The Comprehensive Aramaic Lexicon

32:01 [ai]	ܘܩܢܝܢܐ ܪܒܐ ܗܘܐ ܠܒܢ̈ܝ ܪܘܒܝܠ ܘܠܒܢ̈ܝ ܓܕ܂ ܘܛܒ/ܕܛܒ#3#/ ܥܫܝܢ܂ ܘܚܙܐܘܗܿ ܠܝܥܙܝܪ ܘܠܐܪܥܐ ܕܓܠܥܕ ܐܬܪܐ ܕܐܙܿܠ ܠܒܝܬ ܩܢܝܢܐ܂
32:02 [ai]	ܘܐܬܘ ܒܢ̈ܝ ܪܘܒܝܠ ܘܒܢ̈ܝ ܓܕ ܘܐܡܪܘ ܠܡܘܫܐ ܘܠܐܠܝܥܙܪ ܟܗܢܐ܂ ܘܠܪ̈ܘܪܒܢܐ ܕܟܢܘܫܬܐ܂
32:03 [ai]	ܥܛܪܘܬ ܘܪܝܒܘܢ ܘܝܥܙܝܪ ܘܢܡܪܐ܂ ܘܚܫܒܘܢ ܘܐܠܥܠܐ ܘܫܒܐ ܘܢܒܘ ܘܒܥܘܢ܂
32:04 [ai]	ܐܪܥܐ ܕܚܪܒ ܡܪܝܐ ܩܕܡ ܒܢ̈ܝ ܐܝܣܪܝܠ܂ ܐܪܥܐ ܗܝ ܕܐܙܠܐ ܠܒܝܬ ܩܢܝܢܐ܂ ܘܠܥܒ̈ܕܝܟ ܐܝܬ ܩܢܝܢܐ܂
32:05 [ai]	ܘܐܡܪܘ܂ ܐܢ ܐܫܟܚܢ ܪ̈ܚܡܐ ܩܕܡܝܟ/ܒܥܝ̈ܢܝܟ#3#/܂ ܬܬܝܗܒ ܐܪܥܐ ܗܕܐ ܠܥܒ̈ܕܝܟ ܝܘܪܬܢܐ܂ ܘܠܐ ܬܥܒܪܢ ܝܘܪܕܢܢ܂
32:06 [ai]	ܘܐܡܪ ܡܘܫܐ ܠܒܢ̈ܝ ܪܘܒܝܠ ܘܠܒܢ̈ܝ ܓܕ܂ ܐܚ̈ܝܟܘܢ ܢܿܦܩܝܢ ܠܩܪܒܐ ܘܐܢܬܘܢ ܝܿܬܒܝܢ ܐܢܬܘܢ ܗܪܟܐ܂
32:07 [ai]	ܠܡܢܐ ܬܒܿܪܝܢ ܐܢܬܘܢ ܠܒܐ \ܕܒܢ̈ܝ /ܕܐܚ̈ܝܟܘܢ ܒܢ̈ܝ#3#/ ܐܝܣܪܝܠ܂ ܕܠܐ ܢܥܒܪܘܢ ܠܐܪܥܐ ܕܝܗܒ ܠܗܘܢ ܡܪܝܐ܂
32:08 [ai]	ܗܟܢܐ ܥܒܕܘ ܐ̈ܒܗܝܟܘܢ ܟܕ ܫܿܕܪܬ ܐܢܘܢ ܡܢ ܪܩܡ ܕܓܝܐ܂ ܠܡܓܫ ܐܪܥܐ܂
32:09 [ai]	ܘܣܠܩܘ ܥܕܡܐ ܠܢܚܠܐ ܕܣܓܘܠܐ܂ ܘܚܙܐܘܗܿ/ܘܓܫܘܗܿ#3#/ ܠܐܪܥܐ܂ ܘܬܒܪܘ ܠܒܐ ܕܒܢ̈ܝ ܐܝܣܪܝܠ܂ ܕܠܐ ܢܥܠܘܢ ܠܐܪܥܐ ܕܝܗܒ ܠܗܘܢ ܡܪܝܐ܂
32:10 [ai]	ܘܐܬܚܡܬ ܥܠܝܗܘܢ ܪܘܓܙܗ ܕܡܪܝܐ ܒܝܘܡܐ ܗܿܘ܂ ܘܝܡܐ ܘܐܡܪ܂
