← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


35:01 [ai]ܘܡܠܠ ܡܪܝܐ ܥܡ ܡܘܫܐ ܒܥܪܒܘܬ ܡܘܐܒ ܕܥܠ ܝܘܪܕܢܢ ܕܐܝܪܝܚܘ ܘܐܡܪ ܠܗ܂
35:02 [ai]ܦܩܕ ܠܒܢ̈ܝ ܐܝܣܪܐܝܠ܂ ܘܢܬܠܘܢ ܠܠܘ̈ܝܐ ܡܢ ܝܘܪܬܢܐ ܕܐܘܚܕܢܗܘܢ ܩܘܪ̈ܝܐ ܠܡܬܒ܂ ܘܐܓܘܪ̈ܣܐ ܕܩܘܪ̈ܝܐ ܕܒܚܕܪ̈ܝܗܘܢ܂ ܢܬܠܘܢ ܠܠܘ̈ܝܐ܂
35:03 [ai]ܘܢܗܘ̈ܝܢ ܠܗܘܢ ܩܘܪ̈ܝܐ ܠܡܬܒ܂ ܘܐܓܘܪ̈ܣܝܗܝܢ ܢܗܘܘܢ ܠܒܥܝܪ̈ܗܘܢ ܘܠܩܢܝܢܗܘܢ ܘܠܟܠܗ ܚܝܘܬܗܘܢ܂
35:04 [ai]ܘܐܓܘܪ̈ܣܐ ܕܩܘܪ̈ܝܐ ܕܬܬܠܘܢ ܠܠܘ̈ܝܐ܂ ܡܢ ܐܣܬܐ ܕܩܪܝܬܐ ܘܠܒܪ܂ ܐܠܦ ܐ̈ܡܝܢ ܟܕ ܚܿܕܪܐ܂
35:05 [ai]ܘܡܫܘܚ \ܡܢ ܠܒܪ ܠܩܪܝܬܐ /ܠܒܪ ܡܢ ܩܪܝܬܐ#3#/܂ ܠܣܛܪܐ ܕܡܕܢܚܐ܂ ܬܪ̈ܝܢ ܐ̈ܠܦܝܢ ܐܡ̈ܝܢ܂ ܘܠܣܛܪܐ ܕܬܝܡܢܐ ܬܪ̈ܝܢ ܐ̈ܠܦܝܢ ܐ̈ܡܝܢ܂ ܘܠܣܛܪܐ ܕܡܥܪܒܐ/ܕܓܪܒܝܐ#3#/ ܬܪ̈ܝܢ ܐ̈ܠܦܝܢ ܐܡ̈ܝܢ܂ ܘܠܣܛܪܐ ܕܓܪܒܝܐ/ܕܡܥܪܒܐ#3#/ ܬܪ̈ܝܢ ܐ̈ܠܦܝܢ ܐܡ̈ܝܢ܂ ܘܩܪܝܬܐ ܒܡܨܥܬܐ܂ ܗܢܐ ܢܗܘܐ ܠܟܘܢ ܫܛܚܐ ܕܩܘܪ̈ܝܐ܂
35:06 [ai]ܘܩܘܪ̈ܝܐ ܕܝܿܗܒܝܢ ܐܢܬܘܢ ܠܠܘ̈ܝܐ܂ ܫܬ ܩܘܪ̈ܝܐ ܕܒܝܬ ܓܘܣܐ ܢܗ̈ܘܝܢ ܠܟܘܢ܂ ܕܢܗܘܐ ܥܿܪܩ ܠܬܡܢ ܩܛܘܠܐ܂ ܕܩܛܠ ܠܚܒܪܗ ܕܠܐ ܒܨܒܝܢܗ܂ ܘܥܠܝܗܝܢ ܐܪܡܘ ܐܪ̈ܒܥܝܢ ܘܬܪ̈ܬܝܢ ܩܘܪ̈ܝܐ܂
35:07 [ai]ܟܠܗܝܢ ܩܘܪ̈ܝܐ ܕܝܗܒܝܢ ܐܢܬܘܢ ܠܠܘ̈ܝܐ܂ ܐܪ̈ܒܥܝܢ ܘܬܡܢܐ ܩܘܪ̈ܝܐ܂ ܗ̈ܢܝܢ ܘܫ̈ܛܚܝܗܝܢ܂
