← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


20:01 [ai]ܘܐܬܘ ܒ̈ܢܝ ܐܝܣܪܝܠ ܟܘܠܗܿ ܟܢܘܫܬܐ ܠܡܕܒܪܐ ܕܨܝܢ܂ ܒܝܪܚܐ ܩܕܡܝܐ ܘܝܬܒܘ ܥܡܐ ܒܪܩܡ܂ ܘܡܝܬܬ ܬܡܢ ܡܪܝܡ܂ ܘܐܬܩܒܪܬ ܬܡܢ܂
20:02 [ai]ܘܠܝܬ ܗܘܐ ܡ̈ܝܐ \ܠܥܡܐ ܕܢܫܬܐ /ܠܟܢܘܫܬܐ#3#/܂ ܘܐܬܟܢܫܘ ܥܡܐ ܥܠ ܡܘܫܐ ܘܥܠ ܐܗܪܘܢ܂
20:03 [ai]ܘܢܨܘ ܥܡܐ ܥܡ ܡܘܫܐ ‍<‍ܘܥܡ ܐܗܪܘܢ#3#‍>‍ ܘܐܡܪܘ ܠܗ/ܠܗܘܢ#3#/܂ ܐܫܬܘܦ ܕܝܢ ܡܝܬܢ ܒܡܘܬܢܐ ܕܐ̈ܚܝܢ ܩܕܡ ܡܪܝܐ܂
20:04 [ai]ܠܡܢܐ ܐܝܬܝܬܘܢ ܟܢܘܫܬܗ ܕܡܪܝܐ ܠܡܕܒܪܐ ܗܢܐ܂ ܕܢܡܘܬ ܬܢܢ ܚܢܢ ܘܒܥܝܪ̈ܢ܂
20:05 [ai]ܘܠܡܢܐ ܐܣܩܬܘܢܢ ܡܢ ‍<‍ܐܪܥܐ#3#‍>‍ ܡܨܪܝܢ/ܕܡܨܪܝܢ#3#/܂ ܘܐܝܬܝܬܘܢܢ ܠܐܬܪܐ ܗܢܐ ܒܝܫܐ܂ ܠܐ ܐܬܪܐ ܕܒܝܬ ܙܪܥܐ܂ ܘܐܦ ܠܐ ܕܓܘ̈ܦܢܐ ܘܬܐ̈ܢܐ ܘܪ̈ܘܡܢܐ܂ ܘܐܦ ܠܐ ܡ̈ܝܐ ܠܡܫܬܐ܂
20:06 [ai]ܘܐܬܘ ܡܘܫܐ ܘܐܗܪܘܢ ܡܢ ܩܕܡ ܟܢܘܫܬܐ ܠܬܪܥܐ ܕܡܫܟܢܙܒܢܐ܂ ܘܢܦܠܘ ܥܠ ܐ̈ܦܝܗܘܢ ܘܐܬܓܠܝ ܥܠܝܗܘܢ ܫܘܒܚܗ ܕܡܪܝܐ܂
20:07 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
20:08 [ai]ܣܒ ܠܟ ܫܒܛܐ ܘܟܢܘܫ ܟܢܘܫܬܐ ܐܢܬ ܘܐܗܪܘܢ ܐܚܘܟ܂ ܘܡܠܠ ܥܠ/ܥܡ#3#/ ܟܐܦܐ ܠܥܢܝ̈ܗܘܢ ܘܬܬܠ ܡ̈ܝܗܿ܂ ܘܐܦܩ ܠܗܘܢ ܡ̈ܝܐ ܡܢ ܟܐܦܐ܂ ܘܐܫܩܐ ܠܟܢܘܫܬܐ ܘܠܒܥܝܪܗܘܢ܂
20:09 [ai]ܘܢܣܒ ܡܘܫܐ ܫܒܛܐ ܡܢ ܩܕܡ ܡܪܝܐ ܐܝܟ ܕܦܩܕܗ܂
