The Comprehensive Aramaic Lexicon

31:01 [ai]	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
31:02 [ai]	ܐܬܬܒܥ ܥܝܪܬܐ ܕܒܢ̈ܝ ܐܝܣܪܝܠ ܡܢ ܡܕܝܢ̈ܝܐ ܘܗܝܕܝܢ ܬܬܟܢܫ ܠܘܬ ܥܡܟ܂
31:03 [ai]	\ܘܐܡܪ ܡܘܫܐ ܠܥܡܐ /ܘܡܠܠ ܡܘܫܐ ܥܡ ܥܡܐ ܘܐܡܪ ܠܗܘܢ#3#/܂ ܙܝܢܘ ܡܢܟܘܢ ܓܒܪ̈ܐ ܠܚܝܠܐ܂ ܘܢܗܘܘܢ ܥܠ ܡܕܝܢ̈ܝܐ ܘܢܬܒܥܘܢ ܬܒܥܬܗ ܕܡܪܝܐ ܡܢ ܡܕܝܢ̈ܝܐ܂
31:04 [ai]	ܐܠܦ ܐܠܦ ܡܢ ܫܒܛܐ܂ ܡܢ ܟܠܗܘܢ ܫܒ̈ܛܐ ܕܒܢ̈ܝ ܐܝܣܪܝܠ܂ ܫܕܪܘ ܒܚܝܠܐ܂
31:05 [ai]	ܘܐܬܓܒܝܘ ܡܢ ܐܠܦ̈ܐ/ܐ̈ܠܦܝܐ#3#/ܫ̈ܒܛܐ#3#/ ܕܒܢ̈ܝ ܐܝܣܪܝܠ ܐܠܦܐ ‍<‍ܐܠܦܐ#3#‍>‍ ܡܢ ܫܒܛܐ܂ ܬܪ̈ܥܣܪ ܐ̈ܠܦܝܢ ܕܡܙܝܢܝܢ ܒܚܝܠܐ܂
31:06 [ai]	ܘܫܕܪ ܐܢܘܢ ܡܘܫܐ ܐܠܦ ‍<‍ܐܠܦ#3#‍>‍ ܡܢ ܫܒܛܐ܂ ܬܪ̈ܥܣܪ ܐ̈ܠܦܝܢ ܕܡܙܝܢ̈ܝܢ܂ ܠܗܘܢ ܘܠܦܝܢܚܣ ܒܪ ܐܠܝܥܙܪ ܟܗܢܐ ܒܚܝܠܐ܂ ܘܡܐ̈ܢܐ ܕܩܘܕܫܐ ܘܩܪ̈ܢܬܐ ܕܝܘܒܒܐ ܒܐܝܕܗ܂
31:07 [ai]	ܘܐܬܚܝܠܘ ܥܠ ܡܕܝܢ ܐܝܟ ܕܦܩܕ ܡܪܝܐ ܠܡܘܫܐ܂ ܘܩܛܠܘ ܟܠ ܕܟܪ̈ܐ܂
31:08 [ai]	ܘܠܡ̈ܠܟܐ ܕܡܕܝܢ ܩܛܠܘ܂ ܥܡ ܩ̈ܛܝܠܝܗܘܢ܂ ܠܐܘܝ ܘܠܪܩܡ܂ ܘܠܨܘܪ ܘܠܚܘܪ ܘܠܪܒܥ܂ ܚܡܫܐ ܡ̈ܠܟܐ ܡܕܝܢ̈ܝܐ/ܕܡܕܝܢ̈ܝܐ#3#/܂ ܘܠܒܠܥܡ ܒܪ ܒܥܘܪ ܩܛܠܘ ܒܚܪܒܐ܂
31:09 [ai]	ܘܫܒܘ ܒܢ̈ܝ ܐܝܣܪܝܠ ܠܢܫ̈ܐ ܕܡܕܝܢ܂ ܘܠܝܩܪܬܗܘܢ ܘܠܟܠܗܿ ܒܥܝܪܗܘܢ܂ ܘܠܟܠܗ ܩܢܝܢܗܘܢ ܘܠܟܠܗܘܢ ܢܟܣ̈ܝܗܘܢ ܒܙܘ܂