32:11 [ai]	ܕܠܐ ܢܚܙܘܢ ܓܒܪ̈ܐ ܕܣܠܩܘ ܡܢ ܡܨܪܝܢ܂ ܡܢ ܒܪ ܥܣܪ̈ܝܢ ܫܢ̈ܝܢ ܘܠܥܠ܂ ܐܪܥܐ ܕܝܡܝܬ ܠܐܒܪܗܡ ܘܠܐܝܣܚܩ ܘܠܝܥܩܘܒ܂ ܡܛܠ ܕܠܐ ܫܡܠܝܘ ܒܬܪܝ܂
32:12 [ai]	ܐܠܐ ܐܢ ܟܠܒ ܒܪ ܝܘܦܢܐ ܩܢܙܝܐ܂ ܘܝܫܘܥ ܒܪ ܢܘܢ ܕܫܡܠܝܘ ܒܬܪ ܡܪܝܐ܂
32:13 [ai]	ܘܐܬܚܡܬ ܪܘܓܙܗ ܕܡܪܝܐ ܥܠ ܐܝܣܪܝܠ܂ ܘܐܛܥܝ ܐܢܘܢ ܒܡܕܒܪܐ ܐܪ̈ܒܥܝܢ ܫ̈ܢܝܢ܂ ܥܕܡܐ ܕܣܦܘ ܟܠܗ ܕܪܐ ܕܓܒܪ̈ܐ ܕܥܒܕܘ ܒܝܫܬܐ ܩܕܡ ܡܪܝܐ܂
32:14 [ai]	ܘܗܐ ܩܡܬܘܢ ܐܦ ܐܢܬܘܢ ܝܘܡܢܐ ܚܠܦ ܐ̈ܒܗܝܟܘܢ܂ ܬܪܒܝܬܐ ܕܓܒܪ̈ܐ ܚ̈ܛܝܐ܂ ܕܬܘܣܦܘܢ ܬܘܒ ܪܘܓܙܗ ܕܡܪܝܐ ܥܠ ܐܝܣܪܝܠ܂
32:15 [ai]	ܘܐܢ ܬܗܦܟܘܢ ‍<‍ܬܘܒ#3#‍>‍ ܡܢ ܡܪܝܐ܂ ܢܘܣܦ ܬܘܒ ܠܡܛܥܝܘܬܟܘܢ ܒܡܕܒܪܐ܂ ܘܡܚܒܠܝܢ ܐܢܬܘܢ ܥܠ ܗܢܐ ܟܠܗ ܥܡܐ܂
32:16 [ai]	ܘܩܪܒܘ ܠܘܬܗ ܘܐܡܪܘ܂ ܛܝܪ̈ܐ ܕܥܢܐ ܢܒܢܐ ܠܩܢܝܢܢ ܗܪܟܐ܂ ܘܩܘܪ̈ܝܐ ܠܝܩܪܬܢ܂
32:17 [ai]	ܘܚܢܢ ܢܙܕܝܢ/ܢܪܕܐ#3#/ ܘܢܐܙܠ ܩܕܡ ܒܢ̈ܝ ܐܝܣܪܝܠ܂ ܥܕܡܐ ܕܢܥܠ ܐܢܘܢ ܠܐܬܪܗܘܢ܂ ܘܝܩܪܬܢ ܬܬܒ ܒܩܘܪ̈ܝܐ ܥܫܝ̈ܢܬܐ܂ ܡܢ ܩܕܡ ܥܡܘܪ̈ܝܗܿ ܕܐܪܥܐ܂
32:18 [ai]	ܠܐ ܢܗܦܘܟ ܠܒ̈ܬܝܢ܂ ܥܕܡܐ ܕܢܐܪܬܘܢ ܒܢ̈ܝ ܐܝܣܪܝܠ ܐܢܫ ܝܪܬܘܬܗ܂
32:19 [ai]	ܘܠܐ ܢܐܪܬ ܥܡܗܘܢ ܡܢ ܥܒܪܐ ܕܝܘܪܕܢܢ ܘܠܗܠ܂ ܡܛܠ ܕܩܒܠܢ ܝܪܬܘܬܢ ܡܢ ܥܒܪܐ ܕܝܘܪܕܢܢ ܡܢ ܡܕܢܚܐ܂
32:20 [ai]	ܘܐܡܪ ܠܗܘܢ ܡܘܫܐ܂ ܐܢ ܥܿܒܕܝܢ ܐܢܬܘܢ ܦܬܓܡܐ ܗܢܐ܂ ܘܡܙܕܝܢܝܢ ܐܢܬܘܢ ܩܕܡ ܡܪܝܐ ܠܩܪܒܐ܂
