← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


27:01 [ai]ܘܩܪܒ ܒܢܬ̈ܗ ܕܨܠܦܚܕ ܒܪ ܚܦܪ ܒܪ ܓܠܥܕ ܒܪ ܡܟܝܪ ܒܪ ܡܢܫܐ ܡܢ ܫܪܒܬܐ ܕܡܢܫܐ ܒܪ ܝܘܣܦ܂ ܘܗܠܝܢ ܫ̈ܡܗܐ ܕܒܢ̈ܬܗ܂ ܡܚܠܐ ܘܝܥܐ܂ ܘܚܓܠܐ ܘܡܠܟܐ ܘܬܪܨܐ܂
27:02 [ai]ܘܩܡ ܩܕܡ ܡܘܫܐ ܘܩܕܡ ܐܠܝܥܙܪ ܟܗܢܐ܂ ܘܩܕܡ ܪ̈ܘܪܒܢܐ ܘܩܕܡ ܟܠܗܿ ܟܢܘܫܬܐ ܒܬܪܥܐ ܕܡܫܟܢܙܒܢܐ ܘܐܡܿܪ̈ܢ܂
27:03 [ai]ܐܒܘܢ ܡܝܬ ܒܡܕܒܪܐ܂ ܘܠܐ ܗܘܐ ܒܓܘ ܟܢܘܫܬܐ ܗܘܐ܂ ܗܿܝ ܕܩܡܬ ܩܕܡ ܡܪܝܐ ܒܟܢܘܫܬܗ ܕܩܘܪܚ܂ ܡܛܘܠ ܕܒܚ̈ܛܗܘܗܝ ܓܝܪ ܡܝܬ܂ ܘܒ̈ܢܝܐ ܠܐ ܗܘܘ ܠܗ܂
27:04 [ai]ܠܡܢܐ ܡܬܥܛܐ ܫܡܗ ܕܐܒܘܢ ܡܢ ܓܘ ܫܪܒܬܗ܂ ܕܠܝܬ ܠܗ ܒܪܐ ܗܒ ܠܢ ܝܪܬܘܬܐ ܒܝ̈ܢܬ ܐ̈ܚܐ ܕܐܒܘܢ܂
27:05 [ai]ܘܩܪܒ ܡܘܫܐ ܕܝܢܗܝܢ ܩܕܡ ܡܪܝܐ܂
27:06 [ai]ܘܐܡܪ ܡܪܝܐ ܠܡܘܫܐ܂
27:07 [ai]ܟܐܢܐܝܬ ܐܡܿܪ̈ܢ ܒ̈ܢܬܗ ܕܨܠܦܚܕ ܗܒ ܠܗܝܢ ܐܘܚܕܢܐ ܘܝܪܬܘܬܐ ܒܝ̈ܢܬ ܐ̈ܚܘܗܝ ܕܐܒܘܗܝܢ܂ ܘܐܩܝܡ ܠܗܝܢ ܝܪܬܘܬܐ ܕܐܒܘܗܝܢ܂
27:08 [ai]ܘܐܡܪ ܠܒ̈ܢܝ ܐܝܣܪܝܠ܂ ܓܒܪ ܟܕ ܢܡܘܬ܂ ܘܠܝܬ ܠܗ ܒܪܐ܂ ܗܒܘ ܝܪܬܘܬܗ ܠܒܪܬܗ܂
27:09 [ai]ܘܐܢ ܠܝܬ ܠܗ ܒܪܬܐ܂ ܗܒܘ ܝܪܬܘܬܗ ܠܐܚ̈ܘܗܝ܂
27:10 [ai]ܘܐܢ ܠܝܬ ܠܗ ܐ̈ܚܐ܂ ܗܒܘ ܝܪܬܘܬܗ ܠܕܕܘܗܝ܂
27:11 [ai]ܘܐܢ ܠܝܬ ܠܗ ܕܕܐ܂ ܗܒܘ ܝܪܬܘܬܗ ܠܐܝܢܐ ܕܩܪܝܒ ܠܗ ܡܢ ܫܪܒܬܗ ܘܢܐܪܬܝܘܗܝ܂ ܘܢܗܘܐ ܠܒܢ̈ܝ ܐܝܣܪܝܠ ܢܡܘܣܐ ܕܕܝܢܐ ܐܝܟ ܕܦܩܕ ܡܪܝܐ ܠܡܘܫܐ܂
27:12 [ai]ܘܐܡܪ ܡܪܝܐ ܠܡܘܫܐ܂ ܣܩ ܠܛܘܪܐ ܗܢܐ ܕܥܒܪ̈ܝܐ ܘܚܙܝܗܿ ܠܐܪܥܐ ܕܟܢܥܢ܂ ܕܝܿܗܒܬ/ܕܝܗܒ ܐܢܐ#3#/ ܠܒܢ̈ܝ ܐܝܣܪܝܠ܂
