← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


22:01 [ai]ܘܫܩܠܘ ܒܢ̈ܝ ܐܝܣܪܝܠ ܘܫܪܘ ܒܥܪܒܘܬ ܡܘܐܒ \ܕܒܥܒܪܐ ܕܝܘܪܕܢܢ /ܕܥܠ ܝܘܪܕܢܢ#3#/ ܕܐܝܪܝܚܘ܂
22:02 [ai]ܢܒܝܘܬܗ ܕܒܠܥܡ ܘܚܙܐ ܒܠܩ ܒܪ ܨܦܘܪ ܟܘܠ ܕܥܒܕ ܐܝܣܪܝܠ ܠܐܡܘܪ̈ܝܐ܂
22:03 [ai]ܘܕܚܠܘ ܡܘܐ̈ܒܝܐ ܡܢ ܩܕܡ ܥܡܐ ܛܒ܂ ܡܛܠ ܕܣܓܝ ܗܘܐ ܛܒ܂ ܘܥܩܬ ܠܗܘܢ ܠܡܘܐ̈ܒܝܐ ܡܢ ܩܕܡ ܒ̈ܢܝ ܐܝܣܪܝܠ܂
22:04 [ai]ܘܐܡܪ ܡܘܐܒ ܠܣ̈ܒܐ ܕܡܕܝܢ܂ ܡܟܝܠ ܪܥܝܢ ܟܢܫܐ ܗܢܐ ܠܟܠܗܘܢ ܕܚܕܪܝܢ܂ ܐܝܟ ܕܪܥܐ ܬܘܪܐ ܠܝܘܪܩܐ ܕܚܩܠܐ܂ ܘܒܠܩ ܗܘܐ ܒܪ ܨܦܘܪ ܡܠܟܐ ܕܡܘܐ̈ܒܝܐ ܒܙܒܢܐ ܗܿܘ܂
22:05 [ai]ܘܫܕܪ ܐܝ̈ܙܓܕܐ ܠܘܬ ܒܠܥܡ ܒܪ ܒܥܘܪ ܦܫܘܪܐ ܕܥܠ ܢܗܪܐ ܠܐܪܥܐ ܕܒ̈ܢܝ ܥܡܘܢ܂ ܠܡܩܪܝܗ ܘܠܡܐܡܪ ܠܗ܂ ܗܐ ܥܡܐ ܢܦܩ ܡܢ ܡܨܪܝܢ܂ ܘܟܣܝ ܐ̈ܦܝܗܿ ܕܐܪܥܐ܂ ܘܗܐ ܫܪܝܢ ܠܘܩܒܠܝ܂
22:06 [ai]ܡܟܝܠ ܬܐ ܠܘܛܝܗܝ ܠܝ ܠܥܡܐ ܗܢܐ܂ ܡܛܠ ܕܥܫܝܢ ܗܘ ܡܢܝ܂ ܟܒܪ ܢܫܟܚ ܢܚܪܘܒ ܡܢܗ ܘܢܘܒܕܝܘܗܝ ܡܢ ܐܪܥܐ܂ ܡܛܠ ܕܝܕܥ ܐܢܐ ܕܠܡܿܢ ܕܒܪܟ ܐܢܬ ܒܪܝܟ ܗܘ܂ ܘܠܡܿܢ/ܘܡܿܢ#3#/ ܕܠܐܛ ܐܢܬ ܠܝܛ ܗܘ܂
22:07 [ai]ܘܐܙܠܘ ܣ̈ܒܐ ܕܡܘܐܒ ܘܣ̈ܒܐ ܕܡܕܝܢ ܘܩ̈ܨܡܝܗܘܢ ܒܐ̈ܝܕܝܗܘܢ܂ ܘܐܬܘ ܠܘܬ ܒܠܥܡ܂ ܘܐܡܪܘ ܠܗ܂ ܡ̈ܠܘܗܝ ܕܒܠܩ܂