32:21 [ai]	ܘܥܿܒܪܝܢ ܐܢܬܘܢ ܝܘܪܕܢܢ ܟܠܟܘܢ ܟܕ ܡܙܝܢܝܢ/ܡܙܕܝܢܝܢ#3#/ ܐܢܬܘܢ ܩܕܡ ܡܪܝܐ ܠܩܪܒܐ܂ ܥܕܡܐ ܕܢܘܒܕ ܒ̈ܥܠܕܒܒܘܗܝ ܡܢ ܩܕܡܘܗܝ܂
32:22 [ai]	ܘܬܬܟܒܫ ܐܪܥܐ ܩܕܡ ܡܪܝܐ܂ ܗܝܕܝܢ ܬܗܦܟܘܢ ܘܬܬܚܣܘܢ ܡܢ ܡܪܝܐ ܘܡܢ ‍<‍ܒܢ̈ܝ#3#‍>‍ ܐܝܣܪܐܝܠ܂ ܘܬܗܘܐ ܠܟܘܢ ܐܪܥܐ ܗܕܐ ܠܝܪܬܘܬܐ ܩܕܡ ܡܪܝܐ܂
32:23 [ai]	ܘܐܢ ܠܐ ܥܿܒܕܝܢ ܐܢܬܘܢ ܗܟܢܐ܂ ܚܿܛܝܢ ܐܢܬܘܢ ܠܡܪܝܐ܂ ܘܕܥܘ ܕܚ̈ܛܗܝܟܘܢ ܡܕܪܟܝܢ ܠܟܘܢ܂
32:24 [ai]	ܒܢܘ ܠܟܘܢ ܩܘܪ̈ܝܐ ܠܝܩܪܬܟܘܢ܂ ܘܛܝܪ̈ܐ ܠܥܢܟܘܢ܂ ܘܡܕܡ ܕܢܦܩ ܡܢ ܦܘܡܟܘܢ ܥܒܕܘ܂
32:25 [ai]	ܘܐܡܪܘ ܒܢ̈ܝ ܪܘܒܝܠ ܘܒܢ̈ܝ ܓܕ ܠܡܘܫܐ܂ ܥܒ̈ܕܝܟ ܢܥܒܕܘܢ ܐܝܟ ܕܡܪܢ ܦܩܕ܂
32:26 [ai]	ܝܩܪܬܢ ܘܢܫ̈ܝܢ ‍<‍ܘܒܢ̈ܝܢ#3#‍>‍ ܘܩܢܝܢܢ ܘܟܠܗܿ ܒܥܝܪ̈ܢ܂ ܢܗܘܘܢ ܒܩܘܪ̈ܝܐ ܕܓܠܥܕ܂
32:27 [ai]	ܘܥܒ̈ܕܝܟ ܢܥܒܪܘܢ ܟܕ ܡܙܝܢ̈ܝܢ ܒܚܝܠܐ ܩܕܡ ܡܪܝܐ ܠܩܪܒܐ܂ ܐܝܟ ܕܡܪܢ ܐܡܪ܂
32:28 [ai]	ܘܦܩܕ ܥܠ ܟܠܗܘܢ ܡܘܫܐ ܠܐܠܝܥܙܪ ܟܗܢܐ ܘܠܝܫܘܥ ܒܪ ܢܘܢ܂ ܘܠܪ̈ܫܐ ܕܫ̈ܒܛܐ ܕܐ̈ܒܗܐ ܕܒܢ̈ܝ ܐܝܣܪܝܠ܂
32:29 [ai]	ܘܐܡܪ ܠܗܘܢ ܡܘܫܐ܂ ܐܢ ܥܿܒܪܝܢ ܒܢ̈ܝ ܪܘܒܝܠ ܘܒܢ̈ܝ ܓܕ ܥܡܟܘܢ ܝܘܪܕܢܢ ܟܕ ܡܙܝܢܝܢ ‍<‍ܒܚܝܠܐ#3#‍>‍ ܩܕܡ ܡܪܝܐ ܠܩܪܒܐ܂ ܘܬܬܟܒܫ ܐܪܥܐ ܩܕܡܝܟܘܢ܂ ܬܬܠܘܢ ܠܗܘܢ ܐܪܥܐ ܕܓܠܥܕ ܝܘܪܬܢܐ܂
32:30 [ai]	ܘܐܢ ܠܐ ܢܥܒܪܘܢ ܥܡܟܘܢ ܟܕ ܡܙܝܢܝܢ܂ ܢܐܪܬܘܢ ܥܡܟܘܢ ܒܐܪܥܐ ܕܟܢܥܢ܂