35:08 [ai]ܘܩܘܪ̈ܝܐ ܕܝܿܗܒܝܢ ܐܢܬܘܢ ܡܢ ܝܪܬܘܬܐ ܕܒܢ̈ܝ ܐܝܣܪܝܠ܂ ܡܢ ܣ̈ܓܝܐܐ ܬܣܓܘܢ܂ ܘܡܢ ܙܥܘܪ̈ܐ ܬܙܥܪܘܢ܂ ܐܢܫ ܐܝܟ ܠܦܘܬ ܝܪܬܘܬܐ ܕܝܿܪܬ ܢܬܠ ܡܢ ܩܘܪ̈ܝܗܿ ܠܠܘ̈ܝܐ܂
35:09 [ai]ܘܡܠܠ ܡܪܝܐ ܥܡ ܡܘܫܐ ܘܐܡܪ ܠܗ܂
35:10 [ai]ܡܠܠ ܥܡ ܒܢ̈ܝ ܐܝܣܪܝܠ ܘܐܡܪ ܠܗܘܢ܂ ܡܐ ܕܥܒܪܬܘܢ ܝܘܪܕܢܢ ܠܐܪܥܐ ܕܟܢܥܢ܂
35:11 [ai]ܛܝܒܘ ܠܟܘܢ ܩܘܪ̈ܝܐ ܕܒܝܬ ܓܘܣܐ/ܠܒܝܬ ܓܘܣܐ#3#/ ܕܢܗ̈ܘܝܢ ܠܟܘܢ܂ ܕܢܥܪܘܩ ܠܬܡܢ ܩܛܘܠܐ܂ ܐܝܢܐ ܕܢܩܛܘܠ ܢܦܫܐ ܒܛܘܥܝܝ܂
35:12 [ai]ܘܢܗ̈ܘܝܢ ܠܟܘܢ ܗܠܝܢ ܩܘܪ̈ܝܐ ܠܒܝܬ ܓܘܣܐ܂ ܡܢ ܬܒܿܥ ܥܝܪܬܐ ܕܕܡܐ܂ ܘܠܐ ܢܬܩܛܠ ܩܛܘܠܐ ܥܕܡܐ ܕܩܿܐܡ ܩܕܡ ܟܢܘܫܬܐ ܒܕܝܢܐ܂
35:13 [ai]ܘܩܘܪ̈ܝܐ ܕܝܿܗܒܝܢ ܐܢܬܘܢ ܫܬ ܩܘܪ̈ܝܐ ܕܒܝܬ ܓܘܣܐ ܢܗܘܝܢ ܠܟܘܢ܂
35:14 [ai]ܬܠܬ ܩܘܪ̈ܝܐ ܗܒܘ ܒܥܒܪܐ ܕܝܘܪܕܢܢ܂ ܘܬܠܬ ܩܘܪ̈ܝܐ ܗܒܘ ܒܐܪܥܐ ܕܟܢܥܢ܂ ܩܘܪ̈ܝܐ ܕܒܝܬ ܓܘܣܐ ܢܗ̈ܘܝܢ܂
35:15 [ai]ܠܒܢ̈ܝ ܐܝܣܪܝܠ܂ \ܘܠܐܝܢܐ ܕܡܬܦܢܐ /ܘܠܐܝܠܝܢ ܕܡܬܦܢܝܢ#3#/ ܠܘܬܝ ܘܠܐܝܠܝܢ ܕܥܿܡܪܝܢ ܒܝܢܬܟܘܢ܂ ܘܢܗ̈ܘܝܢ ܠܟܘܢ ܗܠܝܢ ܫܬ ܩܘܪ̈ܝܐ ܠܒܝܬ ܓܘܣܐ܂ ܕܢܥܪܘܩ ܠܗܝܢ ܟܠ ܕܩܿܛܠ/ܕܢܩܛܘܠ#3#/ ܢܦܫܐ ܒܛܘܥܝܝ܂
