← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


17:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
17:02 [ai]ܐܡܪ ܠܐܠܝܥܙܪ ܒܪ ܐܗܪܘܢ ܟܗܢܐ܂ ܣܒ ܦܝܪ̈ܡܐ ܡܢ ܒܝܢܬ ܡܘܩ̈ܕܐ܂ ܘܢܘܪܐ ܫܕܝ ܠܗܠ܂ ܡܛܠ ܕܐܬܩܕܫܘ܂
17:03 [ai]ܦܝܪ̈ܡܝܗܘܢ ܕܚ̈ܛܝܐ ܗܠܝܢ ܒܢܦܫ̈ܬܗܘܢ܂ ܘܥܒܕ ܐܢܘܢ ܛܣ̈ܐ ܪ̈ܩܝܩܐ ܩܪܡܐ ܠܡܕܒܚܐ܂ ܡܛܘܠ ܕܩܪܒܘ ܐܢܘܢ ܩܕܡ ܡܪܝܐ ܘܐܬܩܕܫܘ ܘܢܗܘܘܢ ܠܐܬܐ܂ ܒܒ̈ܢܝ/ܠܒ̈ܢܝ#3#/ ܐܝܣܪܝܠ܂
17:04 [ai]ܘܢܣܒ ܐܠܝܥܙܪ ܟܗܢܐ ܦܝܪ̈ܡܐ ܕܢܚܫܐ ܕܩܪܒܘ ܡܘܩ̈ܕܐ܂ ܘܐܪܩ ܐܢܘܢ ܛܣ̈ܐ ܠܡܕܒܚܐ܂
17:05 [ai]ܕܘܟܪܢܐ ܠܒܢ̈ܝ ܐܝܣܪܝܠ܂ ܕܠܐ ܢܗܘܐ ܩܪܒ ܓܒܪܐ ܢܘܟܪܝܐ܂ ܐܝܢܐ ܕܠܐ ܗܘܐ ܡܢ ܙܪܥܗ ܕܐܗܪܘܢ܂ ܠܡܣܡ ܥܛܪܐ ܕܒܣ̈ܡܐ ܩܕܡ ܡܪܝܐ܂ ܘܠܐ ܢܗܘܐ ܐܝܟ ܩܘܪܚ ܘܐܝܟ ܟܘܠܗܿ ܟܢܘܫܬܗ ‍<‍ܕܦܬܚܬ ܐܪܥܐ ܦܘܡܗ ܘܒܠܥܬ ܐܢܘܢ#3#‍>‍܂ ܐܝܟ ܕܐܡܪ/ܕܦܩܕ#3#/ ܡܪܝܐ ܒܐܝܕܐ ܕܡܘܫܐ܂
17:06 [ai]ܘܪܛܢܘ ܟܠܗܿ ܟܢܘܫܬܐ ܕܒܢ̈ܝ ܐܝܣܪܝܠ ܒܬܪ ܝܘܡܐ܂ ܥܠ ܡܘܫܐ ܘܥܠ ܐܗܪܘܢ ܘܐܡܪܘ ܠܗܘܢ܂ ܐܢܬܘܢ ܩܛܠܬܘܢ ܠܥܡܗ ܕܡܪܝܐ܂
17:07 [ai]ܘܟܕ ܐܬܟܢܫܬ ܟܠܗܿ ܟܢܘܫܬܐ ‍<‍ܕܒܢ̈ܝ ܝܣܪܝܠ#3#‍>‍ ܥܠ ܡܘܫܐ ܘܥܠ ܐܗܪܘܢ ܐܬܦܢܝܘ ܠܡܫܟܢܙܒܢܐ܂ ܘܚܙܘ ܕܟܣܝܬܗ ܥܢܢܐ܂ ܘܐܬܓܠܝ ܫܘܒܚܗ ܕܡܪܝܐ܂
17:08 [ai]ܘܐܬܐ ܡܘܫܐ ܘܐܗܪܘܢ \ܩܕܡ ܡܫܟܢ ܙܒܢܐ /ܠܡܫܟܢ ܙܒܢܐ#3#/
