← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


16:01 [ai]ܘܐܬܦܠܓ ܩܘܪܚ ܒܪ ܝܨܗܪ ܒܪ ܩܗܬ ܒܪ ܠܘܝ܂ ܘܕܬܢ ܘܐܒܝܪܡ ܒܢ̈ܝ ܐܠܝܒ܂ ܘܐܘܢ ܒܪ ܦܠܬ ܒܢ̈ܝ ܪܘܒܝܠ܂
16:02 [ai]ܘܩܡܘ ܩܕܡ ܡܘܫܐ܂ ܘܓܒܪ̈ܐ ܡܢ ܒܢ̈ܝ ܐܝܣܪܝܠ ܡܐܬܝܢ ܘܚܡܫܝܢ܂ ܪ̈ܫܐ ܕܟܢܘܫܬܐ ܕܡܬܩܪܝܢ ܠܙܒܢܐ ܓܒܪ̈ܐ ܕܫ̈ܡܗܬܐ܂
16:03 [ai]ܘܐܬܟܢܫܘ ܥܠ ܡܘܫܐ ܘܥܠ ܐܗܪܘܢ ܘܐܡܪܘ ܠܗܘܢ܂ ܠܐ ܟܕܘ ܠܟܘܢ ܕܟܠܗܿ ܟܢܘܫܬܐ ܟܠܗܘܢ ܩܕܝܫ̈ܝܢ ܘܡܪܝܐ ܒܗܘܢ܂ ܐܠܐ ܕܬܫܬܩܠܘܢ ܥܠ ܟܘܠܗܿ ܟܢܘܫܬܐ ܕܡܪܝܐ܂
16:04 [ai]ܘܫܡܥ ܡܘܫܐ ܘܢܦܠ ܥܠ ܐ̈ܦܘܗܝ܂
16:05 [ai]ܘܡܠܠ ܥܡ ܩܘܪܚ ܘܥܡ ܟܠܗܿ ܟܢܘܫܬܗ܂ ܘܐܡܪ ܠܗܘܢ܂ ܒܨܦܪܐ ܢܚܘܐ ܡܪܝܐ ܡܿܢ ܕܕܝܠܗ ܗܘ܂ ܘܕܩܕܝܫ/ܘܩܕܝܫ#3#/ ܢܬܩܪܒ/ܕܢܬܩܪܒ#3#/ ܠܘܬܗ܂ ܘܐܝܢܐ/ܘܠܐܝܢܐ#3#/ ܕܓܒܐ ܠܗ ܢܩܪܒ/ܢܬܩܪܒ#3#/ ܠܘܬܗ܂
16:06 [ai]ܗܟܢܐ ܥܒܕܘ ܣܒܘ ܠܟܘܢ ܦܝܪ̈ܡܐ ܐܢܬ ܩܘܪܚ ܘܟܠܗܿ ܟܢܘܫܬܟ܂
16:07 [ai]ܘܣܝܡܘ ܒܗܘܢ ܢܘܪܐ ܘܣܝܡܘ ܒܗܘܢ ܒܣ̈ܡܐ܂ ܩܕܡ ܡܪܝܐ ܡܚܪ܂ ܘܓܒܪܐ ܕܓܒܐ ܠܗ ܡܪܝܐ ܗܘ ܢܗܘܐ ܩܕܝܫ܂ ܟܕܘ ܠܟܘܢ ܒܢ̈ܝ ܠܘܝ܂
16:08 [ai]ܘܐܡܪ ܡܘܫܐ ܠܩܘܪܚ܂ ܫܡܥܘ ܬܘܒ ܒܢ̈ܝ ܠܘܝ܂
