← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


28:01 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
28:02 [ai]ܦܩܕ ܠܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܩܘܪ̈ܒܢܝ ܘܠܚܡܐ ܕܩܘܪ̈ܒܢܝ ܘܪܝܚܐ ܕܣܘܬܐ܂ ܢܗܘܘܢ ܢܿܛܪܝܢ ܘܡܩܪܒܝܢ ܠܝ ܒ̈ܙܒܢܝܗܘܢ܂
28:03 [ai]ܘܐܡܪ ܠܗܘܢ܂ ܗܢܐ ܩܘܪܒܢܐ ܕܬܗܘܘܢ ܡܩܪܒܝܢ ܠܡܪܝܐ܂ ܐܡܪ̈ܐ ܒܢ̈ܝ ܫܢܬܐ ܕܠܝܬ ܒܗܘܢ ܡܘܡܐ܂ ܬܪ̈ܝܢ ܒܝܘܡܐ ܠܝܩܕܐ ܫܠܡܐ ܐܡܝܢܐܝܬ܂
28:04 [ai]ܐܡܪܐ ܚܕ ܩܪܒ ܒܨܦܪܐ܂ ܘܐܡܪܐ ܐܚܪܢܐ ܩܪܒ ܒܝܬ ܪ̈ܡܫܐ܂
28:05 [ai]ܘܚܕ ܡܢ ܥܣܪܐ ܠܣܐܬܐ ܢܫܝܦܐ܂ ܩܘܪܒܢܐ ܕܦܝܠ ܒܡܫܚܐ ܥܨܝܪܐ ܪܘܒܥܗ ܕܗܡܝܢܐ܂
28:06 [ai]ܝܩܕܐ ܫܠܡܐ ܐܡܝܢܐܝܬ܂ ܕܐܬܥܒܕ ܒܛܘܪܐ ܕܣܝܢܝ܂ ܠܪܝܚܐ ܕܣܘܬܐ/ܕܢܝܚܐ#2#/ ܩܘܪܒܢܐ ܠܡܪܝܐ܂
28:07 [ai]ܘܢܘܩܝܗ ܚܡܪܐ ܪܘܒܥܗ ܕܗܡܝܢܐ ܠܐܡܪܐ ܚܕ܂ ܒܩܘܕܫܐ ܢܬܢܩܐ ܢܘܩܝܐ ܕܥܬܝܩܐ ܩܕܡ ܡܪܝܐ܂
28:08 [ai]ܘܐܡܪܐ ܐܚܪܢܐ ܥܒܕ ܒܝܬ ܪ̈ܡܫܐ܂ ܐܝܟ ܩܘܪܒܢܐ ܕܨܦܪܐ ܘܐܝܟ ܢܘܩܝܗ ܥܒܕ ܩܘܪܒܢܐ ܠܪܝܚܐ/ܕܪܝܚܐ#3#/ ܕܣܘܬܐ ܠܡܪܝܐ܂
28:09 [ai]ܘܒܝܘܡܐ ܕܫܒܬܐ܂ ܐܡܪ̈ܐ ܬܪ̈ܝܢ ܒ̈ܢܝ ܫܢܬܐ ܕܠܝܬ ܒܗܘܢ ܡܘܡܐ܂ ܘܬܪ̈ܝܢ ܥܣܪ̈ܘܢܝܢ ܢܫܝܦܐ ܕܩܘܪܒܢܐ ܕܦܝܠ ܒܡܫܚܐ܂ ܘܢܘܩܝܗ܂
28:10 [ai]ܝܩܕܐ ܫܠܡܐ ܕܫܒܬܐ ܒܫܒܬܐ܂ ܥܠ ܝܩܕܐ ܫܠܡܐ ܐܡܝܢܐܝܬ ܘܢܘܩܝܗ܂