31:10 [ai]	ܘܠܟܠܗܝܢ ܩܘܪ̈ܝܐ ܕܒܝܬ ܡܥܡܪܗܘܢ܂ ܘܠܟܠܗܘܢ ܫܛܚ̈ܝܗܘܢ ܐܘܩܕܘ ܒܢܘܪܐ܂
31:11 [ai]	ܘܕܒܪܘ ܠܟܠܗܿ ܫܒܝܬܐ ܘܠܟܠܗܿ ܕܒܪܬܐ ܕܒܢ̈ܝ ܐܢܫܐ ܘܕܒܥܝܪ̈ܐ܂
31:12 [ai]	ܘܐܝܬܝܘܗܿ ܠܘܬ ܡܘܫܐ ܘܠܘܬ ܐܠܝܥܙܪ ܟܗܢܐ܂ ܘܠܘܬ ܟܠܗܿ ܟܢܘܫܬܐ ܕܒܢ̈ܝ ܐܝܣܪܝܠ ܫܒܝܬܐ ܘܕܒܪܬܐ ܘܒܙܬܐ ܠܡܫܪܝܬܐ ܠܥܪܒܘܬ ܡܘܐܒ ܕܥܠ ܝܘܪܕܢܢ ܕܐܝܪܝܚܘ܂
31:13 [ai]	ܘܢܦܩ ܡܘܫܐ ܘܐܠܝܥܙܪ ܟܗܢܐ܂ ܘܟܠܗܘܢ ܪ̈ܘܪܒܢܐ ܕܟܢܘܫܬܐ ܠܐܘܪܥܗܘܢ܂ ܠܒܪ ܡܢ ܡܫܪܝܬܐ܂
31:14 [ai]	ܘܪܓܙ ܡܘܫܐ ܥܠ ܦܩ̈ܘܕܐ ܕܚܝܠܐ܂ ܪ̈ܝܫܝ ܐ̈ܠܦܐ ܘܪ̈ܝܫܝ ܡܐ̈ܘܬܐ܂ ܕܐܬܘ ܡܢ ܚܝܠܐ ܕܩܪܒܐ܂
31:15 [ai]	ܘܐܡܪ ܠܗܘܢ ܡܘܫܐ܂ ܠܡܢܐ ܐܚܝܬܘܢ ܟܠܗܝܢ ܢܩ̈ܒܬܐ܂
31:16 [ai]	ܕܗ̈ܢܝܢ ܗ̈ܘܝ ܬܘܩܠܬܐ ܠܒܢ̈ܝ ܐܝܣܪܝܠ܂ ܒܡܠܬܗ ܕܒܠܥܡ܂ ܘܡܪܕܘ ܘܐܥܠܝܘ ܒܡܪܝܐ ܒܨܒܘܬܐ/ܒܡܨܘܬܐ#3#/ ܕܦܥܘܪ܂ ܘܗܘܐ ܡܘܬܢܐ ܕܡܢ ܫܠܝܐ ܒܟܢܘܫܬܗ ܕܡܪܝܐ܂
31:17 [ai]	ܗܫܐ ܩܛܠܘ ܟܠܗܘܢ ܛ̈ܠܝܐ ܕܟܪ̈ܐ܂ ܘܟܠ ܐܢܬܬܐ ܕܝܕܥܐ ܡܕܡܟܐ ܕܕܟܪܐ ܩܛܘܠܘ܂
31:18 [ai]	ܘܟܠ ܝܩܪܬܐ ܕܢܫ̈ܐ ܕܠܐ ܝܕܥ ܡܕܡܟܐ ܕܕܟܪܐ ܐܚܘ ܠܟܘܢ܂
31:19 [ai]	ܐܢܬܘܢ ܕܝܢ ܫܪܘ ܠܒܪ ܡܢ ܡܫܪܝܬܐ ܫܒܥܐ ܝܘܡ̈ܝܢ܂ ܟܘܠ ܕܩܛܠ ܢܦܫܐ܂ ܘܟܠ ܕܩܪܒ ܠܩܛܝܠܐ܂ ܪܘܣܘ ‍<‍ܡ̈ܝܐ#3#‍>‍ ܥܠܘܗܝ ܒܝܘܡܐ ܕܬܠܬܐ ܘܒܝܘܡܐ ܕܫܒܥܐ܂ ܐܢܬܘܢ ܘܫܒܝܬܟܘܢ܂
31:20 [ai]	ܘܟܠܗܿ ܬܟܣܝܬܐ ܘܟܘܠ ܡܐܢܐ ܕܡܫܟܐ܂ ܘܟܠ ܥܒܿܕܐ/ܡܐܢܐ#3#/ ܕܣܥܪܐ ܘܟܠ ܡܐܢܐ ܕܩܝܣܐ ܪܘܣܘ ܥܠܘܗܝ܂
