← Back
The Comprehensive Aramaic Lexicon
Return to Search Page →
← Return to the Text Browser
click on the file description for more information
62004: P Nm

Click on a word for lexical analysis.
Click on a red-colored coordinate for comments and/or translations of the line
View in Serto
Ask AI about a passage
Hide manuscript variants

previous chapter


36:01 [ai]ܘܩܪܒܘ ܪ̈ܝܫܝ ܐ̈ܒܗܐ ܕܫܪܒܬܐ ܕܒܢ̈ܝ ܓܠܥܕ ܒܪ ܡܟܝܪ ܒܪ ܡܢܫܐ܂ ܡܢ ܫܪܒܬܐ \ܕܡܢܫܐ ܒܪ ܝܘܣܦ /ܕܝܘܣܦ#3#/܂ ܘܡܠܠܘ ܩܕܡ ܡܘܫܐ ܘܩܕܡ ܐܠܝܥܙܪ ܟܗܢܐ ܘܩܕܡ ܪ̈ܘܪܒܢܐ ܕܟܢܘܫܬܐ܂ ܪ̈ܫܐ ܕܐ̈ܒܗܐ ܕܒܢ̈ܝ ܐܝܣܪܝܠ܂
36:02 [ai]ܘܐܡܪܘ܂ ܠܡܪܢ ܦܩܕ ܡܪܝܐ ܠܡܬܠ ܐܪܥܐ ܠܝܘܪܬܢܐ/ܕܝܘܪܬܢܐ#3#/ ܒ̈ܦܨܐ ܠܒܢ̈ܝ ܐܝܣܪܝܠ܂ ܘܡܪܢ ܐܬܦܩܕ ܡܢ ܡܪܝܐ܂ ܕܢܬܠ/ܠܡܬܠ#3#/ ܝܪܬܘܬܗ ܕܨܠܦܚܕ ܐܚܘܢ ܠܒܢ̈ܬܗ܂
36:03 [ai]ܘܐܢ ܢܗ̈ܘܝܢ ܠܚܕ ܡܢ ܫܒ̈ܛܐ \ܕܒܢ̈ܝ ܐܝܣܪܝܠ /ܕܐܝܣܪܐܝܠ#3#/ ܢܫ̈ܐ܂ ܬܬܒܨܪ ܝܪܬܘܬܗܝܢ ܡܢ ܝܪܬܘܬܐ ܕܐܒܘܗܝܢ܂ ܘܬܬܘܣܦ ܥܠ ܝܪܬܘܬܐ ܕܫ̈ܒܛܐ ܕܢܗ̈ܘܝܢ ܠܗܘܢ܂ ܘܡܢ ܦܨܬܐ ܕܝܪܬܘܬܢ ܬܬܒܨܪ܂
36:04 [ai]ܘܐܢ ܢܗܘܐ ܦܘܢܝܐ ܠܒܢ̈ܝ ܐܝܣܪܝܠ܂ ܬܬܘܣܦ ܝܪܬܘܬܗܝܢ ܥܠ ܝܪܬܘܬܐ ܕܫ̈ܒܛܐ ܕܢܗ̈ܘܝܢ ܠܗܘܢ܂ ܘܡܢ ܝܪܬܘܬܐ ܕܫܒܛܐ ܕܐܒܘܗܝܢ ܬܬܒܨܪ ܝܪܬܘܬܗܝܢ܂