28:11 [ai]ܘܒܪܝܫ ܝܪ̈ܚܝܟܘܢ ܩܪܒܘ ܝܩ̈ܕܐ ܫ̈ܠܡܐ ܠܡܪܝܐ܂ ܬܘܪ̈ܐ ܒ̈ܢܝ ܒܩܪܐ ܬܪ̈ܝܢ܂ ܘܕܟܪܐ ܚܕ܂ ܘܐܡܪ̈ܐ ܒܢ̈ܝ ܫܢܬܐ ܫܒܥܐ܂ ܕܠܝܬ ܒܗܘܢ ܡܘܡܐ܂
28:12 [ai]ܘܬܠܬܐ ܥܣܪ̈ܘܢܝܢ ܢܫܝܦܐ ܕܩܘܪܒܢܐ ܕܦܝܠ ܒܡܫܚܐ ܠܬܘܪܐ ܚܕ܂ ܘܬܪ̈ܝܢ ܥܣܪ̈ܘܢܝܢ ܢܫܝܦܐ ܕܦܝܠ ܒܡܫܚܐ ܠܕܟܪܐ ܚܕ܂
28:13 [ai]ܘܥܣܪܘܢܐ ܚܕ ܢܫܝܦܐ ܕܩܘܪܒܢܐ ܕܦܝܠ ܒܡܫܚܐ ܠܐܡܪܐ ܚܕ ܝܩܕܐ ܫܠܡܐ ܠܪܝܚ/ܕܪܝܚ#3#/ ܣܘܬܐ ܠܡܪܝܐ܂
28:14 [ai]ܘܢܘܩܝܗܘܢ ܚܡܪܐ ܦܠܓܗ ܕܗܡܝܢܐ ܢܗܘܐ ܠܬܘܪܐ܂ ܘܬܘܠܬܗ ܕܗܡܝܢܐ ܢܗܘܐ ܠܕܟܪܐ܂ ܘܪܘܒܥܗ ܕܗܡܝܢܐ ܢܗܘܐ ܠܐܡܪܐ܂ ܗܢܐ ܗܘ ܝܩܕܐ ܫܠܡܐ ܕܪܝܫ ܝܪܚܐ ܒܝܪ̈ܚܐ/ܒܟܠܗܘܢ ܝܪ̈ܚܐ#3#/ ܕܫܢܬܐ܂
28:15 [ai]ܘܨܦܪܝܐ ܚܕ ܕܥ̈ܙܐ ܚܠܦ ܚܛܗܐ ܠܡܪܝܐ܂ ܥܠ ܝܩܕܐ ܫܠܡܐ ܐܡܝܢܐܝܬ ܢܬܥܒܕ ܗܘ ܘܢܘܩܝܗ܂
28:16 [ai]ܘܒܐܪܒܥܣܪܐ ܒܝܪܚܐ ܩܕܡܝܐ ܦܨܚܐ ܗܘ ܠܡܪܝܐ܂
28:17 [ai]ܘܒܚܡܫܥܣܪܐ ܒܗ ܒܝܪܚܐ ܥܕܥܐܕܐ ‍<‍ܠܡܪܝܐ#3#‍>‍܂ ܫܒܥܐ ܝܘܡ̈ܝܢ ܦܛܝܪܐ ܢܬܐܟܠ܂
28:18 [ai]ܝܘܡܐ ܩܕܡܝܐ ܩܪܝܐ ܘܩܕܝܫܐ܂ ܘܟܠ ܥܒܿܕ ܕܦܘܠܚܢܐ ܠܐ ܬܥܒܕܘܢ ‍<‍ܒܗ#3#‍>‍܂
28:19 [ai]ܘܩܪܒܘ ܩܘܪܒܢܐ ܝܩ̈ܕܐ ܫ̈ܠܡܐ ܠܡܪܝܐ܂ ܬܘܪ̈ܐ ܒܢ̈ܝ ܒܩܪܐ ܬܪ̈ܝܢ܂ ܘܕܟܪܐ ܚܕ ܘܐܡܪ̈ܐ ܒܢ̈ܝ ܫܢܬܐ ܫܒܥܐ ܕܠܝܬ ܒܗܘܢ ܡܘܡܐ ܢܗܘܘܢ ܠܟܘܢ܂
28:20 [ai]ܘܩܘܪܒܢܗܘܢ ܢܫܝܦܐ ܕܦܝܠ ܒܡܫܚܐ܂ ܬܠܬܐ ܥܣܪ̈ܘܢܝܢ ܠܬܘܪܐ܂ ܘܬܪ̈ܝܢ ܥܣܪ̈ܘܢܝܢ ܠܕܟܪܐ ܬܥܒܕܘܢ܂