32:31 [ai]	ܘܥܢܘ ܒܢ̈ܝ ܪܘܒܝܠ ܘܒܢ̈ܝ ܓܕ ܘܐܡܪܘ ܠܡܘܫܐ܂ ܐܝܟ ܕܐܡܪ ܡܪܝܐ ܠܥܒ̈ܕܝܟ ܗܟܢܐ ܢܥܒܕ܂
32:32 [ai]	ܚܢܢ ܢܥܒܪ ܟܕ ܡܙܝܢܝܢܢ ܩܕܡ ܡܪܝܐ ܠܩܪܒܐ܂ ܠܐܪܥܐ ܕܟܢܥܢ܂ ܘܕܝܠܢ ܐܘܚܕܢܐ ܕܝܪܬܘܬܢ ܒܥܒܪܐ ܕܝܘܪܕܢܢ܂
32:33 [ai]	ܘܝܗܒ ܠܗܘܢ ܡܘܫܐ ܠܒܢ̈ܝ ܪܘܒܝܠ ܘܠܒܢ̈ܝ ܓܕ܂ ܘܠܦܠܓܗ ܕܫܒܛܐ ܕܡܢܫܐ ܒܪ ܝܘܣܦ܂ ܡܠܟܘܬܗ ܕܣܝܚܘܢ ܡܠܟܐ ܕܐܡܘܪ̈ܝܐ܂ ܘܡܠܟܘܬܗ ܕܥܘܓ ܡܠܟܐ ܕܡܬܢܝܢ܂ ܐܪܥܐ ܟܠܗܿ ܘܩܘܪ̈ܝܗܿ ܒܬܚ̈ܘܡܝܗܿ܂ ܘܩܘܪ̈ܝܐ ܕܐܪܥܐ ܕܚܕܝܪ̈ܢ ܠܗܿ܂
32:34 [ai]	ܘܒܢܘ ܒܢ̈ܝ ܓܕ ܠܪܝܒܘܢ ܘܠܥܛܪܘܬ ܘܠܥܕܘܥܝܪ܂
32:35 [ai]	ܘܠܥܛܪܘܬ ܫܘܦܢ/ܫܘܦܡ#3#/܂ ܘܠܝܥܙܝܪ ܘܠܝܒܓܗܐ/ܘܠܝܓܒܗܐ#3#/܂
32:36 [ai]	ܘܠܒܝܬ ܢܡܪܐ܂ ܘܠܒܝܬ ܗܪܢ܂ ܩܘܪ̈ܝܐ ܥܫܝܢ̈ܬܐ ܘܛܝܪ̈ܐ ܕܥܢܐ܂
32:37 [ai]	ܘܒܢ̈ܝ ܪܘܒܝܠ ܒܢܘ ܠܚܫܒܘܢ ܘܠܐܠܥܠܐ܂ ܘܠܩܘܪܝܬܝܡ܂
32:38 [ai]	ܘܠܢܒܘ ܘܠܒܥܠܡܘܢ ܕܢܣ̈ܝܒܢ ܗ̈ܘܝ ܫܡܐ ܘܠܣܒܡܐ܂ ܘܩܪܘ ܫܡ̈ܗܝܗܝܢ ܥܠ ܫܡ̈ܗܐ ܕܩܘܪ̈ܝܐ ܕܒܢܘ܂
32:39 [ai]	ܘܐܙܠܘ ܒܢ̈ܝ ܡܟܝܪ ܒܪ ܡܢܫܐ ܠܓܠܥܕ܂ ܘܟܒܫܘܗܿ ܘܐܘܒܕܘ ܠܐܡܘܪ̈ܝܐ ܕܒܗܿ܂
32:40 [ai]	ܘܝܗܒܗܿ ܡܘܫܐ ܠܓܠܥܕ ܠܡܟܝܪ ܒܪ ܡܢܫܐ ܘܝܬܒ ܒܗܿ܂
32:41 [ai]	ܘܝܐܝܪ ܒܪ ܡܢܫܐ ܐܙܠ ܘܟܒܫ ܟܦܪ̈ܘܢܝܗܝܢ܂ ܘܩܪܐ ܐܢ̈ܝܢ ܟܦܪ̈ܘܢܐ ܕܝܐܝܪ܂ ܥܕܡܐ ܠܝܘܡܢܐ܂
32:42 [ai]	ܘܢܟܚ ܐܙܠ ܘܟܒܫ ܠܩܝܬ ܘܠܟܦܪ̈ܘܢܝܗܿ ܘܩܪܗܿ ܒܫܡܗ ܢܟܚ܂

next chapter