31:21 [ai]	ܘܐܡܪ ܐܠܝܥܙܪ ܟܗܢܐ܂ ܠܓܒܪ̈ܐ ܕܚܝܠܐ ܕܐܬܘ ܡܢ ܩܪܒܐ/ܚܝܠܐ#3#/܂ ܗܢܐ ܦܘܩܕܢܐ ܕܢܡܘܣܐ ܕܦܩܕ ܡܪܝܐ ܠܡܘܫܐ܂
31:22 [ai]	ܒܪܡ ܕܝܢ ܕܗܒܐ ܘܣܐܡܐ ܘܢܚܫܐ ܘܦܪܙܠܐ ܘܐܢܟܐ ܘܐܒܪܐ܂
31:23 [ai]	ܘܟܠ ܡܕܡ ܕܥܿܐܠ ܠܟܘܪܐ/ܒܟܘܪܐ#3#/ܒܢܘܪܐ#3#/܂ ܐܥܒܪܘܗܝ ܒܢܘܪܐ ܘܢܬܕܟܐ܂ ܘܡ̈ܝܐ ܕܪܣܣܐ ܪܘܣ ܥܠܘܗܝ܂ ܘܟܠ ܕܠܐ ܥܿܒܪ ܒܢܘܪܐ ܐܥܡܕܘܗܝ/ܐܥܒܪܘܗܝ#3#/ ܒܡ̈ܝܐ܂
31:24 [ai]	ܘܚܠܠܘ ܡܐ̈ܢܝܟܘܢ ܒܝܘܡܐ ܕܫܒܥܐ ܘܬܬܕܟܘܢ܂ ܘܒܬܪܟܢ/ܘܗܝܕܝܢ#3#/ ܬܥܠܘܢ ܠܡܫܪܝܬܐ܂
31:25 [ai]	ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
31:26 [ai]	ܩܒܠܘ ܚܘܫܒܢܐ ܕܕܒܪܬܐ ܘܕܫܒܝܬܐ ܕܒܢ̈ܝ ܐܢܫܐ ܘܕܒܥܝܪ̈ܐ ܐܢܬ ܘܐܠܝܥܙܪ ܟܗܢܐ܂ ܘܪ̈ܝܫܝ ܐܒ̈ܗܐ ܕܟܢܘܫܬܐ܂
31:27 [ai]	ܘܦܠܓܘ ܕܒܪܬܐ ܒܝܬ ܓܒܪ̈ܐ ܥܿܒ̈ܕܝ ܩܪܒܐ ܕܢܦܩܘ ܒܚܝܠܐ܂ ܘܒܝܬ ܟܠܗܿ ܟܢܘܫܬܐ܂
31:28 [ai]	ܘܦܪܘܫܘ ܡܟܣܐ ܠܡܪܝܐ ܡܢ ܓܒܪ̈ܐ ܥܿܒ̈ܕܝ ܩܪܒܐ ܕܢܦܩܘ ܒܚܝܠܐ܂ ܘܡܿܢ ܟܠܗܿ ܟܢܘܫܬܐ ܚܕܐ ܢܦܫܐ ܡܢ ܚܡܫܝܢ ܡܢ ܒܢ̈ܝ ܐܢܫܐ܂ ܘܡܢ ܬܘܪ̈ܐ ܘܡܢ ܚܡܪ̈ܐ܂ ܘܡܢ ܥܢܐ܂
31:29 [ai]	ܘܡܢ ܦܠܓܘܬܗܘܢ ܣܒ܂ ܘܗܒ ܠܐܠܝܥܙܪ ܟܗܢܐ ܦܘܪܫܢܗ ܕܡܪܝܐ܂
31:30 [ai]	ܘܡܢ ܦܠܓܘܬܐ ܕܒܢ̈ܝ ܐܝܣܪܝܠ ܣܒ܂ ܚܕ ܡܢ ܚܡܫܝܢ ܡܢ ܐܢܫܐ ܘܡܢ ܚܡܪ̈ܐ ܘܡܢ ܬܘܪ̈ܐ ܘܡܢ ܥܢܐ܂ ܘܡܢ ܟܠܗܿ ܒܥܝܪܐ܂ ܘܗܒ ܐܢܘܢ ܠܠܘ̈ܝܐ ܕܢܿܛܪܝܢ ܡܛܪܬܐ܂ ܕܡܫܟܢܗ ܕܡܪܝܐ܂
