← Back
The Comprehensive Aramaic Lexicon
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


21:01 [ai]ܘܫܡܥ ܟܢܥܢܝܐ ܡܠܟܐ ܕܓܕܪ ܕܥܿܡܪ ܒܬܝܡܢܐ܂ ܕܐܬܐ ܐܝܣܪܝܠ ܒܐܘܪܚܐ ܕܓܫ̈ܘܫܐ \ܘܐܬܟܬܫ ܥܡ /ܘܐܬܟܢܫ ܥܠ#3#/ ܐܝܣܪܝܠ܂ ܘܫܒܐ ܡܢܗܘܢ ܫܒܝܬܐ܂
21:02 [ai]ܘܢܕܪ ܐܝܣܪܐܝܠ ܢܕܪܐ ܠܡܪܝܐ ܘܐܡܪ܂ ܐܢ ܡܫܠܡܘ ܬܫܠܡ ܥܡܐ ܗܢܐ ܒܐ̈ܝܕܝ܂ ܐܚܪܡ ܐ̈ܢܝܢ ܩܘܪ̈ܝܗܘܢ܂
21:03 [ai]ܘܫܡܥ ܡܪܝܐ ܒܩܠܗ ܕܐܝܣܪܝܠ܂ ܘܐܫܠܡ ܐܢܘܢ ܠܟܢ̈ܥܢܝܐ ܒܐܝ̈ܕܝܗܘܢ܂ ܘܚܪܒܘ ܐܢܘܢ ܘܐܚܪܡܘ ܐܢܘܢ ܘܠܩܘܪ̈ܝܗܘܢ܂ ܘܩܪܘ ܫܡܗ ܕܐܬܪܐ ܗܿܘ ܚܪܡܐ܂
21:04 [ai]ܘܫܩܠܘ ܡܢ ܗܘܪ ܛܘܪܐ ܒܐܘܪܚܐ ܕܝܡܐ ܕܣܘܦ܂ ܠܡܬܟܪܟܘܬܗܿ ܠܐܪܥܐ ܕܐܕܘܡ܂ ܘܐܬܥܝܩܬ ܢܦܫܗ ܕܥܡܐ ܒܐܘܪܚܐ܂
21:05 [ai]ܘܪܛܢܘ ܥܡܐ ܥܠ ܐܠܗܐ ܘܥܠ ܡܘܫܐ ܘܐܡܪܘ܂ ܠܡܢܐ ܐܣܩܬܢ ܡܢ ܡܨܪܝܢ ܕܢܡܘܬ ܒܡܕܒܪܐ܂ ܡܛܠ ܕܠܝܬ ܠܚܡܐ ܘܠܐ/ܘܠܝܬ#3#/ ܡ̈ܝܐ ܘܢܦܫܢ ܥܩܬ ܒܠܚܡܐ ܙܥܘܪܐ܂
21:06 [ai]ܘܫܕܪ ܡܪܝܐ ܥܠ ܥܡܐ ܚܘܘ̈ܬܐ ܚܪ̈ܡܢܐ ܘܢܟܬܘܗܝ ܠܥܡܐ܂ ܘܡܝܬܘ ܥܡܐ ܣܓܝܐܐ ܡܢ ܐܝܣܪܝܠ܂
21:07 [ai]ܘܐܬܘ ܥܡܐ ܠܘܬ ܡܘܫܐ ‍<‍ܩܕܡ ܡܪܝܐ#3#‍>‍ ܘܐܡܪܘ ܠܗ܂ ܚܛܝܢ ܥܠ ܕܪܛܢܢ ܥܠ ܡܪܝܐ ܘܐܦ ܥܠܝܟ܂ ܨܠܐ ܩܕܡ ܡܪܝܐ ܘܢܦܪܩ ܡܢܢ ܚ̈ܘܘܬܐ܂ ܘܨܠܝ ܡܘܫܐ ܥܠ ܥܡܐ܂