16:09 [ai]ܠܐ ܟܕܘ ܠܟܘܢ ܕܦܪܫܟܘܢ ܐܠܗܐ ܕܐܝܣܪܝܠ ܡܢ ܟܠܗܿ ܟܢܘܫܬܐ ܕܐܝܣܪܝܠ܂ ܘܩܪܒܟܘܢ ܠܘܬܗ ܠܡܦܠܚ ܦܘܠܚܢܐ ܕܡܫܟܢܗ ܕܡܪܝܐ܂ ܘܠܡܩܡ ܩܕܡ ܟܢܘܫܬܐ ܠܡܫܡܫܘ ܐܢܘܢ܂
16:10 [ai]ܘܩܪܒܟ ܠܟ ܘܠܟܠܗܘܢ ܐܚ̈ܝܟ ܒܢ̈ܝ ܠܘܝ ܥܡܟ܂ ܐܠܐ ܒܥܝܢ ܐܢܬܘܢ ܐܦ ܟܗܢܘܬܐ܂
16:11 [ai]ܡܛܠ ܗܢܐ ܐܢܬ ܘܟܠܗܿ ܟܢܘܫܬܟ܂ ܐܬܘܥܕܘ ܩܕܡ ܡܪܝܐ ܡܚܪ ܘܐܗܪܘܢ܂ ܡܢܘ ܕܪܛܢܝܢ ܐܢܬܘܢ ܥܠܘܗܝ܂
16:12 [ai]ܘܫܕܪ ܡܘܫܐ ܠܡܩܪܐ ܠܕܬܢ ܘܠܐܒܝܪܡ ܒܢ̈ܝ ܐܠܝܒ܂ ܘܐܡܪܘ ‍<‍ܠܗ#3#‍>‍ ܠܐ ܣܿܠܩܝܢ ܚܢܢ܂
16:13 [ai]ܠܐ ܟܕܘ ܠܟܘܢ ܕܐܣܩܬܘܢܢ ܡܢ ܐܪܥܐ ܕܡܪܕܝܐ ܚܠܒܐ ܘܕܒܫܐ܂ ܠܡܩܛܠܘܬܢ ܒܡܕܒܪܐ܂ ܐܠܐ ܡܬܪ̈ܘܪܒܝܢ ܐܢܬܘܢ ܥܠܝܢ ܐܦ ܡܬܪ̈ܘܪܒܘ܂
16:14 [ai]ܘܠܐܪܥܐ ܕܡܪܕܝܐ ܚܠܒܐ ܘܕܒܫܐ ܠܐ ܐܥܠܬܢ܂ ܘܠܐ ܝܗܒܬ ܠܢ ܝܪܬܘܬܐ ܕܚ̈ܩܠܬܐ ܘܕܟܪ̈ܡܐ܂ ܐܢ ܥܝܢ̈ܝܢ ܡܥܘܪ ܐܢܬ ܠܐ ܣܿܠܩܝܢܢ܂
16:15 [ai]ܘܐܬܒܐܫ ܛܒ ܠܡܘܫܐ ܘܐܡܪ ܠܡܪܝܐ/ܩܕܡ ܡܪܝܐ#3#/܂ ܠܐ ܬܬܦܢܐ ܥܠ ܩܘܪ̈ܒܢܝܗܘܢ܂ ܡܛܠ ܕܠܐ ܚܡܪܐ ܕܚܕ ܡܢܗܘܢ ܕܒܿܪܬ܂ ܐܦ ܠܐ ܐܿܒܐܫܬ ܠܚܕ ܡܢܗܘܢ܂
16:16 [ai]ܘܐܡܪ ܡܘܫܐ ܠܩܘܪܚ܂ ܐܢܬ ܘܟܘܠܗܿ ܟܢܘܫܬܟ܂ ܗܘܘ ܩܕܡ ܡܪܝܐ܂ ܐܢܬ ܘܗܢܘܢ ܘܐܗܪܘܢ ܡܚܪ܂
16:17 [ai]ܣܒܘ ܓܒܪ ܦܝܪܡܗ܂ ܘܣܝܡܘ ܒܗܘܢ ܢܘܪܐ ܘܣܝܡܘ ܒܗܘܢ ܒܣ̈ܡܐ܂ ܘܩܪܒܘ ܩܕܡ ܡܪܝܐ ܓܒܪ ܦܝܪܡܗ܂ ܡܐܬܝܢ ܘܚܡܫܝܢ ܦܝܪ̈ܡܝܢ ܘܐܢܬ ܘܐܗܪܘܢ ܓܒܪ ܦܝܪܡܗ܂