31:31 [ai]	ܘܥܒܕ ܡܘܫܐ ܘܐܠܝܥܙܪ ܟܗܢܐ ܐܝܟ ܕܦܩܕ ܡܪܝܐ ܠܡܘܫܐ܂
31:32 [ai]	ܘܗܘܬ ܕܒܪܬܐ ܘܫܒܝܬܐ ܕܒܙܘ ܥܡܐ ܘܚܝܠܐ܂ ܥܢܐ ܫܬܡܐܐ ܘܫܒܥܝܢ ܘܚܡܫܐ ܐ̈ܠܦܝܢ܂
31:33 [ai]	ܘܬܘܪ̈ܐ ܫܒܥܝܢ ܘܬܪ̈ܝܢ ܐ̈ܠܦܝܢ܂
31:34 [ai]	ܘܚܡܪ̈ܐ ܫܬܝܢ ܘܚܕ ܐ̈ܠܦܝܢ܂
31:35 [ai]	ܘܢܦܫ̈ܬܐ ܕܐܢܫܐ ܡܢ ܢܫ̈ܐ ܕܠܐ ܝܕܥ ܡܕܡܟܐ ܕܕܟܪܐ܂ ܟܘܠܗܝܢ ܢܦܫ̈ܬܐ ܬܠܬܝܢ ܘܬܪ̈ܝܢ ܐ̈ܠܦܝܢ܂
31:36 [ai]	ܘܗܘܬ ܦܠܓܘܬܐ ܒܡܢܬܐ ܕܐܝܠܝܢ ܕܢܦܩܘ ܒܚܝܠܐ܂ ܥܢܐ ܬܠܬܡܐܐ ܘܬܠܬܝܢ ܘܫܒܥܐ ܐ̈ܠܦܝܢ ܘܚܡܫܡܐܐ܂
31:37 [ai]	ܘܗܘܐ ܡܟܣܐ ܠܡܪܝܐ ܡܢ ܥܢܐ܂ ܫܬܐ ܐ̈ܠܦܝܢ ܘܫܒܥܡܐܐ ܘܚܡܫܝܢ܂
31:38 [ai]	ܘܬܘܪ̈ܐ ܬܠܬܝܢ ܘܫܬܐ ܐ̈ܠܦܝܢ܂ ܘܡܟܣܗܘܢ ܠܡܪܝܐ ܫܒܥܡܐܐ ܘܥܣܪ̈ܝܢ܂
31:39 [ai]	ܘܚܡܪ̈ܐ ܬܠܬܝܢ ܐ̈ܠܦܝܢ ܘܚܡܫܡܐܐ܂ ܘܡܟܣܗܘܢ ܠܡܪܝܐ ܫܬܡܐܐ ܘܥܣܪܐ܂
31:40 [ai]	ܘܢܦܫ̈ܬܐ ܕܐܢܫܐ ܫܬܬܥܣܪ ܐ̈ܠܦܝܢ܂ ܘܡܟܣܗܘܢ ܠܡܪܝܐ܂ ܬܠܬܡܐܐ ܘܥܣܪ̈ܝܢ ܢܦܫ̈ܢ܂
31:41 [ai]	ܘܝܗܒ ܡܘܫܐ ܟܣܦܐ/ܡܟܣܐ#3#/ ܕܦܘܪܫܢܐ/ܕܦܘܪܩܢܐ#3#/ ܕܡܪܝܐ \ܠܐܠܝܥܙܪ ܟܗܢܐ /ܠܐܚܘܗܝ ܩܘܪܒܢܐ#3#/ ܐܝܟ ܕܦܩܕ ܡܪܝܐ ܠܡܘܫܐ܂
31:42 [ai]	ܡܢ ܦܠܓܘܬܐ ܕܒܢ̈ܝ ܐܝܣܪܝܠ ܕܦܠܓ ܠܗܘܢ ܡܘܫܐ ܡܢ ܓܒܪ̈ܐ ܕܢܦܩܘ ܒܚܝܠܐ܂
31:43 [ai]	ܘܗܘܬ ܦܠܓܘܬܐ ܕܟܢܘܫܬܐ ܡܢ ܥܢܐ ܬܠܬܡܐܐ ܘܬܠܬܝܢ ܘܫܒܥܐ ܐ̈ܠܦܝܢ ܘܚܡܫܡܐܐ܂