22:08 [ai]ܘܐܡܪ ܠܗܘܢ܂ ܒܘܬܘ ܗܪܟܐ ܒܠܠܝܐ ‍<‍ܗܢܐ#3#‍>‍܂ ܘܐܬܠ ܠܟܘܢ ܦܬܓܡܐ ܐܝܟ ܕܐܡܪ ܠܝ ܡܪܝܐ܂ ܘܦܫܘ ܪ̈ܘܪܒܢܐ ܕܡܘܐܒ ܠܘܬ ܒܠܥܡ܂
22:09 [ai]ܘܐܬܐ ܐܠܗܐ ܥܠ/ܠܘܬ#3#/ ܒܠܥܡ ܘܐܡܪ ܠܗ܂ ܡܿܢ ܐܢܘܢ ܗܠܝܢ ܓܒܪ̈ܐ ܕܥܡܟ܂
22:10 [ai]ܘܐܡܪ ܒܠܥܡ ܠܐܠܗܐ܂ ܒܠܩ ܒܪ ܨܦܘܪ ܡܠܟܐ ܕܡܘܐܒ ܫܕܪ ܥܠܝ ܘܐܡܪ ܠܝ܂
22:11 [ai]ܗܐ ܥܡܐ ܢܦܩ ܡܢ ܡܨܪܝܢ܂ ܘܟܣܝ ܐܦܝܗܿ ܕܐܪܥܐ ܗܫܐ ܬܐ ܠܘܛܝܗܝ ܠܝ܂ ܟܒܪ ܐܫܟܚ ܠܡܬܟܬܫܘ/ܐܬܟܬܫ#3#/ ܥܡܗ ܘܐܘܒܕܝܘܗܝ܂
22:12 [ai]ܘܐܡܪ ܐܠܗܐ ܠܒܠܥܡ܂ ܠܐ ܬܐܙܠ ܥܡܗܘܢ܂ ܘܠܐ ܬܠܘܛܝܗܝ ܠܥܡܐ܂ ܡܛܠ ܕܒܪܝܟ ܗܘ܂
22:13 [ai]ܘܩܡ ܒܠܥܡ ܒܨܦܪܐ܂ ܘܐܡܪ ܠܪ̈ܘܪܒܢܐ ܕܒܠܩ܂ ܙܠܘ ܠܐܪܥܟܘܢ/ܠܐܘܪܚܟܘܢ#3#/܂ ܡܛܠ ܕܠܐ ܨܒܐ ܡܪܝܐ ܠܡܫܒܩܢܝ ܕܐܿܙܠ ܥܡܟܘܢ܂
22:14 [ai]ܘܩܡܘ ܪ̈ܘܪܒܢܐ ܕܡܘܐܒ܂ ܘܐܬܘ ܠܘܬ ܒܠܩ ܘܐܿܡܪܝܢ ܠܗ܂ ܠܐ ܨܒܐ ܒܠܥܡ ܠܡܐܬܐ ܥܡܢ܂
22:15 [ai]ܘܗܦܟ ܬܘܒ ܒܠܩ܂ ܘܫܕܪ ܐܝ̈ܙܓܕܐ ܕܪ̈ܘܪܒܝܢ ܘܝܩܝܪ̈ܝܢ ܡܢ ܗܠܝܢ܂
22:16 [ai]ܘܐܬܘ ܠܘܬ ܒܠܥܡ ܘܐܡܪܘ ܠܗ܂ ܗܟܢܐ ܐܿܡܪ ܒܠܩ ܒܪ ܨܦܘܪ܂ ܠܐ ܬܬܟܠܐ ܠܡܐܬܐ ܠܘܬܝ܂
22:17 [ai]ܡܛܠ ܕܡܝܩܪܘ ܐܝܩܪܟ ܛܒ܂ ܘܟܠ ܕܬܐܡܪ ܠܝ ܐܥܒܕ ‍<‍ܠܟ#3#‍>‍܂ ܘܬܐ ܠܘܛ ܠܝ ܠܥܡܐ ܗܢܐ܂