27:13 [ai]ܚܙܝܗ ܘܐܬܟܢܫ ܐܦ ܐܢܬ ܠܘܬ ܥܡܟ܂ ܐܝܟ ܕܐܬܟܢܫ ܐܗܪܘܢ ܐܚܘܟ܂
27:14 [ai]ܥܠ ܕܡܪܡܪܬܘܢ ܡܠܬ ܦܘܡܝ ܒܡܕܒܪܐ ܕܨܝܢ܂ ܒܡܨܘܬܐ ܕܟܢܘܫܬܐ܂ ܘܠܐ ܩܕܫܬܘܢܢܝ ܒܡ̈ܝܐ ܠܥܢܝ̈ܗܘܢ܂ ܗܿܢܘܢ ܐܢܘܢ ܡ̈ܝܐ ܕܡܨܘܬܐ ܕܪܩܡ/ܒܪܩܡ#3#/ ܒܡܕܒܪܐ ܕܨܝܢ܂
27:15 [ai]ܘܡܠܠ ܡܘܫܐ ܩܕܡ ܡܪܝܐ ܘܐܡܪ܂
27:16 [ai]ܢܦܩܘܕ ܡܪܝܐ ܐܠܗܐ ܕܪ̈ܘܚܬܐ ܕܟܠ ܒܣܪ ܓܒܪܐ ‍<‍ܚܕ#3#‍>‍ ܥܠ ܟܢܘܫܬܐ܂
27:17 [ai]ܕܢܦܘܩ ܩܕܡܝܗܘܢ ܘܕܢܥܘܠ ܩܕܡܝܗܘܢ܂ ܘܕܢܦܩ ܐܢܘܢ ܘܕܢܥܠ ܐܢܘܢ܂ ܕܠܐ/ܘܠܐ#3#/ ܬܗܘܐ ܟܢܘܫܬܗ ܕܡܪܝܐ ܐܝܟ ܥܢܐ ܕܠܝܬ ܠܗܿ ܪܥܝܐ܂
27:18 [ai]ܘܐܡܪ ܡܪܝܐ ܠܡܘܫܐ܂ ܕܒܪ ܠܟ ܠܝܫܘܥ ܒܪ ܢܘܢ ܓܒܪܐ ܕܪܘܚܐ ܒܗ܂ ܘܣܝܡ ܐܝܕܟ ܥܠܘܗܝ܂
27:19 [ai]ܘܐܩܝܡܝܗܝ ܩܕܡ ܐܠܝܥܙܪ ܟܗܢܐ ܘܩܕܡ ܟܠܗܿ ܟܢܘܫܬܐ܂ ܘܦܩܕܝܗܝ ܠܥܢܝ̈ܗܘܢ܂
27:20 [ai]ܘܗܒ ܡܢ ܫܘܒܚܟ ܥܠܘܗܝ܂ ܕܢܫܡܥܘܢܗ/ܘܢܫܡܥܘܢܗ#3#/ ܟܘܠܗܿ ܟܢܘܫܬܐ ܕܒܢ̈ܝ ܐܝܣܪܝܠ܂
27:21 [ai]ܘܩܕܡ ܐܠܝܥܙܪ ܟܗܢܐ ܢܩܘܡ܂ ܘܢܗܘܐ ܫܿܐܠ ܠܗ ܢܡܘܣܐ ܕܫܐܠܬܐ ܩܕܡ ܡܪܝܐ܂ ܒܡܠܬ ܦܘܡܗ ܢܗܘܘܢ ܢܦܩܝܢ ܘܒܡܠܬ ܦܘܡܗ ܢܗܘܘܢ ܥܐܠܝܢ܂ ܗܘ ܘܟܠܗܘܢ ܒܢ̈ܝ ܐܝܣܪܝܠ ܥܡܗ܂ ܘܟܠܗܿ ܟܢܘܫܬܐ܂
27:22 [ai]ܘܥܒܕ ܡܘܫܐ ܐܝܟ ܕܦܩܕܗ ܡܪܝܐ܂ ܘܕܒܪ ܠܝܫܘܥ ܘܐܩܝܡܗ ܩܕܡ ܐܠܝܥܙܪ ܟܗܢܐ ܘܩܕܡ ܟܠܗܿ ܟܢܘܫܬܐ܂
27:23 [ai]ܘܣܡ ܐܝܕܗ ܥܠܘܗܝ܂ ܘܦܩܕܗ ܐܝܟ/ܐܝܟܢܐ#3#/ ܕܦܩܕ/ܕܡܠܠ#3#/ ܡܪܝܐ ܠܡܘܫܐ܂

next chapter