← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


19:01 [ai]ܘܡܠܠ ܡܪܝܐ ܥܡ ܡܘܫܐ ܘܥܡ ܐܗܪܘܢ ܘܐܡܪ ܠܗܘܢ܂
19:02 [ai]ܗܢܘ ܦܘܩܕܢܐ ܕܢܡܘܣܐ ܕܦܩܕ ܡܪܝܐ ܘܐܡܪ܂ ܐܡܪ ܠܒ̈ܢܝ ܐܝܣܪܝܠ܂ ܢܝܬܘܢ ܠܟ ܬܘܪܬܐ ܣܘܡܩܬܐ ܫܠܡܬܐ ܕܠܝܬ ܒܗܿ ܡܘܡܐ܂ ܕܠܐ ܢܦܠ ܥܠܝܗܿ ܢܝܪܐ܂
19:03 [ai]ܘܗܒܘܗܿ ܠܐܠܝܥܙܪ ܟܗܢܐ܂ ܘܢܦܩܝܗܿ ܠܒܪ ܡܢ ܡܫܪܝܬܐ܂ ܘܢܟܣܝܗܿ ܩܕܡܘܗܝ܂
19:04 [ai]ܘܢܣܒ ܐܠܝܥܙܪ ܟܗܢܐ/ܕܡܐ#3#/ ܡܢ ܕܡܗܿ ܒܨܒܥܗ ܘܢܪܘܣ ܠܘܩܒܠ ܐ̈ܦܝ ܡܫܟܢ ܙܒܢܐ ܡܢ ܕܡܗܿ ܫܒܥ ܙܒ̈ܢܝܢ܂
19:05 [ai]ܘܢܘܩܕܝܗܿ ܠܬܘܪܬܐ ܩܕܡܘܗܝ܂ ܘܡܫܟܗܿ ܘܕܡܗܿ ܘܒܣܪܗܿ ܥܡ ܦܪܬܗܿ ܢܘܩܕ܂
19:06 [ai]ܘܢܣܒ ܟܗܢܐ ܩܝܣܐ ܕܐܪܙܐ ܘܙܘܦܐ ܘܨܘܒܥܐ ܕܙܚܘܪܝܬܐ܂ ܘܢܪܡܐ ܒܓܘ ܝܩܕܢܗܿ ܕܬܘܪܬܐ܂
19:07 [ai]ܘܢܚܠܠ ܡܐ̈ܢܘܗܝ ܟܗܢܐ ܘܢܣܚܐ ܒܣܪܗ ܒܡ̈ܝܐ܂ ܘܗܝܕܝܢ ܢܥܘܠ ܠܡܫܪܝܬܐ܂ ܘܢܗܘܐ ܛܡܐ ܟܗܢܐ ܥܕܡܐ ܠܪܡܫܐ܂
19:08 [ai]ܘܡܿܢ ܕܡܘܩܕ ܠܗܿ ܠܬܘܪܬܐ܂ ܢܚܠܠ ܡܐ̈ܢܘܗܝ ‍<‍ܒܡ̈ܝܐ#3#‍>‍ ܘܢܣܚܐ ܒܣܪܗ ܒܡ̈ܝܐ܂ ܘܢܗܘܐ ܛܡܐ ܥܕܡܐ ܠܪܡܫܐ܂
19:09 [ai]ܘܢܟܢܘܫ ܓܒܪܐ ܕܕܟܐ ܩܛܡܗܿ ܕܬܘܪܬܐ܂ ܘܢܪܡܝܘܗܝ ܠܒܪ ܡܢ ܡܫܪܝܬܐ܂ ܒܐܬܪܐ ܕܕܟܐ܂ ܘܢܗܘܐ ܢܛܝܪ \ܠܟܠܗܿ ܟܢܘܫܬܐ /ܠܟܢܘܫܬܐ#3#/ ܕܒܢ̈ܝ ܐܝܣܪܝܠ܂ ܠܡܛܪܬܐ/ܒܡܛܪܬܐ#3#/ ܠܡ̈ܝܐ/ܕܡ̈ܝܐ#3#/ ܕܪܣܣܐ ܡܛܠ ܕܚܛܗܐ ܗܘ܂
19:10 [ai]ܘܢܚܠܠ ܡܐ̈ܢܘܗܝ ܗܿܘ ܕܟܢܫ ܩܛܡܗܿ ܕܬܘܪܬܐ܂ ܘܢܗܘܐ ܛܡܐ ܥܕܡܐ ܠܪܡܫܐ܂ ܘܢܗܘܐ ܠܒ̈ܢܝ ܐܝܣܪܝܠ ܘܠܐܝܠܝܢ ܕܡܬܦܢܝܢ ܠܘܬܝ ܕܥܿܡܪܝܢ ܒܝܢܬܟܘܢ܂ ܢܡܘܣܐ ܠܥܠܡ܂
19:11 [ai]ܘܡܿܢ ܕܩܿܪܒ ܠܡܝܬܐ ܕܟܠ ܢܦܫܐ ܕܐܢܫܐ܂ ܢܗܘܐ ܛܡܐ ܫܒܥܐ ܝܘܡ̈ܝܢ܂
19:12 [ai]ܘܢܪܘܣ ܥܠܘܗܝ ܒܝܘܡܐ ܕܬܠܬܐ ܘܒܝܘܡܐ ܕܫܒܥܐ ܘܢܬܕܟܐ܂ ܘܐܠܐ ܢܪܘܣ ܥܠܘܗܝ ܒܝܘܡܐ ܕܬܠܬܐ ܘܒܝܘܡܐ ܕܫܒܥܐ ܠܐ ܢܬܕܟܐ܂