28:21 [ai]ܘܥܣܪܘܢܐ ܚܕ ܠܐܡܪܐ ܚܕ܂ ܗܟܢܐ ܥܒܕܘ ܠܫܒ̈ܥܬܝܗܘܢ ܐܡܪ̈ܐ܂
28:22 [ai]ܘܨܦܪܝܐ ܚܕ ܕܥ̈ܙܐ ܚܠܦ ܚܛܗܐ ܠܡܚܣܝܘ ܥܠܝܟܘܢ܂
28:23 [ai]ܠܒܪ ܡܢ ܝܩܕܐ ܫܠܡܐ ܕܨܦܪܐ/ܕܨܦܪܝܐ#1##2#/܂ ܝܩܕܐ ܫܠܡܐ ܐܡܝܢܐܝܬ ܬܥܒܕܘܢ܂
28:24 [ai]ܗܠܝܢ ܗܘܝܬܘܢ ܥܿܒܕܝܢ ܒܟܠ ܝܘܡ ܫܒܥܐ ܝܘܡ̈ܝܢ܂ ܩܘܪܒܢܐ ܕܠܚܡܐ ‍<‍ܐܡܝܢܐ#3#‍>‍ ܠܪܝܚܐ ܕܣܘܬܐ ܠܡܪܝܐ܂ ܥܠ/ܥܡ#3#/ ܝܩܕܐ ܫܠܡܐ ܐܡܝܢܐ/ܐܡܝܢܐܝܬ#3#/ ܢܬܥܒܕ ܗܘ ܘܢܘܩܝܗ܂
28:25 [ai]ܘܝܘܡܐ ܕܫܒܥܐ܂ ܩܪܝܐ ܘܩܕܝܫܐ ܢܗܘܐ ܠܟܘܢ܂ ܘܟܠ ܥܒܿܕ ܕܦܘܠܚܢܐ ܠܐ ܬܥܒܕܘܢ܂
28:26 [ai]ܘܒܝܘܡܐ ܕܒܟܪ̈ܐ ܡܐ ܕܡܩܪܒܝܢ ܐܢܬܘܢ ܣܡܝܕܐ ܡܢ ܚܕܬܐ ܠܡܪܝܐ܂ ܒܫܒ̈ܘܥܝܟܘܢ ܩܪܝܐ ܘܩܕܝܫܐ ܢܗܘܐ ܠܟܘܢ܂ ܘܟܠ ܥܒܿܕ ܕܦܘܠܚܢܐ ܠܐ ܬܥܒܕܘܢ܂
28:27 [ai]ܘܩܪܒܘ ܝܩ̈ܕܐ ܫܠܡ̈ܐ ܠܪܝܚ ܣܘܬܐ ܠܡܪܝܐ܂ ܬܘܪ̈ܐ ܒ̈ܢܝ ܒܩܪܐ ܬܪ̈ܝܢ܂ ܘܕܟܪܐ ܚܕ܂ ܘܐܡܪ̈ܐ ܒܢ̈ܝ ܫܢܬܐ ܫܒܥܐ܂
28:28 [ai]ܘܩܘܪܒܢܗܘܢ ܢܫܝܦܐ ܕܦܝܠ ܒܡܫܚܐ܂ ܬܠܬܐ ܥܣܪ̈ܘܢܝܢ ܠܬܘܪܐ ܚܕ܂ ܘܬܪ̈ܝܢ ܥܣܪ̈ܘܢܝܢ ܠܕܟܪܐ ܚܕ܂
28:29 [ai]ܘܥܣܪܘܢܐ ܚܕ ܠܐܡܪܐ ܚܕ܂ ܗܟܢܐ ܠܫܒ̈ܥܬܝܗܘܢ ܐܡܪ̈ܐ܂
28:30 [ai]ܘܨܦܪܝܐ ܚܕ ܕܥ̈ܙܐ ܠܡܚܣܝܘ ܥܠܝܟܘܢ܂
28:31 [ai]ܣܛܪ ܡܢ ܝܩܕܐ ܫܠܡܐ ܐܡܝܢܐ܂ ܘܣܡܝܕܗ ܗܘܝܬܘܢ ܥܿܒܕܝܢ ܕܠܝܬ ܒܗܘܢ ܡܘܡܐ܂ ܘܢܘܩܝܗܘܢ܂

next chapter