22:18 [ai]ܘܥܢܐ ܒܠܥܡ ܘܐܡܪ ܠܥܒ̈ܕܘܗܝ/ܠܐܝ̈ܙܓܕܘܗܝ#3#/ ܕܒܠܩ܂ ܐܢ ܢܬܠ ܠܝ ܒܠܩ ܡܠܐ ܒܝܬܗ ܣܐܡܐ \ܐܘ ܕܗܒܐ /ܘܕܗܒܐ#3#/܂ ܠܐ ܡܫܟܚ ܐܢܐ ܕܐܥܒܪ ܥܠ ܡܠܬ ܦܘܡܗ ܕܡܪܝܐ ܐܠܗܝ܂ ܠܐ ܥܠ ܕܙܥܘܪܝܐ ܘܠܐ ܥܠ ܕܪܒܐ܂
22:19 [ai]ܡܟܝܠ ܦܘܫܘ ܐܦ ܐܢܬܘܢ ܗܪܟܐ ܒܠܠܝܐ܂ ܘܐܕܥ ܡܢܐ ܡܘܣܦ ܡܪܝܐ ܠܡܡܠܠܘ ܥܡܝ܂
22:20 [ai]ܘܐܬܐ ܐܠܗܐ ܥܠ ܒܠܥܡ ܒܠܠܝܐ ܘܐܡܪ ܠܗ܂ ܐܢ ܠܡܩܪܝܟ ܐܬܘ ܗܠܝܢ ܓܒܪ̈ܐ܂ ܩܘܡ ܙܠ ܥܡܗܘܢ܂ ܒܠܚܘܕ ܦܬܓܡܐ ܕܐܿܡܪ ܐܢܐ ܠܟ܂ ܗܿܘ ‍<‍ܗܘ#3#‍>‍ ܥܒܕ܂
22:21 [ai]ܘܩܡ ܒܠܥܡ ܒܨܦܪܐ܂ ܘܐܪܡܝ ܥܠ ܐܬܢܗ/ܚܡܪܗ#3#/܂ ܘܐܙܠ ܥܡ ܪ̈ܘܪܒܢܐ ܕܡܘܐܒ/ܕܒܠܩ#3#/܂
22:22 [ai]ܘܐܬܚܡܬ ܪܘܓܙܗ ܕܐܠܗܐ/ܕܡܪܝܐ#3#/ ܥܠܘܗܝ ܥܠ ܕܐܙܠ܂ ܘܩܡ ܡܠܐܟܗ ܕܡܪܝܐ ܒܐܘܪܚܐ ܕܢܗܘܐ ܠܗ ܣܛܢܐ܂ ܘܗܘ ܪܟܝܒ ܥܠ ܚܡܪܗ܂ ܘܬܪ̈ܝܢ ܥܠܝܡ̈ܘܗܝ ܥܡܗ܂
22:23 [ai]ܘܚܙܬ ܐܬܢܐ ܠܡܠܐܟܗ ܕܡܪܝܐ ܕܩܿܐܡ/ܩܿܐܡ#3#/ ܒܐܘܪܚܐ ܘܣܝܦܗ ܫܡܝܛ ܘܐܚܝܕ ܒܐܝܕܗ܂ ܘܣܛܬ ܐܬܢܐ ܡܢ ܐܘܪܚܐ܂ ܘܐܙܠܬ ܒܚܩܠܐ܂ ܘܡܚܗܿ ܒܠܥܡ ܠܐܬܢܐ ‍<‍ܗܝ#3#‍>‍ ܠܡܣܛܝܘܬܗܿ ܠܐܘܪܚܐ܂
22:24 [ai]ܘܩܡ ܡܠܐܟܗ ܕܡܪܝܐ ܒܫܒܝܠܐ ܕܟܪܡܐ܂ ܕܣܝܓܐ ܡܟܐ ܘܣܝܓܐ ܡܟܐ܂