16:18 [ai]ܘܢܣܒ ܓܒܪ ܦܝܪܡܗ܂ ܘܣܡܘ ܒܗܘܢ ܢܘܪܐ ܘܣܡܘ ܒܗܘܢ ܒܣ̈ܡܐ܂ ܘܩܡܘ ܩܕܡ ܡܫܟܢܙܒܢܐ ܡܘܫܐ ܘܐܗܪܘܢ܂
16:19 [ai]ܘܟܢܫ ܥܠܝܗܘܢ ܩܘܪܚ ܠܟܘܠܗܿ ܟܢܘܫܬܐ ܠܬܪܥܐ ܕܡܫܟܢܙܒܢܐ܂ ܘܐܬܓܠܝ ܫܘܒܚܗ ܕܡܪܝܐ ܥܠ ܟܠܗܿ ܟܢܘܫܬܐ܂
16:20 [ai]ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂
16:21 [ai]ܐܬܦܪܫܘ ܡܢ ܓܘ ܟܢܘܫܬܐ ܗܕܐ܂ ܘܐܘܒܕ ܐܢܘܢ ܒܚܕܐ ܫܥܐ܂
16:22 [ai]ܘܢܦܠܘ ܥܠ ܐ̈ܦܝܗܘܢ ܘܐܡܪܘ܂ ܐܝܠ ܐܠܗܐ ܕܪ̈ܘܚܬܐ ܕܟܠ܆ܒܣܪ܂ ܓܒܪܐ ܚܕ ܢܚܛܐ܂ ܘܥܠ ܟܘܠܗܿ ܟܢܘܫܬܐ ܢܗܘܐ ܪܘܓܙܐ܂
16:23 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
16:24 [ai]ܡܠܠ ܥܡ ܟܠܗܿ ܟܢܘܫܬܐ ܘܐܡܪ ܠܗܘܢ܂ ܐܬܦܪܫܘ ܡܢ ܚܕܪ̈ܘܗܝ ܕܡܫܟܢܐ ܕܩܘܪܚ ܘܕܕܬܢ ܘܕܐܒܝܪܡ܂
16:25 [ai]ܘܩܡ ܡܘܫܐ ܘܐܙܠ ܠܘܬ ܕܬܢ ܘܐܒܝܪܡ܂ ܘܐܙܠܘ ܒܬܪܗ ܣ̈ܒܐ ܕܐܝܣܪܝܠ܂
16:26 [ai]ܘܡܠܠ ܥܡ ܟܠܗܿ ܟܢܘܫܬܐ ܘܐܡܪ ܠܗܘܢ܂ ܐܬܦܪܩܘ/ܐܬܦܪܫܘ#3#/ ܡܢ ܡܫ̈ܟܢܝܗܘܢ ܕܓܒܪ̈ܐ ܗܠܝܢ ܚ̈ܛܝܐ܂ ܘܠܐ ܬܬܩܪܒܘܢ ܠܟܠ/ܠܘܬ#3#/ ܡܕܡ ܕܐܝܬ ܠܗܘܢ܂ ܕܠܐ ܬܒܠܥܘܢ ܒܚ̈ܛܗܝܗܘܢ܂
16:27 [ai]ܘܐܬܦܪܩܘ ܡܢ ܡܫܟܢܐ ܕܩܘܪܚ ܘܕܕܬܢ ܘܕܐܒܝܪܡ܂ ܘܕܬܢ ܘܐܒܝܪܡ ܢܦܩܘ ܟܕ ܩܿܝܡܝܢ ܒܬܪܥܐ ܕܡܫ̈ܟܢܝܗܘܢ܂ ܘܢܫ̈ܝܗܘܢ ܘܒ̈ܢܝܗܘܢ ܘܐܝܩܪܬܗܘܢ܂