20:10 [ai]ܘܟܢܫ ܡܘܫܐ ܘܐܗܪܘܢ \ܠܟܘܠܗܿ ܟܢܘܫܬܐ /ܠܟܢܘܫܬܐ#3#/ ܠܘܬ ܟܐܦܐ܂ ܘܐܡܪ ܠܗܘܢ܂ ܫܡܥܘ ܗܫܐ ܡܡܪ̈ܡܪܢܐ܂ ܡܢ ܗܕܐ ܟܐܦܐ ܢܦܩ ܠܟܘܢ ܡ̈ܝܐ܂
20:11 [ai]ܘܐܪܝܡ ܡܘܫܐ ܐܝܕܗ܂ ܘܡܚܗܿ ܠܟܐܦܐ ܒܫܒܛܗ ܬܪ̈ܬܝܢ ܙܒ̈ܢܝܢ܂ ܘܢܦܩܘ ܡ̈ܝܐ ܣ̈ܓܝܐܐ܂ ܘܐܫܬܝܘ ܥܡܐ ܟܠܗ ܘܒܥܝܪ̈ܗܘܢ܂
20:12 [ai]ܘܐܡܪ ܡܪܝܐ ܠܡܘܫܐ ܘܠܐܗܪܘܢ܂ ܥܠ ܕܠܐ ܗܝܡܢܬܘܢ ܒܝ ܠܡܩܕܫܘܬܢܝ ܩܕܡ ܒܢ̈ܝ ܐܝܣܪܝܠ܂ ܡܛܠ ܗܢܐ ܠܐ ܬܥܠܘܗܿ ܠܟܢܘܫܬܐ ܗܕܐ ܠܐܪܥܐ ܕܝܗܿܒܬ ܠܗܘܢ܂
20:13 [ai]ܗܠܝܢ ܐܢܘܢ ܡ̈ܝܐ ܕܡܨܘܬܐ ܕܢܨܘ ܒܢ̈ܝ ܐܝܣܪܝܠ ܩܕܡ ܡܪܝܐ ܘܐܬܩܕܫ ܒܗܘܢ܂
20:14 [ai]ܘܫܕܪ ܡܘܫܐ ܐܝ̈ܙܓܕܐ ܡܢ ܪܩܡ ܠܘܬ ܡܠܟܐ ܕܐܕܘܡ܂ ܗܟܢܐ ܐܿܡܪ ܐܚܘܟ ܐܝܣܪܝܠ܂ ܐܢܬ ܝܿܕܥ ܐܢܬ ܟܠܗܿ ܠܐܘܬܐ ܕܐܕܪܟܬܢ܂
20:15 [ai]ܘܢܚܬܘ ܐܒ̈ܗܝܢ ܠܡܨܪܝܢ/ܒܡܨܪܝܢ#3#/܂ ܘܝܬܒܢ ܒܡܨܪܝܢ ܝܘ̈ܡܬܐ ܣ̈ܓܝܐܐ܂ ܘܐܒܐܫܘ ܠܢ ܡܨܪ̈ܝܐ ܘܠܐ̈ܒܗܝܢ܂
20:16 [ai]ܘܨܠܝܢ ܩܕܡ ܡܪܝܐ ܘܫܡܥ ܒܩܠܢ܂ ܘܫܕܪ ܡܠܐܟܐ ܘܐܦܩܢ ܡܢ ܡܨܪܝܢ܂ ܘܗܐ ܚܢܢ ܒܪܩܡ ܩܪܝܬܐ ܕܒܣܘܦ ܬܚܘܡܟ܂
20:17 [ai]ܗܫܐ ܢܥܒܪ ܒܐܪܥܟ܂ ܠܐ ܢܥܒܪ ܒܚܩܠܐ ܘܒܟܪܡܐ/ܐܘ ܒܟܪܡܐ#3#/܂ ܘܠܐ ܢܫܬܐ ‍<‍ܡܢ#3#‍>‍ ܡ̈ܝܐ ܕܓܘܒ̈ܐ܂ ܐܠܐ ܒܐܘܪܚ ܡܠܟܐ ܢܐܙܠ܂ ܘܠܐ ܢܣܛܐ ܠܐ ܠܝܡܝܢܐ ܘܠܐ ܠܣܡܠܐ܂ ܥܕܡܐ ܕܢܥܒܪ ܬܚܘܡܟ܂
20:18 [ai]ܘܐܡܪ ܠܗ ܐܕܘܡ܂ ܠܐ ܬܥܒܪ ܒܬܚܘܡܝ܂ ܕܠܐ ܒܚܪܒܐ ܐܦܘܩ ܠܐܘܪܥܟ܂