35:16 [ai]ܘܐܢ ܒܡܐܢܐ ܕܦܪܙܠܐ ܡܚܝܗܝ ܐܝܟ ܕܢܡܘܬ ܘܡܝܬ܂ ܩܛܘܠܐ ܗܘ܂ ܡܬܩܛܠܘ ܢܬܩܛܠ ܩܛܘܠܐ ܗܿܘ܂
35:17 [ai]ܘܐܢ ܒܟܐܦܐ ܒܐܝܕܐ ܡܚܝܗܝ ܐܝܟ ܕܢܡܘܬ ܘܡܝܬ܂ ܩܛܘܠܐ ܗܿܘ ܡܬܩܛܠܘ ܢܬܩܛܠ܂
35:18 [ai]ܘܐܢ ܒܡܐܢܐ ܕܩܝܣܐ ܒܐܝܕܐ ܡܚܝܗܝ ܐܝܟ ܕܢܡܘܬ ܘܡܝܬ܂ ܩܿܛܘܠܐ ܗܘ ܡܬܩܛܠܘ ܢܬܩܛܠ ‍<‍ܩܛܘܠܐ#3#‍>‍܂
35:19 [ai]ܬܒܿܥ ܥܝܪܬܐ ܕܕܡܐ܂ ܗܘ ܢܩܛܠܝܘܗܝ ܠܩܛܘܠܐ ܡܐ ܕܦܓܥ ܒܗ܂
35:20 [ai]ܘܐܢ ܒܣܢܐܬܐ ܡܚܝܗܝ܂ ܐܘ ܫܕܐ ܒܗ ܒܢܟܠܐ ܘܡܝܬ܂ ܩܛܘܠܐ ܗܿܘ܂
35:21 [ai]‍<‍ܘܐܢ#3#‍>‍ ܒܒܥܠܕܒܒܘܬܐ ܡܚܝܗܝ ܒܐܝܕܗ ܐܝܟ ܕܢܡܘܬ ܘܡܝܬ܂ ܩܛܘܠܐ ܗܘ ܡܬܩܛܠܘ ܢܬܩܛܠ܂ ܬܒܿܥ ܥܝܪܬܐ ܕܕܡܐ ܗܘ ܢܩܛܠܝܘܗܝ ܠܩܛܘܠܐ ܡܐ ܕܦܓܥ ܒܗ܂
35:22 [ai]ܘܐܢ ܡܢ ܫܠܝܐ ܕܠܐ ܒܥܠܕܒܒܘܬܐ ܡܚܝܗܝ܂ ܐܘ ܫܕܐ ܒܗ ܟܠ ܡܐܢ ܕܠܐ ܒܢܟܠܐ܂
35:23 [ai]ܐܘ ܒܟܠ ܟܐܦ ܕܩܛܠܐ܂ ܕܟܕ ܠܐ ܚܙܐ ܫܕܐ ܥܠܘܗܝ ܘܡܝܬ܂ ܘܠܐ ܗܘܐ ܒܥܠܕܒܒܗ܂ ܘܠܐ ܨܿܒܐ ܗܘܐ ܠܒܝܫܬܗ/ܒܒܝܫܬܗ#3#/܂
35:24 [ai]ܬܕܘܢ ܟܢܘܫܬܐ ܒܝܬ ܩܛܘܠܐ ܠܬܒܿܥ ܥܝܪܬܐ ܕܕܡܐ ܥܠ ܕܝ̈ܢܐ ܗܠܝܢ܂
35:25 [ai]ܘܬܦܨܝܘܗܝ ܟܢܘܫܬܐ ܠܩܛܘܠܐ ܡܢ ܬܒܿܥ ܥܝܪܬܐ ܕܕܡܐ܂ ܘܬܫܕܪܝܘܗܝ ܟܢܘܫܬܐ ܠܩܪܝܬܐ ܕܒܝܬ ܓܘܣܐ ܕܥܪܩ ܗܘܐ ܠܗܿ܂ ‍<‍ܘܢܐܙܠ#3#‍>‍ ܘܢܬܒ ܒܗܿ ܥܕܡܐ ܕܢܡܘܬ ܟܗܢܐ ܪܒܐ ܕܐܬܡܫܚ ܒܡܫܚܐ ܕܩܘܕܫܐ܂