36:05 [ai]ܘܦܩܕ ܡܘܫܐ ܠܒܢ̈ܝ ܐܝܣܪܝܠ܂ ܡܢ ܡܠܬ ܦܘܡܗ ܕܡܪܝܐ ܘܐܡܪ܂ ܟܐܢܐܝܬ ܡܡܠܠܝܢ ܫܒܛܐ ܕܒܢ̈ܝ ܝܘܣܦ܂
36:06 [ai]ܗܢܐ/ܗܢܘ#3#/ ܦܬܓܡܐ ܕܦܩܕ ܡܪܝܐ ܥܠ ܒܢ̈ܬܗ ܕܨܠܦܚܕ ܘܐܡܪ܂ ܕܠܡܿܢ ܕܫܿܦܪ/ܕܫܦܝܪ#3#/ ܒܥܝܢ̈ܝܗܝܢ ܢܗ̈ܘܝܢ ܢܫ̈ܐ܂ ܒܪܡ ܠܫܒܛܐ ܕܫܪܒܬܐ ܕܐܒܘܗܝܢ ܢܗܘܝܢ܂
36:07 [ai]ܘܠܐ ܬܬܟܪܟ ܝܪܬܘܬܐ \ܕܒܢ̈ܝ ܐܝܣܪܐܝܠ /ܕܐܝܣܪܐܝܠ#3#/ ܡܢ ܫܒܛܐ ܠܫܒܛܐ ܐܚܪܢܐ܂ ܐܠܐ ܓܒܪ ܒܝܪܬܘܬܐ ܕܫܒܛܐ ܕܐܒܘܗܝ ܢܬܢܩܦܘܢ ܒܢ̈ܝ ܐܝܣܪܝܠ܂
36:08 [ai]ܘܟܠ ܒܪܬܐ ܕܝܪܬܐ ܝܘܪܬܢܐ ܡܢ ܫ̈ܒܛܐ ܕܒܢ̈ܝ ܐܝܣܪܝܠ܂ ܠܚܕ ܡܢ \ܫܪܒܬܐ ܕܫܒܛܐ /ܫ̈ܒܛܐ ܕܫܪܒܬܐ#3#/ ܕܐܒܘܗܿ ܬܗܘܐ ܐܢܬܬܐ܂ ܕܢܐܪܬܘܢ ܒܢ̈ܝ ܐܝܣܪܝܠ ܐܢܫ ܝܪܬܘܬܐ ܕܐܒܘܗܝ܂
36:09 [ai]ܘܠܐ ܬܬܟܪܟ ܝܪܬܘܬܐ ܡܢ ܫܒܛܐ ܠܫܒܛܐ ܐܚܪܢܐ܂ ܐܠܐ ܓܒܪ ܒܝܪܬܘܬܗ ܢܬܢܩܦܘܢ ܫ̈ܒܛܐ ܕܒܢ̈ܝ ܐܝܣܪܝܠ܂
36:10 [ai]ܘܐܝܟ/ܘܐܝܟܢܐ#3#/ ܕܦܩܕ ܡܪܝܐ ܠܡܘܫܐ܂ ܗܟܢܐ ܥܒܕ ܒܢ̈ܬܗ ܕܨܠܦܚܕ܂
36:11 [ai]ܘܗܘܝ ܡܚܠܐ ܘܬܪܨܐ܂ ܘܚܓܠܐ ܘܡܠܟܐ ܘܝܥܐ \ܒܢ̈ܬ ܨܠܦܚܕ /ܒܢ̈ܘܗܝ ܕܨܠܦܚܕ#3#/܂ ܠܒܢ̈ܝ ܕܕܝܗ̈ܝܢ܂
36:12 [ai]ܠܫܪܒܬܐ ܕܒܢ̈ܝ ܡܢܫܐ ܒܪ ܝܘܣܦ ܗ̈ܘܝ ܢܫ̈ܐ܂ ܘܗܘܬ ܝܪܬܘܬܗܝܢ ܥܠ ܫܒܛܐ ܕܫܪܒܬܐ ܕܐܒܘܗܝܢ܂
36:13 [ai]ܗܠܝܢ ܦܘܩ̈ܕܢܐ ܘܢܡ̈ܘܣܐ ܘܕܝ̈ܢܐ܂ ܕܦܩܕ ܡܪܝܐ ܒܐܝܕܐ ܕܡܘܫܐ ܥܠ ܒܢ̈ܝ ܐܝܣܪܝܠ܂ ܒܥܪܒܘܬ ܡܘܐܒ ܕܥܠ ܝܘܪܕܢܢ ܕܐܝܪܝܚܘ܂