16:28 [ai]ܘܐܡܪ ܡܘܫܐ܂ ܒܗܕܐ ܬܕܥܘܢ ܕܡܪܝܐ ܫܕܪܢܝ ܠܡܥܒܕ ܗܠܝܢ ܟܠܗܘܢ ܥ̈ܒܿܕܐ܂ ܘܠܐ ܗܘܐ ܡܢ ܪܥܝܢܝ܂
16:29 [ai]ܐܢ ܐܝܟ ܡܘܬܐ ܕܟܠܢܫ ܢܡܘܬܘܢ ܗܠܝܢ܂ ܘܦܘܩܕܢܐ ܐܝܟ \ܕܥܠ ܟܠܢܫ /ܕܟܠ ܐܢܫ#3#/ ܢܬܦܩܕ ܥܠܝܗܘܢ܂ ܠܐ ܗܘܐ ܡܪܝܐ ܫܕܪܢܝ܂
16:30 [ai]ܘܐܢ ܒܪܝܬܐ ܢܒܪܐ ܡܪܝܐ܂ ܘܬܦܬܚ ܐܪܥܐ ܦܘܡܗܿ ܘܬܒܠܥ ܐܢܘܢ܂ ܠܗܘܢ ܘܠܟܠ ܡܕܡ ܕܐܝܬ ܠܗܘܢ܂ ܘܢܚܬܘܢ ܗܿܢܘܢ ܘܟܠ ܡܕܡ ܕܐܝܬ ܠܗܘܢ ܟܕ ܚܝܝܢ ܠܫܝܘܠ܂ ܬܕܥܘܢ ܕܐܪܓܙܘ ܓܒܪ̈ܐ ܗܠܝܢ ܠܡܪܝܐ܂
16:31 [ai]ܘܟܕ ܫܠܡ ܡܘܫܐ ܠܡܐܡܪ ܗܠܝܢ ܟܠܗܘܢ ܦܬ̈ܓܡܐ܂ ܐܬܦܚܬܬ/ܐܬܦܬܚܬ#3#/ ܐܪܥܐ ܕܬܚܘܬܝܗܘܢ܂
16:32 [ai]ܘܦܬܚܬ ܐܪܥܐ ܦܘܡܗܿ ܘܒܠܥܬ ܐܢܘܢ܂ ܠܗܘܢ ܘܠܒ̈ܬܝܗܘܢ ܘܠܟܠܗܘܢ ܒܢܝܢܫ̈ܐ ܕܥܡ ܩܘܪܚ܂ ܘܠܟܠܗ ܩܢܝܢܗܘܢ܂
16:33 [ai]ܘܢܚܬܘ ܗܢܘܢ ܘܟܠܡܕܡ ܕܐܝܬ ܠܗܘܢ ܟܕ ܚ̈ܝܝܢ ܠܫܝܘܠ܂ ܘܐܬܟܣܝܬ ܠܥܠ ܡܢܗܘܢ ܐܪܥܐ܂ ܘܐܒܕܘ ܡܢ ܓܘ ܟܢܘܫܬܐ܂
16:34 [ai]ܘܟܠܗܘܢ ܒܢ̈ܝ ܐܝܣܪܝܠ ܕܒܚܕܪ̈ܝܗܘܢ܂ ܥܪܩܘ ܡܢ ܩܠܗܘܢ܂ ܘܐܡܪܝܢ ܕܠܡܐ ܬܒܠܥܢ ܐܪܥܐ܂
16:35 [ai]ܘܢܦܩܬ ܢܘܪܐ ܡܢ ܩܕܡ ܡܪܝܐ܂ ܘܐܟܠܬ ܠܡܐܬܝܢ ܘܚܡܫܝܢ ܓܒܪ̈ܝܢ܂ ܕܡܩܪܒܝܢ ܗܘܘ ܒܣ̈ܡܐ܂

next chapter