35:26 [ai]ܘܐܢ ܢܦܘܩ ܩܛܘܠܐ ܠܒܪ ܡܢ ܬܚ̈ܘܡܐ ܕܩܪܝܬܐ ܕܒܝܬ ܓܘܣܐ ܕܥܪܩ ܠܗܿ܂
35:27 [ai]ܘܢܫܟܚܘܗܝ ܬܒܿܥ ܥܝܪܬܐ ܕܕܡܐ ܠܒܪ ܡܢ ܬܚ̈ܘܡܐ ܕܩܪܝܬܐ ܕܒܝܬ ܓܘܣܐ܂ ܘܢܩܛܘܠ ܬܒܿܥ ܥܝܪܬܐ ܕܕܡܐ ܠܩܛܘܠܐ܂ ܠܝܬ ܠܗ ܥܝܪܬܐ܂
35:28 [ai]ܡܛܠ ܗܢܐ ܒܩܪܝܬܐ ܕܒܝܬ ܓܘܣܐ ܢܬܒ ܥܕܡܐ ܕܢܡܘܬ ܟܗܢܐ ܪܒܐ܂ ܘܡܐ ܕܡܝܬ ܟܗܢܐ ܪܒܐ܂ ܢܗܦܘܟ ܩܛܘܠܐ ܠܐܪܥܐ ܕܝܪܬܘܬܗ܂
35:29 [ai]ܘܢܗܘܘܢ ܠܟܘܢ ܗܠܝܢ ܢܡܘܣ̈ܐ ܠܥܠܡ ܠܕܪ̈ܝܟܘܢ ܒܟܠܗ ܒܝܬ ܡܥܡܪܟܘܢ܂
35:30 [ai]ܟܠ ܕܢܩܛܘܠ ܢܦܫܐ܂ ܥܠ ܦܘܡ ܣܗ̈ܕܐ ܢܬܩܛܠ ܩܛܘܠܐ܂ ܘܣܗܕܐ ܚܕ ܠܐ ܢܣܗܕ ܥܠ ܢܦܫܐ ܕܬܡܘܬ܂
35:31 [ai]ܘܠܐ ܬܩܒܠܘܢ ܫܘܚܕܐ ܥܠ ܢܦܫܐ ܕܩܛܘܠܐ ܕܚܝܒ ܡܘܬܐ܂ ܐܠܐ ܡܬܩܛܠܘ ܢܬܩܛܠ܂
35:32 [ai]ܘܠܐ ܬܣܒܘܢ ܫܘܚܕܐ܂ ܕܢܥܪܘܩ ܠܩܪܝܬܐ ܕܒܝܬ ܓܘܣܐ܂ ܘܢܐܙܠ ܘܢܬܒ ܒܐܪܥܐ܂ ܥܕܡܐ ܕܢܡܘܬ ܟܗܢܐ ܪܒܐ܂
35:33 [ai]ܘܠܐ ܬܛܢܦܘܢܗܿ ܠܐܪܥܐ ܕܥܿܡܪܝܢ ܐܢܬܘܢ ܒܗܿ/ܥܠܝܗ#3#/܂ ܡܛܠ ܕܕܡܐ ܗܘ ܡܛܢܦ ܠܐܪܥܐ܂ ܘܐܪܥܐ ܕܕܡܐ ܐܫܝܕ ܒܗܿ܂ ܠܐ ܢܬܚܣܐ ܥܠܝܗܿ܂ ܐܠܐ ܐܢ ܐܬܐܫܕ ܒܗܿ ܕܡܐ \ܕܗܿܘ ܡܿܢ /ܕܡܢ#3#/ ܕܐܫܕܗ܂
35:34 [ai]ܘܠܐ ܬܛܡܐܘܢܗܿ ܠܐܪܥܐ ܕܥܿܡܪܝܢ ܐܢܬܘܢ ܒܗܿ ܕܫܿܪܐ ܐܢܐ ܒܓܘܗܿ܂ ܡܛܠ ܕܐܢܐ ܐܢܐ ܡܪܝܐ ܕܫܿܪܐ ܐܢܐ ܒܝܢ̈ܬ ܒܢ̈ܝ ܐܝܣܪܝܠ܂

next chapter