← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


24:01 [ai]ܘܚܙܐ ܒܠܥܡ ܕܫܦܝܪ ܗܘ ܒܥܝ̈ܢܝ ܡܪܝܐ ܠܡܒܪܟܘܬܗ ܠܐܝܣܪܝܠ܂ ܘܠܐ ܐܙܠ ܐܝܟ ܕܒܟܠ ܫܥܐ ܠܡܕܥ ܢܚܫܐ܂ ܘܣܡ ܠܡܕܒܪܐ ܐ̈ܦܘܗܝ܂
24:02 [ai]ܘܐܪܝܡ ܒܠܥܡ ܥܝ̈ܢܘܗܝ܂ ܘܚܙܐ ܠܐܝܣܪܝܠ ܟܕ ܫܪ̈ܝܢ ܫ̈ܒܛܝܢ ܫ̈ܒܛܝܢ܂ ܘܗܘܬ ܥܠܘܗܝ ܪܘܚܗ ܕܐܠܗܐ܂
24:03 [ai]ܘܐܪܝܡ ܒܡܬܠܗ ܘܐܡܪ܂ ܐܡܪ ܒܠܥܡ ܒܪܗ ܕܒܥܘܪ܂ ܐܡܪ ܓܒܪܐ ܕܓܠܝܐ ܥܝܢܗ܂
24:04 [ai]ܐܡܪ ܕܫܡܥ ܡܐܡܪܐ ܕܐܠܗܐ܂ ܘܚܙܘܐ ܕܐܠܗܐ ܚܙܐ܂ ܟܕ ܪܡܐ ܘܦܬܝܚ̈ܢ ܥܝ̈ܢܘܗܝ܂
24:05 [ai]ܡܐ ܫܦܝܪ ܡܫܟܢܟ ܝܥܩܘܒ܂ ܘܡܫ̈ܟܢܝܟ ܐܝܣܪܝܠ܂
24:06 [ai]ܐܝܟ ܢܚ̈ܠܐ ܕܪܕܝܢ܂ ܘܐܝܟ ܦܪܕܝܣܐ ܕܥܠ ܢܗܪܐ܂ ܘܐܝܟ ܡܫܟܢܐ ܕܢܨܒ ܡܪܝܐ܂ ܘܐܝܟ ܐܪ̈ܙܐ ܕܥܠ ܡ̈ܝܐ܂
24:07 [ai]ܢܦܘܩ ܓܒܪܐ ܡܢ ܒܢ̈ܘܗܝ܂ ܘܙܪܥܗ ܒܡܝ̈ܐ ܣܓܝ̈ܐܐ܂ ܘܢܬܬܪܝܡ ܡܢ ܐܓܓ ܡܠܟܐ܂ ܘܬܬܪܝܡ ܡܠܟܘܬܗ܂
24:08 [ai]ܐܠܗܐ ܕܐܦܩ ܐܢܘܢ ܡܢ ܡܨܪܝܢ ܒܥܘܫܢܗ ܘܒܪܘܡܗ܂ ܢܐܟܘܠ ܥܡ̈ܡܐ ܣܢܐ̈ܘܗܝ ܘܓܪ̈ܡܝܗܘܢ ܢܬܒܪ܂ ܘܚ̈ܨܝܗܘܢ ܢܦܣܩ/ܢܦܣܘܩ#3#/܂
24:09 [ai]\ܪܒܥ ܘܕܡܟ /ܒܪܟ ܘܪܒܥ#2#/ ܐܝܟ ܐܪܝܐ܂ ܘܐܝܟ ܓܘܪܝܐ ܕܐܪܝܐ ܘܡܢܘ ܢܩܝܡܝܘܗܝ܂ ܒܿܪ̈ܟܝܟ ܒܪ̈ܝܟܝܢ ܘܠܝ̈ܛܝܟ ܠܝܛܝ̈ܢ܂
24:10 [ai]ܘܐܬܚܡܬ ܪܘܓܙܗ ܕܒܠܩ ܥܠ ܒܠܥܡ܂ ܘܛܪܦ ܐ̈ܝܕܘܗܝ܂ ܘܐܡܪ ܒܠܩ ܠܒܠܥܡ܂ ܠܡܠܛ ܒܥ̈ܠܕܒܒܝ ܩܪܝܿܬܟ ܘܗܐ ܡܒܪܟܘ ܡܒܪܟ ܐܢܬ ܠܗܘܢ܂ ܗܐ ܬܠܬ ܙܒܢ̈ܝܢ܂
24:11 [ai]ܗܫܐ ܦܘܩ ܙܠ ܠܟ ܠܐܬܪܟ܂ ܐܡܪܬ ܕܡܝܩܪܘ ܐܝܩܪܟ܂ ܘܗܐ ܟܠܟ ܡܪܝܐ ܡܢ ܐܝܩܪܐ܂
24:12 [ai]\ܘܥܢܐ ܒܠܥܡ ܘܐܡܪ /ܘܐܡܪ ܒܠܥܡ#3#/ ܠܒܠܩ܂ ܗܐ ܐܦ ܠܐܝ̈ܙܓܕܝܟ ܕܫܕܪܬ ܠܘܬܝ ܐܡܿܪܬ܂