22:25 [ai]ܘܚܙܬ ܐܬܢܐ ܠܡܠܐܟܗ ܕܡܪܝܐ܂ ܘܐܬܚܒܨܬ ܒܐܣܬܐ ܘܚܒܨܬܗܿ ܪܓܠܗ/ܠܪܓܠܗ#3#/ ܕܒܠܥܡ ܒܐܣܬܐ܂ ܘܐܘܣܦ ‍<‍ܬܘܒ#3#‍>‍ ܠܡܡܚܝܗܿ܂
22:26 [ai]ܘܐܘܣܦ ܡܠܐܟܗ ܕܡܪܝܐ܂ ܘܥܒܪ ܘܩܡ ܠܗ ܒܐܬܪܐ ܐܠܝܨܐ܂ ܐܬܪ ܕܠܝܬ ܐܘܪܚܐ ܠܡܣܛܐ܂ ܠܐ ܠܝܡܝܢܐ ܘܠܐ ܠܣܡܠܐ܂
22:27 [ai]ܘܚܙܬ ܐܬܢܐ ܠܡܠܐܟܗ ܕܡܪܝܐ܂ ܘܪܒܥܬ ܬܚܝܬ ܒܠܥܡ܂ ܘܐܚܡܬ ܪܘܓܙܗ ܕܒܠܥܡ ܘܡܚܗܿ ܠܐܬܢܐ ܒܚܘܛܪܐ܂
22:28 [ai]ܘܦܬܚ ܡܪܝܐ ܦܘܡܗܿ ܕܐܬܢܐ ܘܐܡܪܬ ܠܒܠܥܡ܂ ܡܢܐ ܥܒܕܬ ܠܟ ܕܡܚܝܬܢܝ ܗܐ ܬܠܬ ܙܒ̈ܢܝܢ܂
22:29 [ai]ܘܐܡܪ ܒܠܥܡ ܠܐܬܢܐ܂ ܥܠ ܕܒܙܚܬ ܒܝ܂ ܘܐܠܘ ܐܝܬ ܗܘܐ ܣܝܦܐ ܒܐ̈ܝܕܝ܂ ܗܫܐ ܩܿܛܠ ܗܘܿܝܬ ܠܟܝ܂
22:30 [ai]ܘܐܡܪܬ ܐܬܢܐ ܠܒܠܥܡ܂ ܠܐ ܗܘܿܝܬ ܐܢܐ ܐܬܢܟ܂ ܕܪܟܝܒ ܐܢܬ ܥܠܝ ܡܢ ܛܠܝܘܬܟ ܘܥܕܡܐ ܠܝܘܡܢܐ܂ ܕܠܡܐ ܡܡܬܘܡ ܥܒܕܬ ܠܟ ܗܟܢܐ܂ ܐܿܡܪ ܠܗܿ ܠܐ܂
22:31 [ai]ܘܓܠܐ ܡܪܝܐ ܥܝܢ̈ܘܗܝ ܕܒܠܥܡ ܘܚܙܐ ܠܡܠܐܟܗ ܕܡܪܝܐ ܩܿܐܡ/ܕܩܿܐܡ#3#/ ܒܐܘܪܚܐ܂ ܘܣܝܦܗ ܫܡܝܛ ܘܐܚܝܕ ܒܐܝܕܗ܂ ܘܩܥܕ ܘܣܓܕ ܥܠ ܐ̈ܦܘܗܝ܂
22:32 [ai]ܘܐܡܪ ܠܗ ܡܠܐܟܗ ܕܡܪܝܐ܂ ܠܡܢܐ ܡܚܝܬ ܐܬܢܟ ܗܐ ܬܠܬ ܙܒܢ̈ܝܢ܂ ܗܐ ܐܢܐ ܢܿܦܩܬ ܕܐܗܘܐ ܠܟ ܣܛܢܐ ܥܠ ܕܬܪܨܐ ܐܘܪܚܐ ܠܘܩܒܠܝ܂