21:08 [ai]ܘܐܡܪ ܡܪܝܐ ܠܡܘܫܐ܂ ܥܒܕ ܠܟ ܚܘܝܐ ܚܪܡܢܐ ܕܢܚܫܐ ܘܣܝܡܝܗܝ ܠܐܬܐ܂ ܘܟܠ ܡܿܢ ܕܢܿܟܬ ܠܗ ܚܘܝܐ܂ ܢܚܙܝܘܗܝ ܘܢܚܐ܂
21:09 [ai]ܘܥܒܕ ܡܘܫܐ ܚܘܝܐ ܕܢܚܫܐ ܘܣܡܗ ܠܐܬܐ܂ ܘܡܐ ܕܢܿܟܬ ‍<‍ܗܘܐ#3#‍>‍ ܚܘܝܐ ܠܓܒܪܐ܂ ܚܿܐܪ ܒܚܘܝܐ ܕܢܚܫܐ ܘܚܿܝܐ܂
21:10 [ai]ܘܫܩܠܘ ܒ̈ܢܝ ܐܝܣܪܝܠ ܘܫܪܘ ܒܐܒܘܬ܂
21:11 [ai]ܘܫܩܠܘ ܡܢ ܐܒܘܬ܂ ܘܫܪܘ ܒܥܝܢܐ ܕܥܒܪ̈ܝܐ܂ ܒܡܕܒܪܐ ܕܩܕܡ ܡܘܐܒ܂ ܡܢ ܡܕܢܚܐ ܡܢ ܡܕܢܚ̈ܝ ܫܡܫܐ܂
21:12 [ai]ܘܡܢ ܬܡܢ ܫܩܠܘ ܘܫܪܘ ܒܢܚܠܐ ܕܙܪܕ܂
21:13 [ai]ܘܡܢ ܬܡܢ ܫܩܠܘ ܘܫܪܘ ܒܥܒܪܐ ܕܐܪܢܘܢ܂ ܒܡܕܒܪܐ ܕܢܦܩ ܡܢ ܬܚܘܡܐ ܕܐܡܘܪ̈ܝܐ܂ ܡܛܠ ܕܐܪܢܘܢ ܬܚܘܡܐ ܗܘ ܕܡ̈ܘܐܒܝܐ܂ ܒܝܬ ܡܘܐ̈ܒܝܐ ܠܒܝܬ ܐܡܘܪ̈ܝܐ܂
21:14 [ai]ܡܛܠ ܗܢܐ ܡܬܐܡܪ ܒܣܦܪ ܩܪ̈ܒܘܗܝ ܕܡܪܝܐ܂ ܫܠܗܒܝܬܐ ܒܥܠܥܠܐ ܘܒܢܚܠܐ ܕܐܪܢܘܢ܂
21:15 [ai]ܘܐܬܩܢ ܢܚ̈ܠܐ ܕܨܠܝܢ ܗܘܘ ܠܝܬܒܐ ܕܥܕ/ܕܥܒܕ#3#/܂ ܘܣܿܡܟܝܢ/ܘܡܣܡܟܝܢ#3#/ ܗܘܘ ܥܠ ܬܚܘܡܐ ܕܡܘܐ̈ܒܝܐ܂
21:16 [ai]ܘܬܡܢ ܒܪܐ܂ ܗܿܝ ܒܪܐ ܕܐܡܪ ܡܪܝܐ/ܐܠܗܐ#3#/ ܠܡܘܫܐ܂ ܟܢܫ ܠܝ ܥܡܐ/ܠܥܡܐ#3#/ ܘܐܬܠ ܠܗܘܢ ܡ̈ܝܐ/ܐܓ̈ܡܐ#3#/܂
21:17 [ai]ܗܿܝܕܝܢ ܫܒܚ ܐܝܣܪܝܠ ܬܫܒܘܚܬܐ ܗܕܐ ܣܩܝ ܒܪܐ ܥܢܘ ܠܗܿ܂