24:13 [ai]ܕܐܢ ܝܿܗܒ/ܢܬܠ#3#/ ܠܝ ܒܠܩ ܡܠܐ ܒܝܬܗ ܣܐܡܐ \ܐܘ ܕܗܒܐ /ܘܕܗܒܐ#3#/܂ ܠܐ ܡܫܟܚ ܐܢܐ ܕܐܥܒܪ ܥܠ ܡܠܬ ܦܘܡܗ ܕܡܪܝܐ܂ ܘܐܥܒܕ ܡܢ ܠܒܝ ܛܒܬܐ ܐܘ ܒܝܫܬܐ܂ ‍{‍ܐܢܐ‍}‍ ‍<‍ܐܠܐ#3#‍>‍ ܡܕܡ ܕܐܡܿܪ ܠܝ ܡܪܝܐ ܗܿܘ ܗܘ ܡܡܠܠ ܐܢܐ܂
24:14 [ai]ܗܫܐ ܗܐ ܐܙܿܠ ܐܢܐ ܠܝ ܠܐܪܥܝ܂ ܬܐ ܕܝܢ ܐܡܠܟܟ ܡܕܡ ܕܥܿܒܕ ܥܡܐ ܗܢܐ ܠܥܡܟ ܒܚܪܬܐ ܕܝܘܡ̈ܬܐ܂
24:15 [ai]ܘܐܪܝܡ ܒܡܬܠܗ ܘܐܡܪ܂ ܐܡܪ ܒܠܥܡ ܒܪܗ ܕܒܥܘܪ܂ ܐܡܪ ܓܒܪܐ ܕܓܠܝܐ ܥܝܢܗ܂
24:16 [ai]ܐܡܪ ܕܫܡܥ ܡܐܡܪܐ ܕܐܠܗܐ܂ ܘܝܕܥ ܡܕܥܐ ܕܡܪܝܡܐ܂ ܘܚܙܘܐ ܕܐܠܗܐ ܚܙܐ܂ ܟܕ ܐܪܡܐ ܘܦܬܝܚ̈ܢ ܥܝ̈ܢܘܗܝ܂
24:17 [ai]ܚܙܝܬܗ ܘܠܐ ܡܢ ܟܕܘ܂ ܘܚܿܪܬܗ ܘܠܐ ܗܘܐ ܩܪܝܒ܂ ܢܕܢܚ ܟܘܟܒܐ ܡܢ ܝܥܩܘܒ܂ ܘܢܩܘܡ ܪܫܐ ܡܢ ܐܝܣܪܝܠ܂ ܘܢܘܒܕ ܠܓܢܒܪ̈ܐ ܕܡܘܐܒ܂ ܘܢܫܥܒܕ ܠܟܠܗܘܢ ܒܢ̈ܝ ܫܝܬ܂
24:18 [ai]ܘܬܗܘܐ ܐܕܘܡ ܝܪܬܘܬܗ܂ ܘܣܥܝܪ ܝܪܬܘܬܐ ܕܒ̈ܥܠܕܒܒܘܗܝ ܬܗܘܐ ܕܝܠܗ/ܝܪܬܘܬܗ#3#/܂ ܘܐܝܣܪܝܠ ܢܩܢܐ ܚܝܠܐ܂
24:19 [ai]ܘܢܚܘܬ ܡܢ ܝܥܩܘܒ܂ ܘܢܘܒܕ ܠܐܝܢܐ ܕܡܫܬܘܙܒ ܡܢ ܩܪܝܬܐ܂
24:20 [ai]ܘܚܙܐ ܠܥܡܠܝܩ ܘܐܪܝܡ ܒܡܬܠܗ ܘܐܡܪ܂ ܪܝܫ ܥܡ̈ܡܐ ܥܡܠܝܩ܂ ܘܚܪܬܗ ܬܐܒܕ ܠܥܠܡܝܢ܂
24:21 [ai]ܘܚܙܐ ܠܩܝ̈ܢܝܐ ܘܐܪܝܡ ܒܡܬܠܗ ܘܐܡܪ܂ ܥܫܝܢ ܡܘܬܒܟ܂ ܘܣܝܡ ܒܫܩܝܦܐ ܩܢܟ܂
24:22 [ai]ܐܢ ܢܗܘܐ ܠܒܘܥܪܐ ܩܝܢ܂ ܥܕܡܐ ܠܐܬܘܪ ܢܫܒܘܢܟ܂
24:23 [ai]ܘܐܪܝܡ ܒܡܬܠܗ ܘܐܡܪ܂ ܘܝ ܡܢܘ ܢܚܐ܂ ܡܐ ܕܣܿܐܡ ܗܠܝܢ ܐܠܗܐ܂
24:24 [ai]ܘܠܓܝܘ̈ܢܐ ܢܦܩ̈ܢ ܡܢ ܐܪܥܐ ܕܟܬ̈ܝܐ܂ ܘܢܫܥܒܕܘܢ/ܘܢܫܬܥܒܕܘܢ#3#/ ܠܐܬܘܪ܂ ܘܢܫܥܒܕܘܢ/ܘܢܫܡܫܘܢ#3#/ ܐܦ ܠܥܒܪ̈ܝܐ܂ ܘܐܦ ܗܢܘܢ ܢܐܒܕܘܢ ܠܥܠܡܝܢ܂
24:25 [ai]ܘܩܡ ܒܠܥܡ ܘܗܦܟ ܐܙܠ ܠܐܬܪܗ܂ ܘܐܦ ܒܠܩ ܐܙܠ ‍<‍ܠܗ#3#‍>‍ ܠܐܘܪܚܗ܂

next chapter