22:33 [ai]ܘܚܙܬܢܝ ܐܬܢܐ ܘܣܛܬ ܡܢ ܩܕܡܝ܂ ܗܐ ܬܠܬ ܙܒܢ̈ܝܢ܂ ܘܐܠܘ ܠܐ ܣܛܬ ܡܢ ܩܕܡܝ܂ ܗܫܐ ܠܟ ܩܿܛܠ ܗܘܿܝܬ܂ ܘܠܗܿ ܡܚܐ ܗܘܿܝܬ܂
22:34 [ai]ܘܐܡܪ ܒܠܥܡ ܠܡܠܐܟܗ ܕܡܪܝܐ܂ ܚܿܛܝܬ܂ ܠܐ ܝܿܕܥ ܗܘܿܝܬ ܕܐܢܬ ܩܿܐܡ ܠܘܩܒܠܝ ܒܐܘܪܚܐ܂ ܗܫܐ ܐܢ ܒܝܫ ܒܥܝܢ̈ܝܟ ܐܗܦܘܟ ܠܝ܂
22:35 [ai]ܘܐܡܪ ܡܠܐܟܗ ܕܡܪܝܐ ܠܒܠܥܡ܂ ܙܠ ܥܡ ܓܒܪ̈ܐ܂ ܒܠܚܘܕ ܦܬܓܡܐ ܕܐܿܡܪ ܐܢܐ ܠܟ܂ ܗܿܘ ‍<‍ܗܘ#3#‍>‍ ܥܒܕ܂ ܘܐܙܠ ܒܠܥܡ ܥܡ ܪ̈ܘܪܒܢܐ ܕܒܠܩ܂
22:36 [ai]ܘܫܡܥ ܒܠܩ ܕܐܬܐ ܒܠܥܡ܂ ܘܢܦܩ ܠܐܘܪܥܗ ܠܩܪܝܬܐ ܕܡܘܐܒ܂ ܕܒܬܚܘܡܐ ܕܐܪܢܘܢ ܕܒܣܦܪ̈ܝ ܬܚܘܡܐ܂
22:37 [ai]ܘܐܡܪ ܒܠܩ ܠܒܠܥܡ܂ ܗܐ ܫܿܕܪܬ ܥܠܝܟ/ܠܘܬܟ#3#/ ܠܡܩܪܝܟ܂ ܐܝܟܘ ܠܐ ܐܬܝܬ ܠܘܬܝ܂ ܟܒܪ ܐܿܡܪ ܗܘܝܬ܂ ܕܠܐ/ܠܐ#3#/ ܡܨܐ ܐܢܐ ܒܚܝܠܐ ܠܡܝܩܪܘܬܟ܂
22:38 [ai]ܘܐܡܪ ܒܠܥܡ ܠܒܠܩ܂ ܗܐ ܐܬܝܿܬ ܠܘܬܟ܂ ܗܫܐ ܕܠܡܐ ܡܫܟܚܘ ܡܫܟܚ ܐܢܐ ܕܐܿܡܪ ܡܕܡ܂ ܐܠܐ ‍<‍ܗܘ#3#‍>‍ ܦܬܓܡܐ ܕܣܿܐܡ ܐܠܗܐ ܒܦܘܡܝ܂ ܗܿܘ ܗܘ ܐܿܡܪ ܐܢܐ܂
22:39 [ai]ܘܐܙܠ ܒܠܥܡ ܥܡ ܒܠܩ܂ ܘܐܥܠܗ ܠܩܘܪܝܬ ܚܨܪܘܬ܂
22:40 [ai]ܘܢܟܣ ܒܠܩ ܬܘܪ̈ܐ ܘܥܢܐ܂ ܘܫܕܪ ܠܒܠܥܡ ܘܠܪ̈ܘܪܒܢܐ ܕܥܡܗ܂
22:41 [ai]ܘܟܕ ܗܘܐ ܨܦܪܐ܂ ܕܒܪ ܒܠܩ ܠܒܠܥܡ ܘܐܣܩܗ ܠܒܡܘܬ ܒܥܠܐ܂ ܘܚܙܐ ܡܢ ܬܡܢ ܣܟܗ ܕܥܡܐ܂

next chapter