17:09 [ai]ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂
17:10 [ai]ܐܬܦܪܫܘ ܡܢ ܓܘ ܟܢܘܫܬܐ ܗܕܐ܂ ܘܐܘܒܕ ܐܢܘܢ ܒܚܕܐ ܫܥܐ܂ ܘܢܦܠܘ ܥܠ ܐ̈ܦܝܗܘܢ܂
17:11 [ai]ܘܐܡܪ ܡܘܫܐ ܠܐܗܪܘܢ܂ ܣܒ ܦܝܪܡܐ ‍<‍ܒܐܝܕܟ#3#‍>‍ ܘܣܝܡ ܒܗ ܢܘܪܐ ܘܣܝܡ ܒܗ ܒܣ̈ܡܐ܂ ܘܐܘܒܠ ܒܥܓܠ ܠܟܢܘܫܬܐ/ܠܡܫܪܝܬܐ#3#/܂ ܘܚܣܐ ܥܠܝܗܘܢ/ܥܠ ܥܡܐ#3#/ ܡܛܠ ܕܢܦܩ ܪܘܓܙܐ ܡܢ ܩܕܡ ܡܪܝܐ܂ ܘܫܪܝ ܡܘܬܢܐ ܕܡܢ ܫܠܝܐ ܒܥܡܐ܂
17:12 [ai]ܘܥܒܕ/ܘܢܣܒ#3#/ ܐܗܪܘܢ ܐܝܟ ܕܐܡܪ ܠܗ ܡܘܫܐ܂ ܘܪܗܛ ܠܓܘ/ܠܘܬ#3#/ ܡܫܪܝܬܐ/ܟܢܘܫܬܐ#3#/܂ ܘܚܙܐ ܕܫܪܝ ܡܘܬܢܐ ܕܡܢ ܫܠܝܐ ܒܥܡܐ܂ ܘܣܡ ܒܣ̈ܡܐ ܘܚܣܝ \ܥܠ ܥܡܐ /ܥܠܝܗܘܢ#3#/܂
17:13 [ai]ܘܩܡ ܒܝܬ ܡܝ̈ܬܐ ܠܚ̈ܝܐ܂ ܘܐܬܟܠܝ ܡܘܬܢܐ ܕܡܢ ܫܠܝܐ܂
17:14 [ai]ܘܗܘܘ ܕܡܝܬܘ ܒܡܘܬܢܐ ܕܡܢ ܫܠܝܐ܂ ܐܪ̈ܒܬܥܣܪ ܐ̈ܠܦܝܢ ܘܫܒܥܡܐܐ܂ ܣܛܪ ܡܢ ܕܡܝܬܘ ܒܦܠܓܘܬܗ ܕܩܘܪܚ܂
17:15 [ai]ܘܗܦܟ ܐܗܪܘܢ ܠܘܬ ܡܘܫܐ ܠܬܪܥܐ \ܕܡܫܟܢ ܙܒܢܐ /ܕܡܫܟܢܐ#3#/܂ \ܘܡܘܬܢܐ ܕܡܢ ܫܠܝܐ ܐܬܟܠܝ /ܘܐܬܟܠܝ ܡܘܬܢܐ ܕܡܢ ܫܠܝܐ#3#/܂
17:16 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
17:17 [ai]ܡܠܠ ܥܡ ܒܢ̈ܝ ܐܝܣܪܝܠ܂ ܘܣܒ ܡܢܗܘܢ ܫܒܛܐ ܫܒܛܐ ܠܒܝܬ ܐ̈ܒܗܐ܂ ܡܢ ܠܘܬ ܟܘܠ ܪ̈ܘܪܒܢܝܗܘܢ ܠܒܝܬ ܐ̈ܒܗܝܗܘܢ ܬܪ̈ܥܣܪ ܫ̈ܒܛܝܢ܂ ܘܓܒܪ ܫܡܗ ܟܬܘܒ ܥܠ ܫܒܛܗ܂