20:19 [ai]ܘܐܡܪܘ ܠܗ ܒܢ̈ܝ ܐܝܣܪܝܠ܂ ܒܫܒܝܠܐ ܢܣܩ܂ ܘܐܢ ܡܢ ܡ̈ܝܟ ܢܫܬܐ ܚܢܢ ܘܒܥܝܪ̈ܢ ܢܬܠ ܕܡܝ̈ܗܘܢ܂ ܒܠܚܘܕ ܒܪ̈ܓܠܝܢ ܢܥܒܪ܂
20:20 [ai]ܘܐܡܪ ‍<‍ܠܗܘܢ#3#‍>‍ ܐܕܘܡ ܠܐ ܬܥܒܪܘܢ܂ ܘܢܦܩ ܐܕܘܡ ܠܐܘܪܥܗܘܢ ܒܥܡܐ ܥܫܝܢܐ܂ ܘܒܐܝܕܐ ܬܩܝܦܬܐ܂
20:21 [ai]ܘܠܐ ܨܒܐ ܐܕܘܡ ܠܡܫܒܩ \ܠܒ̈ܢܝ ܐܝܣܪܝܠ /ܠܐܝܣܪܝܠ#3#/ ܠܡܥܒܪ ܒܬܚܘܡܗ܂ ܘܣܛܐ ܠܗ ܐܝܣܪܝܠ ܡܢܗ܂
20:22 [ai]ܘܫܩܠܘ ܡܢ ܪܩܡ܂ ܘܐܬܘ \ܒ̈ܢܝ ܐܝܣܪܝܠ ܟܠܗܿ ܟܢܘܫܬܐ /ܟܠܗܿ ܟܢܘܫܬܐ ܕܒܢ̈ܝ ܝܣܪܝܠ#3#/ ܠܗܘܪ ܛܘܪܐ܂
20:23 [ai]ܘܐܡܪ ܡܪܝܐ ܠܡܘܫܐ ܘܠܐܗܪܘܢ ܒܗܘܪ ܛܘܪܐ ܒܬܚܘܡܐ ܕܐܪܥܐ ܕܐܕܘܡ܂
20:24 [ai]ܢܬܟܢܫ ܐܗܪܘܢ ܠܘܬ ܥܡܗ܂ ܡܛܠ ܕܠܐ ܢܥܘܠ ܠܐܪܥܐ/ܠܐܬܪܐ#3#/ ܕܝܗܿܒܬ ܠܒ̈ܢܝ ܐܝܣܪܝܠ܂ ܥܠ ܕܡܪܡܪܬܘܢ ܡܠܬ ܦܘܡܝ ܒܡ̈ܝܐ ܕܡܨܘܬܐ܂ ܘܠܐ ܩܕܫܬܘܢܢܝ ܒܡ̈ܝܐ ܠܥܢܝ̈ܗܘܢ܂
20:25 [ai]ܕܒܪ ܠܐܗܪܘܢ ܘܠܐܠܝܥܙܪ ܒܪܗ܂ ܘܐܣܩ ܐܢܘܢ ܠܗܘܪ ܛܘܪܐ܂
20:26 [ai]ܘܐܫܠܚ ܠܐܗܪܘܢ ܢܚ̈ܬܘܗܝ܂ ܘܐܠܒܫ ܐܢܘܢ ܠܐܠܝܥܙܪ ܒܪܗ܂ ܘܐܗܪܘܢ ܢܬܟܢܫ ܘܢܡܘܬ ܬܡܢ܂
20:27 [ai]ܘܥܒܕ ܡܘܫܐ ܐܝܟ ܕܦܩܕܗ ܡܪܝܐ܂ ܘܣܠܩܘ ܠܗܘܪ ܛܘܪܐ ܠܥܝܢ ܟܘܠܗܿ ܟܢܘܫܬܐ܂
20:28 [ai]ܘܐܫܠܚ ܡܘܫܐ ܠܐܗܪܘܢ ܢܚ̈ܬܘܗܝ܂ ܘܐܠܒܫ ܐܢܘܢ ܠܐ ܐܠܝܥܙܪ ܒܪܗ܂ ܘܡܝܬ ܬܡܢ ܐܗܪܘܢ ܒܗܘܪ ܛܘܪܐ܂ ܘܢܚܬ ܡܘܫܐ ܘܐܠܝܥܙܪ ܡܢ ܛܘܪܐ܂
20:29 [ai]ܘܚܙܘ ܟܠܗܿ ܟܢܘܫܬܐ ܕܡܝܬ ܐܗܪܘܢ܂ ܘܒܟܘ ܥܠ ܐܗܪܘܢ ܬܠܬܝܢ ܝܘܡ̈ܝܢ܂ ܟܠܗܘܢ ܕܒܝܬ ܐܝܣܪܝܠ܂

next chapter