← Back
The Comprehensive Aramaic Lexicon
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


25:01 [ai]ܘܝܬܒ ܐܝܣܪܝܠ ܒܣܛܝܡ܂ ܘܫܪܝ ܥܡܐ ܠܡܙܢܝܘ ܒܒܢ̈ܬ ܡܘܐܒ܂
25:02 [ai]ܘܩܪ̈ܝ ܠܥܡܐ ܠܕܒܚ̈ܐ ܕܐ̈ܠܗܝܗܝܢ܂ ܘܐܟܠܘ ܥܡܐ ܘܣܓܕܘ ܠܐ̈ܠܗܝܗܝܢ܂
25:03 [ai]ܘܐܫܬܡܠܝ ܐܝܣܪܝܠ ܒܒܥܠ ܦܥܘܪ܂ ܘܐܬܚܡܬ ܪܘܓܙܗ ܕܡܪܝܐ ܥܠ ܒܢ̈ܝ ܐܝܣܪܝܠ܂
25:04 [ai]ܘܐܡܪ ܡܪܝܐ ܠܡܘܫܐ܂ ܕܒܪ ܠܟܠܗܘܢ ܪ̈ܫܐ ܕܥܡܐ܂ ܘܦܪܣܐ ܐܢܘܢ ܩܕܡ/ܠܘܩܒܠ#3#/ ܡܪܝܐ ܠܘܩܒܠ ܫܡܫܐ܂ ܘܬܗܦܘܟ ܚܡܬܐ ܕܪܘܓܙܗ ܡܢ \ܒܢ̈ܝ ܐܝܣܪܝܠ /ܕܐܝܣܪܝܠ#3#/܂
25:05 [ai]ܘܐܡܪ ܡܘܫܐ ܠܕܝܿܢ̈ܐ ܕܐܝܣܪܝܠ܂ ܩܛܘܠܘ ܐܢܫ ܓܒܪ̈ܘܗܝ܂ ܐܝܠܝܢ ܕܐܫܬܡܠܝܘ ܒܒܥܠ ܦܥܘܪ܂
25:06 [ai]ܘܗܐ ܓܒܪܐ ܡܢ ܒܢ̈ܝ ܐܝܣܪܝܠ ܐܬܐ܂ ܘܩܪܒ ܩܕܡ ܐܚ̈ܘܗܝ܂ ܘܥܠ ܥܠ ܡܕܝܢܝܬܐ ܠܥܝܢ ܡܘܫܐ ܘܠܥܝܢ ܟܠܗܿ ܟܢܘܫܬܐ ܕܒ̈ܢܝ ܐܝܣܪܝܠ܂ ܘܗܢܘܢ ܒܿܟܝܢ ܗܘܘ ܒܬܪܥܐ ܕܡܫܟܢܙܒܢܐ܂
25:07 [ai]ܘܚܙܝܗܝ ܦܝܢܚܣ ܒܪ ܐܠܝܥܙܪ ܒܪ ܐܗܪܘܢ ܟܗܢܐ܂ ܘܩܡ ܡܢ ܓܘ ܟܢܘܫܬܐ ܘܢܣܒ ܪܘܡܚܐ ܒܐܝܕܗ܂
25:08 [ai]ܘܥܠ ܒܬܪ/ܥܠ#3#/ ܓܒܪܐ ܒܪ ܐܝܣܪܐܝܠ ܠܩܠܝܬܐ܂ ܘܕܩܪ ܐܢܘܢ ܠܬܪ̈ܝܗܘܢ܂ ܠܓܒܪܐ ܒܪ ܐܝܣܪܝܠ ܘܠܐܢܬܬܐ ܒܟܪܣܗܿ ܒܩܠܝܬܐ܂ ܘܐܬܟܠܝ ܡܘܬܢܐ ܕܡܢ ܫܠܝܐ ܡܢ ܐܝܣܪܝܠ܂
25:09 [ai]ܘܗܘܘ ܕܡܝܬܘ ܒܡܘܬܢܐ ܕܡܢ ܫܠܝܐ܂ ܥܣܪܝܢ ܘܐܪ̈ܒܥܐ ܐ̈ܠܦܝܢ܂
25:10 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
25:11 [ai]ܦܝܢܚܣ ܒܪ ܐܠܝܥܙܪ ܒܪ ܐܗܪܘܢ ܟܗܢܐ܂ ܐܗܦܟ ܚܡܬܝ ܡܢ ܒ̈ܢܝ ܐܝܣܪܝܠ܂ ܘܛܢ ܛܢܢܝ ܒܝܢܬܗܘܢ܂ ܘܠܐ ܐܘܒܕܬ ܠܒܢ̈ܝ ܐܝܣܪܝܠ ܒܛܢܢܝ܂
25:12 [ai]ܡܛܠ ܗܢܐ ܐܡܿܪܬ܂ ܕܗܐ/ܗܐ#3#/ ܝܿܗܒ ܐܢܐ ܠܗ ܩܝܡܐ ܕܫܠܡܐ܂
25:13 [ai]ܘܢܗܘܐ ܠܗ ܘܠܒܢ̈ܘܗܝ ܡܢ ܒܬܪܗ܂ ܩܝܡܐ ܕܟܗܢܘܬܐ ܠܥܠܡ/ܕܥܠܡ#3#/܂ ܚܠܦ ܕܛܢ ܒܐܠܗܗ܂ ܘܚܣܝ \ܥܠ ܒܢ̈ܝ /ܠܒ̈ܢܝ#3#/ ܐܝܣܪܝܠ܂
25:14 [ai]ܘܫܡܗ ܕܓܒܪܐ ܒܪ ܐܝܣܪܝܠ ܩܛܝܠܐ ܕܐܬܩܛܠ ܥܡ ܡܕܝܢܝܬܐ܂ ܙܡܪܝ ܒܪ ܣܠܘ܂ ܪܝܫ ܒܝܬ ܐ̈ܒܗܐ ܕܫܒܛܐ ܕܫܡܥܘܢ܂
25:15 [ai]ܘܫܡܗܿ ܕܐܢܬܬܐ ܡܕܝܢܝܬܐ ܟܘܣܒܝ ܒܪܬ ܨܘܪ ܪܝܫ ܐܘܡܬܐ ܕܒܝܬ ܐܒ̈ܗܝܗܿ ܒܡܕܝܢ ܗܘܝܘ ܗܘܐ܂
25:16 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
25:17 [ai]ܐܥܝܩ ܠܡܕܝ̈ܢܝܐ ܘܚܪܘܒ ܐܢܘܢ܂
25:18 [ai]ܡܛܠ ܕܡܥܝܩܝܢ ܠܟܘܢ ܒܢܟܠܗܘܢ ܕܐܬܢܟܠܘ ܥܠܝܟܘܢ܂ ܒܨܒܘܬܐ ܕܦܥܘܪ ܘܒܨܒܘܬܐ ܕܟܘܣܒܝ ܒܪܬ ܪ̈ܫܐ ܕܡܕܝܢ ܚܬܗܘܢ܂ ܕܐܬܩܛܠܬ/ܘܐܬܩܛܠܬ#3#/ ܒܝܘܡܬܐ ܕܡܚܘܬܐ ‍<‍ܕܡܘܬܐ#3#‍>‍ ܕܡܢ ܫܠܝܐ ܒܨܒܘܬܐ ܕܦܥܘܪ܂
25:19 [ai]ܘܗܘܐ ܡܢ ܒܬܪ ܡܘܬܢܐ ܕܡܢ ܫܠܝܐ܂

next chapter