19:13 [ai]ܘܟܘܠ ܕܢܩܪܘܒ ܠܡܝܬܐ ܕܟܠ ܢܦܫܐ ܕܐܢܫܐ ܕܢܡܘܬ܂ ܘܠܐ ܢܪܘܣ ܥܠܘܗܝ܂ ܠܡܫܟܢܗ ܕܡܪܝܐ ܛܡܐ܂ ܬܐܒܕ ܢܦܫܐ ܗܿܝ ܡܢ ܐܝܣܪܝܠ܂ ܡܛܘܠ ܕܡ̈ܝܐ ܕܪܣܣܐ ܠܐ ܪܣ ܥܠܘܗܝ܂ ܬܘܒ ܢܗܘܐ ܛܡܐ ܘܛܡܐܘܬܗ ܒܗ܂
19:14 [ai]ܗܢܘ ܢܡܘܣܐ ܕܐܢܫܐ ܟܕ ܢܡܘܬ ܒܡܫܟܢܐ܂ ܟܠ ܕܥܿܐܠ ܠܡܫܟܢܐ܂ ܘܟܠ ܕܒܡܫܟܢܐ ܗܘ ܢܗܘܐ ܛܡܐ ܫܒܥܐ ܝܘܡ̈ܝܢ܂
19:15 [ai]ܘܟܠ ܡܐܢܐ ܕܦܬܝܚ܂ ܘܠܐ ܗܘܐ ‍<‍ܢܗܘܐ#3#‍>‍ ܫܝܥ ܛܡܐ ܗܘ܂
19:16 [ai]ܘܟܠ ܕܢܩܪܘܒ ܠܐ̈ܦܝ ܚܩܠܐ ܠܩܛܝܠܐ ܕܚܪܒܐ ܐܘ ܠܡܝܬܐ ܐܘ ܠܓܪܡܐ܂ ܕܐܢܫܐ ܐܘ ܠܩܒܪܐ܂ ܢܗܘܐ ܛܡܐ ܫܒܥܐ ܝܘܡ̈ܝܢ܂
19:17 [ai]ܘܢܣܒܘܢ ܠܐܝܢܐ ܕܛܡܐ ܡܢ ܥܦܪܐ ܕܝܩܕܢܐ ܕܚܛܗܐ܂ ܘܢܪܡܘܢ ܥܠܘܗܝ ܡ̈ܝܐ ܚ̈ܝܐ ܥܠ ܡܐܢܐ܂
19:18 [ai]ܘܢܣܒ ܙܘܦܐ ܘܢܨܒܘܥ ܒܡ̈ܝܐ ܓܒܪܐ ܕܕܟܐ܂ ܘܢܪܘܣ ܥܠ ܡܫܟܢܐ ܘܥܠ ‍<‍ܟܘܠܗܘܢ#3#‍>‍ ܡܐ̈ܢܐ܂ ܘܥܠ ܟܠ ܢܦܫ̈ܬܐ ܕܐܝܬ ܗ̈ܘܝ ܬܡܢ܂ ܘܥܠ ‍<‍ܟܘܠ#3#‍>‍ ܡܿܢ ܕܩܪܒ ܠܓܪܡܐ ܐܘ ܠܩܛܝܠܐ܂ ܐܘ ܠܡܝܬܐ ܐܘ ܠܩܒܪܐ܂
19:19 [ai]ܢܪܘܣ ‍<‍ܕܡܐ#3#‍>‍ ܕܟܝܐ ܥܠ ܛܡܐܐ܂ ܒܝܘܡܐ ܕܬܠܬܐ ܘܒܝܘܡܐ ܕܫܒܥܐ܂ ܘܢܪܘܣ ܥܠܘܗܝ ܒܝܘܡܐ ܕܫܒܥܐ܂ ܘܢܚܠܠ ܡܐ̈ܢܘܗܝ ܘܢܣܚܐ ܒܡ̈ܝܐ܂ ܘܢܬܕܟܐ ܒܪܡܫܐ܂
19:20 [ai]ܘܓܒܪܐ ܕܢܗܘܐ ܛܡܐ܂ ܘܠܐ ܢܬܪܣܣ ܥܠܘܗܝ܂ ܬܐܒܕ ܢܦܫܐ ܗܿܝ ܡܢ ܓܘ ܟܢܘܫܬܗܿ܂ ܡܛܠ ܕܡܩܕܫܗ ܕܡܪܝܐ ܛܡܐ܂ ܡ̈ܝܐ ܕܪܣܣܐ ܠܐ ܪܣ ܥܠܘܗܝ܂ ܛܡܐ ܗܘ܂
19:21 [ai]ܘܢܗܘܐ ܠܟܘܢ ܢܡܘܣܐ ܠܥܠܡ܂ ܘܡܿܢ ܕܪܐܿܣ ܡ̈ܝܐ ܕܪܣܣܐ܂ ܢܚܠܠ ܡܐ̈ܢܘܗܝ܂ ܘܡܿܢ ܕܩܿܪܒ ܠܡ̈ܝܐ ܕܪܣܣܐ܂ ܢܗܘܐ ܛܡܐ܂ ܥܕܡܐ ܠܪܡܫܐ܂
19:22 [ai]ܘܟܠ ܕܢܩܪܘܒ ܠܗ ܛܡܐܐ܂ ܢܗܘܐ ܛܡܐ܂ ܘܢܦܫܐ ܕܬܩܪܘܒ ܠܗ܂ ܬܗܘܐ ܛܡܐܐ ܥܕܡܐ ܠܪܡܫܐ܂

next chapter