21:18 [ai]ܒܪܐ ܕܚܦܪܘܗܿ ܪ̈ܘܪܒܢܐ܂ ܘܚܛܘܗܿ ܫ̈ܠܝܛܢܐ ܕܥܡܐ܂ ܘܒܕܩܘܗܿ ܒܚܘܛܪ̈ܝܗܘܢ܂ ܘܡܢ ܡܕܒܪܐ ܐܬܝܗܒܬ ܠܡ̈ܬܢܐ܂
21:19 [ai]ܘܡܢ ܡܬ̈ܢܐ ܠܢܚܠܐܝܠ܂ ܘܡܢ ܢܚܠܐܝܠ ܠܒܡܘܬ܂
21:20 [ai]ܘܡܢ ܒܡܘܬ ܕܢܚܠܐ ܕܒܚܩܠܐ ܕܡܘܐܒ܂ ܠܪܝܫ ܪܡܬܐ ܕܡܬܚܙܝܐ ܠܘܩܒܠ ܐܫܝܡܘܢ܂
21:21 [ai]ܘܫܕܪ ܐܝܣܪܝܠ ܐܝ̈ܙܓܕܐ ܠܘܬ ܣܝܚܘܢ ܡܠܟܐ ܕܐܡܘܪ̈ܝܐ ܘܐܡܪ ܠܗ܂
21:22 [ai]ܐܥܒܪ ܒܐܪܥܟ܂ ܘܠܐ ܢܣܛܐ ܒܚܩܠܐ ܘܒܟܪܡܐ܂ ܘܠܐ ܢܫܬܐ ܡܢ ܡ̈ܝܐ ܕܓܘ̈ܒܐ܂ ܐܠܐ ܒܐܘܪܚ ܡܠܟܐ ܢܐܙܠ܂ ܥܕܡܐ ܕܢܥܒܪ ܬܚܘܡܟ܂
21:23 [ai]ܘܠܐ ܫܒܩ ܣܝܚܘܢ ܠܐܝܣܪܝܠ ܕܢܥܒܪ ܒܬܚܘܡܗ܂ ܘܟܢܫ ܣܝܚܘܢ ܠܟܘܠܗ ܚܝܠܗ/ܥܡܗ#3#/܂ ܘܢܦܩ ܠܐܘܪܥܐ ܕܐܝܣܪܝܠ ܠܡܕܒܪܐ ܘܐܬܐ ܠܝܗܨ܂ ܘܐܬܟܬܫ ܥܡ ܐܝܣܪܝܠ܂
21:24 [ai]ܘܡܚܝܗܝ ܐܝܣܪܝܠ ܒܦܘܡܐ ܕܣܝܦܐ/ܕܚܪܒܐ#3#/܂ ܘܝܪܬܘ ܐܪܥܗ ܡܢ ܐܪܢܘܢ ܘܥܕܡܐ ܠܝܒܩ܂ ܘܥܕܡܐ ܠܒ̈ܢܝ ܥܡܘܢ܂ ܡܛܘܠ ܕܥܫܝܢ ܗܘܐ ܬܚܘܡܐ ܕܒ̈ܢܝ ܥܡܘܢ܂
21:25 [ai]ܘܢܣܒ ܐܝܣܪܝܠ ܗܠܝܢ ܟܠܗܝܢ ܩܘܪ̈ܝܐ ܘܝܬܒ ܐܝܣܪܐܝܠ ܒܟܠܗܝܢ ܩܘܪ̈ܝܐ ܕܐܡܘܪ̈ܝܐ܂ ܒܚܫܒܘܢ ܘܒܟܠܗܘܢ ܟܦܪ̈ܘܢܝܗܿ܂
21:26 [ai]ܡܛܠ ܕܚܫܒܘܢ ܩܪܝܬܗ ܗܝ ܕܣܝܚܘܢ ܡܠܟܐ ܕܐܡܘܪ̈ܝܐ܂ ܘܗܘ ܐܬܟܬܫ ܥܡ ܡܠܟܐ ܕܡܘܐܒ ܩܕܡܝܐ/ܩܕܡܐ#3#/ ܘܢܣܒ ܟܠܗܿ ܐܪܥܗ܂ ܡܢ ܬܚܘܡܗ ܘܥܕܡܐ ܠܐܪܢܘܢ܂