31:44 [ai]	ܘܬܘܪ̈ܐ ܬܠܬܝܢ ܘܫܬܐ ܐ̈ܠܦܝܢ܂
31:45 [ai]	ܘܚܡܪ̈ܐ ܬܠܬܝܢ ܐ̈ܠܦܝܢ ܘܚܡܫܡܐܐ܂
31:46 [ai]	ܘܢܦܫ̈ܬܐ ܕܐܢܫܐ ܫܬܬܥܣܪ ܐ̈ܠܦܝܢ܂
31:47 [ai]	ܘܢܣܒ ܡܘܫܐ ܡܢ ܦܠܓܘܬܐ ܕܒܢ̈ܝ ܐܝܣܪܝܠ ܚܕ ܡܢ ܚܡܫܝܢ ܡܢ ܒܢ̈ܝ ܐܢܫܐ ܘܡܢ ܒܥܝܪ̈ܐ܂ ܘܝܗܒ ܐܢܘܢ ܠܠܘ̈ܝܐ ܕܢܿܛܪܝܢ ܡܛܪܬܐ ܕܡܫܟܢܗ ܕܡܪܝܐ܂ ܐܝܟ ܕܦܩܕ ܡܪܝܐ ܠܡܘܫܐ܂
31:48 [ai]	ܘܩܪܒܘ ܠܘܬ ܡܘܫܐ ܓܒܪ̈ܐ ܕܦܩܝܕܝܢ ܥܠ ܐ̈ܠܦܐ ܕܚܝܠܐ܂ ܪ̈ܝܫܝ ܐ̈ܠܦܐ ܘܪ̈ܝܫܝ ܡܐ̈ܘܬܐ܂
31:49 [ai]	ܘܐܡܪܘ ܠܡܘܫܐ܂ ܥܒ̈ܕܝܟ ܩܒܠܘ ܚܘܫܒܢܐ ܕܚܝܠܐ ܕܓܒܪ̈ܐ ܥܿܒ̈ܕܝ ܩܪܒܐ ܕܥܡܢ܂ ܘܠܐ ܛܥܐ ܡܢܢ ܓܒܪ܂
31:50 [ai]	ܘܩܪܒܢ ܩܘܪܒܢܗ ܕܡܪܝܐ ܓܒܪܐ ܕܐܫܟܚ ܡܐ̈ܢܐ ܕܕܗܒܐ܂ ܐ̈ܩܠܢܐ ܘܫܐܪ̈ܐ ܘܥܙܩ̈ܬܐ܂ ܘܩ̈ܕܫܐ ܘܗܡ̈ܢܝܟܐ܂ ܕܢܚܣܐ ܥܠ ܢܦܫ̈ܬܢ ܩܕܡ ܡܪܝܐ܂
31:51 [ai]	ܘܢܣܒ ܡܘܫܐ ܘܐܠܝܥܙܪ ܟܗܢܐ ܕܗܒܐ ܡܢܗܘܢ܂ ܟܠܗܘܢ ܡܐ̈ܢܐ ܕܥܒܕܐ܂
31:52 [ai]	ܘܗܘܐ ܟܠܗ ܕܗܒܐ ܕܦܘܪܫܢܐ ܕܐܦܪܫܘ/ܕܦܪܫܘ#3#/ ܠܡܪܝܐ܂ ܫܬܬܥܣܪ ܐ̈ܠܦܝܢ ܘܫܒܥܡܐܐ ܘܚܡܫܝܢ ܡܬܩ̈ܠܝܢ܂ ܡܢ ܪ̈ܝܫܝ ܐ̈ܠܦܐ ܘܡܢ ܪ̈ܝܫܝ ܡܐ̈ܘܬܐ܂
31:53 [ai]	ܓܒܪ̈ܐ ܕܝܢ ܕܚܝܠܐ ܒܙܘ ܠܗܘܢ ܐܢܫ ܠܢܦܫܗ܂
31:54 [ai]	ܘܢܣܒܘ ܡܘܫܐ ܘܐܠܝܥܙܪ ܟܗܢܐ ܕܗܒܐ ܡܢ ܪ̈ܝܫܝ ܐ̈ܠܦܐ ܘܡܢ ܪ̈ܝܫܝ ܡܐ̈ܘܬܐ܂ ܘܐܝܬܝܘܗܝ ܠܡܫܟܢ ܙܒܢܐ ܕܘܟܪܢܐ ܠܒܢ̈ܝ ܐܝܣܪܝܠ܂ ܩܕܡ ܡܪܝܐ܂

next chapter