܪܘ܂ ܐܙܠܢ ܠܐܪܥܐ ܕܫܕܪܬܢ ܘܡܪܕܝܐ ܚܠܒܐ ܘܕܒܫܐ܂ ܘܗܠܝܢ ܦܐܪ̈ܝܗܿ܂
13:28 [ai]ܒܪܡ ܕܝܢ ܥܫܝܢ ܥܡܐ ܕܝܿܬܒܝܢ ܒܐܪܥܐ܂ ܘܩܘܪ̈ܝܐ ‍<‍ܕܛܒ#3#‍>‍ ܥܫܝܢܢ ܘܛܒ ܪ̈ܘܪܒܢ܂ ܘܐܦ ܒܢ̈ܝ ܓܢܒܪ̈ܐ ܚܙܝܢ ܬܡܢ܂
13:29 [ai]ܥܡܠܝܩ ܝܿܬܒ ܒܐܪܥܐ ܕܬܝܡܢܐ܂ ܘܚ̈ܬܝܐ ܘܝܒ̈ܘܣܝܐ ܘܐܡܘܪ̈ܝܐ ܝܿܬܒܝܢ ܒܛܘܪܐ܂ ܘܟܢ̈ܥܢܝܐ ܝܿܬܒܝܢ ܥܠ ܝܕ ܝܡܐ܂ ܘܥܠ ܝܕ ܝܘܪܕܢܢ܂
13:30 [ai]ܘܫܬܩ ܟܠܒ ܥܡܐ ܡܢ ܡܘܫܐ ܘܐܡܪ܂ ܡܣܩ ܢܣܩ ܘܢܐܪܬܝܗܿ܂ ܡܛܠ ܕܡܨܝܢܢ ܚܝܠܗܿ܂
13:31 [ai]ܘܓܒܪ̈ܐ ܕܣܠܩܘ ܥܡܗ ܐܡܿܪܝܢ܂ ܠܐ ܡܫܟܚܝܢܢ ܠܡܣܩ ܥܠ ܥܡܐ܂ ܡܛܠ ܕܥܫܝܢ ܗܘ ܡܢܢ܂
13:32 [ai]ܘܐܦܩܘ ܛܒܗܿ ܕܐܪܥܐ ܗܿܢܘܢ ܕܓܫܘܗܿ ܠܒܢ̈ܝ ܐܝܣܪܝܠ܂ ܘܐܡܪܘ ܠܗܘܢ܂ ܐܪܥܐ ܕܥܒܪܢ ܒܗܿ ܘܓܫܢܗܿ܂ ܐܪܥܐ ܐܿܟܠܬ ܥܡܘܪ̈ܝܗܿ ܗܝ܂ ܘܟܠ ܥܡܐ ܕܚܙܝܢ ܒܓܘܗܿ܂ ܓܒܪ̈ܐ ܐܢܘܢ ܕܡܫܘܚܬܐ܂
13:33 [ai]ܘܬܡܢ ܚܙܝܢ ܓܢܒܪ̈ܐ ܒܢ̈ܝ ܓܢܒܪ̈ܐ܂ ܕܡܢ ܓܢܒܪ̈ܐ܂ ܘܗ̈ܘܝܢ ܒܥܝܢ̈ܝܗܘܢ ܐܝܟ ܩܡ̈ܨܐ ܗܟܢܐ ܗ̈ܘܝܢ ܒܥܝܢ̈ܝܗܘܢ܂

next chapter