21:27 [ai]ܡܛܠ ܗܢܐ ܐܿܡܪܝܢ ܒܡܬܠܐ܂ ܥܘܠܘ ܠܚܫܒܘܢ܂ ܬܬܒܢܐ ܘܬܬܩܢ/ܘܬܬܒ#3#/ ܩܪܝܬܗ ܕܣܝܚܘܢ܂
21:28 [ai]ܡܛܠ ܕܢܘܪܐ ܢܦܩܬ ܡܢ ܚܫܒܘܢ܂ ܘܫܠܗܒܝܬܐ ܡܢ ܟܪܟܐ ܕܣܝܚܘܢ܂ ܘܐܟܠܬ ܠܥܕ ܕܡܘܐܒ܂ ܘܠܦܠܚܿܝ ܥܿܠܘܬܐ ܕܐܪܢܘܢ܂
21:29 [ai]ܘܝ ܠܟ ܐܪܢܘܢ܂ ܘܝ ܠܟ ܡܘܐܒ܂ ܐܒܕܬ ܥܡܐ ܕܟܡܘܫ܂ ܝܿܗܒ ܒܢ̈ܘܗܝ ܒܗܡܝܪ̈ܐ܂ ܘܒ̈ܢܬܗ ܒܫܒܝܐ܂ ܠܣܝܚܘܢ ܡܠܟܐ ܕܐܡܘܪ̈ܝܐ܂
21:30 [ai]ܘܚܩ̈ܠܬܐ/ܘܫܘܠܛܢܐ#3#/ ܕܚܫܒܘܢ ܐܒܕ ܥܕܡܐ ܠܪܝܒܘܢ܂ ܘܨ̈ܕܝ ܥܕܡܐ ܠܢܟܚ ܕܒܡܕܒܪܐ܂
21:31 [ai]ܘܝܬܒ ܐܝܣܪܝܠ ܒܐܪܥܐ ܕܐܡܘܪ̈ܝܐ܂
21:32 [ai]ܘܫܕܪ ܡܘܫܐ ܠܡܓܫ ܠܝܥܙܝܪ܂ ܘܟܒܫ ܟܦܪ̈ܘܢܝܗܿ܂ ܘܐܘܒܕ ܠܐܡܘܪ̈ܝܐ ܕܬܡܢ܂
21:33 [ai]ܘܗܦܟܘ ܣܠܩܘ ܠܐܪܥܐ ܕܡܬܢܝܢ܂ ܘܢܦܩ ܥܘܓ ܡܠܟܐ ܕܡܬܢܝܢ ܠܐܘܪܥܗܘܢ܂ ܗܘ ܘܟܠܗ ܥܡܗ ܠܩܪܒܐ ܒܐܪܕܥܝ܂
21:34 [ai]ܘܐܡܪ ܡܪܝܐ ܠܡܘܫܐ܂ ܠܐ ܬܕܚܠ ܡܢܗ܂ ܡܛܠ ܕܒ̈ܐܝܕܝܟ ܡܫܠܡ ܐܢܐ ܠܗ ܘܠܟܘܠܗ ܥܡܗ܂ ܘܠܟܠܗܿ ܐܪܥܗ܂ ܘܥܒܕ ܠܗ ܐܝܟ ܕܥܒܕܬ ܠܣܝܚܘܢ ܡܠܟܐ ܕܐܡܘܪ̈ܝܐ ܕܝܿܬܒ ܗܘܐ ܒܚܫܒܘܢ܂
21:35 [ai]ܘܚܪܒܘܗܝ ܠܗ ܘܠܒ̈ܢܘܗܝ ܘܠܟܠܗ ܥܡܗ܂ ܘܠܐ ܫܒܩܘ ܠܗ ܣܪܝܕܐ܂ ܘܝܪܬܘ ܐܪܥܗ܂

next chapter