17:18 [ai]ܘܫܡܐ ܕܐܗܪܘܢ ܟܬܘܒ ܥܠ ܫܒܛܐ ܕܠܘܝ܂ ܡܛܠ ܕܚܕ ܚܕ ܫܒܛܐ ܠܒܝܬ ܐ̈ܒܗܝܗܘܢ܂
17:19 [ai]ܘܣܝܡ ܐܢܘܢ ܒܡܫܟܢܙܒܢܐ ܩܕܡ ܣܗܕܘܬܐ܂ ܕܡܬܘܥܕ ܐܢܐ ܠܟܘܢ ܬܡܢ܂
17:20 [ai]ܘܢܗܘܐ ܓܒܪܐ ܕܐܨܛܒܐ ܒܗ܂ ܢܘܥܐ ܫܒܛܗ܂ ܘܐܦܪܩ ܡܢܝ ܪܛܢܐ ܕܒ̈ܢܝ ܐܝܣܪܝܠ܂ ܕܡܪܛܢܝܢ ܥܠܝܟܘܢ܂
17:21 [ai]ܘܐܡܪ ܡܘܫܐ ܠܒܢ̈ܝ ܐܝܣܪܝܠ܂ ܘܝܗܒܘ ܠܗ ܟܘܠܗܘܢ ܪ̈ܘܪܒܢܝܗܘܢ ܫܒܛܐ ܫܒܛܐ ܠܪܫܐ ܠܟܠܗܘܢ ܠܒܝܬ/ܒܝܬ#3#/ܕܒܝܬ#3#/ ܐ̈ܒܗܝܗܘܢ܂ ܬܪ̈ܥܣܪ ܫܒ̈ܛܝܢ܂ ܘܫܒܛܐ ܕܐܗܪܘܢ ܒܓܘ ܫ̈ܒܛܝܗܘܢ܂
17:22 [ai]ܘܣܡ ܐܢܘܢ ܡܘܫܐ ܠܫ̈ܒܛܐ ܩܕܡ ܡܪܝܐ ܒܡܫܟܢܐ/ܒܓܘ ܡܫܟܢܐ#3#/ܒܓܘ ܡܫܟܢܙܒܢܐ#3#/ ܕܣܗܕܘܬܐ܂
17:23 [ai]ܘܠܝܘܡܐ ܐܚܪܢܐ ܥܠ ܡܘܫܐ ܠܡܫܟܢܐ ܕܣܗܕܘܬܐ܂ ܘܚܙܐ ܕܐܦܪܥ ܫܒܛܐ ܕܐܗܪܘܢ ܕܒܝܬ ܠܘܝ܂ ܘܐܦܩ ܛܪ̈ܦܐ ܘܟܦܬ ܠܘ̈ܙܐ܂
17:24 [ai]ܘܐܦܩ ܐܢܘܢ ܡܘܫܐ ܠܟܠܗܘܢ ܫ̈ܒܛܐ ܡܢ \ܩܕܡ ܡܪܝܐ /ܡܫܟܢܙܒܢܐ#3#/܂ ܠܘܬ ܟܠܗܘܢ ܒܢ̈ܝ ܐܝܣܪܝܠ܂ ܘܚܙܘ ܘܢܣܒܘ ܐܢܫ ܫܒܛܗ܂
17:25 [ai]ܘܐܡܪ ܡܪܝܐ ܠܡܘܫܐ܂ ܐܗܦܟ ܫܒܛܐ ܕܐܗܪܘܢ ܩܕܡ ܣܗܕܘܬܐ܂ ܕܢܬܢܛܪ ܠܐܬܐ ܠܒ̈ܢܝܐ ܡܡܪ̈ܡܪܢܐ܂ ܕܢܓܡܪ ܪܛܢܗܘܢ ܡܢܝ܂ ܘܠܐ ܢܡܘܬܘܢ܂
17:26 [ai]ܘܥܒܕ ܡܘܫܐ ܐܝܟ ܕܦܩܕܗ ܡܪܝܐ܂ ܗܟܢܐ ܥܒܕ܂
17:27 [ai]ܘܐܡܪܘ ܒܢ̈ܝ ܐܝܣܪܝܠ ܠܡܘܫܐ܂ ܗܐ ܣܦܢ ܘܐܒܕܢ ܘܟܘܠܢ ܓܡܪܢ܂
17:28 [ai]ܘܟܠ ܕܡܬܩܪܒ ܠܡܫܟܢܗ ܕܡܪܝܐ ܡܐܬ܂ ܘܗܐ ܐܦ ܚܢܢ ܐܩܦܢ ܠܡܣܦ܂

next chapter